Morgunblaðið - 09.07.2002, Blaðsíða 17

SUÐURNES
MORGUNBLAÐIÐ ÞRIÐJUDAGUR 9. JÚLÍ 2002 17
NOKKRIR drengir hafa viðurkennt
að hafa fyrir slysni orðið valdir að
bruna í húsnæði Bakkavarar í Kefla-
vík síðastliðinn laugardag. Ekki urðu
slys á fólki en nokkrar skemmdir á
efstu hæð hússins og þaki. Hráefni
sem í húsinu var skemmdist ekki en
hugsanlegt er talið að einhverjar um-
búðir séu ónýtar, það kemur í ljós
næstu daga.
Eldur kom upp í húsi Bakkavarar
Ísland hf. við Framnesveg í Keflavík
laust eftir klukkan fjögur á laugar-
dag. Allt tiltækt lið Brunavarna Suð-
urnesja var kallað út en þar sem að-
eins sjö menn komu á staðinn, aðrir
voru í burtu, var kallað eftir aðstoð
slökkviliðanna á Keflavíkurflugvelli
og í Sandgerði. Sigmundur Eyþórs-
son slökkviliðsstjóri segir að eldur og
reykur hafi verið í risi á þriðju hæð
hússins. Þeir sem fyrstir komu á stað-
inn hafi verið hífðir upp með körfubíl
og ráðist þannig til inngöngu um
glugga og strax náð tökum á eldinum.
Eftir hafi verið glóð í plastklæðning-
um og pappa í lofti hússins og milli-
veggjum og hafi verið nokkur handa-
vinna við að rífa það og slökkva. Segir
Sigmundur að slökkvistarfi hafi verið
lokið um klukkan sex.
Sigmundur telur að framganga
þeirra slökkviliðsmanna sem fyrstir
komu á vettvang hafi komið í veg fyrir
stórbruna.
Ekki er rafmagn í húsnæðinu sem
eldurinn kom upp í og vaknaði því
fljótt grunur um að eldurinn hefði
kviknað af mannavöldum. Þá sáu ná-
grannar börn eða unglinga yfirgefa
staðinn.
Athugun rannsóknadeildar lög-
reglunnar í Keflavík leiddi í ljós að
fimm drengir á aldrinum 12–14 ára
áttu hlut að máli, mismikinn þó. Þeir
höfðu verið að leika sér með eld í hús-
næðinu og misst stjórn á honum.
Samkvæmt upplýsingum lögreglunn-
ar var um óviljaverk að ræða. Málið
er upplýst. Unglingar hafa stundum
farið inn í risið, í óleyfi.
Ljóst er að tjón hefur orðið á þaki
hússins og á efstu hæðinni sem raun-
ar stóð ónotuð. Á neðstu hæð hússins
er hrávöruvinnsla Bakkavarar, þar er
tekið á móti hrognum og þau síðan
send til fullvinnslu í húsnæði Bakka-
varar Ísland hf. í Njarðvík. Hráefni
var í kæli- og frystigeymslum en ekki
urðu skemmdir á því. Á annarri hæð-
inni, beint undir húsnæðinu sem
kviknaði í, er umbúðageymsla. Þang-
að komst reykur en ekki urðu vatns-
skemmdir á pappanum. Verið er að
reykræsta geymsluna. Ásbjörn Ól.
Ásbjörnsson, fjármálastjóri Bakka-
varar, segir að það komi í ljós síðar í
vikunni hvort umbúðirnar séu not-
hæfar. Sumarfrí standa yfir í vinnsl-
unni hjá Bakkavör og því raskast
starfsemin ekki. „Við fyrstu sýn lítur
út fyrir að þetta hafi farið eins vel og
mögulegt var fyrst þetta á annað borð
þurfti að gerast,“ segir Ásbjörn.
Komið í veg fyrir stórbruna í húsnæði Bakkavarar við Framnesveg
Viðurkenna að vera
valdir að brunanum
Ljósmynd/Víkurfréttir
Slökkviliðsmenn réðust til atlögu við eldinn úr körfu slökkvibílsins og er
það talið hafa ráðið úrslitum um hvað eldurinn náði lítið að breiðast út.
Keflavík
ÖKUMAÐUR var handtekinn í
Njarðvík á sunnudagskvöld, grunað-
ur um akstur undir áhrifum lyfja,
eftir að hann hafði ekið aftan á vöru-
bifreið á Reykjanesbraut. Þá tók lög-
reglan í Keflavík tvo ökumenn um
helgina fyrir meinta ölvun við akst-
ur.
Um klukkan hálfátta á sunnudags-
kvöld var fólksbifreið ekið aftan á
vörubifreið á Reykjanesbraut og síð-
an ekið af vettvangi. Aksturslag öku-
mannsins þótti óstöðugt og rásaði
bíllinn á veginum. Sá sem tilkynnti
um óhappið fylgdi bifreiðinni eftir
þar til lögreglan stöðvaði för hennar
á móts við Seylubraut í Njarðvík.
Ökumaðurinn var handtekinn, grun-
aður um akstur undir áhrifum lyfja,
samkvæmt upplýsingum lögregl-
unnar.
Ók á vörubíl
og hvarf af
vettvangi
Reykjanesbraut
♦ ♦ ♦
BÆJARRÁÐ Reykjanesbæjar sér
nauðsyn þess að stofna sérdeild við
grunnskólana og vísar tillögu um það
til gerð fjárhagsáætlunar fyrir
næsta ár.
Skóla- og fræðsluráð Reykjanes-
bæjar lagði fyrir nokkru til að komið
yrði á fót sérdeild fyrir þroskahaml-
aða við grunnskóla bæjarins og hafði
í huga að það yrði gert fyrir haustið.
Benti ráðið á gæsluvallarhúsið við
Brekkustíg sem mögulegt húsnæði.
Vilja stofna
sérdeild
Reykjanesbær