Morgunblaðið - 09.07.2002, Blaðsíða 56

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 ÞRIÐJUDAGUR 9. JÚLÍ 2002 VERÐ Í LAUSASÖLU 190 KR. MEÐ VSK.
GUÐBJÖRG Gunnarsdóttir, mark-
vörður stúlknalandsliðs Íslands í
knattspyrnu, varð fyrir því óhappi
að fara úr axlarlið í leik liðsins
gegn Hollendingum. Þetta er í
þriðja sinn á skömmum tíma sem
Guðbjörg fer úr liði. Þrátt fyrir
þetta var hún mætt galvösk á
Laugardalsvöllinn í gærkvöldi til
þess að taka við bronsverðlaunum
íslenska liðsins á opna Norður-
landamótinu.
„Ég var ekki sátt við lífið og til-
veruna er ég var flutt á slysadeild-
ina. Í sjúkrabílnum á leiðinni tók ég
þá ákvörðun að hætta í knattspyrn-
unni, enda er gríðarlega vont að
fara úr axlarlið. En ég er aðeins
bjartsýnni núna og verð eflaust far-
in af stað á ný um leið og ég fæ leyfi
til þess,“ sagði Guðbjörg.
Það vekur athygli að þetta er í
þriðja sinn á þessu ári sem Guð-
björg fer úr axlarlið. „Ég er orðin
vön þessu en ég hrökk úr lið á æf-
ingu með kvennalandsliðinu í vor
eða réttara sagt í lok apríl. Ég hélt
að það væri ekki alvarlegt enda
gekk axlarliðurinn til baka á sinn
stað rétt eftir atvikið. Á næstu viku
fann ég ekki fyrir neinum eymslum
í öxlinni og hélt að allt væri með
eðlilegum hætti. En það var ekki
svo gott því í deildarleik með liði
mínu, FH, gegn KR í lok maí á KR-
velli fékk ég högg á öxlina og
hrökk úr lið á ný. Þá þurfti ég fara
á slysadeildina og fá aðstoð við að
ná liðnum á sinn stað og í réttar
skorður.
Það leið hins vegar ekki langur
tími þar til ég fór að æfa og leika á
ný. Nú gerist þetta í þriðja sinn á
skömmum tíma og það er kannski
völlurinn sem hefur þessi áhrif en
ég var stödd á KR-vellinum á ný og
fer úr lið í þriðja sinn á þessu ári.“
Guðbjörg sagði ennfremur að lið-
bönd í öxlinni væru slök og það
hefði ekki þurft mikið til að þessu
sinni. „Það gerðist í raun og veru
ekki annað í leiknum gegn Hollandi
en að ég reyni að teygja höndina í
knöttinn og öxlin hrökk úr lið.“
Guðbjörg bjóst við að fara í aðgerð
á næstunni og litlar líkur væri á því
að hún léki fleiri leiki með FH í
efstu deild kvenna í sumar.
Úr axlarlið í þriðja sinn
Morgunblaðið/Þorkell
Í UMRÆÐUM um nýjan búvöru-
samning hefur meðal annars verið
rætt um hvort hægt sé að komast út
úr kvótakerfinu. Sjónarmið í þessa
veru komu m.a. fram á stjórnarfundi
Landssambands kúabænda fyrir
skömmu.
Þórólfur Sveinsson, formaður
Landssambands kúabænda, segir að
umræðurnar séu skammt á veg
komnar og ekki sé ástæða til að
breyta því sem vel hafi gefist.
Samkvæmt gildandi búvörusamn-
ingi er gert ráð fyrir að viðræður um
stöðuna hefjist í haust. Þórólfur
Sveinsson segir að menn hafi velt
málinu fyrir sér en umræðurnar séu
á algjöru byrjunarstigi. Hann segir
að ekki séu efni til að breyta því sem
vel hafi gefist. Núverandi samningur
gildi út ágúst 2005 og á svo löngum
tíma geti vissulega eitthvað breyst í
umhverfinu sem kalli á breytingar
eftir þrjú ár, en um það sé of snemmt
að spá. Þórólfur segir að auðvitað
væri miklu betra að þurfa ekki að
hafa kvótakerfi, en vandinn sé sá að
ekki hafi fundist leið út úr því, hvorki
hérlendis né erlendis.
Búvörusamningur
kúabænda
Rætt um
afnám
kvótakerfis
MILLI 10 og 15 smáskjálftar urðu í
Mýrdalsjökli í fyrrinótt og í gær.
Stærsti skjálftinn var um klukkan
fimm í gærmorgun og mældist rúm-
lega 2 á Richter. Upptök skjálftanna
voru norðan og vestan við Háubungu
á Mýrdalsjökli við Kötlu. Náið er
fylgst með jarðskjálftamælum.
