Morgunblaðið - 06.12.2002, Síða 1

STOFNAÐ 1913 286. TBL. 90. ÁRG. FÖSTUDAGUR 6. DESEMBER 2002 mbl.is
Barnastjarna
áHvanneyri
Katrín Sigurðardóttir 10 ára
sendir frá sér plötu Fólk 68
Jón Gnarr stígur fram á ritvöllinn
með Plebbabókina Daglegt líf 4
Tengdur
Íslandi
Knattspyrnustjóri Everton hefur
oft komið til Íslands Íþróttir 3
JACQUES Chirac Frakklandsforseti stað-
festi í gærkvöld, að ríkisstjórnir Frakk-
lands og Þýzkalands hefðu komið sér sam-
an um að leggja til, að Tyrkjum yrði boðið
að hefja viðræður um aðild að Evrópusam-
bandinu um mitt ár 2005, að uppfylltum
ákveðnum skilyrðum.
Chirac sagði það vera sameiginlega af-
stöðu stjórnvalda í París og Berlín að ætla
að leggja það til við bandamenn sína í hin-
um ESB-ríkjunum að þeir ákvæðu á leið-
togafundi í lok árs 2004, á grundvelli mats-
skýrslu framkvæmdastjórnar sambands-
ins, hvort Tyrkir hefðu náð nægilegum
árangri í að nálgast það að uppfylla aðild-
arskilyrðin. „Ef það verður tilfellið gætu
aðildarviðræður hafizt í júlí 2005,“ sagði
Chirac á blaðamannafundi í París eftir við-
ræður við Anders Fogh Rasmussen, for-
sætisráðherra Danmerkur, sem gegnir for-
mennsku í ESB þetta misserið.
Yasar Yakis, utanríkisráðherra Tyrk-
lands, kvaðst ekki vera ánægður með tillög-
una. „Við myndum ekki samþykkja þetta,“
sagði hann. „Þetta er undir Evrópusam-
bandinu komið en það verður mjög erfitt að
útskýra þetta fyrir almenningi í Tyrk-
landi.“
AP
Anders Fogh Rasmussen, forsætisráð-
herra Danmerkur, og Jacques Chirac
Frakklandsforseti á fundi í París í gær.
Leggja til að-
ildarviðræður
við Tyrki 2005
París, London. AFP.
AÐ MINNSTA kosti 17 manns létu lífið í stórhríð
sem geisaði í gær á austurströnd Bandaríkjanna frá
Massachusetts suður til Texas. Rúm milljón heimila í
Norður- og Suður-Karólínu varð rafmagnslaus þeg-
ar tré féllu á rafmagnslínur. Mörgum skólum var
lokað vegna óveðursins og þúsundir bíla festust í
snjósköflum. Bandaríkjamaður beitir hér hundi fyrir
sleða barna sinna við þinghúsið í Washington-borg.
Reuters
Vetrarhret í Washington
LJÓST er að sameining SR-mjöls
og SVN mun leiða til hagræðingar í
rekstri, sem vart getur þýtt annað
en fækkun fiskimjölsverksmiðja.
„Ég vil ekki tjá mig um það á þessu
stigi hvar komið gæti til frekari
lokunar verksmiðja, umfram það
sem þegar hefur verið ákveðið á
Reyðarfirði,“ segir Finnbogi Jóns-
son, formaður stjórnar SR-mjöls.
Kristinn V. Jóhannsson, stjórn-
arformaður Síldarvinnslunnar, rit-
ar pistil um stöðu fiskimjölsiðn-
aðarins á heimasíðu SVN. Þar segir
hann:
„Nú er starfandi á Íslandi 21
fiskimjölsverksmiðja, flestar nýjar
eða endurbættar og með afkasta-
getu upp á 1.000 tonn eða meira á
sólarhring. Það þýðir að ársaf-
kastageta þeirra er milli 6 og 7
milljónir tonna á ári, en þær vinna
úr um það bil einni og hálfri milljón
tonna, sem þýðir að meðalnýtingin
er innan við 25 prósent. Það er að
sjálfsögðu óviðunandi til lengdar.“
Ljósmynd/Friðþjófur Helgason
Fækkun
verksmiðja
UNNIÐ er að sameiningu Síld-
arvinnslunnar í Neskaupstað og
SR-mjöls. Gangi hún eftir verður
til fyrirtæki með um 300.000
tonna aflakvóta í uppsjávarfiski,
loðnu, kolmunna og síld, hið lang-
stærsta á því sviði á Íslandi.
Verðmæti þessara heimilda
upp úr sjó gæti verið um 2,3
milljarðar króna miðað við að afl-
inn færi allur til bræðslu og fyrir
hann yrðu greiddar 7.500 krónur
á tonnið. Útflutningsverðmæti
yrði þá líklega tvöfalt meira eða
4,6 milljarðar króna. Verðmætin
geta orðið enn meiri með vinnslu
til manneldis.
Saman myndu fyrirtækin eiga
6 fiskimjölsverksmiðjur á svæð-
inu frá Siglufirði og réttsælis um
landið allt
vestur í Helgu-
vík á Reykja-
nesi. Sameigin-
leg velta
félaganna á
þessu ári er
um 11 milljarð-
ar króna og
hagnaður um
1,6 millarðar.
Mikil eignatengsl eru milli
þessara félaga tveggja og Sam-
herja. Saman eiga Samherji og
SVN um 43% í SR-mjöli og Sam-
herji er langstærsti hluthafinn í
Síldarvinnslunni sé hlutdeildar-
félag hans, Snæfugl, talið með.
Þessi félög, Samherji, Síldar-
vinnslan og SR-mjöl, og dóttur-
og hlutdeildarfélög þeirra, ráða
yfir um 35% loðnukvótans, 43,6%
kolmunnakvótans, 36,4% í norsk-
íslenzku síldinni og 33,3% í Ís-
landssíldinni. Í tonnum talið
gætu heimildir félaganna þriggja
í loðnu numið um 310.000 tonn-
um, nálægt 120.000 tonnum af
kolmunna, um 36.000 tonnum af
síld við Ísland og um 47.000 tonn-
um af norsk-íslenzku síldinni. Í
allt í kringum 500.000 tonn af
uppsjávarfiski sem er nálægt
þriðjungi heildaraflans. Verð-
mæti 500.000 tonna upp úr sjó
gæti verið um 3,8 milljarðar
króna og 7,6 milljarðar í útflutn-
ingsverðmætum.
Eiga 300.000 tonna
kvóta í uppsjávarfiski
Unnið að sameiningu Síldarvinnslunnar og SR-mjöls

