Morgunblaðið - 09.07.2002, Blaðsíða 2
FRÉTTIR
2 ÞRIÐJUDAGUR 9. JÚLÍ 2002 MORGUNBLAÐIÐ
Fylgstu
með
nýjustu
fréttum
www.mbl.isÞrumufleygar Dóru tryggðu Íslend-
ingum bronsið/B1
Kristján jafnaði metin á elleftu
stundu/B2
8 SÍÐUR48 SÍÐUR
Sérblöð í dag
Á ÞRIÐJUDÖGUM
ÚTGERÐARFÉLAGIÐ Festi hf.
hefur sent Mengunarvörnum norska
ríkisins (SFT) bréf þar sem það
býðst til þess að fjarlægja olíu úr sjö
tönkum af tíu um borð í Guðrúnu
Gísladóttur KE-15 sem sökk við
strendur N-Noregs 19. júní síðastlið-
inn. Tæplega 900 tonn af síld eru
einnig um borð í skipinu en útgerðin
býðst ekki til að fjarlægja aflann.
SFT mun svara því á morgun hvort
þessar tillögur séu fullnægjandi.
SFT hafði gefið útgerðinni frest til
hádegis í gær til að koma með að-
gerðaáætlun um hvernig yrði staðið
að hreinsun flaksins. Trond Eilert-
sen, lögmaður útgerðarinnar, segir
að nú sé beðið viðbragða frá norsk-
um yfirvöldum, hvort þau vilji að afl-
inn um borð verði einnig fjarlægður
og hvort þau sætti sig við að olían
verði ekki öll fjarlægð. Hann segir að
alls séu tíu olíutankar í skipinu, auð-
velt sé að komast að sjö þeirra en
erfitt sé að komast að þremur litlum
tönkum sem geymi ekki mikið af ol-
íu. „Við teljum þessa litlu tanka ekki
skapa mengunarhættu og vonum að
SFT muni samþykkja að það sé nóg
að fjarlægja nánast 90% af olíunni
um borð. Einnig vonumst við til að
þurfa ekki að fjarlægja fiskinn,“ seg-
ir Eilertsen. Á heimasíðu TV2 í Nor-
egi var fjallað um þessi 900 tonn af
síld sem tifandi tímasprengju sem
skapaði hættu fyrir umhverfið.
Eilertsen segir að samþykki SFT
þessar aðgerðir verði hægt að hefja
samningaviðræður við björgunarfyr-
irtæki á næstunni. Ætlast sé til að
björgunaraðgerðum verði lokið fyrir
haustið. Samkvæmt norskum lögum
mun íslenska útgerðin ekki borga
meira en 12 milljónir norskra króna
vegna björgunaraðgerðanna. Eilert-
sen segir að miðað við þær tillögur,
sem lagðar hafa verið fram, ætti
kostnaðurinn að vera undir þeirri
upphæð. Hann myndi þó fara yfir
hana yrði lestin einnig tæmd.
Vaktstjóri hjá SFT, Henry Bert-
heussen, staðfesti í gær að bréfið
hefði verið móttekið. Hann sagði að
nú væri verið að skoða tillögur ís-
lensku útgerðarinnar og að væntan-
lega yrði tekin ákvörðun síðar í dag
um hvort þær væru fullnægjandi.
Eigendur Guðrúnar Gísladóttur KE-15
Bjóðast til að fjarlægja
um 90% olíunnar
ANNA Bretaprinsessa tók á móti
hryssunni Blökku fyrir hönd fatl-
aðra barna í Bretlandi á sunnu-
daginn, en henni fylgdi sérsniðinn
hnakkur fyrir fötluð börn. Hryss-
una gaf Landsmót ehf. fyrir hönd
fatlaðra barna á Íslandi og á
myndinni má sjá hvar prinsessan
virðir búnaðinn fyrir sér.
Sveinbjörn Sveinbjörnsson for-
maður stjórnar Landsmóts ehf.,
Sigurgeir Þorgeirsson fram-
kvæmdastjóri Bændasamtakanna,
Ólafur Ragnar Grímsson forseti Ís-
lands og Jón Albert Sigurjónsson
formaður Landssambands hesta-
mannafélaga fylgjast með.
Morgunblaðið/Þorkell
Blökk til
Bretlands
ÍSLENSKA stúlkan sem slasaðist
alvarlega í bílslysi skammt frá bæn-
um Herning á Jótlandi á fimmtu-
dagskvöld liggur enn í öndunarvél á
gjörgæsludeild á sjúkrahúsi í Árós-
um, en að sögn móður hennar hefur
líðan hennar verið stöðug allt frá því
slysið varð og eru læknar hennar
bjartsýnir á framhaldið. Vonast er til
þess að unnt verði að vekja stúlkuna
á næstu dögum.
Að sögn móðurinnar marðist dótt-
ir hennar á lifur og má því ekki
hreyfa sig svo blæðing verði ekki. Að
öðru leyti er líðan hennar góð eftir
atvikum.
