Morgunblaðið - 06.12.2002, Blaðsíða 32

Morgunblaðið - 06.12.2002, Blaðsíða 32
LISTIR 32 FÖSTUDAGUR 6. DESEMBER 2002 MORGUNBLAÐIÐ KRAKKARNIR í hverfinu er yfirskriftListafléttu í Langholtskirkju á morg-un kl. 17.00 en eins og nafnið gefur tilkynna verður dagskráin borin uppi af listamönnum sem ólust upp í nágrenni Lang- holtskirkju í Vogahverfi. Kristinn Sigmundsson og Bubbi Morthens syngja, Kristinn syngur ýmis vel þekkt lög og með félaga sínum Jónasi Ingi- mundarsyni. Bubbi verður hins vegar með gít- arinn sinn og syngur meðal annars lög af nýrri plötu sinni. Rithöfundarnir Steinunn Sigurð- ardóttir og Einar Már Guðmundsson eru líka Vogakrakkar og lesa upp úr verkum sínum. „Ég þekkti Kristin nú ekkert, þannig lagað,“ segir Bubbi inntur eftir kynnum sínum af Kristni Sigmundssyni í Vogahverfinu, „en ég vissi af honum. Hann var poppari, eða var alla vega með tilraunir til popps. Ég kynntist honum ekkert fyrr en seinna á árbakkanum, því við erum báðir haldnir illkynjaðri veiðidellu. Ég man vel eftir honum í gamla daga. Hann var í Hamrahlíðinni og gott ef hann var bara ekki í hljómsveit með Agli [Ólafssyni]. Kristinn er þannig týpa að hann fer ekkert framhjá manni. En Einsa og Ingi- björgu er ég búinn að þekkja alveg frá því við vorum unglingar.“ En kann Bubbi skýringu á því að svo margir listamenn hafi sprottið úr melum og móum þessa fyrsta úthverfis baby boom-kynslóðarinnar. „Ég veit það ekki. Ég bjóst nú við því að Breiðholtið myndi skila af sér svona öflugri bylgju og það gerði það að einhverju leyti, og það er ekki ólík- legt að Grafarvogurinn geri það líka. En það var bara svo mikið af krökkum í Vogahverfinu. Kannski hefur það líka haft áhrif að þá var sjón- varpið í fríi á fimmtudögum og fór í frí á sumrin. Það er ekki verri skýring en hver önnur.“ Bubbi er nýkominn úr söngferð um landið, þar sem hann hefur sungið á 47 tónleikum. „Það var hús- fyllir alls staðar nema á tveimur stöðum, þannig að ég kvarta ekki.“ Bubbi heldur svo sína árlegu Þorláksmessutónleika á Hótel Borg og segist ætla að vera þægur. En það er ekki allt búið með tónlist og bók- menntum á Listafléttunni í Langholtskirkju. Tolli bróðir Bubba sýnir nokkur málverk sín, og Ingibjörg, sem Bubbi minntist á, kynnir dag- skrárinnar, er auðvitað Ingibjörg Sólrún Gísla- dóttir borgarstjóri. Eins og á fyrri Listafléttum eru matarlistinni einnig gerð skil og verður sá þáttur á þjóðlegum íslenskum nótum að þessu sinni enda við hæfi á aðventunni. Aðgangseyrir er 1.500 krónur en 1.000 fyrir eldri borgara og skólafólk. Bubbi Morthens og Kristinn Sigmundsson á Listafléttu í Langholtskirkju „Það var bara svo mikið af krökkum í Vogahverfinu“ Morgunblaðið/Golli Bubbi Morthens JÓLAÓRATÓRÍA Bachs er mikið verk og stórbrotið. Ásamt Messíasi Händels er það án efa þekktasta og vinsælasta verk allra tíma fyrir kór, einsöngvara og hljómsveit sem teng- ist jólum. En ólíkt verki meistarans frá Halle, sem nær frá fæðingu til krossfestingar, fjallar Jólaóratórían aðeins um fyrstu vikuna í lífi Jesú og það sem má leggja út af henni, eins og húslíbrettisti Bachs í Leipzig, Pic- ander – líklegasti höfundur nýsömd- ustu textahlutanna – var svo laginn við að hætti lútherskra rithöfunda á blómaskeiði píetismans. Verkið er svokölluð kantötuóratóría; skiptist í sex parta sem hver getur staðið sjálfstæð, en myndar samt eins kon- ar „framhaldssögu“ í heild, eins og fram kom af fróðlegu spjalli Hall- dórs Haukssonar í tónleikaskrá. Í gærkvöld var fluttur fyrri helmingur verksins, kantötu 1–3, en í kvöld verða seinni kantöturnar (4.