Morgunblaðið - 09.07.2002, Blaðsíða 12
HÖFUÐBORGARSVÆÐIÐ
12 ÞRIÐJUDAGUR 9. JÚLÍ 2002 MORGUNBLAÐIÐ
SAMKOMULAG hefur náðst á milli
Vegagerðarinnar og Reykjavíkur-
borgar um að ráðast í gerð mislægra
gatnamóta Miklubrautar og
Kringlumýrarbrautar. Ekki er þó
vitað hvenær af framkvæmdum
verður.
Að sögn Jónasar Snæbjörnssonar,
umdæmisstjóra hjá Vegagerðinni,
gengur samkomulagið út á að vinna
að gerð gatnamóta á þessum stað
sem er breyting frá því sem áður
var. „Þau voru ekki inni í myndinni
af hálfu Reykjavíkurborgar en nú er
komið samkomulag um að þarna
verði mislæg gatnamót og lausnirn-
ar í því sambandi eru í skoðun. Í
skipulaginu er mælt með því að
Kringlumýrarbrautin fari undir
Miklubraut en það verður skoðað
mjög vel.“
Hann segir áætlaðan kostnað við
gerð gatnamótanna vera um 1,5
milljarða króna. „Síðan mun þetta
hugsanlega tengjast lengra til suð-
urs í gegn um gatnamótin við Lista-
braut og það getur jafnvel kostað
annað eins.“
Að sögn Jónasar hafa engar tíma-
setningar verið ákveðnar varðandi
framkvæmdir. „Vegaáætlun verður
skoðuð í haust eða á næsta Alþingi
og þá verður líklega reynt að setja
inn tímasetningar. Ég held þó að það
verði ekki byrjað á þessu á næsta
ári.“ Hann segir frekar horft til
næstu fimm ára í þessu sambandi.
Fallist á mislæg gatnamót
Kringla
SKOLPMENGUN í skurði við
íþróttasvæði Bessastaðahrepps er
langt yfir viðunandi mörkum. Þetta
er niðurstaða sýnatöku Heilbrigðis-
eftirlits Hafnarfjarðar- og Kópavogs-
svæðis á svæðinu. Hreppsráð hefur
ákveðið að leita tafarlaust úrbóta á
málinu í stað þess að leysa það á
næsta ári eins og til stóð.
Morgunblaðið greindi frá því í síð-
ustu viku að fulltrúi Á-lista, Sigurður
Magnússon, hefði lagt til á fundi
hreppsnefndar að skurðir við íþrótta-
svæðið yrðu hreinsaðir af skolpmeng-
un og gerðir öruggari með tilliti til
barna sem æfa á svæðinu. Á fundi
hreppsráðs í síðustu viku lagði Sig-
urður svo fram greinargerð um nið-
urstöður sýnatöku Heilbrigðiseftirlits
Hafnarfjarðar- og Kópavogssvæðis
úr skurði sem er við íþróttasvæðið
norður af skátaheimili hreppsins. Var
sýnatakan gerð að beiðni Sigurðar.
Niðurstöðurnar sýndu að á bilinu
46–110 þúsund saurkólígerlar og 41–
60 þúsund enterokokkar mældust í
skurðinum. Sagði jafnframt í grein-
argerðinni að óviðunandi teldist ef
fleiri en eitt þúsund saurkólígerlar
eða enterokokkar finnast í sýni.
Á fundi hreppsráðs var samþykkt
að fela sveitarstjóra í samráði við heil-
brigðisfulltrúa að leita tafarlaust úr-
bóta varðandi fráveituvatn í umrædd-
um skurði þar til lögð hefur verið
endanleg lögn frá rotþró við íbúðar-
hverfið Vesturtún. Þá var sveitar-
stjóra falið að kanna ástand skurða á
íþróttasvæðinu með tilliti til mengun-
ar og slysahættu og gera tillögu til úr-
bóta væri þess þörf.
Ástandið kannað í þessari viku
Í samtali við Morgunblaðið sagði
Gunnar Valur Gíslason sveitarstjóri
ljóst að þarna væri ákveðið verkefni
sem þyrfti að leysa. „Við höfum haft í
hyggju að tengja Vesturtún við stof-
næðina hjá okkur sem liggur út í sjó
en ástandið í fráveitumálum þessa
hverfis er óviðunandi. Við ætluðum að
ganga í það verkefni á næsta ári en nú
sjáum við fyrir okkur að við verðum
að leysa þetta nú þegar.“
Hvað varðar nánari úttekt á skurð-
um við íþróttasvæðið sagði Gunnar að
samþykkt hefði verið að taka viku
vinnu í að skoða ástandið á staðnum
og koma með tillögur að lausn. „Það
mun ég gera í þessari viku.“
Sýni tekin úr skurði norðan við skátaheimilið
Skolpmengun langt
yfir viðmiðunarmörkum
Bessastaðahreppur Ráðist í aðgerðir
nú þegar
ÞESSIR herramenn kepptust við að
planta sumarblómum við Aust-
urvöll í blíðviðrinu í síðustu viku
ásamt félögum sínum. Margir nýta
sér góðviðrið þessa dagana til
göngutúra í miðborginni og má því
ætla að afrakstur vinnunnar eigi
eftir að gleðja fjölda manns á næstu
vikum.
