Morgunblaðið - 23.08.2003, Side 6

FRÉTTIR
6 LAUGARDAGUR 23. ÁGÚST 2003 MORGUNBLAÐIÐ
Borgartúni 28 • Sími 562 5000 • www.bjorninn.is
Eldhúsinnréttingar • Innihurðir
Baðinnréttingar • Fataskápar
I n n r é t t i n g a r
• Fjölbreytt úrval innréttinga.
• Verð við allra hæfi.
• Hönnun og ráðgjöf.
RANNSÓKN á einu umfangs-
mesta barnaklámsmáli, sem upp
hefur komið hérlendis er á loka-
stigi hjá lögreglunni í Reykjavík.
Verður málið sent ákæruvaldinu
til áframhaldandi meðferðar inn-
an skamms, þar sem ákveðið
verður hvort höfðað verði opin-
bert mál á hendur karlmanni á
fertugsaldri. Í sumar fann lög-
reglan um 400 myndbandsspólur
og rúmlega 200 DVD-diska með
barnaklámi auk klámmynda í tug-
þúsundatali í tveimur tölvum
hans.
Samkvæmt upplýsingum lög-
reglunnar er ljóst að maðurinn
hefur tekið myndir af nokkrum ís-
lenskum drengjum við kynlífsat-
hafnir. Rannsókn lögreglu hefur
einnig leitt í ljós að maðurinn
blekkti drengina á spjallrásum á
Netinu og þóttist sjálfur vera
stelpa. Þannig tókst honum að
efna til nánari kynna við þá og
fékk þá til kynlífsathafna. Einnig
mun hann hafa fengið þá til að
taka kynferðislegar sjálfsmyndir
af sjálfum sér til að senda á Net-
inu. Maðurinn er frjáls ferða
sinna en verður kallaður til yf-
irheyrslu eftir því sem meira
kemur í ljós við rannsókn málsins.
Samkvæmt almennum hegn-
ingarlögum liggur allt að 12 ára
fangelsi við þeim brotum sem
maðurinn er grunaður um, þ.e.
kynferðislegar athafnir með
börnum undir 14 ára aldri.
Að sögn Gunnleifs Kjartans-
sonar lögreglufulltrúa getur
börnum stafað mikil hætta af full-
orðnum sem sigla undir fölsku
flaggi á Netinu. Erlendis hafa
kynni sem þessi t.a.m. endað með
skelfilegum afleiðingum, jafnvel
enn alvarlegri en hér um ræðir.
„Það er full þörf á að brýna fyrir
foreldrum að þeir reyni að fylgj-
ast með því hvað börn þeirra eru
að gera á spjallrásum á Netinu og
vara börnin við þeim hættum sem
geta leynst þar,“ segir Gunnleif-
ur.
Tældi drengi á spjall-
rásum með því að
þykjast vera stelpa
UM 8,1 milljarðs króna halli varð á
rekstri ríkissjóðs í fyrra skv. rík-
isreikningi fyrir árið 2002 sem nú
hefur verið birtur. Er það um 16,8
milljörðum króna óhagstæðari nið-
urstaða en árið á undan en þá skil-
aði ríkissjóður um 8,6 milljarða af-
gangi.
Tekjur ríkissjóðs námu 259,2
milljörðum í fyrra sem er 21,9 millj-
arða meira en árið áður eða 4,2%
hækkun að raungildi.
Gjöld ríkissjóðs voru 267,3 millj-
arðar í fyrra en það er 38,6 millj-
arða hækkun frá fyrra ári. Að raun-
gildi nemur hækkunin um 11,5%.
Auknar lífeyrisskuldbindingar
og meiri afskriftir
skattakrafna
Geir H. Haarde, fjármálaráð-
herra, segir gjaldfærslur ríkissjóðs
- en ekki greiðslur - hafa aukist og
það sé fyrst og fremst vegna lífeyr-
isskuldbindinga umfram það sem
ráðgert var og vegna svokallaðra
afskrifta skattkrafna sem numið
hafi 10,1 milljarði árið 2002 en 5,9
milljörðum árið á undan.
