Morgunblaðið - 09.07.2002, Blaðsíða 41
MINNINGAR
MORGUNBLAÐIÐ ÞRIÐJUDAGUR 9. JÚLÍ 2002 41
legustu samúð. Ljósið í ykkar lífi
eru ljúfar minningar um dásamlega
mömmu, ömmu, tengdamóður og
systur. Guð styrki okkur öll til að
takast á við sorgina. Við varðveitum
minningu Ragnheiðar, Guð gefi
henni frið. Börn Millu,
Áslaug, Haukur, Ragnheiður,
Katrín, Geirþrúður, Elías
og fjölskyldur.
Í hendi Guðs er hver ein tíð,
í hendi Guðs er allt vort stríð,
hið minnsta happ, hið mesta fár,
hið mikla djúp, hið litla tár.
(M.J.)
Óvænt og ótímabært andlát ynd-
islegrar vinkonu okkar, Ragnheiðar
G. Thorsteinsson, kom sem reiðar-
slag. Það er erfitt að sætta sig við
þessa sorglegu staðreynd, því Ragn-
heiður hafði alla tíð verið heilsu-
hraust og gat okkur á engan hátt
grunað að svo stutt væri í kveðju-
stund. Við vorum ungar að árum
þegar leiðir okkar lágu fyrst saman
í Verslunarskóla Íslands. Sú vinátta,
sem þá var stofnað til, var byggð á
traustum grunni og hefur þar aldrei
fallið skuggi á.
Ógleymanlegir eru skóladagarnir,
þegar væntingar til lífsins og tilver-
unnar eru mestar. Þá eignuðumst
við marga vini og kunningja sem
halda hópinn enn í dag. Samheldni
hefur ávallt ríkt hjá VÍ’49. Við vor-
um fimm vinkonurnar sem héldum
áfram að hittast reglulega og þann-
ig urðum við þátttakendur í lífs-
hlaupi hver annarrar. Ragnheiður
er önnur úr þessum vinkvennahópi
sem fellur frá. Véný Viðarsdóttir
vinkona okkar lést 1. mars 1993 og
er þeirra beggja nú sárt saknað.
Ragnheiður giftist skólabróður
sínum Gísla Theodórssyni. Þau slitu
samvistir. Síðar gekk hún í hjóna-
band með Sveini Björnssyni, skó-
kaupmanni og forseta ÍSÍ, og eign-
uðust þau tvo syni. Einnig gekk hún
tveimur börnum Sveins frá fyrra
hjónabandi í móðurstað. Sveinn lést
í september 1991 eftir mjög erfið
veikindi og annaðist hún mann sinn
af þeirri hugulsemi, alúð og gæsku
sem ætíð einkenndi hana. Jafnframt
því að sinna heimilisstörfum vann
Ragnheiður lengst af við bókhald,
nú síðustu 10 árin sem aðalbókari
hjá Sýslumannsembættinu í
Reykjavík. Hún lauk stúdentsprófi
frá Öldungadeildinni í Hamrahlíð og
síðustu tvö ár stundaði hún ís-
lenskunám við Háskóla Íslands sem
hún hugðist ljúka næsta vor.
Ragnheiður var glæsileg kona og
góðum gáfum gædd. Andleg verð-
mæti og mannleg samskipti mat
hún meir en veraldleg gæði. Hún
var sífellt að bæta við þekkingu sína
og hafði brennandi áhuga á mál-
efnum líðandi stundar. Hún lét sér
annt um þá sem minna máttu sín og
miðlaði til margra af óeigingirni,
góðsemi og umhyggju.
Fyrir tæpu ári flutti Ragnheiður í
nýtt húsnæði á Boðagranda 2 og
hafði hún nýlokið við að búa sér
framtíðarheimili þar sem hverjum
hlut var valinn staður af þeirri kost-
gæfni og fáguðu smekkvísi sem
henni var svo eiginleg. Hún bjó sig
vel undir starfslokin, sem voru í
apríl sl., og framundan átti að verða
meiri tími til að njóta lífsins. Er því
sárt til þess að hugsa að svo snögg-
lega var bundinn endi á líf hennar.
Minningarnar þjóta í gegnum
hugann og er erfitt að hugsa sér
framtíðina án Ragnheiðar vinkonu
okkar. Það er mikil lífsreynsla að
missa svo nána vinkonu. Ljúft við-
mót, glaðlyndi og hlýja til allra sem
hún umgekkst voru ríkir þættir í
fari hennar og þeirra kosta hennar
nutum við ekki síst.
