Morgunblaðið - 27.12.2002, Blaðsíða 25

MINNINGAR
MORGUNBLAÐIÐ FÖSTUDAGUR 27. DESEMBER 2002 25
R A Ð A U G L Ý S I N G A R
FUNDIR/ MANNFAGNAÐUR
Jólaball
Eflingar-stéttarfélags verður haldið laugardag-
inn 28. desember nk. kl. 15 í Versölum, Hall-
veigarstíg 1.
Miðasala er á skrifstofunni. Tryggið ykkur miða
tímanlega.
Efling-stéttarfélag.
TILKYNNINGAR
Auglýsing um breytingu á
deiliskipulagi
fyrir „Íbúðahverfi í Norðurbæ“ vegna
Sævangs 35 í Hafnarfirði.
Bæjarstjórn Hafnarfjarðar samþykkti á fundi
sínum þann 17. desember 2002 að auglýsa
til kynningar breytingu á deiliskipulagi fyrir
„Íbúðahverfi í Norðurbæ“ vegna Sævangs 35
í Hafnarfirði í samræmi við 1. mgr. 26. gr.
skipulags- og byggingarlaga nr. 73/1997
m.s.br.
Breytingin felur í sér að gert er ráð fyrir bygg-
ingarreit á lóðunum 35, 37, 39 og 41 þar sem
heimilt er að byggja nýtt eða byggja við núver-
andi hús.
Breytingin verður til sýnis í afgreiðslu umhverf-
is- og tæknisviðs, Strandgötu 8—10, þriðju
hæð, frá 30. desember 2002—24. janúar 2003.
Nánari upplýsingar eru veittar á bæjarskipu-
lagi.
Þeim, sem telja sig hagsmuna eiga að gæta,
er gefinn kostur á að gera athugasemdir við
breytinguna og skal þeim skilað skriflega til
bæjarskipulags í Hafnarfirði, eigi síðar en 7.
febrúar 2003. Þeir, sem ekki gera athugasemd
við breytinguna, teljast samþykkir henni.
Skipulagsstjóri Hafnarfjarðar.
Auglýsing um breytingu á
deiliskipulagi
fyrir „Víðistaðasvæði“ vegna stækkunar
Víðistaðaskóla í Hafnarfirði
Bæjarstjórn Hafnarfjarðar samþykkti á fundi
sínum þann 17. desember 2002 að auglýsa
til kynningar breytingu á deiliskipulagi fyrir
„Víðistaðasvæði“ vegna stækkunar Víðistaða-
skóla í Hafnarfirði í samræmi við 1. mgr. 26. gr.
skipulags- og byggingarlaga nr. 73/1997
m.s.br.
Breytingin felur í sér stækkun byggingarreits
fyrir Víðistaðaskóla, leikskólann Garðavelli og
Skátaheimilið Hraunbúa.
Breytingin verður til sýnis í afgreiðslu umhverf-
is- og tæknisviðs, Strandgötu 8—10, þriðju
hæð, frá 30. desember 2002—24. janúar 2003.
Nánari upplýsingar eru veittar á bæjarskipu-
lagi.
Þeim, sem telja sig hagsmuna eiga að gæta,
er gefinn kostur á að gera athugasemdir við
breytinguna og skal þeim skilað skriflega til
bæjarskipulags í Hafnarfirði, eigi síðar en
7. febrúar 2003. Þeir, sem ekki gera athuga-
semd við breytinguna, teljast samþykkir henni.
Skipulagsstjóri Hafnarfjarðar.
SMÁAUGLÝSINGAR
FÉLAGSLÍF
Í dag kl. 15.00
Jólafagnaður fyrir eldri borgara.
Brigader Ingibjörg Jónsdóttir og
kafteinn Miriam Óskarsdóttir
stjórna. Sr. Frank M. Halldórs-
son talar.