„Þetta eru hvort tveggja liðir
sem ekki er nokkur leið að spá fyrir
um af nákvæmni. Lífeyrisskuld-
bindingar fara t.d. úr 2,6 milljörð-
um 2001 í yfir 16 milljarða í fyrra
og aukast um hátt í 14 milljarða
króna. Þetta er m.a. vegna þess að
það er búið að breyta útreiknings-
grunninum með tilliti til breyttra
horfa varðandi lífslíkur. Þetta eru
ekki hlutir sem byggja á ákvörð-
unum hér í fjármálaráðuneytinu
eða stefnu í ríkisfjármálum. Hins
vegar er það ljóst að eftir að farið
var að bókfæra þessa hluti höfum
við miklu betri yfirsýn yfir framtíð-
arskuldbindingar ríkissjóðs í þess-
um málum,“ segir fjármálaráð-
herra.
Aðspurður segir Geir „regluleg“
útgjöld ríkissjóðs hafa verið eitt-
hvað umfram það sem ráð var fyrir
gert en þó ekki mikið þegar litið sé
til þess að árið í fyrra hafi verið
niðursveifluár. „Ríkisfjármálin ber
alltaf mikinn keim af efnahags-
ástandinu á hverjum tíma. Í fyrra
minnkaði þjóðarframleiðslan og það
birtist með ýmsum hætti, t.d. í
auknum útgjöldum til atvinnuleys-
isbóta o.s.frv. En það sem mér
finnst vera aðalatriðið er að þrátt
fyrir þetta eru reglulegar tekjur
ríkissjóðs umfram gjöld 6,5 millj-
arðar. Þá er ekki tekið tillit til til
óreglulegra liða eða tekna af sölu
eigna ríkisins eins og sölu Lands-
bankans. “
Geir tekur fram að skuldir rík-
issjóðs haldi áfram að minnka,
hreinar skuldir lækki um 11,5% eða
um rúmlega 19 milljarða. „Það er í
samræmi við þá stefnu sem ég hef
beitt mér fyrir frá því ég tók við
embætti fjármálaráðherra. Þá
greiðum við níu milljarða í pen-
ingum í lífeyrissjóð starfsmanna
ríkisins til að grynnka á framtíð-
arskuldbindingunum, sem eru jafn-
framt að aukast eins og ég minntist
á. Með því að gera þetta skipulega
frá árinu 1999 höfum við verið að
seinka því að sá tími renni upp að
það þurfi að greiða eftirlaun starfs-
mannanna beint úr ríkissjóði.“
Búið að seinka sjóðþurrð
hjá lífeyrissjóðnum
„Með því sem við höfum gert á
undanförnum árum er búið að
seinka sjóðþurrð hjá lífeyrissjóðn-
um sem hefði orðið árið 2014 ef
ekkert hefði verið gert til ársins
2025 eða 2026 og hún mun verða úr
sögunni á tiltölulega fáum árum, að
óbreyttum forsendum, haldi þessar
greiðslur áfram,“ segir Geir.
8,1 milljarðs króna halli
var á rekstri ríkissjóðs
Gjöld ríkissjóðs aukast um 11,5%
að raungildi frá fyrra ári
ÁRNI M. Mathiesen sjávarútvegs-
ráðherra segir andstöðu og mótmæli
gegn hvalveiðum Íslendinga erlendis
ekki meiri en hann reiknaði með. Ís-
lensk stjórnvöld muni halda sínu
striki.
Hann segir ekki ástæðu til að
kynna sjónarmið Íslendinga frekar á
erlendum vettvangi til að upplýsa fólk
betur um forsendur vísindaveiðanna.
Búið sé að reyna að koma réttum upp-
lýsingum á framfæri og þeir sem vilji
kynna sér þær hafi tækifæri til þess.
„Það skiptir ekki máli hvaða upp-
lýsingum er komið á framfæri til
þeirra sem vilja ekki kynna sér stað-
reyndir málsins. Það breytir ekkert
þeirra skoðunum,“ segir sjávarút-
vegsráðherra.
