Morgunblaðið - 04.06.2002, Side 60

Íslandsmótið
í hreysti
ÞRÍR af sex keppendum sem
gengust undir lyfjapróf á
Íslandsmótinu í hreysti
(Fitness) féllu á prófinu sam-
kvæmt heimildum Morgun-
blaðsins. Tvö jákvæð sýni
komu frá keppendum í karla-
flokki og eitt frá keppanda í
kvennaflokki. Þrír efstu í
hvorum flokki fyrir sig voru
lyfjaprófaðir.
Mótið fór fram á Akureyri
30. mars sl. og voru keppend-
ur 24, 18 karlar og 8 konur.
Samkvæmt heimildum Morg-
unblaðsins er um að ræða vef-
aukandi vaxtarhormón í
tveimur tilvikum en í einu til-
viki efidrín, sem er örvandi
efni.
Úrslit mótsins í uppnámi?
Búast má við að úrslit Ís-
landsmótsins séu í uppnámi af
þessum sökum og reikna verði
stig keppenda að nýju.
Sigurður Gestsson, einn af
skipuleggjendum mótsins,
sagði í gær að unnið væri að
því að stofna nýtt sérsamband
innan ÍSÍ á næstu misserum
fyrir íþróttina og lyfjaprófin
væru hluti af þeirri undirbún-
ingsvinnu.
Þrír af
sex féllu á
lyfjaprófi
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 ÞRIÐJUDAGUR 4. JÚNÍ 2002 VERÐ Í LAUSASÖLU 190 KR. MEÐ VSK.
NÁTTÚRUVERND ríkisins hafnar í
umsögn sinni til Skipulagsstofnunar
Norðlingaölduveitu við 575 metra yfir
sjávarmáli eða öðrum lónhæðum eins
og þeim er lýst í matsskýrslu fram-
kvæmdaraðilans, Landsvirkjunar.
Telur Náttúruvernd að nýting á efri
hluta Þjórsár sé ekki viðunandi þar
sem hún hafi í för með sér frekari
skerðingu á Þjórsárverum. Þess má
geta að Náttúruvernd ríkisins, áður
Náttúruverndarráð, hefur fallist á
aðrar virkjanir og lón í Þjórsá og
Tungná, sem hafa farið í mat á um-
hverfisáhrifum. Heyrir forstjóri
stofnunarinnar, Árni Bragason, beint
undir umhverfisráðherra, og er Nátt-
úruvernd ríkisins m.a. ætlað að hafa
eftirlit með náttúru landsins, hafa
umsjón með náttúruverndarsvæðum
og gerð skipulagsáætlana fyrir þau
svæði, og veita framkvæmdum um-
sögn.
Tekið undir með meirihluta
Þjórsárveranefndar
Náttúruvernd ríkisins telur enn-
fremur að umtalsverð umhverfisáhrif
verði vegna Norðlingaölduveitu og að
náttúruverndargildi Þjórsárvera
muni „rýrna óhæfilega“. Er þar tekið
undir með meirihluta Þjórsárvera-
nefndar, sem beindi því til Náttúru-
verndar ríkisins að heimila ekki frek-
ari virkjunarframkvæmdir í Þjórs-
árverum. Meirihlutann í málinu
skipuðu Gísli Már Gíslason prófessor,
Már Haraldsson, fulltrúi Gnúpverja-
hrepps, og Sveinn Ingvarsson, full-
trúi Afréttarmálafélags Flóa og
Skeiða.
Minnihluti Þjórsárveranefndar,
skipaður þeim Agnari Olsen frá
Landsvirkjun og Jónasi Jónssyni,
fulltrúa Ása- og Djúpárhrepps, skil-
aði öðru áliti um Norðlingaölduveitu.
Agnar sagði við Morgunblaðið að
minnihlutinn hefði talið að með
minnkun lónsins úr 581 metra hæð yf-
ir sjó niður í 575 metra væru um-
hverfisáhrifin viðunandi. Saman gætu
farið nýting og verndun á svæðinu.
Í umsögn sinni leggur Náttúru-
vernd ríkisins áherslu á 26 atriði, sem
rökstudd eru sérstaklega í greinar-
gerð. Þar segir m.a. að Þjórsárver
hafi verið stórlega skert með 1. til 5.