Allir hjartanlega velkomnir.
mbl.is
ATVINNA
✝ Jakob Níels Hall-dórsson fæddist á
Akureyri 15. júlí
1924. Hann lést á
Fjórðungssjúkrahús-
inu á Akureyri 14.
desember síðastlið-
inn. Foreldrar hans
voru Halldór Ás-
geirsson, f. 5. ágúst
1893, d. 17. júní 1976,
og Soffía Thoraren-
sen, f. 7. desember
1893, d. 22. apríl
1979. Þau eignuðust
fjögur börn; Ásgeir,
f. 22. ágúst 1919, d.
21. desember 1999, Valdimar, f.
29. janúar 1921, Soffíu, f. 19. jan-
úar 1921, og Jakob Níels. Hálf-
bróðir, samfeðra, er Þorgeir, f.
20. ágúst 1937.
Jakob Níels, eða Nelli eins og
hann var ávallt kallaður, kvæntist
eftirlifandi eiginkonu sinni, Birnu
Gunnarsdóttur, 23. mars 1958.
Foreldrar hennar voru Gunnar
Sigurjónsson, f. 5. september
1891, d. 6. febrúar 1960, og Sig-
urbjörg Sigurjónsdóttir, f. 14.
apríl 1895, d. 18. október 1966.
Börn Níelsar og Birnu eru: Sig-
urbjörg, f. 17. júlí 1958 og Gunn-
ar, f. 28. apríl 1963. Eiginkona
hans er Ragnhildur Björg Jósefs-
dóttir, f. 15. apríl 1969. Börn
þeirra eru Birna Ósk, f. 22. febr-
úar 1995, Tinna Björg, f. 26. júní
1998, og Ólafur
Níels, f. 9. október
2001.
Skólaganga Níels-
ar á Akureyri var
hefðbundin og lauk
hann gagnfræða-
prófi frá Gagn-
fræðaskólanum á
Akureyri. Síðan lá
leiðin út á vinnu-
markaðinn og fékkst
Níels við ýmis tilfall-
andi störf. Ungur að
árum hóf hann störf
hjá Efnagerðinni
Flóru og starfaði þar
árum saman. Árið 1968 réðst
hann til Verðlagseftirlitsins á Ak-
ureyri og gegndi því starfi til sjö-
tugs, árið 1994.
Níels var alla tíð félagslyndur
maður og hafsjór af fróðleik.
Hann starfaði ötullega með skát-
unum á Akureyri og sömuleiðis
var hann lengi félagi í Karlakór
Akureyrar. Þá má ekki gleyma
þeim þætti í lífi hans sem var
Knattspyrnufélag Akureyrar.
Hann var einn af dyggustu stuðn-
ingsmönnum KA og sótti leiki í
öllum flokkum og deildum félags-
ins og hvatti sína menn af lífi og
sál.
Útför Jakobs Níelsar Halldórs-
sonar verður gerð frá Akureyr-
arkirkju í dag og hefst athöfnin
klukkan 13.30.
Mig langar í fáeinum orðum að
minnast Níelsar Halldórssonar, eða
Nella eins og hann var ávallt kall-
aður. Nelli var kvæntur móðursyst-
ur minni Birnu Gunnarsdóttur og
eignuðust þau tvö börn, Gunnar og
Sigurbjörgu. Þegar ég var að alast
upp á Húsavík var Nelli oft tíður
gestur á heimili foreldra minna þar
sem hann starfaði hjá Verðlagseft-
irlitinu á Akureyri og þurfti því
starfsins vegna að ferðast töluvert
um Norðurland þar á meðal til
Húsavíkur. Einnig komu Nelli og
Binna ásamt Gunna og Böggu í fjöl-
skylduheimsóknir og þá var oft glatt
á hjalla enda léttleikinn ávallt við
völd þar sem Nelli var annars vegar.
Snemma vakti einstök frásagnar-
gáfa Nella athygli mína og ekki
skorti brandarana sem runnu upp
úr honum hver öðrum betri. Þá hef-
ur alltaf verið stutt í húmorinn hjá
Gunna og Böggu enda hafa þau ekki
langt að sækja hæfileikana.
