Morgunblaðið - 09.07.2002, Blaðsíða 11
FRÉTTIR
MORGUNBLAÐIÐ ÞRIÐJUDAGUR 9. JÚLÍ 2002 11
FYRIR GARÐEIGENDUR SEM VILJA GÓÐ VERKFÆRI
SLÁTTUORF
ÞAR SEM GÓÐU GARÐVERKFÆRIN FÁST
31 cc
Létt og lipur.
Fyrir sumarbústaðinn og heimilið.
Öflugt hörkuorf
fyrir alvöru sláttumenn.
Sú mest selda.
3,5 hp - 6 hp
SLÁTTUORF GARÐSLÁTTUVÉAR
Verð
aðeins
kr.13.900.-
Verð frá
kr.17.500.-
REYKJAVÍK: Ármúla 11 - Sími 568-1500 AKUREYRI: Lónsbakka, Glæsibæjarhreppi - Sími 461-1070
RÚSSNESKA varðskipið Múrmansk
kom í opinbera heimsókn til Íslands
á vegum Landhelgisgæslunnar á
sunnudaginn og verður það við
bryggju Landhelgisgæslunnar við
Ingólfsgarð í Reykjavík til 11. júlí
nk. Skipið verður til sýnis fyrir al-
menning í dag frá kl. 10–12 og frá
kl. 15–17 og á morgun frá kl. 10–12
og frá kl. 15–17.
Múrmansk er 70 metra langt, 18
metra breitt og um 3.500 tonn að
stærð. Heimahöfn skipsins er Múrm-
ansk en þaðan lagði skipið af stað í
lok júní. Í áhöfn eru 90 manns. Þar
af eru 10 yfirmenn, 12 liðþjálfar og
60 undirmenn. Að auki kom 6 manna
sendinefnd frá höfuðstöðvum rúss-
nesku strandgæslunnar með skip-
inu. Fyrir nefndinni fer Logvinenko
aðmíráll sem er næstæðsti yfirmað-
ur stofnunarinnar.
Múrmansk
til sýnis
Morgunblaðið/Árni Sæberg
Rússneska varðskipið Múrmansk.
ÞORBERGUR Eysteinsson, fram-
kvæmdastjóri Íþróttafélags Reykja-
víkur, ÍR, telur að í umræðu um
framkvæmdir Orkuveitunnar á
Hengilssvæðinu hafi komið fram sú
mistúlkun að ÍR-ingum beri að sanna
eignarrétt sinn á landinu. Hann segir
engan vafa leika á honum þar sem
það hafi alltaf legið fyrir þinglýst
skjöl hjá sýslumanninum á Selfossi
vegna spildunnar.
Hann segir það grundvallaratriði
að Orkuveitan hafi hafið framkvæmd-
ir á þinglýstu eignarlandi án þess að
leita eftir samþykki landeiganda.
„Við skrifuðum þeim og kröfðum
þá skýringa af hverju þeir væru að
grafa þarna án leyfis. Við höfum ekki
talað um sölu á landi og erum ein-
göngu að gera athugasemdir við
þessar framkvæmdir,“ bendir Þor-
bergur á.
Vilja að málið verði
leyst í góðu
Hann bætir við að Orkuveitan hafi
svarað með bréfi þar sem fram komi
að landið sé eign þeirra og hafi verið
innifalið í kaupunum á Kolviðarhóls-
landi 1954. Að hans sögn hefur þessi
málatilbúnaður verið hrakinn og nú
er það mat Orkuveitunnar að landið
sé þjóðlenda og þar af leiðandi eign
ríkisins. „Það má vel vera að ríkið
geri tilkall til þessarar spildu en ég
held að það sé ekki í verkahring
Orkuveitunnar að breyta eignarétti
manna og gangast fyrir því að þriðji
aðili eignist land, þannig að þetta er
orðið svolítið snúið og þversagna-
kennt.“
Þorbergur segir að ÍR sé eigandi
landsins þangað til búið sé að úr-
skurða hvort það sé þjóðlenda eða
ekki, en bætir jafnframt við að hann
viti ekki hvort það standi til að
óbyggðanefnd úrskurði um eignar-
réttindin á landinu.