Þegar leiðir skilur nú um sinn og
tómleiki og söknuður fylla hugann
minnumst við okkar kæru vinkonu
með þakklæti fyrir vináttu hennar
og kærleiksríka samfylgd.
Algóður Guð styrki og blessi ást-
vini hennar alla um ókomin ár.
Helga, Hildur og Sigurlaug.
Ragnheiður Thorsteinsson kom
til starfa sem aðalbókari við emb-
ætti sýslumannsins í Reykjavík árið
1995. Þá var strax ljóst að sú ráð-
stöfun yrði embættinu mikið lán,
þarna var á ferðinni mjög traustur
og samviskusamur starfsmaður.
Hún gegndi því starfi þar til fyrr á
þessu ári er hún lét af störfum
vegna aldurs.
Ragnheiður var afar farsæl í
starfi, sínu var það henni til sóma
hversu vel og tryggilega hún hafði
gengið frá öllu í hendur eftirmanns
síns áður en hún fór endanlega frá
embættinu.
Samstarfsmenn hennar höfðu
fylgst með því hvernig hún undirbjó
starfslok sín og augljóst var að hún
hlakkaði til að hafa tóm til að sinna
ýmsum áhugamálum sínum, vinum
og fjölskyldu sem nú hefur misst
mikið.
Ég vil fyrir hönd embættisins og
starfsfólks þess þakka Ragnheiði
vel unnin störf og gott samstarf á
liðnum árum og senda fjölskyldu
hennar samúðarkveðjur.
Rúnar Guðjónsson,
sýslumaður.
Og því varð allt svo hljótt við helfregn þína
sem hefði klökkur gígjustrengur brostið.
Og enn ég veit margt hjarta, harmi lostið,
sem hugsar til þín alla daga sína.
En meðan árin þreyta hjörtu hinna,
sem horfðu eftir þér í sárum trega,
þá blómgast enn, og blómgast ævinlega,
þitt bjarta vor í hugum vina þinna.
Sem sjálfur Drottinn mildum lófum lyki
um lífsins perlu í gullnu augnabliki.
(Tómas Guðm.)
Kær vinkona og fyrrverandi sam-
samstarfskona Ragnheiður Thor-
steinsson er látin langt um aldur
fram aðeins 70 ára að aldri. Ragn-
heiður kom til starfa sem aðalbókari
hjá sýslumanninum í Reykjavík árið
1995. Að vera aðalbókari hjá
stærsta sýslumannsembætti lands-
ins er mikil ábyrgð og krefst mik-
illar nákvæmni og samviskusemi.
Þessir þættir voru Ragnheiði í blóð
bornir ásamt mörgum öðrum góðum
mannkostum og þurfti hún ekki
lengi að vera á meðal okkar til að
allir starfsmenn gerðu sér ljóst
hvern mann hún hafði að geyma.
Hún mætti til starfa hvern morgun
á sinn hógværa, prúðmannlega hátt
og öllum leið vel í návist hennar. Á
stórum vinnustað er ekki sjálfsagt
að fólk tengist nánum vináttubönd-
um, en innan embættisins er góður
andi og starfsmenn fara árlega í
óvissuferðir saman. Ragnheiður átti
yndislegan sumarbústað í Laugar-
dalnum og í einni óvissuferðinni tók
hún á móti okkur öllum í bústaðnum
af sinni alkunnu gestristni. Þar ætl-
aði hún að eiga fleiri gleðistundir á
komandi árum við ræktun og úti-
veru. Meðal okkar nokkurra „eldri“
kvenna embættisins sem eru bæði
núverandi og fyrrverandi starfs-
félagar hefur myndast góður vina-
hópur. Ragnheiður varð strax hluti
af hópnum og hún lagði sitt af mörk-
um til að við ættum gleðistundir
saman með því að bjóða okkur á sitt
fallega heimili í Barmahlíðinni. Við
nánari kynni varð okkur ljóst að það
sem hún mat mest voru börnin
hennar og fjölskyldur þeirra. Sveinn
Björnsson maki hennar var látinn
áður en hún hóf störf hjá embætt-
inu. Hún var aldrei margorð um
einkahagi, en við fylgdumst náið
með þeim breytingum sem hún
vann að í sambandi við að hætta
störfum vegna aldurs. Hún ætlaði
sannarlega ekki að sitja auðum
höndum. Hún hóf nám í íslensku við
Háskóla Íslands og okkur fannst við
allar hefjast svolítið til vegs og virð-
ingar við að innan þessa litla vina-
hóps væri háskólanemi. Námið
stundaði Ragnheiður af sömu ná-
kvæmni og samviskusemi og starfið,
en aldrei miklaðist hún af árangri
sínum. Á sama tíma seldi hún
Barmahlíðina og keypti nýja íbúð
við Boðagranda, þar sem hennar
meðfædda smekkvísi réð ríkjum. Í
janúar varð hún sjötug, en vegna
reynslu sinnar í starfi var ljóst að
hún yrði áfram um skeið starfsmað-
ur embættisins til að setja nýjan að-
albókara inn í starfið. Því var það
svo að aðeins viku fyrir andlát sitt
var hún á meðal okkar og hafði orð
á að hún ætti eftir að kveðja okkur.