Það var stór stund fyrir lítinn
dreng þegar Nelli og Binna buðu
honum að koma til Akureyrar eitt
sumar og dvelja hjá þeim í Hafn-
arstræti 86, þar sem þau bjuggu á
þeim tíma. Ég minnist þess tíma
sem ég dvaldi hjá þeim með miklum
hlýhug. Elskuleg hjón sem áttu svo
margt sameiginlegt og gáfu svo
mikið af sér.
Þrátt fyrir að heimsóknum hafi
fækkað á síðari árum hafa leiðir
okkar Nella oft legið saman. Þar
kemur til að við höfum átt okkur
sameiginleg áhugamál, það er knatt-
spyrna og fjárrækt. Nelli var á tíma-
bili með nokkrar kindur ásamt bróð-
ur sínum, Ásgeiri, í fjárhúsi sem
stóð á Eyrarlandsholti við gamla
golfvöllinn. Nelli kallaði sig gjarnan
gangstéttarbónda. Eitt sinn þegar
ég átti leið um Akureyri bauð Nelli
mér að koma og skoða fjárstofninn
hjá sér, hann sagði það ekki verra
að fá búfræðing til að taka út rækt-
unina hjá gangstéttarbóndanum og
lét nokkra gullmola fylgja með.
Nelli hafði mjög gaman af kindum
og hafði yndi af því að umgangast
þær og það leyndi sér ekki þegar við
sátum saman á garðabandinu og
hann sagði sögur og lýsti búskapn-
um í gamansömum tón sem taldi
nokkrar kindur, ellefu íslenskar
hænur og einn hana svo ekki sé
minnst á gæludýrið sem ekki var að
minni gerðinni, hryssan Ljóska.
Nelli er mesti KA-maður sem ég
hef kynnst. Í fjölmörgum ferðum
mínum til Akureyrar í gegnum tíð-
ina, bæði sem leikmaður og þjálfari
yngri flokka Völsungs, hefur Nelli
oftast verðið mættur til að horfa á
lið frá Völsungi spila við KA. Sama
hvað gekk á, Nelli kom ávallt og
heilsaði upp á mig þrátt fyrir að ég
væri oftar en ekki búinn að bölva
KA-mönnum í sand og ösku fyrir
grófan leik og lélega dómgæslu, sér-
staklega þegar leikir töpuðust enda
tapsár með afbrigðum. Hann kom
mér fljótlega til að brosa og spurði
frétta frá Húsavík og bað að heilsa
skyldfólki og vinum enda mikill
mannvinur. Síðast þegar ég heim-
sótti Nella og Binnu á Akureyri fyr-
ir um þremur árum hvatti hann mig
til dáða í þeim störfum sem ég hef
tekið að mér í verkalýðsmálum, taldi
þau krefjandi og sagðist styðja mig í
því sem ég tæki mér fyrir hendur og
gaf mér nokkur heilræði til að hafa
að leiðarljósi í lífinu.
Í dag fara í gegnum hugann mörg
minningarbrot um góðan mann sem
setti svip á umhverfið, mann með
mikla hjartahlýju, mann sem lagði
mikla rækt við fjölskyldu sína sem
var hans hornsteinn í lífinu.
Binnu, Böggu, Gunna og fjöl-
skyldu votta ég mína dýpstu samúð.
Minningin um góðan mann mun lifa
með okkur um ókomna tíð.
Aðalsteinn Á. Baldursson.
Nelli er farinn heim eins og við
skátar köllum þá ferð sem farið er í
þegar við kveðum þessa jarðvist.
Hann kvaddi með reisn, var heima
alveg til síðustu stundar. Það var
honum einlægast því heimilið og
fjölskyldan var honum kærast. Þeg-
ar hugsað er til baka um þennan
föðurbróður minn, hrannast upp
minningarnar og þær allar ljúfar.
Þegar ég var lítill drengur voru fáir
menn sem ég bar meiri virðingu fyr-
ir en Nella. Hann var skáti.
