Morgunblaðið - 20.06.2002, Blaðsíða 8

FRÉTTIR
8 FIMMTUDAGUR 20. JÚNÍ 2002 MORGUNBLAÐIÐ
Sumardagskrá Árbæjarsafnsins
Skyggnst inn í
fortíðina
SUMARDAGSKRÁÁrbæjarsafns erkomin á fullt skrið.
Að mörgu er að hyggja við
skipulag sumarstarfsins,
ekki síst að vekja áhuga
almennings á sífellt nýjum
þáttum í sögu borgarinnar
og bjóða upp á fjölbreytta
skemmtun og fróðleik í
senn. Margar nýjungar
má sjá í starfinu á hverju
sumri, enda úr miklu að
moða. Gerður Róberts-
dóttir, deildarstjóri
fræðsludeildar Árbæjar-
safns, sagði okkur nánar
frá sumarstarfinu.
Hverjar eru helstu nýj-
ungarnar í starfinu í sum-
ar?
„Það sem kemur fyrst
upp í hugann eru örnám-
skeið í tálgun og tóvinnu sem við
ákváðum að bjóða upp á í sumar.
Hugmyndin kviknaði þegar við
sáum hve mikinn áhuga gestir
safnsins sýndu störfum fólks sem
sat við vinnu sína í Árbæ, til
dæmis við að spinna og tálga. Við
ákváðum að bregðast við þessum
áhuga með því að bjóða upp á
kennslustundir í tóvinnu, tálgun í
tré og spuna á halasnældu.“
Hverja fenguð þið í kennsluna?
„Við leituðum til fagfólks í
þessum efnum til þess að leið-
beina gestum, enda er það kúnst
að kenna handverk. Við vönduð-
um okkur mjög við val á leiðbein-
endum. Bjarni Þór Kristjánsson
sér um tálgunina, en hann hefur
oft unnið hjá okkur á sýningum,
og er margt til lista lagt. Þrjár
konur sjá um tóvinnuna, Anna
Lilja Jónsdóttir, Marianne Gück-
elsberger og Anna María Lind
Geirsdóttir, og skiptast þær á um
að kenna á námskeiðunum. Þær
eru allar í áhugahópi um tóvinnu
og hafa kynnt sér handverkið
vel.“
Námskeiðin eru stutt, ekki
satt?
„Jú, við hjá safninu ákváðum
að hafa námskeiðin stutt og skýr
til þess að fólk gæti auðveldlega
kynnt sér grunnatriði í þessu
handverki. Til dæmis fær fólk að
kynnast tóvinnunni, átta sig á
muninum á togi og þeli, kemba og
spinna á snælduna að því loknu.
Þetta hafa fáir fengið að prófa og
okkur langar til að koma til móts
við óskir gesta okkar.“
Þið hvetjið afann og ömmuna
til að koma með barnabörnin.
„Já, námskeiðin eru haldin frá
kl. 13-16, sem við vitum að hentar
vel öfum, ömmum og foreldrum í
sumarfríi. Við hvetjum fjölskyld-
una til að nýta sér námskeiðin
sem skemmtilega tilbreytni í
sumarfríinu, eða að afinn og
amman njóti samvista með
barnabörnunum áður en foreldr-
arnir eru komnir í frí.“
Hve oft verða námskeiðin hald-
in?
„Þau hófust 19. júní, en eru aft-
ur í dag, 20. júní, frá kl. 13-16.
Næstu helgi verður einnig nám-
skeið sem og í næstu
viku, og loks verður
þráðurinn tekinn upp í
júlí. Við bendum gest-
um okkar á að hafa
samband við safnið,
eða skoða dagskrána á vef safns-
ins.“
Segðu okkur meira frá sumar-
dagskrá safnsins.
„Við viljum gæta frumleika í
sumarstarfi safnsins til þess að
hafa alltaf upp á eitthvað nýtt að
bjóða. Gestir eiga að geta séð
fjölbreytt starf og fengið marg-
víslegan fróðleik á safndeildum.
Gestir eru mjög fróðleiksþyrstir
og viljum við bregðast vel við því.
Safninu er mjög mikilvægt að
halda sér lifandi, og beitum við
öllum ráðum til þess að koma
gestum okkar skemmtilega á
óvart í hvert sinn sem þeir heim-
sækja okkur. Það er hægt að
koma aftur og aftur.“
Hvað er nýtt á dagskrá hjá
ykkur í sumar?
„Sjónleikurinn Spekúlerað á
stórum skala var fyrst sýndur á
listahátíð og verður sýndur á
sunnudögum kl. 2 í sumar og hef-
ur vakið mikla lukku. Þar er
brugðið upp svipmyndum af
mannlífinu í Reykjavík á síðari
hluta 19. aldar, og fólkið sem lifði
í húsunum hér á safninu vappar
um svæðið.“
Aftur um örnámskeiðin, þarf
að skrá sig á þau?
„Já, þátttakendur eru beðnir
um að skrá sig í námskeiðin með
því að hafa samband við Árbæj-
arsafn í síma 577 1111, og athuga
verður að gert er ráð fyrir að
börn séu í fylgd fullorðinna.“
Einnig verður dagskrá núna á
Jónsmessunni, hvað gerist þá?