áfanga Kvíslaveitna. Ekki verði séð á
matsskýrslu Landsvirkjunar að
þeirri skerðingu hafi verið gerð skil
eða gerður sé samanburður við
grunnástand, þ.e. ástandið áður en
virkjunarframkvæmdir hófust í
Þjórsárverum.
Þá segir í umsögninni að áhrif
virkjunarinnar á fossa verði umtals-
verð, rannsóknir vanti um vistfræði-
lega þýðingu smádýralífs á svæðinu,
straumvötn muni hverfa á stórum
köflum í og við Þjórsá, misræmi er
sagt í tölum um stofnstærð heiðar-
gæsar, áhrif á ferðamennsku verði
neikvæð og bæði huglæg og hlutlæg
áhrif af Norðlingaöldu á landslag eru
sögð stórlega vanmetin af Lands-
virkjun.
Náttúruvernd ríkisins hafnar Norðlingaölduveitu í umsögn sinni
Telur frekari skerðingu
Þjórsárvera ekki viðunandi
UMFERÐARTEPPA myndaðist í
Grafarvogi í gærmorgun og aftur
síðdegis í gær, en vegna vegafram-
kvæmda við Víkurveg var allri um-
ferð úr Grafarvogi beint um Gull-
inbrú. Samkvæmt upplýsingum frá
umferðarlögreglunni er unnið við
mislæg gatnamót á Vesturlands-
vegi en framkvæmdirnar miða að
því að greiða fyrir umferð í Graf-
arvog. Lögreglan segir að umferð-
in úr Grafarvogi hafi verið mest
milli 7 og 9 í gærmorgun og muni
lokunin að öllum líkindum standa
til 10. júní, þótt mögulegt sé að góð
veðurskilyrði verði til þess að
framkvæmdum ljúki eitthvað fyrr.
Möguleiki sé á að opnuð verði leið
út á Vesturlandsveg frá Grafarvogi
norðan við Víkurveg, til að minnka
umferðartafir. Lögreglan segir að
búið hafi verið að láta fólk vita af
lokununum og allt hafi verið vel
merkt en mælir með því að fólk
leggi af stað til vinnu örlítið fyrr en
venjulega til að forðast mestu um-
ferðarteppuna.
Samkvæmt upplýsingum frá
Umferðarráði hefur fólk lent í tölu-
verðum vandræðum þar sem það
hefur tafist vegna lokananna. Allt
sé hins vegar gert sem hægt er af
hálfu lögreglu svo umferð megi
ganga sem best, en ljóst sé að fólk
sé lengur á leiðinni en venjulega
vegna framkvæmdanna.
Morgunblaðið/Jim Smart
Vegna framkvæmda við Víkurveg verður allri umferð úr Grafarvogi beint um Gullinbrú. Þeir sem eiga leið úr eða í Grafarvog ættu því að vera við-
búnir því að ferðalagið geti tekið lengri tíma en venjulega. Viðbúið er að sérstakrar þolinmæði verði þörf á þessum leiðum næstu 10 daga eða svo.
Umferðarteppa
í Grafarvogi
ÞRESTIR hafa löngum búið sér til
hreiður í nábýli við menn og þrasta-
mamma á myndinni er þar engin
undantekning. Til hennar sást í
runna við Morgunblaðshúsið þar
sem hún lét fara vel um sig en nú
stendur yfir annað af þremur varp-
tímabilum þrastarins á hverju
sumri.
Morgunblaðið/Arnaldur
Stund milli
stríða
ÁRNI M. Mathiesen sjávarútvegs-
ráðherra segir að ekki verði dregið
frekar úr sókn í þorsk umfram það
sem núgildandi aflaregla segir til um
og ekki sé tímabært að breyta afla-
reglunni fyrr en endurskoðun á
henni er lokið.
Ekki dregið
frekar úr
sókn í þorsk

Aflareglur/30–31
GENGI hlutabréfa deCODE, móð-
urfélags Íslenskrar erfðagreiningar,
lækkaði um 13,98% á Nasdaq-hluta-
bréfamarkaðinum í New York í gær.
Lokagengi bréfanna var 4,05 Banda-
ríkjadalir og hefur gengi þeirra aldr-
ei verið lægra.
Frá síðustu áramótum hefur gengi
hlutabréfa deCODE lækkað um 60%
en gengið var þá í kringum 10 dalir á
hlut.
Gengi deCODE
lægra en nokkru
sinni fyrr
♦ ♦ ♦