Morgunblaðið - 29.05.2003, Blaðsíða 41

Hjálmur festur, sólgleraugu upp, sólar-
vörn á nefi, hjólabuxur, hjólavettlingar og
stigið á sveif. Leiðin liggur á hálendið, en
áður en lagt er upp í t.d. 4 daga og 3 nátta
ferð ber að huga að ýmsu, fyrir utan þjálf-
un. Áríðandi er að velja farangur vel og
mæla þyngd, hvert aukakíló sígur í. Gott
er að fara með rútu áleiðis.
1. ÁÆTLUN: Gera góða ferðaáætlun
eftir að hafa skoðað kort og spurst fyrir
um aðstæður; árfarvegi, skála. Skilja eftir
ferðaáætlun hjá ábyrgum vini.
2. HJÓL: Ekki er talið snjallt að fara á al-
veg nýju hjóli í nokkurra daga ferð. Betra
að fara á hjóli sem knapinn þekkir. Hjólið
þarf að vera vel smurt og yfirfarið, á góð-
um dekkjum. Bögglaberi, vatnheldar tösk-
ur og poki eru undir farangur.
3. VERKFÆRI: Bætur, aukaslanga,
aukadekk, keðjulás, gír og bremsuvírar,
nokkrir litlir boltar með ró, tape og drag-
bönd. Pumpa, affelgunarsett, keðjulykill,
teinalykill, lítill skiptilykill og 8 og 10 mm
lyklar. Kaupa má líka sett sem er í vasa-
hnífastærð og inniheldur sexkanta, skrúf-
járn, flatt og stjörnu og jafnvel töng.
4. FATNAÐUR: Góðan vind- og vatns-
heldan fatnað. Ef hjólreiðamaður á ekki
skóhlífar er nauðsynlegt að hafa með sér
plastpoka til að setja yfir skóna. Ekki er
snjallt að hjóla í bómull næst líkamanum,
ull eða öndunar-flík er betri. Mjög gott er
að hafa fleiri þunnar flíkur með, frekar en
eina þykka. Muna vettlinga, húfu, ullar-
sokka og góða skó. Ef hjólin bila illa eru
skórnir aðal-varaútbúnaðurinn til að vera í
á langri leið í grófu landslagi.
5. DRYKKIR: Vatnsbrúsi; kanna vel
hvernig vatnsmálum er háttað á svæðinu.
Duftkaffi, te, súkkulaðiduft, orkudrykkir
eða annað sem má blanda út í vatn.
6. MATUR: Allt sem er fljótsoðið. Gott
að ákveða aðalmáltíðir fyrirfram svo að
ekki sé of mikið tekið með; pasta, núðlur,
hrísgrjón (fljótsoðin), sojahakk til að setja
út í og þurrmat. Pylsur eða bjúgu til að
hafa fyrstu dagana og brytja út í pastað.
Fínt að taka með sér litlu ostana (pepper-
oni, papriku) til að bæta út og eyða gervi-
bragðinu. Rúgbrauð, flatkökur, fjallabrauð
og kex. Álegg: sneiddur ostur, hnetusmjör
og annað handhægt. Nasl; þurrkaðir
ávextir, orkusúkkulaði eða súkkulaði.
Prímus, pottar, kveikjari, þvottalögur.
7. ANNAÐ: Tjald, svefnpoki og dýna.
Vaselín til að bera á nuddsár, plástur og
teykjubindi. Langbylgjuútvarp til að fylgj-
ast með veðri.Vasahníf, kort í plasti, átta-
vita og aukateygju eða bandspotta. Mik-
ilvægt er að reyna ekki of mikið á sig
fyrsta daginn. Sett saman með hjálp Öldu
Jónsdóttur og fleiri hjólreiðamanna.
Morgunblaðið/RAX
Glaður hjólreiðamaður á Fjallabaksleið nyrðri.
Hjólað á hálendinu
TENGLAR
...................................................
http://www.mmedia.is/ifhk/
http://www.bicycling.com/