Morgunblaðið - 09.07.2002, Blaðsíða 23
ERLENT
MORGUNBLAÐIÐ ÞRIÐJUDAGUR 9. JÚLÍ 2002 23
MÁLFLUTNINGI í dómsmáli
gegn Winnie Madikizela-Mandela,
fyrrverandi eiginkonu Nelsons
Mandela, fyrrverandi forseta Suð-
ur-Afríku,var frestað í gær í borg-
inni Pretoríu eftir að lögmenn
hennar lögðu fram kröfu um frek-
ari upplýsingar frá saksóknara-
embættinu.
Madikizela-Mandela sætir ákæru
í 85 liðum fyrir fjársvik og þjófnað,
samtals að upphæð um einnar
milljónar randa, eða um 8,5 millj-
óna íslenskra króna. Henni er gefið
að sök að hafa notað áhrif sín og
undirskrift til að fá bankalán til
handa fólki sem hélt því ranglega
fram að það væri starfsmenn
kvennadeildar Afríska þjóðarráðs-
ins (ANC), sem Madikizela-Mand-
ela veitir forstöðu.
Hún var á síðari hluta níunda
áratugarins dæmd fyrir þátt sinn í
mannráni og morði á ungum
manni, Stompie Sepei, en áfrýj-
unardómstóll breytti sex ára fang-
elsisdómi í skilorðsbundinn dóm.
Winnie og Nelson Mandela gift-
ust árið 1958 og meðan Nelson sat
í fangelsi fyrir þátt sinn í frels-
isbaráttu svartra manna í Suður-
Afríku hélt Winnie baráttunni
áfram samhliða því að berjast fyrir
því að eiginmanni hennar yrði
sleppt úr haldi. Öðlaðist hún mikla
virðingu samlanda sinna fyrir þann
styrk sem hún sýndi á þessum ár-
um og er hún enn gífurlega vinsæl
meðal fátækra íbúa Suður-Afríku.
Máli gegn Winnie
Mandela frestað
Pretoríu. AFP.
AP
Winnie Madikizela-Mandela, fyrrverandi eiginkona Nelsons Mandela, mætir í dómshúsið í Pretoríu í fylgd stuðn-
ingsmanna sinna, en hún hefur verið ákærð fyrir fjársvik og þjófnað upp á um 8,5 milljónir íslenskra króna.
ABDULLAH Abdullah, utanríkis-
ráðherra Afganistans, sagði í gær að
morðið á varaforseta landsins, Haji
Abdul Qadir, á laugardaginn hefði
verið verk hryðjuverkamanna og gaf
í skyn að liðsmenn al-Qaeda eða Tal-
ibanahreyfingarinnar hefðu komið
að morðinu. Qadir var í gær grafinn
við hliðina á bróður sínum sem tek-
inn var af lífi af talibönum í október
síðastliðnum.
Verk
hryðju-
verka-
manna
Reuters
París. AFP.
Á myndinni sjást vinir og ættingjar Qadirs á bæn rétt áður en varafor-
setinn var lagður til hinstu hvílu á sunnudag nærri borginni Jalalabad.
MISTÖK á breskri frjósemistöð
leiddu til þess að hvít hjón eign-
uðust svarta tvíbura, að því er
breskir fjölmiðlar greindu frá í
gær. Fulltrúar stöðvarinnar hafa
ekki staðfest fréttina, en sett hefur
verið lögbann á að nöfn málsaðila
séu birt, og þykir það benda til að
fréttin eigi við rök að styðjast.
Í fréttum blaðsins The Sun segir
að hvíta móðirin vilji halda börn-
unum, því hún hafi myndað tengsl
við þau, og að framundan kunni að
vera lagaleg barátta um hverjir
séu hinir „raunverulegu“ foreldrar
tvíburanna.
Fulltrúi Læknasamtaka Bret-
lands sagði að málið, sem er talið
hið fyrsta sinnar tegundar í Bret-
landi, væri „harmleikur fyrir alla
sem það varðar“. Fulltrúinn bætti
við: „Það verður alger martröð fyr-
ir dómstólana að skera úr um hvað
skuli gera í þessu. Á grundvelli
laga um fósturforeldri ættu börnin
að tilheyra konunni sem fæddi þau,
en þetta er sérstakt mál.“
Mistök við frjósemisaðgerð í Bretlandi
Hvít hjón eignuðust
þeldökka tvíbura
London. AFP.