Morgunblaðið - 04.01.2003, Blaðsíða 22
ÁRBORGARSVÆÐIÐ
22 LAUGARDAGUR 4. JANÚAR 2003 MORGUNBLAÐIÐ
NEYTENDUR
MÁLEFNI Selfossflugvallar eru í
nokkru uppnámi eftir að kaup á
landinu undir honum og í kringum
hann voru bundin fastmælum og
nýir eigendur gera ráð fyrir að
skipuleggja íbúðarbyggð á svæð-
inu. Skipulagsmál svæðisins í
kringum flugvöllinn og næsta ná-
grenni hans hafa verið í óformlegri
athugun og hefur byggingarfulltrúi
Árborgar haft umsjón með henni.
Í þeirri athugun hefur verið litið
til ýmissa þátta svo sem fyrri
ákvarðana í tengslum við svæð-
isskipulag í Flóa, hávaða út frá
flugvellinum og síðan þess hvernig
núverandi staðsetning flugvallarins
hefur áhrif á þróun byggðarinnar á
Selfossi. Þessi vinna er nú í bið-
stöðu eftir að eigendur landsins
vestan Eyravegar, suður af Haga-
landi, tóku tilboði um kaup Foss-
manna ehf. og Ræktunarsambands
Flóa og Skeiða á 80 hekturum af
landinu.
Ekki á lögformlegu skipulagi
Selfossflugvöllur er inni á núver-
andi svæðisskipulagi í Flóa. Það
skipulag var staðfest af sveitar-
stjórnum og þáverandi skipulags-
stjórn en aldrei af ráðherra og hef-
ur þar af leiðandi ekki lögformlegt
gildi. Þetta skipulag er því, að
sögn byggingafulltrúa Árborgar,
aðeins viljayfirlýsing og er þar
mögulega komin ein ástæða þess
að ríkisvaldið hefur ekki viljað
kaupa land undir flugvöllinn þar
sem hann hafi ekki stoð í skipulagi.
Ein af niðurstöðum hinnar
óformlegu athugunar á skipulags-
málum flugvallarins var að heppi-
legast væri að taka völlinn inn á
aðalskipulag Selfoss. Var sú vinna
komin á það stig að hefja viðræður
við landeigendur um að setja völl-
inn inn á það lögformlega skipulag.
Um leið var ætlunin að skoða
hvaða áhrif völlurinn hefði á íbúða-
byggðina á Selfossi í nágrenni við
völlinn.
Of nálægt fyrirhugaðri byggð
Fyrir liggur skýrsla sem Línu-
hönnun gerði að beiðni Flugmála-
stjórnar í ágúst 2001. Niðurstöður
hennar eru að núverandi byggð sé
öll í nægjanlegri fjarlægð frá vell-
inum miðað við núverandi flug og
byggðin sé að langmestu leyti utan
við mesta hávaðann þó að æfinga-
og kennsluflugi sé bætt við.
Hins vegar er fyrirhuguð byggð
of nálægt vellinum og er þar átt
við svæði sem hugmyndin er að
skipuleggja sem byggingasvæði,
syðsta hluta Fosslands og Haga-
landið. Þá er ljóst af skýrslunni að
aukning á flugumferð um völlinn
hefur veruleg áhrif.
Skýrsluhöfundar segja fyrst
eðlilegt að hugsa sér byggð utan
við 55 dB mörkin en þau liggja svo
dæmi sé tekið með Eyraveginum
og niður í hálft Fosslandshverfið
en á neðri hluta þess er hljóðstyrk-
urinn 56–59 dB. Þessi niðurstaða
mun vera meginástæða þess að
kaupendur landsins undir flugvell-
inum, Fossmenn ehf. og Ræktun-
arsamband Flóa og Skeiða, gerðu
eigendum tilboð en Fossmenn ehf.
hafa skipulagt og byggt upp Foss-
landið vestan Eyravegar á Selfossi
og Ræktunarsambandið vinnur að
deiliskipulagi Hagalandsins undir
íbúðarbyggð.
Skerðir þróun byggðarinnar
Ljóst er að staðsetning flugvall-
arins hefur mikil áhrif á þróun
byggðarinnar á Selfossi. Hann tek-
ur upp svæði undir flugbrautir og
áhrifasvæði utan brautanna vegna
hávaða. Síðan segir bygginga-
fulltrúi Árborgar að aðflug að vell-
inum hafi áhrif á þróun íbúða-
byggðarinnar því hæpið sé að
staðsetja íbúðarbyggð undir að-
flugsstefnunni inn á flugbrautirn-
ar.
Nú liggur aðflugsstefna braut-
anna skammt sunnan við núver-
andi byggð í Suðurhverfi á Selfossi
og aðflug úr suðri er yfir bæina í
Sandvíkurtorfunni. Verði völlurinn
kyrr er ljóst að byggðin á Selfossi
þróast í suður eins og aðalskipulag
gerir ráð fyrir en byggingafulltrúi
segir nauðsynlegt að bærinn geti
einnig þróast niður með Eyravegi,
beggja vegna við hann. Það svæði
sé auðveldara og léttara að skipu-
leggja og koma þar fyrir íbúðar-
hverfum, einkum vegna nálægðar
við stofnræsi og vegna greiðara
gatnakerfis.