Slysið varð þegar tveir bílar rák-
ust saman á gatnamótum og var
stúlkan, sem er átta ára, í bíl ásamt
foreldrum sínum og tveimur systk-
inum. Svo heppilega vildi til að
hjúkrunarkona átti leið hjá og veitti
hinni slösuðu fyrstu hjálp og endur-
lífgaði hana eftir hjarta- og öndunar-
stopp. Neyðarþjónustan í Herning
lofaði frammistöðu hjúkrunarkon-
unnar en það láðist að spyrja hana að
nafni og því gátu fulltrúar neyðar-
þjónustunnar ekki þakkað henni
frammistöðuna. Eftir fréttaskrif í
fjölmiðlum í Herning um helgina
hafði konan svo samband í gær,
mánudag. Hún gifti sig á laugardag
og fylgdist því ekki með fjölmiðla-
umræðunni.
Íslenska fjölskyldan, sem var í
sumarfríi í Danmörku þegar slysið
varð, hefur fengið símanúmer hjá
hjúkrunarkonunni og mun hafa sam-
band við hana til að þakka henni.
Slasaðist alvarlega í bílslysi á Jótlandi
Líðan stúlkunnar
góð eftir atvikum
ALDREI hefur verið meiri aðsókn
að Kennaraháskóla Íslands en á
þessu ári. Alls bárust 1.611 nýjar
umsóknir um skólavist fyrir næsta
haust. Þar af sóttu 339 um fram-
haldsnám og 1.272 um nám á ýmsum
námsbrautum í grunndeild. Að sögn
Ólafs Proppé, rektors KHÍ, munu
um 2.300 nemendur stunda nám við
skólann næsta haust og hafa þá aldr-
ei fleiri nemendur verið við skólann.
Helmingur nemanna er í fjarnámi.
Ólafur segir að sjálfsagt séu fleiri
en ein skýring á þessari auknu að-
sókn að Kennaraháskólanum. „Ég
geri ráð fyrir því að ofurlítið breytt
ímynd kennarastarfsins, vegna
kjaraumræðu og kjarasamninga hafi
haft einhver áhrif,“ segir hann og
kveðst vona að störf við kennslu og
uppeldi í samfélaginu fái nú meiri at-
hygli en áður. Ólafur bendir einnig á
að þegar þrengist á vinnumarkaðn-
um, eins og nú er, leiti fólk meira í
nám, hvort sem er við Kennarahá-
skólann eða aðra skóla. Ólafur segir
að vegna aukinnar aðsóknar að skól-
anum hafi stjórnendur hans þurft að
vísa frá mörgum mjög vel hæfum
umsækjendum. Það sé áhyggjuefni.
Mikil aðsókn að Kennaraháskóla Íslands
Samningarnir
auka aðsókn
ÚTIVISTARVERSLUNINNI
Nanoq í Kringlunni hefur verið
lokað vegna gjaldþrots sem nem-
ur á annað hundrað milljónum
króna og allt að 60 starfsmenn á
launaskrá fyrirtækisins missa
vinnuna. Íslensk útivist ehf.,
rekstraraðili Nanoq, mun senda
sýslumanninum í Reykjavík
gjaldþrotabeiðni í dag, sam-
kvæmt ákvörðun sem tekin var í
gær. Fundur var haldinn með
starfsfólki í gær, á síðasta starfs-
degi þess, þar sem staðan var
kynnt og kom tilkynning um
gjaldþrotið starfsfólki í opna
skjöldu, þótt málalokin hefðu leg-
ið í loftinu um nokkurt skeið
vegna erfiðleika í rekstri fyrir-
tækisins. Að undanförnu hefur
árangurslaust verið reynt að
komast hjá gjaldþroti fyrirtæk-
isins.
Stærsti kröfuhafinn vegna
gjaldþrotsins er SPRON sem á
yfir helming krafna vegna út-
lána, og þá eiga innlendir og er-
lendir birgjar kröfur á́ félagið.
Nanoq lokað
vegna gjaldþrots
ÞYRLA Landhelgisgæslunnar flutti
konu á Landspítalann í Fossvogi í
gær eftir að hún hafði dottið af hest-
baki á Auðkúluheiði og slasast tals-
vert að því er talið var. Við komu á
sjúkrahúsið reyndust meiðslin þó
minniháttar og var hún útskrifuð
samdægurs. Konan var í hópi 30
hestamanna á heimleið af Landsmóti
hestamanna á Vindheimamelum.
Hestakona flutt
á slysadeild
Á- og D-listinn á Blönduósi slitu
formlega í gærkvöldi mánaðar gömlu
samstarfi í bæjarstjórn. Ástæða
samstarfsslita var að sögn Ágústs
Þórs Bragasonar, forseta bæjar-
stjórnar Blönduóss, fyrst og fremst
ágreiningur um ráðningu bæjar-
stjóra. Ágúst sagði að bæjarmál á
Blönduósi væru núna á byrjunarreit
og hvernig framhaldið þróaðist væri
á þessu stigi í höndum H-lista, lista
vinstri manna og óháðra, sem hefur
starfað með D-lista sl. 12 ár að bæj-
armálum á Blönduósi.
Slitnaði upp úr sam-
starfi á Blönduósi