Engan hefði á þeirri stundu grunað
að kveðjustundin yrði með þeim
hætti sem nú hefur orðið. Það er
táknrænt fyrir líf þessarar fallegu,
mannkostakonu að á dánarstundu
var hún að undirbúa móttöku vin-
kvenna.
Þannig munum við ætíð minnast
okkar kæru vinkonu Ragnheiðar um
leið og við þökkum henni ómetan-
lega vináttu og samverustundir.
Einlægar samúðarkveðjur til
Björns, Margrétar, Geirs, Sveins,
og fjölskyldna þeirra frá okkur öll-
um. Fyrir ykkur sló hjarta hennar.
Alma, Anna, Árný, Áslaug,
Berglind, Birna, Hebba,
Hulda, Ólöf, Rannveig.
Kveðja frá Hvítabandinu
Það er erfitt að trúa því að hún,
Ragnheiður Thorsteinsson sé farin
frá okkur. Við sem vorum búnar að
ráðgera svo margt til að vinna fyrir
Hvítabandið. Einmitt núna þegar
Ragnheiður var nýkomin á eftirlaun
og vildi svo gjarnan einbeita sér að
þessum verkefnum. En enginn ræð-
ur sínum næturstað. Þannig erum
við sífellt minnt á hverfulleika lífs-
ins.
Ragnheiður gekk í Hvítabandið 1.
október 1997. Það var sannkallaður
gleðidagur, því þá gengu inn í félag-
ið níu konur. Þar á meðal voru
frænkurnar, systradæturnar, Ragn-
heiður Thorsteinsson og Ragnheið-
ur G. Ásgeirsdóttir og hefur sam-
vinna þeirra innan félagsins verið
aðdáunarverð.
Ragnheiður valdist fljótlega til
trúnaðarstarfa og hefur verið í
stjórn Hvítabandsins frá vorinu
1998, fyrst meðstjórnandi og síðar
ritari. Það var sama hvað hún var
beðin um að gera alltaf var hún já-
kvæð og ósérhlífin. Hún hafði sér-
lega góða nærveru og á rólegan og
hæverskan hátt benti hún á leiðir til
úrbóta ef vandamál steðjuðu að.
Við minnumst hennar fyrir fal-
lega hugleiðingu okkur til handa.
Eins minnumst við skemmtilegrar
og fræðandi frásagnar af ævi og
störfum sem hún flutti félagsmönn-
um á síðasta aðalfundi. Einnig
minnumst við velunninnar frásagn-
ar af sögu og áhrifum starfa Hvíta-
bandsins á velferðarmál í Reykja-
vík, sem Ragnheiður vann sem
verkefni í Háskólanum, en þar
stundaði hún nám að undanförnu. Á
sama hátt minnumst við hennar
léttstígrar við að sýna tískuföt á síð-
astliðnum haustfundi Bandalags
kvenna í Reykjavík ásamt öðrum
Hvítabandskonum sem sáu þar um
skemmtiatriði. Þar sveikst Ragn-
heiður ekki undan merkjum frekar
en endranær. Eins minnumst við
hennar með greinargóðar frásagnir
í fundargerðum sem fluttar voru á
öruggan og mildan hátt. Við sjáum
hana fyrir okkur í Garðhúsum að
baka vöffur eða að afgreiða kven-
félagskaffi. Já, alltaf boðin og búin
að leggja málefnum og fjáröflun lið.
Einnig sjáum við fyrir okkur ötula
konu við að afla og útbúa listilega
fallega pakka fyrir happdrætti eða
bögglauppboð. Á sama hátt minn-
umst við hennar sem talnaglöggrar
konu sem tók að sé bókhald fyrir
fjórar verslanir Hvítabandsins.
Einnig sjáum við hana fyrir okkur í
verslun Hvítabandsins að Afla-
granda 40 við afgreiðslustörf og jafn
liðtæk var hún við innkaupin í búð-
ina. Allt var þetta unnið í sjálfboða-
vinnu.
Að leiðarlokum þakkar Hvíta-
bandið fyrst og fremst það lán að
Ragnheiður var þar félagsmaður.
