Morgunblaðið - 06.12.2002, Qupperneq 57

UMRÆÐAN
MORGUNBLAÐIÐ FÖSTUDAGUR 6. DESEMBER 2002 57
ÚTGEFANDI: Rannsóknarstofn-
un byggingariðnaðarins.
Höfundur: Ragnar Gunnarsson,
Verkvangi.
Undirritaður er búinn að lesa
þetta rit frá upphafi til enda og hafa
bæði gagn og gaman af. Ritið er
þægilegt í aflestri og leiðir mann í
gegnum völundarhús lagna frá inn-
taki til útrása, með ýtarlegum skýr-
ingum á einstökum kerfum og tækj-
um.
Útskýringar og myndir eru
skemmtilega fram settar og maður
fær í hverjum kafla þær upplýsingar
sem þörf er á , einnig ábendingar um
þjónustu og hver ætti að sjá um
hana.
Ritið auðveldar almenningi áreið-
anlega að átta sig á hvað er að gerast
í lagnakerfum þeirra ef eitthvað fer
úrskeiðis og hvenær leita á eftir lag-
færingum.
Ritið er til þess fallið, að það verði
lesið af öllum sem þurfa skýringa við
um sitt kerfi, og þeir munu finna það
sem þeir leita að auðveldlega og fá
þá ekki flókna orðaskýringu með
allskonar nöfnum sem almenningur
kann engin skil á , heldur kemur
mynd af viðkomandi kerfishlut með
nöfnum þeirra búnaðarhluta sem við
sögu koma, þannig að hver og einn
getur talað við sinn fagmann á máli
sem báðir skilja og þannig komist
fram hjá allskonar misskilningi sem
alltof oft kemur upp vegna þess að
menn nefna hlutina ólíkum nöfnum.
Ritið hentar einnig fagmönnum
bæði til upprifjunar og til þess að
geta sýnt þeim, sem þeir eru að að-
stoða – vinna fyrir – greinargóðar
myndir í þrívídd, sem flestir skilja
betur en tákn og strik á blaði, þó að
sjálfsögðu verði það áfram skilamáti
á hönnun fyrir kerfin jafnt til útboðs
sem og til efnisáætlana.
Það sem sagt er um tæringu og
mismunandi efnainnihald vatns á
hinum ýmsu stöðum á landinu er
mjög áhugavert og þörf áminning til
allra sem eitthvað koma að lagna-
kerfum og auðveldar val á efni sem á
viðkomandi stað hentar vegna að-
stæðnanna þar.
Ég mæli með því að sem flestir til-
einki sér efni bókarinnar þannig að
þeir geti leitað í henni, notað vitn-
eskju sem hingað til hefur verið ansi
fjarlæg mörgum húseigandanum,
sem þó í mörgum tilvikum er að
fjalla um stærstu fjárfestingu á æv-
inni þegar hann er að ráðskast með
sína íbúð.
Það er mjög vel til fundið að benda
sérstaklega á og leggja áherslu á að
húsráðendur, jafnt karlarnir sem
konurnar, kynni sér ákveðna hluti
varðandi íbúðina sína eins og t.d. það
að vita hvar og hvernig á að skrúfa
fyrir vatn inn í íbúðina.
Og enginn vafi er á að margir
munu líta ábendingar um hitastýr-
inguna í íbúðinni sinni hýru auga, því
að rekstrarkostnaður íbúðar hlýtur
alltaf að vera fyrir alla húsráðendur
mjög mikilvægt mál.
Ég vil óska höfundi til hamingju
með gott rit sem á eftir að koma
mörgum að góðum notum.
Lagnaþekking –
vitneskja – reynsla
– umhverfi
Eftir Egil Skúla
Ingibergsson
„Ég mæli
með því að
sem flestir
tileinki sér
efni bók-
arinnar þannig að þeir
geti leitað í henni ...“
Höfundur er
rafmagnsverkfræðingur.
BANDALAG ÍSLENSKRA LEIKFÉLAGA
Tilboð
á andlitsmálningu
Vatnslitabox frá Kryolan með
24 litum á 3.500 kr.
Sendum í póstkröfu!
Laugavegi 96 • www.leiklist.is • 551 6974
www.icehotel.is • Bókunarsími 5050 910
Icelandair hótelin...
Gjafabréf á
alla dreymir um
...er gjöfin sem
dásemdir og dekur
Langar þig að gefa
Klapparstíg 27, sími 552 2522
HOKUS POKUS
MARGIR LITIR
kr. 8.900