Morgunblaðið - 27.12.2002, Blaðsíða 26

DAGLEGT LÍF
26 FÖSTUDAGUR 27. DESEMBER 2002 MORGUNBLAÐIÐ
 Inga Blöndal
fulltrúi hjá Landssímanum, er tengdadóttir
Soffíu Auðar. Hún keypti kjólinn sinn í
Portúgal í fyrrahaust. Kjóllinn er svartur
fínprjónaður með glitþráðum. Sjalið keypti
Inga í Debenhams. „Ég gekk framhjá búð-
inni í Portúgal dag eftir dag og horfði á
kjólinn í glugganum en búðin var alltaf lok-
uð. Svo síðasta daginn var loks búið að
opna og kjóllinn passaði, ótrúlegt en satt,“
segir Inga. Hún og maðurinn hennar,
Hjálmar Diego Haðarson, eru að fara á Óp-
eruballið í þriðja skipti og Inga tekur undir
með tengdamóður sinni og mágkonu um að
nýárskvöld sé afar hátíðlegt hjá fjölskyld-
unni. „Þarna komum við saman á glæsilegu
kvöldi þegar jól og stress er búið og byrjum
nýtt ár. Maturinn er æðislegur, þjónustan
og skemmtiatriðin frábær og við upplifum
okkur sem prinsessur,“ segir Inga og lítur
á Heiðbjörtu sem tekur heilshugar undir.
 Þorgerður Aðalsteinsdóttir
framkvæmdastjóri Álforma ehf. og mað-
urinn hennar Jón Björnsson eru að fara á
Óperuballið í þriðja skipti. Þau fara með
tvennum vinahjónum og er Óperuballið
orðið að föstum lið í hátíðahöldunum. Þor-
gerður er í þrískiptum svörtum kjól, þ.e.
pilsi, topp og jakka. Þetta sett keypti hún í
Bandaríkjunum í haust og ætlar að nota í
fyrsta skipti nú um áramótin. Svartir kjól-
ar eru greinilega sívinsælir sem sam-
kvæmiskjólar og oft er annað sem skreyt-
ir þá, í tilviki Þorgerðar pallíettur á
pilsinu, toppnum og jakkanum. „Nýárs-
kvöld er ákaflega hátíðlegt og músíkin á
Óperuballinu er á heimsmælikvarða,“
segir Þorgerður. Hún segir að á ballinu
dansi allir eins og þeir geta, ekki þurfi
mikla kunnáttu til. Þorgerður lærði sjálf
að dansa sem unglingur í Gúttó þar sem
pabbi hennar stjórnaði gömlu dönsunum.
 Heiðbjört Haðardóttir
húsmóðir er dóttir Soffíu Auðar og
tekur undir með móður sinni þegar hún segir
að nýárskvöld sé glæsilegt kvöld hjá fjöl-
skyldunni. Heiðbjört og maðurinn hennar,
Valur Stefánsson, sækja nú Óperuballið í tí-
unda skipti. Heiðbjört keypti kjólinn í versl-
uninni Stasiu í sumar og er ekki viss um
hvort hún fer í honum eða öðrum vínrauðum
á nýársdansleikinn. Kjóllinn er svartur klass-
ískur og fylgir honum síður jakki. „Það koma
allir í sínu fínasta en það skiptir ekki mestu
máli að vera alltaf í nýjum kjól. Mestu máli
skiptir að vera í því sem manni líður vel í.
Þetta er hátíðlegt kvöld þar sem fjölskyldan
kemur saman, alveg æðislegt,“ segir Heið-
björt.
„Við hittumst í afslöppuðu og yndislegu
umhverfi. Allt jólastress er búið og þetta
verður skemmtileg samverustund fjölskyld-
unnar.“
 Soffía Auður Diego
húsmóðir og eigandi Blikkiðjunnar er nýbúin að
kaupa sér þennan kjól í Cosmo. Þetta er ermalaus
hlýrakjóll með víðu pilsi, glansandi ljósfjólublár með
pallíettu- og perluskrauti. „Það er svo gaman að
dansa í kjól með víðu pilsi,“ segir Soffía. Með kjólnum
fylgdi samkvæmisveski og lítið sjal yfir axlirnar í
sama lit. Soffía keypti sér m.a.s. skó í sama lit í
Debenhams, en þeir sjást reyndar ekki! Hún iðar af
tilhlökkun og segist hafa „ánetjast“ nýársballinu í
Broadway strax eftir fyrsta hátíðardansleikinn fyrir
fimmtán árum. Þegar samstarf Broadway og Íslensku
óperunnar hófst svo árið 1994 héldu Soffía Auður og
maðurinn hennar, Höður Guðlaugsson, áfram að
sækja ballið og Soffía segir þetta vera sína jólagjöf.
M
orgunblaðið/H
alldór K
olbeins
Kjólarnir og hárið
Í jóla- og áramótaboðum skrýðast margir sínu fínasta pússi og hafa síst minna við ef dansleikir eru á dag-
skránni. Steingerður Ólafsdóttir skoðaði kjóla fjögurra kvenna sem ætla á Óperuballið á nýárskvöld og
Valgerður Þ. Jónsdóttir fékk útlistanir hársnyrtimeistara á samkvæmishárgreiðslum við hæfi.