–6.) teknar fyrir. Óratórían hefst á glæsilegum kór- söng, „Jauchzet, frohlocket“, þar sem íslenzkun Þorsteins Valdimars- sonar vísar í veraldlegan upphafs- texta kórsins, „Dunið, þér bumbur! Þér básúnur, hljómið“ enda var kór- þátturinn, líkt og margir aðrir kórar og aríur óratóríunnar, endurnýtt efni úr eldri kantötum Bachs, m.a.s. veraldlegum – þessi t.a.m. til dýrðar kjörfurstynjunni af Saxlandi. Strax við þetta upphafsstykki tók sig upp gömul ónotakennd sem manni geng- ur erfiðlega að venjast. Ekki vegna flutnings, öðru nær, heldur hins af- leita og alræmda ofhljómburðar kirkjunnar, sem – m.a.s. ekki skemmra frá en á 4. bekk frá kór- hvelfingu þar sem flytjendum var komið fyrir – afskræmdi hljómlistina á verri veg en maður hefur áður upp- lifað í musteri Hallgríms (og er þá mikið sagt) með hvellu þreföldu tremólói sem helzt minnti á delíríum tremens. Eftir hlé að lokinni 2. kant- ötu færði undirr. sig um set lengst aftur, og hvarf þá tremólóið en fjar- læg hlustræn þokumóða tók við; ekki gott heldur, en þó illskárra. Er manni hulið af hverju mannskapnum var ekki stillt upp í turnenda, sem jafnan hefur gefizt betur en í land- suðurendanum undir næpunni. Það segir sig sjálft, að við slíkar aðstæður er tómt mál að ætla að meta kór og hljómsveit á nákvæmum mælistikum. Söngles og undirspils- minni aríur komu þó ögn skýrar út. Gunnar Guðbjörnsson heyrðist af þeim sökum allra einsöngvara óbrjálaðast þar sem hann var guð- spjallamaður og fór með „secco“- söngles, en átti líka eina aríu, Frohe Hirten, og kom manni satt að segja á óvart hvað hann slapp þar vel frá flúrsöngskröfum Bachs. Hin heims- kunna finnska mezzo, Monica Groop, söng alt-hlutverkin af hlýrri mýkt, þar sem helzt voru aríurnar Bereite dich Zion, hin vögguhlýja Schlafe, mein Liebster og Schliesse, mein Herze (við fiðlufylgirödd). Andreas Schmidt var öruggur og hljómmikill í sínu, þó að kólóratúrinn væri stund- um svolítið höstugur. Marta Guðrún Halldórsdóttir komst að mörgu leyti vel frá sínum aríum (þó að sú fræg- asta, Ekkóarían sé eftir í kvöld), en raddstyrkurinn var oft heldur ójafn – e.t.v. að hluta vegna „messa di voce“ viðleitni – og datt af þeim sök- um stundum inn og út úr kontra- punkti við obbligato-fylgirödd eða bassameðsöngvaranum í dúettnum Herr, dein Mitleid. Þar var maður reyndar ósáttur við löngu forslags- nótur beggja í B-kaflanum (Deine holde Gunst) sem hljómuðu þung- lamalegar og órytmískar. Hitt stóð þó eftir – að svo miklu leyti sem heyrt varð við vonlausar aðstæður – að söngur og spila- mennska heildarinnar var í topp- flokki eins og við var að búast af Mótettukórnum, SÍ og fyrrgetnum buðlungseinsöngvurum. Hefði vissu- lega verið gaman að geta heyrt þau almennilega. Kannski væri bezta ráðið að hafa vasaútvarp með heyrn- artól meðferðis og hlusta á upptök- una frá RÚV … Dynjandi bumbur og básúnur TÓNLIST Hallgrímskirkja J.S. Bach: Jólaóratórían, kantata 1–3. Marta G. Halldórsdóttir (S), Monica Groop (A), Gunnar Guðbjörnsson (T), Andreas Schmidt (B), Mótettukór Hall- grímskirkju og Sinfóníuhljómsveit Ís- lands. Stjórnandi Hörður Áskelsson. Fimmtudaginn 5. desember kl. 19.30. AÐVENTUTÓNLEIKAR Ríkarður Ö. Pálsson TILNEFNINGAR til Íslensku bókmenntaverðlaunanna fóru fram í NASA við Austurvöll í gærkvöld. Tilnefndar voru fimm bækur úr flokki fræðirita og bóka almenns efnis og fimm bækur úr flokki fag- urbókmennta. Úr flokki fagurbókmennta voru tilnefndar: Hvar sem ég verð eftir Ingibjörgu Haraldsdóttur, útgef- andi Mál og menning. Leiðin til Rómar eftir Pétur Gunnarsson, út- gefandi Mál og menning. LoveStar eftir Andra Snæ Magnason, útgef- andi Mál og menning. Samúel eftir Mikael Torfason, útgefandi JPV- útgáfa. Sveigur eftir Thor Vil- hjálmsson, útgefandi Mál og menn- ing. Úr flokki fræðirita og bóka al- menns efnis voru tilnefndar Dulin veröld eftir Guðmund Halldórsson, Odd Sigurðsson og Erling Ólafs- son, útgefandi Mál og mynd. Ísland á 20. öld eftir Helga Skúla Kjart- ansson, útgefandi Sögufélag. Land- neminn mikli eftir Viðar Hreinsson, útgefandi Bjartur. Skrýtnastur er maður sjálfur eftir Auði Jónsdótt- ur, útgefandi Mál og menning. Þingvallavatn, ritstjórar Pétur M. Jónasson og Páll Hersteinsson, út- gefandi Mál og menning. Tvær þriggja manna dómnefndir tilnefndu bækurnar, hvor í sínum flokki. Dómnefndina í flokki fræði- rita og bóka almenns efnis skipuðu Sigríður Th. Erlendsdóttir, Þor- steinn Vilhjálmsson og Hjalti Hugason, sem var formaður. Dóm- nefndina í flokki fagurbókmennta skipuðu Gísli Marteinn Baldursson, Þorleifur Hauksson og formaður var María Kristjánsdóttir. Þriggja manna lokadómnefnd tekur nú við og velur eina bók úr hvorum fimm bóka flokki. Í dóm- nefndinni sitja þau Hjalti Hugason og María Kristjánsdóttir ásamt for- manni lokadómnefndar sem forseti Íslands skipar. Forseti Íslands af- hendir verðlaunin á Bessastöðum í lok janúar. Tilnefningar til Íslensku bókmennta- verðlaun- anna Morgunblaðið/Halldór Kolbeins Höfundar bókanna sem tilnefndar eru til bókmenntaverðlauna. SENDIHERRA Svía á Íslandi, Bertil Jobeus, veitti í gær Sveini Einarssyni, rithöfundi og leikstjóra, stórriddarakross hinnar konunglegu Norður- stjörnuorðu við hátíðlega at- höfn í húsakynnum sendiráðs- ins í Reykjavík. Ákvörðunin um orðuveitinguna var tekin af Karli Gústafi Svíakonungi. Við- staddir athöfnina voru vinir Sveins og fjölskylda. Morgunblaðið/Sverrir Sveinn sæmdur stórriddarakrossi Lífsorka – Bók um lífsstíl, starfslok og góða heilsu er eftir Þóri S. Guð- bergsson. Í fréttatilkynn- ingu segir m.a.: Bókin bendir á leiðir til að rækta hug og hönd og hvernig hægt er á öllum æviskeiðum að horfa til framtíðar. Hún fjallar um réttindi fólks, hlutverk lífeyrissjóða, bætur almannatrygginga, fé- lagasamtök og félagsþjónustu, ævi- lengd og ónæmiskerfi, áföll og sorg, gildi hreyfingar og næringar og nauð- syn þess að eiga sér heillandi áhuga- mál.“ Útgefandi er Hugsmiðjan. Höfundur sér um dreifingu. Bókin er 255 bls., prentuð í Odda. Verð: 2.980 kr. Handbók Alltaf á þriðjudögum
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64
Blaðsíða 65
Blaðsíða 66
Blaðsíða 67
Blaðsíða 68
Blaðsíða 69
Blaðsíða 70
Blaðsíða 71
Blaðsíða 72
Blaðsíða 73
Blaðsíða 74
Blaðsíða 75
Blaðsíða 76

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.