Flugvöllur þarf
alltaf að vera
fjarri byggð
Selfoss
MÉR líst vel á þetta hótel. Hér er á
ferðinni krefjandi og skemmtilegt
verkefni. Hótelið er byggt af stórhug
og metnaði,“ sagði Sigurður Skúli
Pálmason sem tók við starfi hótel-
stjóra á Hótel Selfossi um áramótin.
Sigurður hefur síðastliðin þrjú ár
starfað hjá samgönguráðuneytinu.
Hann hefur reynslu af hótel- og veit-
ingarekstri frá því að vera hótel-
stjóri á Hótel Stykkishólmi og sem
aðstoðarhótelstjóri á Hótel Holti.
„Ég hef verið í hótel- og veitinga-
starfsemi frá 17 ára aldri og þetta er
fjórði staðurinn sem ég kem til.
Verkefnið hér liggur í því að vinna
þessu hóteli öruggan sess rekstrar-
lega og markaðslega. Suðurland hef-
ur mikla möguleika og ákveðið for-
skot á aðra landshluta og svo er hér
mikið framboð af þjónustu við ferða-
fólk ásamt nálægð við markaðinn á
höfuðborgarsvæðinu. Ég sé mikla
möguleika í þessu húsi, ekki síst þeg-
ar menningarsalurinn kemst í gagn-
ið, en hann gefur húsinu aukin tæki-
færi,“ sagði Sigurður Skúli.
Morgunblaðið/Sigurður Jónsson
Sigurður Skúli Pálmason hótel-
stjóri framan við innganginn að
hinu nýja Hótel Selfossi.
Nýr hótelstjóri til
starfa á Hótel Selfossi
Selfoss
ÞEGAR komið er með jólagjaf-
irnar í verslanir til að skipta nú
þegar útsölur eru hafnar eru eng-
ar samræmdar reglur hjá versl-
unum um skil á vörum. Margar
búðir bjóða einungis útsöluverð
fyrir þær. Dæmi eru um að ekki sé
hægt að fá inneignarnótur og í
öðrum verslunum gilda inneign-
arnótur ekki á útsölum. Þá eru
einnig dæmi um að viskiptavinir
fái fullt verð fyrir jólagjafirnar
fram á vor.
14 daga skilaréttur
Að sögn Sesselju Ásgeirsdóttur
veita verslanir sem hafa tileinkað
sér verklagsreglur frá iðnaðar- og
viðskiptaráðuneytinu við-
skiptavinum sínum bestu þjón-
ustuna hvað skilaréttinn varðar.
Viðskiptavinurinn veit þá strax í
upphafi hver skilaréttur hans er
en samkvæmt verklagsreglunum
er skilaréttur 14 dagar frá kaup-
um, enda sé kassakvittun eða sam-
bærilegri sönnun framvísað. „Ef
um jólagjafir er að ræða miðast
kaupin við 24. desember en hægt
er að fá sérstök gjafmerki því til
sönnunar hjá þeim verslunum sem
skilareglunum fylgja. Samkvæmt
verklagsreglunum skal við skil
vöru miða við upprunalegt verð
hennar en þó má miða við út-
söluverð ef vöru er skilað eftir að
útsala hefst og varan var keypt
innan 14 daga frá upphafi útsöl-
unnar. Skili neytandi vöru eins og
að framan greinir á hann þó alltaf
rétt á að fá inneignarnótu og skal
þá miðað við upprunalegt kaup-
verð vörunnar.“
Helstu vandamálin sem Neyt-
endasamtökin verða vör við á þess-
um árstíma tengjast því að réttur
fólks gagnvart seljendum er óljós.
„Allt of fáar verslanir hafa tekið
upp verklagsreglur um skilarétt
og fyrir vikið er réttur neytenda
oft lítill þegar mesti jólahasarinn
er afstaðinn. Vilja þá seljendur
takmarka skilarétt t.d. við þröng
tímamörk eða lágt útsöluverð, og
kannast ekkert við ljúflega gefin
loforð um að það verði "ekkert
mál" að skila gjöf eftir jól.“
Að lokum vill Sesselja taka fram
að Neytendasamtökin hafa ákveð-
ið að gera lista yfir þær verslanir
sem tileinkað hafa sér verklags-
reglur um skilarétt sem að framan
greinir og hvetja Neytenda-
samtökin þær verslanir sem verk-
lagsreglunum fylgja að láta sam-
tökin vita.
Hægt að bíða fram yfir útsölu
Skífan auglýsti allt að 90% af-
slátt af nýjum geisladiskum í gær.