Ragnar Stefánsson jarðskjálfta-
fræðingur sagði að þótt skjálftanna
hefði orðið vart undir Kötlu væru
þeir langtum veikari en þeir skjálft-
ar sem gætu talist fyrirboðar goss.
Margir smá-
skjálftar í
Mýrdalsjökli
GERT er ráð fyrir að Skaftárhlaup nái hámarki í
byggð eftir hádegi í dag en skömmu eftir miðnætti í
fyrrinótt byrjaði rennsli og rafleiðni í ánni við
Sveinstind að aukast vegna hlaups. Í gærkvöldi
hafði rennslið fimmfaldast á tæpum sólarhring en
mannvirki eru ekki talin í hættu og heldur Kristinn
Einarsson, yfirverkefnisstjóri hjá vatnamælingum
Orkustofnunar, að um lítið hlaup úr minni katli
Skaftárjökuls sé að ræða.
Hlaupið hófst um klukkan 1.20 í fyrrinótt. Þá var
rennslið 112 rúmmetrar á sekúndu og leiðnin 58
míkróSiemens/sm. Þessar mælistærðir höfðu
hækkað í 272 rúmmetra á sekúndu og 113 míkró-
Siemens/sm kl. 10.40 í gærmorgun, en kl. 16.30 var
rennslið tæplega 390 rúmmetrar á sekúndu og um
453 rúmmetrar um kl. 21 í gærkvöldi. Þá var leiðnin
um 147 míkróSiemens/sm og hafði lítið breyst
skömmu fyrir miðnættið, en um það leyti var
rennslið 547 rúmmetrar á sekúndu. „Mér sýnist að
allt bendi til að frekar sé um lítið hlaup að ræða en
stórt, þó ekki sé hægt að fullyrða neitt á þessu stigi
málsins,“ sagði Kristinn skömmu fyrir miðnætti í
gærkvöldi og bætti við að kæmi hlaup úr minni katl-
inum færi rennslið venjulega í 500 til 600 rúmmetra
á sekúndu en yfir 1.000 rúmmetra kæmi það úr
þeim stærri. Algengt væri að rafleiðni, þ.e. hvað
mikið er af jarðhitavatni í vatninu, væri um 100
míkróSiemens/sm í gruggugum jökulám og hún
hafi oft farið yfir 300 í Skaftá. Reyndar væri talið að
leiðniskynjarinn sýndi lægri tölu en hann ætti að
sýna vegna þess að hann hafi grafist í sand en ná-
kvæmari mælitæki muni skýra málið.
Í gærkvöldi var talið að hlaupið næði hámarki
upp við Sveinstind snemma nætur og 12 til 13 tím-
um síðar í byggð, en um hádegi í gær varð hlaupsins
vart í byggð. Kristinn segir að tímasetning hlaups-
ins sé eðlileg, Skaftárhlaup hafi orðið í júlí til sept-
ember undanfarin ár. Síðast var hlaup í Skaftá í
ágúst 2000 og þá komu tvö hlaup sitt úr hvorum
katlinum með viku millibili. 1995 var síðast hlaup í
júlí, en síðan var aftur hlaup í október sama ár.
Kristinn segir að ekki sé hætta á að samgöngur
heim að byggðu bóli teppist og mannvirki séu ekki í
hættu. Hins vegar muni vatn flæða út á mosavaxið
hraun og fylla það meira af sandi. Því geti orðið
sandfok í kjölfarið.
Oddsteinn Kristjánsson, bóndi í Hvammi, tekur í
sama streng. Bærinn er rúmlega 100 metra frá ánni
og segir Oddsteinn að engin hætta sé á ferðum en
sandurinn og sandfokið eftir á sé einna verst við
svona hlaup í Skaftá. Hann segir að áin hafi vaxið
stöðugt frá hádegi í gær, en vöxturinn sé engin
ósköp, þó áin sé gruggug. „Þetta hefur lítil áhrif á
mann enda vanur þessu,“ segir hann.
Morgunblaðið/RAX
Rennsli í Skaftá við Sveinstind óx jafnt og þétt í gær en talið er að það nái hámarki í byggð eftir hádegið í dag.
Skaftárhlaup væntan-
lega úr minni katlinum
KARLMAÐUR á fertugsaldri,
grunaður um ölvun við akstur, ók
pallbíl í bræðikasti á kyrrstæða
fólksbifreið á Vopnafirði aðfara-
nótt laugardags. Í bifreiðinni voru
16–18 ára unglingar sem gengu
síðan í skrokk á manninum. Ung-
mennin sluppu ómeidd úr hildar-
leiknum og að sögn lögreglu á
Vopnafirði var karlmaðurinn ótrú-
lega lítið slasaður að barsmíðunum
loknum. Við áreksturinn valt pall-
bíllinn. Lögregla segir málið að
fullu upplýst.
Ljósmynd/Sveinbjörn Sigmundsson
Maður ók á bifreið
í bræðikasti
♦ ♦ ♦