Morgunblaðið/Árni Sæberg
Blómavinna
í blíðviðri
Miðborg
FÆRRI börn í Grafarvogi telja
skólann sinn vera frekar eða
mjög góðan en börn í öðrum
borgarhlutum Reykjavíkur.
Þetta er meðal niðurstaðna
rannsóknar sem vitnað er til á
heimasíðu Miðgarðs – fjöl-
skylduþjónustunnar í Grafar-
vogi.
Á heimasíðunni segir að rann-
sóknin taki til haga barna og
unglinga í Reykjavík. Eiga ofan-
greindar niðurstöður bæði við
um nemendur 5.–7. bekkjar og
8.–10. bekkjar. Þá segir á heima-
síðunni að rannsóknin hafi enn
fremur sýnt að nemendum í
Grafarvogi þykir ekki eins vænt
um skólann sinn og nemendum í
öðrum borgarhlutum.
Efast um
gæði skól-
ans síns
Grafarvogur
FÉLAGSLEGUM kaupleigu-
íbúðum á vegum Húsnæðis-
nefndar Reykjavíkur fækkaði
um 64 á árabilinu 1998–2000.
Þetta kemur fram í Árbók
Reykjavíkur sem nýkomin er út.
Samkvæmt töflu í bókinni
voru félagslegar kaupleiguíbúð-
ir á vegum Reykjavíkur 196
talsins árið 1998 en hafði fækkað
í 132 árið 2000.
Fjöldi annarra íbúða á vegum
Húsnæðisnefndarinnar stóð
hins vegar í stað á þessu árabili.
Félagslegum
íbúðum fækkar
Reykjavík
BÆJARRÁÐ Mosfellsbæjar hefur
samþykkt aukafjárveitingu til
Varmárskóla að upphæð rúmlega
400 þúsund krónur vegna lagfær-
inga í mötuneyti skólans. Þá hefur
ráðið samþykkt fjárveitingu vegna
lyftu í skólanum.
Í bréfi skrifstofustjóra Varmár-
skóla kemur fram að lækka þurfi
vinnuhæð á steikarofnum í mötu-
neyti skólans að kröfu Vinnueft-
irlitsins þar sem tilgreint er að úr-
bótum skuli lokið strax. Þá er
óskað eftir að klæða veggi í upp-
þvottaherbergi með stáli. Eru þar
fyrir óvarðir málaðir timburveggir
sem farnir eru að skemmast af
vatni, að því er fram kemur í bréf-
inu.
Loks er í bréfi skrifstofustjóra
óskað eftir fjárveitingu til að flytja
söluaðstöðu matvæla á efri hæð
eldri deildar skólans.
Á fundi sínum í síðustu viku sam-
þykkti bæjarráð að veita fé til að
uppfylla kröfur Vinnueftirlitsins
hvað varðar vinnuhæð steikarofn-
anna. Öðrum framkvæmdum varð-
andi mötuneyti og söluaðstöðu er
hafnað að sinni og vísað til fjár-
hagsáætlunar 2003. Hins vegar
harmar ráðið „þau vinnubrögð sem
viðhöfð hafa verið þegar ársgamalt
eldhús þarf breytingar sem þess-
ar“, eins og segir í bókun þess.
Stækkun tölvuvera vísað
til fjárhagsáætlunar
Í minnisblaði forstöðumanns
fræðslu- og menningarsviðs Mos-
fellsbæjar kemur fram að einnig
hafi verið óskað eftir fjárveitingu
til að setja upp lyftu milli þriggja
hæða í eldri deild skólans. Sömu-
leiðis var óskað eftir fjárveitingu til
stækkunar tölvuvera yngri og eldri
deildar skólans. Samþykkti bæjar-
ráð fjárveitingu til lyftunnar en
vísaði stækkun tölvuvera til fjár-
hagsáætlunar árið 2003.
Ársgamalt
mötuneyti
þarfnast
lagfæringa
Mosfellsbær
Bæjarráð samþykkir
fjárveitingar til
Varmárskóla