Morgunblaðið - 29.05.2003, Síða 12

Ve
st
ur
la
nd
Um tíma í sumar mun íslensk fjölskylda
búa á Eiríksstöðum og lifa sig inn í lifn-
aðarhætti víkinganna, klæðast víkinga-
kuflum, borða spónamat, herta þorsk-
hausa og annað sem víkingarnir lögðu
sér til munns. Börnin munu fara í leiki
með legg og skel og berjast með sverð-
um. Það eru hjónin Þorgrímur Einar Guð-
bjartsson og Helga Elínborg Guðmunds-
dóttir, bændur á Erpsstöðum í Dölum,
sem hafa tekið þetta hlutverk að sér
ásamt fjórum börnum sínum á aldrinum
4–10 ára.
Þá mun fjölskyldan mæta með eitthvað
af bústofni sínum að Eiríksstöðum í sum-
ar og bjóða börnum að nálgast dýrin.
„Við verðum með leiðsögn um staðinn
frá morgni til kvölds og tökum á móti fólki
klædd víkingafatnaði. Leikföngin sem
börnin fá miðast við víkingatímann.“
Hjónin munu elda spónamat og nærast
á hangikjöti, harðfiski, þurrkuðum þorsk-
hausum og súrmeti, svo dæmi séu tekin.
Þorgrímur segir að börn hafi ekki síður
gaman af því að heimsækja Eiríksstaði
en fullorðnir.
„Börn sem heimsækja okkur mega
gjarnan prófa sverðin, skildi, hjálma og
brynjur og stundum stendur þeim til boða
að taka þátt í keppni með spýtusverðum,
sem hefur mælst vel fyrir hjá börnum frá
9 ára aldri upp að unglingsárum.“
Annars segir Þorgrímur að starf þeirra
muni aðallega felast í því að veita gestum
leiðsögn um svæðið.
Sett verða upp sérstök víkingatjöld í
sumar þar sem handverksfólki gefst kost-
ur á að bjóða varning til sölu.
Hestaferðir
Alma Guðmundsdóttir ferða- og atvinnu-
málafulltrúi Dalabyggðar segir að í sumar
verði boðið upp á tvenns konar hestaferð-
ir frá Eiríksstöðum. Önnur ferðin verður
tengd sagnaslóð Eiríks rauða, þar sem
riðið verður um svæði á Skógarströnd
undir öruggri leiðsögn. „Leið þessi er
ákaflega falleg og er hægt að fara í styttri
sem lengri ferðir.“
Hinar hestaferðirnar verða farnar um
Fellsströnd. Gist verður í félagsheimilinu
að Staðarfelli, og boðið upp á fæði.
Riðið verður með strönd Fellsstrandar,
farið á fjörur þar sem margt skemmtilegt
ber fyrir augu og dýralíf er fjölskrúðugt.
Fjölskylda flytur á safnið
og býr að hætti víkinga
Morgunblaðið/Jóhanna
Alma Guðmunds-
dóttir ferðamála-
fulltrúi ásamt Þor-
grími Einari
Guðbjartssyni, en
hann mun dvelja á
Eiríksstöðum
hluta sumars
ásamt fjölskyldu
sinni.

Eiríksstaðir í Haukadal
Sími 434 1118 og 434 1132
www.leif.is
ferdamal@dalir.is
Eiríksstaðir í Haukadal
JÚLÍ
3. Kvöldganga UMSB og Veiðimálastofnunar við Hítará
í Borgarfirði
Gengið með leiðsögn um fallegt svæði við Hítará. Veiðihúsið
skoðað og fræðst um ána.
4.–6. Færeyskir dagar í Ólafsvík
Fjölskylduskemmtun með fjölbreyttri dagskrá.
10.–12. Írskir dagar á Akranesi
Fjölskylduskemmtun á ýmsum stöðum frá fimmtudegi til laug-
ardags.
11.–13. ,,Dalirnir heilla“ - Leifshátíð
Víkingahátíð við Eiríksstaði í Haukadal.
17. Kvöldganga UMSB og Veiðimálastofnunar við Flóku
í Borgarfirði
Gengið með leiðsögn um leynda perlu er nefnist Flóka.
25.–27. Reykholtshátíð í Reykholtskirkju
Tónlistarhátíð í Reykholtskirkju haldin í tengslum við kirkjudag í
júlí ár hvert. Sjá www.reykholt.is
25.–27. Á góðri stund í Grundarfirði
Fjölskylduhátíð með fjölbreyttri dagskrá
31. Kvöldganga UMSB og Veiðimálastofnunar við Hreðavatn
Gengið og fræðst um Hreðavatn og umhverfi þess.
ÁGÚST
1.–3. Mannrækt undir jökli á Brekkubæ, Hellnum
Snæfellsásmótið, Mannrækt undir jökli, verður haldið í fimm-
tánda sinn. Boðið verður upp á fyrirlestra, stutt námskeið, áru-
lestur, skyggnilýsingu, miðilstíma, lestur í spáspil, svitahof, frið-
arathöfn, jóga, o.m.fl.
3. Söguferðir Sæmundar á Hellissandi
Gengið verður á slóðir Víglundarsögu. Heildargangan tekur um
4–5 klst. en hægt er að skipta henni í styttri áfanga. Gengið er
mestmegnis á sléttlendi þannig að þetta ætti að henta flestum.
4. Söguferðir Sæmundar í Fróðárhreppi á Snæfellsnesi
Gengið verður um slóðir Eyrbyggju og svipast um í Fróðárhverf-
inu.
9. Fornvéladagur á Akranesi á Safnasvæðinu Görðum
Hátíð á Safnasvæðinu í tilefni dagsins og skrúðakstur um Akra-
nes.
14. Kvöldganga UMSB og Veiðimálastofnunar við Grímsá
Gengið með leiðsögn um falleg svæði Grímsár. Fræðst um veið-
ina, umhverfi og margt fleira
15.–17. Danskir dagar í Stykkishólmi
Á föstudeginum halda bæjarbúar grillveislur í götum sínum og
skreyta þær. Laugardagur verður aðaldagurinn með ratleik,
messu, skrúðgöngu, skemmtiatriðum og um kvöldið verður grill-
veisla og brekkusöngur og bryggjuball.
23. Vörðum leiðina á Safnasvæðinu Görðum
Formleg vígsla safns Landmælinga. Vörðuhleðslumeistarar
sýna takta sína á Safnasvæðinu Görðum. Ýmsar uppákomur því
tengdar.
24. Afmælishátíð í Brimilsvallakirkju
Brimilsvallakirkja á Snæfellsnesi verður 80 ára. Hestamenn
koma ríðandi til hátíðarinnar. Messa sungin með virkri þátttöku
barna og fullorðinna. Að messu lokinni verður grill- og kaffiveisla
í risatjaldi við kirkjuna. Leikir og fjöldasöngur.
28. Kvöldganga
UMSB og Veiðimálastofnun efna til fræðslugöngu við Langá í
Borgarfirði.
Dægradvöl