Morgunblaðið - 29.05.2003, Blaðsíða 16
Le
ik
ir
Hótel Borgarnes
sími 437 1119
hotelbo@centrum.is
„Erum við ekki að verða komin?“ spyr
barn skömmu eftir að lagt er af stað í lang-
ferð. Því leiðist, en til eru ráð við því; hljóð-
bækur, pokar með dóti. Einnig eru til ým-
iskonar hugarleikir, sem allir geta tekið
þátt í, jafnvel bílstjórinn. Hér verða nefnd
nokkur dæmi.
HLUTUR FUNDINN
Farþegi hugsar sér hlut, persónu eða
hugmynd, og hinir eiga að finna hana með
því að spyrja spurninga. Til dæmis: „Er
hann í dýraríkinu (jurta-, steina-, hug-
mynda-, óvissuríki)?“ Aðeins má svara
með „já“ eða „nei“. Hver og einn má
spyrja spurninga um til dæmis eiginleika
eða nytsemd hlutarins, eins og: „Er hlut-
urinn rauður?“ „Er hann í Reykjavík?“
Ferðalangar leggja svörin á minnið svo
ekki þurfi að spyrja tvisvar að því sama,
og svo þokast þeir nær þangað til einn
hittir á rétt svar, til dæmis: „Er það kisan
þín?“ „Er það Denni dæmalausi?“ Eða:
„Er það lýðræði?“
Aðalatriðið er að spyrja fjölbreyttra
spurninga til að komast á slóðina.
KOMAST Í GEGNUM TOLLINN
Farþegi setur reglu í huga sér, til dæmis:
„Enginn kemst í gegnum tollinn nema í
bláum og gulum lit.“ Aðrir farþegar byrja
að reyna, einn í einu eftir röð: „Ég kemst í
gegnum tollinn í útfjólubláum buxum,
grænni peysu og með hatt.“ Hann kemst
vissulega ekki. Annar gæti sagt síðar: „Ég
kemst í gegnum tollinn í gulum, rauðum,
grænum og bláum buxum“. Hann kemst
vissulega en er samt sem áður ekki búinn
að finna regluna, en það er málið.
Leikurinn er ekki búinn fyrr en allir hafa
fundið regluna. Þegar þátttakandi telur
sig hafa fundið regluna hvíslar hann til-
gátu sinni í eyra reglustjóra. Ef hann hefur
rétt fyrir sér heldur hann samt áfram að
vera með í leiknum, og getur gefið hinum
þannig óbeinar vísbendingar.
Næsti keppandi í röðinni (eða sá sem
fyrstur fattaði) hugsar sér næstu reglu og
reglan gæti verið einhver landbúnaðar-
afurð. Þriðji hugsar ef til vill regluna: „Orð-
ið verður að byrja á sama staf og nafn
þess sem segir orðið.“ Þannig getur hver
og einn komið með eigin hugmynd að
reglu. Galdurinn sem leiðir til þess að leik-
urinn heppnist er að þátttakendur segi
óhikað það sem þeim dettur í hug, fylgist
með hvað er rétt hjá þeim og öðrum og
reyni að finna samhengi í réttum svörum.
SKIPT UM NÖFN
Leikurinn felst í því að snúa íslenskum
bæjarnöfnum (götum/staðarnöfnum) yfir
á ensku á meðan keyrt er hjá. Þessi leikur
vekur oft mikinn hlátur því kostuleg nöfn
geta orðið til þegar þeim er snarað.
Dæmi: Reykjavík verður Smokie Bay,
Laugavegur Washing Road, Landmanna-
laugar geta orðið Country Man’s Bath, og
svo framvegis.
VEIÐAR
Farþegar eiga að ljúka setningunni: „Þeg-
ar ég fór að veiða veiddi ég …“ Farið er
eftir stafrófsröð og verða farþegar að
nefna þrjá hluti sem byrja á sama staf til
að verða ekki úr leik. Til dæmis: „Þegar ég
fór að veiða veiddi ég asna, andarunga og
appelsínu.“ Næsti finnur þá orð sem byrja
á B og svo framvegis.
Morgunblaðið/Kristinn
„Bílaleikir“ ferðalanga
TENGLAR
...................................................
http://www.leikjavefurinn.is