Morgunblaðið - 31.03.2003, Blaðsíða 36
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 MÁNUDAGUR 31. MARS 2003 VERÐ Í LAUSASÖLU 190 KR. MEÐ VSK.
Smáralind - Glæsibæ
MIKIL umskipti verða í byggingarfram-
kvæmdum og lóðaúthlutun í Fjarðabyggð í kjöl-
far ákvörðunar um byggingu álvers í Reyðarfirði
og er meðal annars að hefjast bygging íbúðar-
húsa í Neskaupstað sem eru fyrstu íbúðarhúsin
sem byggð eru á staðnum í 12 ár.
Við sameiningu byggðarlaganna, Eskifjarðar,
Reyðarfjarðar og Neskaupstaðar, í Fjarðabyggð
árið 1998 fyrir fimm árum var íbúafjöldi í byggð-
arlaginu um 3.300 manns. Síðan hefur fækkað
um 200 íbúa á staðnum og þess vegna hefur verið
nóg framboð á íbúðarhúsnæði, að sögn Gunnars
Jónssonar, forstöðumanns stjórnsýslusviðs í
Fjarðabyggð. Nú hefur hins vegar verið úthlutað
fjórtán lóðum í Neskaupstað og eru fram-
kvæmdir á þeim að fara á stað, en það eru fyrstu
íbúðarhúsin sem byggð eru á staðnum í tólf ár.
Alls hafa verið skipulagðar 350 byggingarlóðir
í sveitarfélaginu, flestar á Reyðarfirði eða 230
talsins, 75 lóðir á Eskifirði og 40 í Neskaupstað.
Nýmæli í Neskaupstað
Íbúðarhús byggð
eftir 12 ára hlé
GUÐNI Bergsson hefur ákveðið að gefa kost á sér
í íslenska landsliðið í knattspyrnu þegar það mætir
Færeyjum og Litháen í undankeppni Evrópumóts
landsliða dagana 7. og 11. júní.
Guðni staðfesti í samtali við Morgunblaðið eftir
landsleik Íslands og Skotlands í Glasgow á laug-
ardaginn að hann myndi svara því játandi ef hann
yrði beðinn um að taka þátt í leikjunum.
Guðni gefur
kost á sér áfram
Guðni/B1
REIKNAÐ er með að ferðum á leiðum Flugfélags
Íslands verði fjölgað um u.þ.b. 10% í sumar. Fjölg-
unin verður fyrst og fremst til Egilsstaða sem
skýrist af fyrirhuguðum virkjanaframkvæmdum á
Austurlandi. Svo-
kallaðir aldurslistar
flugmanna Flug-
leiða og Flugfélags
Íslands eru nú að-
skildir í fyrsta sinn.
Að sögn Jóns
Karls Ólafssonar,
framkvæmdastjóra
Flugfélags Íslands, gera grófir útreikningar ráð
fyrir 10% aukningu á framboði flugferða hjá félag-
inu í sumar. „Fjölgunin verður fyrst og fremst á
Egilsstaði og aðeins á Akureyri. Fjölgunin á Egils-
staði er augljóslega út af framkvæmdunum sem
eru fyrirhugaðar þar en menn reikna með verulega
aukinni eftirspurn á þeirri leið. Hvernig hún verð-
ur og hvenær er hins vegar ekki alveg ljóst ennþá.“
Kallaði á endurþjálfun og tilfærslur
Jón Karl segir að frá og með síðustu mánaða-
mótum hafi Flugfélagið starfað eftir eigin flug-
mannalista en hingað til hafi félögin tvö, Flugfélag-
ið og Flugleiðir, haft sameiginlegan lista yfir
flugmenn. „Þetta eru svokallaðir aldurslistar sem
voru þannig að að flugmenn Flugleiða sinntu flug-
inu á Fokker 50-vélunum hjá okkur. Það þýddi að
alltaf þegar eitthvað gerðist hjá Flugleiðum þurfti
að endurþjálfa og ráða og færa til hjá okkur en
núna er sá bikar farinn frá okkur. Flugmennirnir
okkar eru einfaldlega okkar starfsmenn og starfs-
aldur þeirra telst innan okkar raða og sömuleiðis
hafa Flugleiðamennirnir sína lista eins og áður.“
Að hans sögn má rekja ástæðu þess að listarnir
voru sameiginlegir til þess að upphaflega hafi inn-
anlandsflugið verið rekið af innanlandsdeild Flug-
leiða
Flugfélag Íslands fjölgar
ferðum um 10% í sumar
Flugmanna-
listar aðskild-
ir í fyrsta sinn
VALDÍS Ásgeirsdóttir náði þeim merka áfanga að fá skipstjórnar-
réttindi hjá Siglingaskóla Íslands á síðasta ári. Hún hefur farið
nokkra róðra síðan sem skipstjóri á Garpi SH og verið fengsæl eins
og sjá má.