Hann telur að málið hefði horft
öðruvísi við hefði Orkuveitan beðið
ÍR um leyfi til framkvæmda í upp-
hafi. „Við erum ekki að fara fram á
neitt annað en að eignarétturinn sé
virtur,“ ítrekar hann og segir að svo
geti farið að ÍR leiti réttar síns ef
Orkuveitan haldi áfram framkvæmd-
um sínum. Hann bendir þó á að auð-
vitað sé það fyrst og fremst vilji ÍR-
inga að málið verði leyst í góðu.
Þorbergur vill einnig að það komi
fram að margir aðilar virði eignarrétt
þeirra á landinu og þinglýstir leigj-
endur þeirra séu Landssíminn, Tal og
Lína.Net, auk þess sem ÍTR hafi
fengið byggingarleyfi á landinu. „Við
erum þannig með fordæmi sem sýna
að við erum eigendur að landinu,“
segir hann.
Deilur ÍR og Orkuveitunnar um eignarhald á Hengilsvæðinu
Hóf framkvæmdir án
samþykkis landeiganda
40 UMSÓKNIR um nám í Lögreglu-
skóla ríkisins hafa verið samþykktar
fyrir næsta skólaár en umsóknar-
frestur rann út 30. júní. 161 umsókn
barst skólanum og að auki allnokkrar
eftir að umsóknarfrestur rann út. 130
umsækjendur voru taldir hæfir og 40
valdir úr þeim hóp.
Gunnlaugur Snævarr yfirlögreglu-
þjónn hjá lögregluskólanum segir að
hlutfall kvenna meðal nýnema sé 20%
og fari lítillega lækkandi frá því í
fyrra. Hann segir aðsóknina að skól-
anum óvanalega mikla í ár, en til sam-
anburðar komu 122 umsóknir í fyrra.
Hann segir skýringuna á auknum
áhuga fólks á lögreglunámi vera að
finna í bættum kjörum lögregluþjóna
og mikil umfjöllun um lögregluna hafi
líka sitt að segja. Meðalaldur nýnema
er um 25 ár.
Umsækjendur að lögreglunámi
skulu vera íslenskir ríkisborgarar, og
mega ekki hafa gerst brotlegir við
refsilög. Það gildir þó ekki ef brot er
smávægilegt eða langt er síðan það
var framið. Þá skulu umsækjendur
m.a. vera andlega og líkamlega heil-
brigðir og standast inntökupróf með
áherslu á íslensku og þrek, að því er
segir í lögreglulögum.
Mikil að-
sókn að
lögreglu-
skólanum
NORRÆNA ráðherranefndin hefur
sent Morgunblaðinu ályktun þar sem
andmælt er háum gjöldum bank-
anna. Í henni segir:
„Norrænir ráðherrar gerðu til-
raun með að senda peninga milli
Norðurlanda og komust þannig sjálf-
ir að raun um að gjaldtaka bankanna
er há og að afgreiðslutíminn er lang-
ur. Draga verður úr landamæra-
hindrunum af þessu tagi.
Frá samstarfsráðherrum í Nor-
rænu ráðherranefndinni, Svein Lud-
vigsen, Noregi, sitjandi formanni í
Norrænu ráðherranefndinni, Siv
Friðleifsdóttur, Íslandi, Jan-Erik
Enestam, Finnlandi, Olof Erland,
Álandseyjum, Leif Pagrotsky, Sví-
þjóð, Flemming Hansen, Danmörku,
Høgna Hoydal, Færeyjum, og Lise
Lennert, Grænlandi.
Við, sem gegnum embætti nor-
rænna samstarfsráðherra, höfðum
fregnir af því í byrjun árs, bæði frá
Sambandi norrænu félaganna og frá
Norðurlandaráði, að vandasamt væri
að millifæra peninga milli norrænu
landanna. Þóknun og annar kostnað-
ur var sagður of hár, upplýsingar um
gjaldtöku og skilmála skorti og sagt
var að sá tími sem færi í að afgreiða
millifærslur væri í mörgum tilvikum
óeðlilega langur.
Til þess að átta okkur betur á
vandamálinu ákváðum við samstarfs-
ráðherrarnir að millifæra peninga
hver til annars. Því miður varð það
lærdómsríkt. Gegnum viðskipti okk-
ar við hina ýmsu banka sannfærð-
umst við um að framangreind vanda-
mál ættu sér stoð í veruleikanum.