Sameinað/14




 
 







  
  

 


SAMNINGAMENN stjórnarinnar
á Sri Lanka og tamílskra skæruliða
lofuðu í gær varanlegum friði á eyj-
unni eftir að hafa náð tímamóta-
samkomulagi um að vinna að stofn-
un sambandsríkis þar sem tamílski
minnihlutinn fengi sjálfstjórn í eig-
in málum. Þetta var niðurstaða
fjögurra daga friðarviðræðna sem
lauk í Ósló í gær eftir margra mán-
aða tilraunir Norðmanna til að
binda enda á borgarastyrjöld sem
hefur kostað yfir 60.000 manns lífið
á nítján árum.
Þjóðfrelsishreyfing tamíl-tígr-
anna hefur barist fyrir sjálfstæðu
ríki tamíla í norður- og austurhluta
Sri Lanka frá 1983 en hefur nú fall-
ið frá kröfunni um aðskilnað gegn
því að tamílar fái „verulega sjálf-
stjórn“ í eigin málum.
Lofa friði á Sri Lanka
Ósló. AP, AFP.
FARSÍMI varð 23 ára grískum smala til
bjargar þegar hann klifraði upp í tré á
flótta undan banhungruðum úlfaflokki, að
sögn grískra fjölmiðla í gær.
Smalinn Teofilos Amarantidis var á
asna á leiðinni frá yfirgefnu þorpi við
landamærin að Búlgaríu þegar hann tók
eftir stórum úlfi sem elti hann. Hann
stökk þá af baki asnans og flúði upp í kast-
aníutré en allar bjargir virtust bannaðar
þegar um 20 glorsoltnir úlfar umkringdu
hann.
Það var þá sem smalanum hugkvæmd-
ist að hagnýta sér tæknina og nota farsím-
ann til að hringja í bróður sinn sem mætti
með byssu og fældi vargana burt. Úlfarnir
fóru þó ekki með tóman maga því að þeir
átu tíu geitur áður en þeir héldu til Búlg-
aríu.
Farsíminn
bjargaði
smalanum
Aþenu. AFP.
♦ ♦ ♦
Á plebbalegum
nótum