Valdís sækir sjóinn stíft og rær á net ásamt föður sínum, Ásgeiri
Valdimarssyni, og Guðmundi Gústafssyni. Fyrir helgina var Valdís
að landa og ganga frá afla dagsins sem var um 2,5 tonn af fallegum
þorski sem fékkst í Grundarfirði.Valdís er greinilega ánægð með
sína vinnu á sjónum og er ekkert á því að hætta að stunda sjó-
mennskuna í bili.
Morgunblaðið/Alfons Finnsson
Ánægð með afla dagsins
ÍSLAND og Noregur munu á samningafundi
í Brussel í dag ítreka kröfur sínar um nið-
urfellingu tolla á sjávarafurðum í tilefni af
því að Austur-Evrópuríki ganga í Evrópu-
sambandið. Framkvæmdastjórn ESB hefur
eingöngu fallizt á að veita innflutningskvóta
á lægri tollum, en segir að eigi að lækka tolla
á einhverjum afurðum almennt, verði á móti
að koma heimild fyrir ESB-borgara að fjár-
festa í íslenzkum og norskum sjávarútvegi,
að því er fram kemur í norska blaðinu Aften-
posten á laugardag.
Meginkrafa Íslands og Noregs í viðræðum
við ESB vegna stækkunar sambandsins – og
þar með Evrópska efnahagssvæðisins – til
austurs hefur verið að fella niður tolla á sjáv-
arafurðum. Löndin tvö hafa séð fram á að
staða þeirra á mörkuðum í Austur-Evrópu,
ekki sízt í Póllandi og Eystrasaltsríkjunum,
myndi ella versna vegna þess að tollar
myndu leggjast á vörur, sem nú njóta toll-
frelsis samkvæmt samningum EFTA við
þessi ríki. Í tilviki Íslands er aðallega um
síldarafurðir að ræða. Þar eru fersk eða fryst
síldarsamflök (samföst flök eða „fiðrildi“)
langsamlega mikilvægust, en þau bera 15%
toll samkvæmt EES. Sami tollur er á heil-
frystri síld og 10% tollur á sykur-, krydd- og
ediksíld.
Í upphafi samningaviðræðnanna gaf fram-
kvæmdastjórn ESB í skyn að hún vildi ekki
einu sinni semja um tollfrjálsan innflutnings-
kvóta á tilteknu magni af þessum afurðum,
en hefur á seinni stigum sagzt reiðubúin að
semja um kvóta, að sögn Aftenposten. Það
telja Ísland og Noregur óviðunandi, þar sem
tollkvótar myndu hamla áframhaldandi vexti
þessa markaðar. Ísland flutti t.d. nánast ekk-
ert út af síldarsamflökum til A-Evrópuríkj-
anna árið 1998 en á síðasta ári var útflutn-
ingur á þeim orðinn 20.000 tonn, þannig að
um verulega hagsmuni er að ræða.
Lausn í tollamálinu
forsenda samninga
Framkvæmdastjórn ESB hefur sagt að
hún sé ekki reiðubúin að ræða lækkun tolla
nema að fá á móti heimild til fjárfestinga
ESB-borgara í norskum og íslenzkum sjáv-
arútvegi. Ísland og Noregur hafa ekki léð
máls á þeirri kröfu. Eins og greint var frá í
Morgunblaðinu á laugardag hefur þokazt
áleiðis í viðræðum um greiðslur EFTA-
ríkjanna til fátækari ríkja ESB; Ísland og
Noregur bjóða hærri greiðslur og ESB hefur
lækkað kröfur sínar. Það er þó ekki víst að
samkomulag náist í viðræðunum þótt það
mál komist í höfn, því að EFTA-ríkin leggja
áherzlu á að það sé algerlega ótengt sam-
komulagi um tolla á sjávarafurðum.
Löndin hafa stuðning af a.m.k. fjórum
væntanlegum aðildarríkjum ESB, þ.e.
Eystrasaltsríkjunum þremur og Póllandi,
sem hafa sagt það í þágu sinna hagsmuna að
fella niður tollana á síld, makríl og laxi. Sam-
kvæmt heimildum Morgunblaðsins er af-
staða íslenzkra stjórnvalda sú að samningum
verði ekki lokið nema viðunandi lausn fáist í
þessu efni.
Ef einvörðungu verður samið um tollkvóta,
skiptir miklu máli hvernig hann verður
reiknaður út. Framkvæmdastjórnin hefur
viljað miða við meðaltal útflutnings EFTA-
ríkjanna til A-Evrópuríkja árin 1999–2001.
Slíkur útreikningur kæmi illa út fyrir Ísland,
enda varð mest aukning á síldarútflutningn-
um árin 2001 og 2002. Ísland leggur því
áherzlu á að miðað verði við árið 2002 og mat
á framtíðarhagsmunum.
Vonir eru bundnar við að árangur náist í
viðræðunum í þessari viku, en samninga-
fundir eru boðaðir bæði í dag og á föstudag.
Tekizt er á um tolla-
lækkun eða kvóta
Viðunandi lausn á
tollum í EES sögð for-
senda samninga við
Evrópusambandið
♦ ♦ ♦
♦ ♦ ♦