Haraldur Jónsson framkvæmda-
stjóri verslunarsviðs Norðurljósa
segir að ef fólk komi með kassa-
kvittun þá fái það verðið sem þar
komi fram. Sé það ekki með kassa-
kvittun fái það verðið sem er í
versluninni þegar komið er með
diskinn og það á við um útsöluverð
líka.
Hann segir að ef fólk sé ósátt við
að fá útsöluverð fyrir geisladisk-
inn sem það er að skila geti það
beðið fram yfir útsölu en henni
lýkur 19. janúar.
Meðalverð fyrir bækur
og geisladiska
Finnur Árnason, fram-
kvæmdastjóri Hagkaupa, segir að
fólk skili jólagjöfunum strax eftir
jólin. Hann segir að töluvert sé um
það að fólk skili bókum og hljóm-
diskum. Sé fólk með kassakvittun
fyrir bókinni eða diskunum fær
það innleggsnótu samkvæmt því
verði. Sé það ekki með kassakvitt-
un er gefin út innleggsnóta í sam-
ræmi við ákveðið meðalverð á vör-
unni, sem tekur mið af sölu og
þeim afslætti sem veittur var á
vörunni í kringum jólin. Hafi var-
an t.d. verið keypt á 2.300 kr. get-
ur innleggsnótan verið í kringum
1.800 kr. fylgi kassakvittun ekki
vörunni sem skilað er. Hann bend-
ir á að nú geti fólk keypt hvaða
vörur sem er í Hagkaupum fyrir
innleggsnótur sem það fær þegar
bókum er skilað en áður var sú
regla að fólk gat einungis fengið
bækur þegar það skilaði bókum.
Finnur segist aðspurður ekki hafa
orðið var við neina óánægju með
þetta fyrirkomulag. „Ég hef ekki
heyrt að fólk sé óánægt með það,“
segir hann.
Útsöluverðið gildir
Nú er útsala hafin í Hagkaupum
og vörur seldar með allt að 90% af-
slætti. Finnur segir að ef við-
skiptavinur sé með kassakvittun
þá gildi það verð sem kemur fram
á henni. Sé viðskiptavinur ekki
með kvittun þá fær hann vöruna á
því sem verði sem hún er á í búð-
inni þegar komið er með hana.
Hann segir að það sé aðallega
fatnaður sem sé á útsölu og sá
fatnaður hafi því fallið í verði ann-
an janúar. Hann bendir hins vegar
á að í fyrsta skipti hafi Hagkaup
nú verið með opið lengur milli jóla
og nýárs til að koma til móts við þá
viðskiptavini sem vildu skila áður
en útsala hæfist.
Engar innleggsnótur
Karen Rúnarsdóttir versl-
unarstjóri hjá Zöru í Smáralind
segir að ef fólk sé með kassakvitt-
un þá hafi það 30 daga skilafrest.
„Fyrir jólin var settur miði á flíkur
sem ætlaðar voru til jólagjafa þar
sem kom fram að hægt væri að
skila þeim til 31. desember. Ekki
eru gefnar út innleggsnótur hjá
Zöru svo fram til 31. desember var
hægt að fá vörurnar end-
urgreiddar og einnig ef við-
skiptavinir eru með kassakvitt-
anir.
Sé fólk að skila vörum núna þeg-
ar útsalan er hafin og það hefur
ekki kassakvittun þá gildir út-
söluverð og fólk þarf að taka aðra
flík í staðinn fyrir þá sem skilað
er.“
Fullt verð fyrir
jólagjafirnar
Hjá Dressman hófst útsalan 27.
desember. Þar getur fólk skilað
jólagjöfum á fullu verði fram á vor
ef því er að skipta.og að sögn
Grétu Karlsdóttur starfsmanns hjá
Dressman getur fólk fengið aðra
vöru í staðinn eða fengið innleggs-
nótu sem gildir á útsölu og næstu
sex mánuðina.
Innleggsnótur gilda á útsölu
Hjá bison í Kringlunni fengust
þær upplýsingar hjá Styrmi Goða-
syni að skili fólk vöru nú þegar út-
salan er hafin gildi útsöluverðið.
Hafi viðskiptavinir hins vegar skil-
að vörunni fyrir útsölu og fengið
innleggsnótu fyrir fullu verði er
þeim frjálst að nota hana á útsöl-
unni.
Réttur neytenda lítill þegar skila á vörum eftir jólin
Jólagjafirnar teknar
til baka á útsöluverði
Morgunblaðið/Jim Smart
Þeir sem ekki eru þegar búnir að skila jólagjöfunum geta ekki gengið að því vísu að fullt verð fáist fyrir þær nú
þegar útsölur eru hafnar.
Útsölur eru hafnar en
enn eiga einhverjir eftir
að skila jólagjöfum.
Guðbjörg R.
Guðmundsdóttir segir
að að mati Neytenda-
samtakanna hafi of fáar
verslanir tekið upp
verklagsreglur um
skilarétt.
gudbjorg@mbl.is