„Já, um helgina verður margt
um að vera, að vanda. Á sunnu-
daginn er sérstakur handverks-
dagur þar sem sjá má handverks-
fólk að störfum. Sýnt verður
gamalt handverk, útskurður, eld-
smíði, knipl og útsaumur, svo
eitthvað sé nefnt. Svo
verður farið í fræðandi
Jónsmessunætur-
göngu á sunnudags-
kvöld um Elliðaárdal-
inn. Ég hvet alla til að
mæta í hressandi kvöldgöngu
sem lagt verður af stað í kl. 10 um
kvöldið frá miðasölu safnsins.“
Í sambandi við dagskrá safns-
ins er áhugasömum bent á að
hafa samband um síma eða sjá
dagskrána á vef safnsins,
www.arbaejarsafn.is. Safnið er
opið þriðjudaga til föstudaga í
sumar frá kl. 9 til 17 og um helg-
ar frá kl. 10 til 18.
Gerður Róbertsdóttir
 Gerður Róbertsdóttir er fædd
á Akureyri 1961. Hún lauk stúd-
entsprófi frá Menntaskólanum á
Akureyri, BA-prófi í sagnfræði
frá Háskóla Íslands og uppeldis-
og kennslufræði frá sama skóla.
Gerður stundaði einnig nám í
listasögu við Kaupmannahafn-
arháskóla. Starfaði við kennslu í
Árbæjarskóla en hefur unnið í
Árbæjarsafni undanfarin fimm
ár, fyrst sem safnkennari en nú
sem deildarstjóri fræðsludeildar.
Hún hefur umsjón með
fræðslustarfi, sumarstarfsemi
safnsins og jólasýningu. Gerður
er gift Óðni Jónssyni frétta-
manni og eiga þau tvær dætur,
Bryndísi og Hrefnu.
Fjölbreytt
dagskrá í allt
sumar
Vonandi láta stjórnmálamenn ekki þar við sitja, mörgum góðum væri nú hægt að bjóða
enn, svona til að lífga enn betur upp á þjóðlífið.
Heilbrigðismálaráðherrar Norð-
urlandanna gengu frá samkomulagi
um viðbrögð á sviði heilbrigðismála
með því að undirrita formlegan
samning á fundi sínum í Svolvær í
Noregi. Samningurinn þýðir að
Norðurlöndin skuldbinda sig til að
vinna náið saman á sviði heilbrigð-
isviðbúnaðar og hjálpast að komi til
þess að eitt eða fleiri ríki verði fyrir
árás, eða ef upp kemur hætta, sem
stafar af notkun eða merðferð
sýkla-, eitur- og geislavirkra efna.
Unnið hefur verið að gerð samn-
ingsins frá því að atburðirnir urðu í
Bandaríkjunum 11. september
2001.
„Norðurlandaþjóðirnar skuld-
binda sig samkvæmt samningnum
til að skiptast á upplýsingum um
reynslu sína og þekkingu og vinna
að hvers konar þróunarstarfi á
þessu sviði heilbrigðismála. Þá er
lögð áhersla á að þjóðirnar skiptist
á upplýsingum um þær breytingar
og aðstæður sem skapast í hverju
landi á sviði heilbrigðisviðbúnaðar.
Með samningnum verður sömuleiðis
til formlegur samstarfsvettvangur
landanna þar sem unnt verður að
auka formlegt samstarf Norður-
landanna á sviði heilbrigðismála af
þessu tagi. Samstarfið verður nú
sjálfstæður hluti af samstarfi Norð-
urlandanna á vegum Norræna ráð-
herraráðsins. Um þessar mundir
vinna sérfræðingar á Norðurlönd-
um að samstarfi á ýmsum sviðum
varna og viðbúnaðar gegn vá af
völdum sýkla, eiturefna og geisla-
virkra efna í anda þessa samnings.
Samningurinn er viðbót við samn-
ing um skyld mál sem gerður var
20. janúar 1989 og var gerður að
frumkvæði heilbrigðismálaráðherr-
anna eftir atburðina 11. september
sl. Með samstarfi Norðurlandaþjóð-
anna á þessu sviði verður unnt að
tryggja öruggari heilbrigðisviðbún-
að með minni tilkostnaði en hægt
hefði verið ef þjóðirnar hefðu hver
fyrir sig gripið til þeirra aðgerða
sem nauðsynlegar eru á þessu sviði.
Davíð Á. Gunnarsson, ráðuneyt-
isstjóri í heilbrigðis- og trygginga-
málaráðuneytinu, ritaði undir samn-
inginn fyrir hönd Íslands í fjarveru
Jóns Kristjánssonar, heilbrigðis- og
tryggingamálaráðherra, en hann og
Haraldur Briem, sóttvarnalæknir,
hafa undirbúið málið fyrir hönd
heilbrigðismálaráðuneytisins,“ seg-
ir í fréttatilkynningu frá heilbrigðis-
og tryggingamálaráðuneytinu.
Heilbrigðissamstarf Norðurlandaþjóðanna eflt
Samningur um
heilbrigðisviðbúnað