Morgunblaðið - 30.01.2003, Blaðsíða 13

ERLENT
MORGUNBLAÐIÐ FIMMTUDAGUR 30. JANÚAR 2003 13
I N T E R N A T I O N A L
Sérfræðingur Kanebo mun kynna þessa nýjung
ásamt því nýjasta í förðun í Hagkaup Kringlunni,
fimmtudag, föstudag 13-18.
Laugardag kl. 12-16.
Smooth Away Wrinkles
Horfðu á línurnar hverfa!
NORMAN Schwarzkopf, hershöfð-
inginn sem stjórnaði bandarísku
hersveitunum í Persaflóastríðinu
árið 1991, segist ekki hafa séð næg-
ar sannanir til að láta sannfærast af
málflutningi gamalla samstarfs-
manna sinna, Dicks Cheneys, Colins
Powells og Pauls Wolfowitz, um
nauðsyn þess að hefja hernað að
nýju í Írak.
Schwarzkopf telur að láta eigi á
það reyna hvort vopnaeftirlit Sam-
einuðu þjóðanna beri árangur.
Hann hefur einnig áhyggjur af
borubrattri framgöngu æðstu emb-
ættismanna bandaríska varn-
armálaráðuneytisins, hugsanlegu
manntjóni meðal óbreyttra borgara
og hermanna og kostnaðarins af
því að hernema Írak.
Viðhorf hetjunnar í Persaflóa-
stríðinu til herskárrar stefnu
Bandaríkjastjórnar í málinu er
furðulík tvíbentri afstöðu almenn-
ings í Bandaríkjunum. Hann hefur
áhyggjur af Saddam Hussein, leið-
toga Íraks, en vill fá að sjá ótvíræð-
ar vísbendingar um að Írakar eigi
gereyðingarvopn.
„Tilhugsunin um að Saddam
Hussein geti beitt kjarnavopnum er
hryllileg,“ segir hann. „Ég veit ekki
hvaða upplýsingar stjórnin hefur
fengið frá leyniþjónustunni. Ég
þarf að fá betri upplýsingar áður en
ég get staðið upp og sagt: það leik-
ur ekki nokkur vafi á því að við
þurfum að ráðast inn í Írak.“
Schwarzkopf er hlynntur því að
eftirlitsmenn Sameinuðu þjóðanna
haldi vopnaleitinni áfram í Írak og
vonar að þeir geti svarað því hvort
Írakar eigi gereyðingarvopn.
Vinur Bush-fjölskyldunnar
Schwarzkopf, sem er 68 ára, er
einn af þekktustu hershöfðingjum
Bandaríkjanna og vinur Bush-
fjölskyldunnar. Hann fer á veiðar
með George Bush, fyrrverandi for-
seta, og tók þátt í kosningabaráttu
sonar hans, George W yngri., og
Dicks Cheneys varaforseta, sem
var varnarmálaráðherra í stríðinu
1991.
Heimssýn hans er önnur en þess-
ara fyrrverandi samstarfsmanna
hans í Persaflóastríðinu. „Ástandið
í Miðausturlöndum er ekki svart/
hvítt og hvaða leið sem við veljum
verðum við að fara hana af skyn-
semi og fyrirhyggju.“
Schwarzkopf er ánægður með
Colin Powell utanríkisráðherra,
sem var forseti bandaríska herráðs-
ins í stríðinu. Hann er hins vegar
lítt hrifinn af framgöngu Donalds
Rumsfelds varnarmálaráðherra. „Í
hreinskilni sagt er mér stundum
um og ó þegar ég heyri yfirlýsingar
Rumsfelds,“ segir hann.
Schwarzkopf segir að Cheney
hafi látið lítið á sér bera í Persa-
flóastríðinu en Rumsfeld hafi á
hinn bóginn notað hvert tækifæri
sem gefist til að koma fram í sjón-
varpi eftir að stríðið gegn hryðju-
verkastarfsemi hófst. „Hann virðist
stundum næstum því njóta þess,“
segir Schwarzkopf og er þeirrar
skoðunar að menn eigi að varast að
njóta þess að heyja stríð.
Hann er efins um að hugsanlegt
stríð í Írak verði stutt og varar við
því að Bandaríkjaher geti fengið
erfið úrlausnarefni í landinu eftir
sigur á her Saddams. „Hvernig
verður Írak eftir að stríðinu lýkur,
með Kúrdana, súnnítana og sjítana?
Það er mjög mikilvæg spurning í
mínum huga. Menn ættu að taka
þetta með í reikninginn í heildar-
áætluninni.“
Stríðshetjan ekki sannfærð
um nauðsyn stríðs í Írak
Norman Schwarzkopf vill að látið
verði reyna á vopnaeftirlitið í Írak
Tampa. The Washington Post.
Reuters
Norman Schwarzkopf, hershöfð-
inginn sem stjórnaði stríðsaðgerð-
unum í Írak 1991.
