Morgunblaðið - 29.05.2003, Side 25

OD
DI
H
F
J
69
57
...vísa þér veginnwww.lmi.is
Ómissandi í ferðalagið
Ferðakort 1:250 000
Vesturland og Suðurland
Annað kortið af þremur í flokki nýrra vandaðra
ferðakorta í mælikvarða 1:250 000 er komið út. Mjög
handhægt brot sem hentar vel á ferðalögum. Mikil
skörun á milli korta. Byggt á nýjum stafrænum
gögnum.
Kort sem ættu að vera til á hverju heimili
Ný ferðakort
Ferðakort 1:500 000
Vandað nýtt heildarkort af Íslandi með hæðar-
skyggingu og þjónustutáknum. Glæsileg og mikið
breytt útgáfa af þessu vinsæla korti. Nýjustu upp-
lýsingar um vegi landsins, vegalengdir og vega-
númer, auk mikilvægra upplýsinga um ferða-
þjónustu, svo sem bensínafgreiðslur, gististaði,
söfn, sundlaugar, golfvelli og fleira. Kortinu fylgir
nafnaskrá með yfir 3000 örnefnum. Skýringar á
fjórum tungumálum.
• Hæðarskygging og 50 metra hæðarlínubil
• Vegir, vegalengdir, veganúmer og bensínafgreiðslur
• Gisting, tjaldsvæði, sundlaugar og golfvellir
• Söfn, friðlýstar minjar, hringsjár og áningarstaðir
• Bæir í byggð, eyðibýli og rústir
• Yfir 6000 örnefni
• Upplýsingamiðstöðvar, bátsferðir og margt fleira
• Skýringar á íslensku, ensku, frönsku og þýsku
Útgefið
2002
Væntanlegt
2003
Þegar pósthúsinu á Tálknafirði var lokað í
fyrra og starfsemin flutt í bankann missti
Kristjana Andrésdóttir afgreiðslustjóri
vinnuna. Hún ákvað að vera áfram í
gamla pósthúsinu, kaupa húsnæðið og
opna þar kaffihúsið Pósthúsið.
„Maðurinn minn, Heiðar Jóhannsson,
er smiður svo það voru hæg heimatökin
að fá aðstoð við að breyta húsnæðinu.
Við létum allt halda sér sem hægt var. Af-
greiðsluborðið okkar núna er smíðað úr
gamla afgreiðsluborðinu í pósthúsinu og
við bættum gömlu pósthólfunum framan
á það til skrauts og til að minna á hvað
var starfrækt í húsinu áður.
Þetta er kaffihús með ýmsum kaffi-
drykkjum, brauði og kökum, eina veit-
ingahúsið á Tálknafirði, og ég fann fljótt
að það var áhugi fyrir því að hafa léttar
veitingar líka, eins og súpu og brauð í há-
deginu og pítsur. Síðan getur fólk pantað
mat ef það lætur vita fyrirfram.“
Aðspurð hvernig henni líki nýja hlut-
verkið í pósthúsinu segir Kristjana að
það venjist vel, það sé ólíkt gamla starf-
inu en skemmtilegt. „Ég held að innst
inni hafi alltaf blundað í mér að fást við
svona lagað, enda liggur ágætlega fyrir
mér að baka og stússast í mat.“
Kaffi og kaka á Pósthúsinu
Morgunblaðið/Finnur
Kristjana Andrésdóttir og Heiðar I. Jó-
hannsson, eigendur Pósthússins.

Pósthúsið – kaffistofa og bar
Strandgötu 32, Tálknafirði
Sími 456 2500
Nú er hafinn undirbúningur að rækjuhátíð sem halda á
í ágúst á Ísafirði. „Ákveðið var að fara í þetta verkefni
vegna þess að í ár eru áttatíu ár frá upphafi rækjuveiða
við Ísland en þær hófust í Ísafjarðardjúpi“, segir Rúnar
Óli Karlsson, ferðamálafulltrúi hjá Ísafjarðarbæ.
„Markmiðið með hátíðinni er að laða að gesti til að
taka þátt í fjölbreyttri dagskrá, vekja áhuga á rækju-
afurðum og kynna sögu veiða og vinnslu.“ Hann segir
að dagskráin sé fjölbreytt, hægt verði að kynna sér
sögu rækjuveiða við Ísland og veitingastaðir í bænum
bjóði upp á rækjurétti þá daga sem hátíðin stendur.
„Rækjubátur fer á sjó og landar rækju sem soðin verð-
ur á safnsvæði Byggðasafnsins og pilluð af starfsfólki í
rækjuverksmiðjum, Hafrannsóknastofnunin verður
með kynningu á rækjurannsóknum og sérstakur Hafn-
ardagur verður í umsjón Ísafjarðarhafnar.“
Rúnar Óli segir að rækjuréttir verði auðvitað áber-
andi í sjávarréttaveislu í Neðstakaupstað og opið hús
verði hjá sjávarútvegsfyrirtækjum og fyrirtækjum sem
framleiða búnað til veiða og vinnslu. Að lokum má geta
þess að sýnd verður bíómynd um rækjuveiðar sem
gerð var fljótlega eftir 1930.
Rækjuhátíð um allan bæ
Morgunblaðið/Sverrir
Þetta er í fyrsta skipti sem
Rækjuhátíð er haldin á Ísafirði.