Hann var þá slökkviliðsmaður og
hann vann í Flóru sem þá framleiddi
m.a. karamellur og brjóstsykur. Ég
held að það hafi ekki verið hægt fyr-
ir ungan dreng í þá daga að eiga
meiri hetju sem frænda og vin. Ég
var mjög ungur þegar hann tók mig
með sér í útilegur í Fálkafell. Það
varð til þess að ég gerðist ungur
skáti og er enn, alveg eins og Nelli
var til síðustu stundar.
Hann kunni öll gömlu skátalögin
og var sögumaður góður og hafði
gaman af að rifja upp gamlar minn-
ingar. Hann var handlaginn og
smiður góður. Við bræðurnir í Odd-
eyrargötunni áttum flottustu kassa-
bílana. Þeir voru með fram og
aftursæti, húddi, og stýri. Hannaðir
og framleiddir af Nella. Þeir voru
einnig málaðir og oft í tveimur lit-
um. Nelli var annálaður dýravinur.
Hann átti um langan tíma fjárhús
þar sem hann hafði kindur og
hænsni í samvinnu við bróður sinn,
og þar var hann oft og lengi og
spjallaði við kindurnar og púddurn-
ar sínar. Á sumrin fór hann oft upp í
fjall og hóaði í kindurnar og gaf
þeim brauð. Nelli var ekki bara
skáti og dýravinur. Hann var mikill
íþóttaáhugamaður og einlægur KA
maður. Ég býst við að fáir menn hafi
mætt á jafnmarga leiki og hann allt
frá yngsta flokki til þess elsta. Hann
hvatt leikmennina til dáða á sinn
einstaka hátt og gladdist yfir hverj-
um sigri.
Þegar þeir töpuðu reyndi hann að
stappa í þá stálinu og sagði oft að
betur mundi ganga næst. Þá var
hann söngmaður góður og var félagi
í Karlakór Akureyrar í mörg ár.
Hann fór m.a. í söngferðaleg með
þeim til útlanda.
Hann fór hins vegar bara til út-
landa til að fara í söngferðalag með
karlakórnum eða þá með skátum á
skátamót. Ég man sem ungur skáti
eftir öllum merkjunum sem hann
átti m.a. frá skátamóti í Noregi og
jamboree í Frakklandi. Hverju
merki fylgdi saga um uppruna þess
og hvernig hann eignaðist það. Nelli
var mjög vinmargur og einstaklega
duglegur að skrifa bréf til vina
sinna. Eitt sinn bjó ég erlendis um
tíma og þá man ég eftir hvað var
gaman að fá bréfin frá Nella. Ég
held að fáir hafi sent jafnmörg jóla-
kort og hann. Hann byrjaði að skrifa
þau á haustin því hvert kort var per-
sónulegt og langa stund tók að
skrifa hvert þeirra. Heimili Nella og
Binnu var mjög gestkvæmt. Þangað
var gott að koma. Allir velkomnir og
alltaf til kaffi og veislubrauð. Vinir
þeirra hvar sem voru af landinu
heimsóttu þau og nutu gestrisni
þeirra. Þá löðuðust börnin að þeim
og fundu það eins og þeir sem full-
orðnir voru að þangað voru þau vel-
komin. Þegar foreldrar og ættingjar
konu minnar frá Noregi komu í
heimsókn til okkar voru þau alltaf
boðin til Nella og Binnu og ekki var
Nelli í vandræðum að tala við út-
lendinga. Börnunum mínum þótti
vænt um Nella eins og afi þeirra
væri, og nú syrgja þau góðan vin og
frænda. Ég vil fyrir mína hönd, fjöl-
skyldu minnar, systkina og fjöl-
skyldna þeirra þakka liðnar stundir.
Binnu, Böggu, Gunna og fjölskyldu
biðjum við blessunar guðs, en sökn-
uður þeirra er mikill.
Far þú í friði, kæri frændi, og
hafðu þökk fyrir allar góðar stundir
sem við áttum saman.
Ólafur Ásgeirsson.
JAKOB NÍELS
HALLDÓRSSON
 Fleiri minningargreinar um Jak-
ob Níels Halldórsson bíða birtingar
og munu birtast í blaðinu næstu
daga.