’ Mér verður stund-um um og ó þegar ég
heyri yfirlýsingar
Rumsfelds. ‘
STJÓRNVÖLD í Tyrklandi vilja að
Atlantshafsbandalagið komi upp eld-
flaugum þar í landi til að verjast
hugsanlegum árásum Íraka.
Stjórnvöld í Írak hafa hótað því að
ráðist verði gegn ríkjum þeim sem
veita Bandaríkjamönnum beina að-
stoð fari svo að stjórnvöld vestra
ákveði að koma Saddam Hússein
Íraksforseta frá með hervaldi.
Yusuf Buluc, talsmaður tyrkneska
utanríkisráðuneytisins, sagði í gær
að á meðal þess sem rætt hefði verið
um á vettvangi Atlantshafsbanda-
lagsins væri að komið yrði upp
bandarísku eldflaugakerfi í Tyrk-
landi til að bregðast við hótunum
Íraka. Ræðir þar um svonefndar
Patriot-eldflaugar en þær eru hann-
aðar til að granda öðrum eldflaugum
á flugi. Sagði Buluc að Tyrkir styddu
þessi áform.
Patriot-eldflaugum var m.a. komið
upp í Ísrael í Persaflóastríðinu árið
1991.
Hugsanleg uppsetning gagneld-
flauganna er liður í áætlun sem
Bandaríkjamenn kynntu fyrr í mán-
uðinum og kveður á um aðstoð
NATO í hugsanlegum átökum við
Íraka. Áætlun Bandaríkjamanna er
nú til umræðu á vettvangi NATO.
Tyrkir eru eina NATO-þjóðin sem
á landamæri að Írak. Hafa stjórn-
völd í Tyrklandi sætt þrýstingi af
hálfu Bandaríkjamanna um að koma
þeim til aðstoðar fari svo að ákveðið
verði að láta til skarar skríða gegn
Saddam Hússein. Er þá einkum rætt
um afnot af herstöðvum og aðstoð
við birgðaflutninga. Tyrkir hafa
forðast að taka afstöðu í málinu og
vísað til þess að það verði ekki gert
fyrr en öryggisráð Sameinuðu þjóð-
anna hefur rætt Íraksmálið á ný og
komið sér saman um nýja ályktun í
því viðfangi. Á hinn bóginn hafa
tyrkneskir og bandarískir embætt-
ismenn átt fundi um með hvaða móti
hinir fyrrnefndu gætu lagt sitt af
mörkum í hugsanlegri herför gegn
Saddam forseta og stjórn hans.
Tareq Aziz, aðstoðarforsætisráð-
herra Íraks, sagði á mánudag að
Írakar myndu ráðast gegn þeim ríkj-
um sem veittu Bandaríkjamönnum
aðstöðu til að beita hervaldi gegn
Írökum. „Við munum að sjálfsögðu
hefna árása bandarísku her-
mannanna og skiptir þá engu hvaðan
þeir koma. Slíkt er löglegt og rétt-
mætt,“ sagði Aziz.
Reuters
Nokkrir þingmenn Evrópuþingsins héldu á spjöldum þar sem hugsanlegu
stríði í Írak var mótmælt þegar þingið fjallaði um Íraksmálið í gær.
Tyrkir vilja eld-
flaugar frá NATO
Vilja bregðast við hótunum Íraka
Ankara. AFP.
FRANSKA stjórnin kvaðst í gær
vera undir það búin að flytja franska
borgara frá Fílabeinsströndinni
vegna óeirða sem hófust meðal and-
stæðinga friðarsamkomulags sem
náðist fyrir milligöngu Frakka og
miðar að því að binda enda á fjög-
urra mánaða borgarastyrjöld.
Allt að 20.000 Frakkar búa á Fíla-
beinsströndinni, fyrrverandi ný-
lendu Frakklands. Um 250 starfs-
menn franskra fyrirtækja voru
fluttir þaðan í gær.
Þúsundir ungmenna hafa setið um
franska sendiráðið í Abidjan, við-
skiptahöfuðborg Fílabeinsstrandar-
innar, og farið ránshendi um frönsk
fyrirtæki til að mótmæla samningn-
um. Hann kveður á um að stuðnings-
menn forseta landsins deili völdun-
um með leiðtogum uppreisnarmanna
sem reyndu að steypa honum af stóli
19. september og hafa náð norður-
hluta landsins á sitt vald.
Mikil óvissa ríkir um samninginn
eftir að innanríkisráðherra Fíla-
beinsstrandarinnar lýsti því yfir að
hann væri „ógildur“. Uppreisnar-
mennirnir segja að samkvæmt
samningnum eigi þeir að tilnefna
ráðherra innanríkis- og varnarmála
en herinn hefur hafnað því.
Óeirðir á Fílabeins-
ströndinni
Viðbúin að
flytja Frakka
á brott
París. AFP, AP.