Hún gerði góðan félagsskap betri.
Hún var ein af þessum hlédrægu,
heiðarlegu og traustu konum sem
geisla af manngæsku og gjafmildi
og hafa heilladrjúg ráð undir rifi
hverju. Þær strá í kringum sig kær-
legskornum sem ef til vill er ekki
alltaf tekið eftir enda er það ekki
markmiðið.
(...)
ég er ómálga barn
ég er brotið skip
ég er verk sem þarf að vinna
og þá
kemur þú
skorar á, segir til, safnar
klappar gömul fjöll
svo þau ljúkast upp
þér dettur alltaf heilt í hug
og mig langar til að sníða þér skósítt pils
sauma í það alla söguna
alla fallegu dagana og gleymdu nöfnin
vangasvip hverrar konu
ekki fyrir þig, því ég veit að þú manst allt
nei, mest fyrir okkur hin
sem sveiflumst í nafnlausum köðlum
og sýnist allt ganga
sjálfkrafa upp
(...)
ég er fugl á grein
ég er tár og mjöll
vertu hjá mér enn
ég verð hjá þér.
(Sigurbjörg Þrastardóttir.)
Hvítabandið þakkar fyrir góðan
samstarfsmann í stjórnar- og fé-
lagsstarfi. Félagið hefur misst mikið
og seint verður fyllt skarð Ragn-
heiðar Thorsteinsson. Við þökkum
fyrir gestrisni og góðar stundir í
Barmahlíðinni og á Boðagranda um
leið og við sendum aðstandendum
innilegustu samúðarkveðjur. Miss-
irinn er mikill en minningarnar lifa.
Hildur G. Eyþórsdóttir,
formaður.
KIRKJUSTARF
9
#
6
+
$+
$
*
-
22 1 / **
!& !
!
!
6*' &*#
+,"!
/,
/ /,/ / /,
$/ / / /,#
9
#
*# +
$
*
"
" *
*
*
((1.0(192
22 0 H!#
( !
#
#
6
#
$+$
$
%"
5(2(
.0(
(9
2.0
(
&!6' ,
3A
(* 6#
<% 6*
!
%$/!!$ 0/',5!
! "
!
! "
& !"!!$
!
! "
%$/', !!$
%" !
! "
$< !6!
*#
9
#
6
+
$+
$
*
"
" *
*
)(1.(
0C
1( 22
2,
8
5 &*#
5
)' !!$
)' 5
!!$
! "
!5
!!$ ( 26 "
&!
5
!!$ " " ! "
: 5
!!$ =! &!+#: "
) 5
!!$ ', &! ! "
/ /,$/ / /,#
Hallgrímskirkja. Fyrirbænaguðsþjónusta í
dag kl. 10.30. Beðið fyrir sjúkum.
Fríkirkjan í Reykjavík. Kyrrðar- og bæna-
stund í dag, þriðjudag, kl. 12 í kapellu
safnaðarins á 2. hæð í safnaðarheimili
kirkjunnar, Laufásvegi 13. Allir velkomnir
til þátttöku.
Vídalínskirkja. Opið hús fyrir eldri borgara
í safnaðarheimilinu Kirkjuhvoli kl. 13-16.
Spilað og spjallað. Blöðin liggja frammi og
heitt á könnunni. Stutt ferð á vegum
starfsins einu sinni í mánuði í sumar. Allir
velkomnir.
Víðistaðakirkja. Kyrrðar- og fyrirbæna-
stund með Taizé-söngvum í dag kl. 18.
Hægt er að koma fyrirbænaefnum til sókn-
arprests eða kirkjuvarðar.
Hafnarfjarðarkirkja. Opið hús fyrir 10-12
ára börn í safnaðarheimilinu Strandbergi,
Vonarhöfn, frá kl. 17-18.30.
Grindavíkurkirkja. Foreldramorgnar alla
þriðjudaga kl. 10-12.
Hveragerðiskirkja. Foreldramorgnar
þriðjudagsmorgna kl. 10-11.30.
Borgarneskirkja. TTT tíu til tólf ára starf
alla þriðjudaga kl. 17-18. Helgistund í
kirkjunni sömu daga kl. 18.15-19.
Þorlákskirkja. Fermingarfræðsla í dag kl.
13.40.
Hvammstangakirkja.Æskulýðsfundur í
Hrakhólum í kvöld kl. 20.
Krossinn. Almenn samkoma kl.20.30 í
Hlíðasmára 5. Allir velkomnir.
Kefas. Bænastund kl. 20.30. Allir vel-
komnir.
Akureyrarkirkja. Morgunsöngur kl. 9.
Safnaðarstarf