Það tók okkur til dæmis sjö daga
að millifæra 200 norskar krónur frá
Noregi til Finnlands, og þóknunin
var 75 norskar krónur.
Í öðru tilviki tók það okkur fimm
daga að millifæra 200 danskar krón-
ur frá Svíþjóð til Grænlands og þókn-
unin var 160 sænskar krónur.
Þegar á heildina er litið var af-
greiðslutíminn 2–7 dagar og þóknun
til bankanna nam 25–80% af þeim
u.þ.b. 200 norsku krónum sem milli-
færðar voru.
Þóknun til bankans var 80% af
millifærðri upphæð frá Svíþjóð til
Grænlands, 76% frá Grænlandi til Ís-
lands og 75% frá Íslandi til Álands-
eyja. Frá Álandseyjum til Danmerk-
ur og frá Finnlandi til Færeyja var
þóknunin 53%, frá Noregi til Finn-
lands var hún 37,5% og frá Dan-
mörku til Noregs 35%. Loks nam
þóknunin 25% af millifærslunni frá
Færeyjum til Svíþjóðar.
Norrænu samstarfsráðherrarnir
vilja fá bankana til þess að lækka
hina háu þóknun sem tekin er fyrir að
millifæra peninga milli Norðurlanda.
Mikill fjöldi Norðurlandabúa þarf að
treysta á að bankamillifærslur gangi
greiðlega fyrir sig og að gjaldtaka sé
sanngjörn þegar þeir ákveða að flytja
frá einu norrænu landi til annars til
þess að stunda atvinnu eða nám. Um
þessar mundir er þetta einmitt val
margra á tímum þegar Evrópusam-
runi og hnattvæðing eru kjörorð
dagsins.
Í ár höldum við upp á það að 50 ár
eru liðin frá því að Norðurlönd hófu
formlegt samstarf sín á milli. Í þeim
efnum höfum við náð langt. Norður-
lönd voru á undan Evrópusamband-
inu með að greiða fyrir frjálsri för
þegna sinna þegar þau tóku upp
vegabréfasamstarf, sameiginlegan
vinnumarkað og veittu réttindi til
þess að stunda nám eða atvinnu í öðr-
um norrænum ríkjum. Það verður þó
að viðurkennast að landamærahindr-
anir eru enn við lýði. Þar höfum við
verk að vinna.
Við, sem samstarfsráðherrar, höf-
um nú ritað bankageiranum á Norð-
urlöndum bréf þar sem við hvetjum
til þess að þóknun bankanna fyrir að
annast peningagreiðslur milli nor-
rænu landamæranna verði lækkuð
og afgreiðslutíminn verði styttur. Á
þann hátt getur bankageirinn lagt
fram dýrmætan skerf til þess að
ryðja úr vegi óþarfa landamæra-
hindrunum innan Norðurlanda.“
Norræna ráðherranefndin
sendir frá sér ályktun um bankamál
Andmælir háum
gjöldum bankanna
JÓN Kristjánsson heilbrigðisráð-
herra segir að í ráðuneytinu sé verið
að fara yfir tillögur stjórnar Land-
spítala – háskólasjúkrahúss um
sparnaðaraðgerðir á spítalanum. Nið-
urstaðna úr þeirri vinnu sé ekki að
vænta fyrr en í haust.
Eins og fram hefur komið í Morg-
unblaðinu sýnir rekstraruppgjör
sjúkrahússins fyrir fyrstu fimm mán-
uði ársins að rekstur þess hafi farið
319 milljónir kr. fram yfir fjárheim-
ildir. Stjórn Landspítala sendi því
ráðherra fyrr í sumar tillögur að
sparnaðaraðgerðum sem stjórnin
leggur til að gripið verði til.
„Við munum fara yfir tillögurnar í
heild í sumar,“ segir hann. „Það mun
liggja fyrir með haustinu hvernig við
meðhöndlum spítalann í ár og hvernig
við meðhöndlum hann á næsta ári.“
Tillögur stjórnar Land-
spítala um sparnað
Niðurstaðna að
vænta í haust
♦ ♦ ♦