Í Morgunblaðinu í gær kom fram
að borið hefur á afbókunum erlendra
hópa á ferðum til Íslands. 18 manna
hópur ljósmyndara og fyrirsætna frá
Bandaríkjunum hefði hætt við
myndatöku hér á landi og ástæðan
sögð vera hvalveiðar Íslendinga. Út-
gáfa félagsins vildi ekki kynna fyrir
lesendum sínum staði sem styddu
hvalveiðar.Einnig hefur einn hópur
frá Frakklandi afbókað ferð sína til
landsins vegna hvalveiða. Sigrún Sig-
mundsdóttir, sölu- og markaðsstjóri
hjá innanlandsdeild Ferðaskrifstofu
Íslands sagðist hafa trú á því að það
væri aðeins byrjunin.
Sjávarútvegsráðherra
Forsendur
vísindaveiða
ekki kynntar
frekar ytra
HANNA KATRÍN Friðriksson hef-
ur verið ráðin í nýtt starf fram-
kvæmdastjóra Há-
skólans í
Reykjavík en
fram-
kvæmdastjór-
anum er ætlað að
efla samstarf skól-
ans við atvinnu-
lífið auk þess að
styrkja rekstur
skólans. Hanna
Katrín hefur
starfað við Háskólann í Reykjavík
um nokkurt skeið, leitt starf Stjórn-
endaskóla HR frá ársbyrjun 2002
auk þess að kenna á stjórnenda-
námskeiðum innan skólans og á
frumkvöðlanámskeiðum Auðar í
krafti kvenna-verkefnisins. Hanna
Katrín útskrifaðist með BA-gráðu í
hagfræði og heimspeki frá Háskóla
Íslands og starfaði um árabil sem
blaðamaður og pistlahöfundur á
Morgunblaðinu. Árið 1999 hélt hún
til Bandaríkjanna í nám og útskrif-
aðist með MBA-gráðu frá Univers-
ity of California í Davis vorið 2001.
Framkvæmda-
stjóri Háskól-
ans í Reykja-
vík ráðinn
Hanna Katrín
Friðriksson
Í DAG milli 12 og 16 verður markaður
með lífrænt ræktaðar vörur á Kára-
torgi, á mótum Kárastígs og Frakka-
stígs, þar sem framleiðendur varnings-
ins selja vörur sínar. Markaðurinn er nú
starfræktur annan laugardaginn í röð,
en markaðurinn mæltist svo vel fyrir
síðustu helgi að framleiðendur voru
fengnir til að endurtaka leikinn.
Rúnar Sigurðarson eigandi versl-
unarinnar Yggdrasils segir að jafnvel
komi til greina að hafa markaðinn
reglulegan viðburð á torginu, og segir
að slíkt mundi lífga mikið upp á mið-
borgina. Jafnvel væri hægt að hafa
fleiri með þann markað, svo sem blóma-
bændur og handverksmenn. Slíkt er þó
enn á hugmyndastigi, að sögn Rúnars.
Meðal þess sem verður á boðstólum á
markaðinum í dag verður nýtt græn-
meti beint frá bóndanum, nýbökuð
brauð, lífrænt jógúrt, ávextir o.fl.
Lífrænn
markaður
aftur á
Káratorgi
Talsverður fjöldi lagði leið sína á markaðinn síðasta laugardag.
♦ ♦ ♦
LÆKNAFÉLAG Íslands hyggst
kanna nánar mál rússnesks læknis er
starfar í vinnubúðum Impregilo við
Kárahnjúkavirkjun. Eins og fram
kom í Morgunblaðinu hefur hann ekki
fengið leyfi.
Sigurbjörn Sveinsson, formaður
Læknafélags Íslands, segir félagið
hafa fengið ábendingu um þetta mál í
vikunni. Það verði skoðað nánar eftir
helgi. „Öll mál er tengjast atvinnu-
leyfi erlendra lækna hér á landi eiga
að koma til okkar. Ef maðurinn kallar
sig lækni hér á landi er einhver form-
galli á þessu, ekki síst þegar um ræðir
einstaklinga utan Evrópska efna-
hagssvæðisins,“ segir Sigurbjörn.
Læknafélagið
skoðar mál
læknis við
Kárahnjúka
♦ ♦ ♦