Morgunblaðið - 04.01.2003, Blaðsíða 17

ERLENT
MORGUNBLAÐIÐ LAUGARDAGUR 4. JANÚAR 2003 17
MIKIL úrkoma undanfarna daga
hefur valdið flóðum í Belgíu, Frakk-
landi, Þýskalandi, Portúgal og Bret-
landi á meðan íbúar Skandinavíu og
Austur-Evrópu hafa mátt þola gífur-
legar frosthörkur. 183 hafa dáið
vegna kulda í Póllandi og í Moskvu,
höfuðborg Rússlands, eru fórnar-
lömb kuldans orðin 223.
Frá því er sagt á fréttasíðu BBC
að í Portúgal liggi lestarsamgöngur
milli Lissabon og Oporto að hluta
niðri enda 300 km langur kafli lest-
arteinanna undir vatni. Þá hafa flóð
eyðilagt tvær brýr inni í miðju landi.
Í Þýskalandi eru menn í við-
bragðsstöðu enda miklar rigningar.
Þrettán ára piltur dó í Suður-Þýska-
landi þegar tré féll á bifreið sem
barnið var farþegi í en faðir drengs-
ins liggur alvarlega slasaður á spít-
ala. Þá lést átján ára ökumaður í
Henstedt-Ulzburg í norðurhluta
Þýskalands.
Svipaða sögu er að segja af Belgíu
en þar hafa ár flætt yfir bakka sína,
með þeim afleiðingum að flætt hefur
inn í fjölda húsa. Tveggja kvenna er
saknað og óttast er að þær hafi
drukknað. Í Bretlandi hafa sam-
göngur sömuleiðis riðlast vegna úr-
komu og víða hefur þurft að loka veg-
um.
Í Frakklandi hefur verið afar
vindasamt og í Alsace-héraði í norð-
austurhluta landsins bárust björgun-
arsveitum alls áttahundruð útköll
vegna veðursins. Einn maður slasað-
ist alvarlega þegar tré féll á bifreið
hans. Þá hafa næstum 300.000 manns
mátt glíma við rafmagnsleysi.
Í Rúmeníu hafa ár einnig flætt yfir
bakka sína og fórst einn af þeim sök-
um á miðvikudag. Tveggja til viðbót-
ar er saknað. Svipað er uppi á ten-
ingnum í Tékklandi en lestarsam-
göngur lágu víða niðri í gær vegna
veðurs.
Mannfall hefur þó verið mest í Pól-
landi og í Rússlandi. Eru flestir
þeirra, sem þar hafa dáið vegna kuld-
anna, útigangsmenn og fólk sem of-
kælst hefur eftir að hafa sofnað úti í
kuldanum í kjölfar mikillar drykkju.
Miklar frosthörkur gera íbúum
Skandinavíu einnig lífið leitt og Aft-
enposten segir frá því að þúsundir
manna hafi mátt bíða eftir strætis-
vögnum eða lestum, sem ekki létu sjá
sig. Var þar um að kenna mikilli snjó-
komu, tæknilegum vandamálum og
manneklu, enda gekk fólki erfiðlega
að komast á vinnustað vegna veðurs-
ins. Tólf stiga frost var í Ósló og þeir
því ekki öfundsverðir sem máttu bíða
eftir strætisvögnum sem komu seint,
eða alls ekki.
Úrkoma og frosthörkur
leika íbúa Evrópu grátt
París, Stuttgart, Prag. AFP.
AP
Björgunarmenn á báti í miðbæ borgarinnar Zell, nærri ánni Moselle í
Þýskalandi. Vegna vatnavaxta hafa margar ár í landinu flætt yfir bakka
sína og byggðin í nágrenninu er víða undir vatni af þeim sökum.
GEORGE W. Bush, forseti Banda-
ríkjanna, hefur heitið því að leggja
fram í næstu viku áætlun sem miðar
að því að hleypa nýjum þrótti í efna-
hagslíf landsmanna. Forsetinn
kveðst hafa áhyggjur af auknu at-
vinnuleysi þó svo að nýja árið hafi
hafist með umtalsverðum hækkun-
um á hlutabréfamarkaði vestra.
Bush sagði fréttamönnum á
fimmtudag að áætlunin yrði kynnt í
næstu viku og ónefndur embættis-
maður greindi frá því að það myndi
forsetinn gera í Chicago á þriðjudag.
„Ég hef áhyggjur af atvinnumál-
um,“ sagði Bush er hann ræddi við
fréttamenn á búgarði sínum í Texas.
„Ég hef áhyggjur af atvinnuleysi og
af þeim sem leita vinnu en fá ekki.“
Forsetinn sagði efnahag Banda-
ríkjanna traustan en kvaðst viður-
kenna að „óvissa“ ríkti á þeim vett-
vangi. Aðspurður vildi forsetinn ekki
staðfesta að hann hygðist boða
skattalækkanir en á þær lagði hann
ríka áherslu í baráttunni fyrir for-
setakosningarnar árið 2000. Þær að-
gerðir sættu mikilli gagnrýni á þeim
forsendum að þær myndu einkum
gagnast hinum ríku í Bandaríkjun-
um. „Ég mun skoða alla möguleika,“
sagði Bush.
Helstu dagblöð Bandaríkjanna
greindu frá því að forsetinn hygðist
einkum horfa til skattlækkana. Í ráði
væri að lækka fjármagnstekjuskatta
sem og tekjuskatta einstaklinga og
yrði það gert í formi nýrra frádrátt-
arliða. Dagblöðin The Washington
Post og The New York Times
greindu ennfremur frá því að áætlun
forsetans kvæði á um breyttar bók-
haldsreglur sem gera myndu fyrir-
tækjum kleift að afskrifa fyrr en áður
ýmsan búnað sem þau keyptu. Þá
yrði tekjuskattslækkun launafólki til
handa flýtt að einhverju marki en
hún átti að taka gildi á næsta ári.
The Washington Post hafði eftir
ónefndum embættismanni að nokkr-
ir aðstoðarmanna Bush hefðu ráðlagt
honum að undanskilja auðugustu
Bandaríkjamennina þannig að
skattalækkanirnar næðu ekki til
þeirra. Þetta hefðu þeir lagt til með
þeim rökum að þannig mætti komast
hjá gagnrýni demókrata. Forsetinn
hefði á hinn bóginn hafnað þessari
tillögu.
Hlutabréfamarkaðir tóku við sér
er þeir voru opnaðir á nýju ári. Á
fimmtudag, sama dag og forsetinn lét
ummæli sín falla um nauðsyn þess að
hleypa nýju lífi í efnahagslífið, hækk-
aði Dow Jones-hlutabréfavísitalan
um 265,89 stig eða 3,19 prósent.
Bush kynnir
efnahagsráð-
stafanir
Reynt að hleypa nýjum þrótti í efna-
hagslífið með skattabreytingum
Washington. AFP.