Morgunblaðið - 23.08.2003, Side 52

ÍÞRÓTTIR
52 LAUGARDAGUR 23. ÁGÚST 2003 MORGUNBLAÐIÐ
Stærsti leikur sumarsins!
Íslandsmótið 1. deild
Víkingur-Þór
Víkinni í dag kl. 16:00
Víkingar sjáumst í stúkunni
ÚRVALSDEILDARLIÐ Breiða-
bliks í körfuknattleik karla hefur
gengið frá samningi við Banda-
ríkjamanninn Kyrem Massey um að
hann leiki með liðinu á komandi
leiktíð. Massey er 24 ára gamall
framvörður, 1,96 metrar á hæð sem
leikið hefur með Kent State háskól-
anum í Bandaríkjunum í fjögur ár
en síðustu tvö árin hefur hann leik-
ið með liðum í lægri deildunum inn-
an Bandaríkjanna. Blikar binda
mikla vonir við Massey en hann er
sagður mikill íþróttamaður, með
mikinn stökkkraft og bæði góður
sóknar- og varnarmaður.
Breiðablik
semur við
Massey

ÞÓREY Edda Elísdóttir þarf að
fara yfir 4,40 metra í í undankeppn-
inu í stangarstökkinu á heimsmeist-
aramótinu í frjálsíþróttum til að
komast í úrslit en þó verða alltaf tólf
stökkvarar sem komast í úrslit ef
færri en tólf keppendur stökkva yfir
4,40 metra.

27 keppendur eru skráðir til leiks í
stangarstökkinu og er Þórey Edda
með 15. besta árangur keppenda á
þessu ári, 4,43 m. Besti árangur
hennar í stangarstökki utanhúss er
hins vegar 4,45 metrar sem hún náði
á HM í Edmonton í Kanada fyrir
tveimur árum. Þá stökk hún 4,48
metra á sýningu í Þýskalandi í vor.
Níu af keppendunum sem skráðir
eru til leiks hafa stokkið 4,60 m eða
hærra á þessu ári.

TÉKKINN Jan Zelzny ákvað í
gær að vera með á heimsmeistara-
mótinu í frjálsum íþróttum og þar
með stefnir þessi frábæri spjótkast-
ari að því að vinna sinn fjórða heims-
meistaratitil. Zelezny, sem orðinn er
37 ára gamall, hefur átt við meiðsli
að stríða en eftir sigur á gullmótinu í
Zürich um síðustu helgi sá Zelezny
að hann ætti erindi á HM.

JONATHAN Edwards heims- og
ólympíumeistari í þrístökki ætlar að
hætta eftir heimsmeistaramótið en
þessi 37 ára gamli Breti ákvað á síð-
ustu stundu að keppa á HM. Edw-
ards hugðist æfa og keppa fram yfir
ólympíuleikana í Aþenu á næsta ári
en í gær lét hann hafa eftir sér að nú
væri rétti tíminn til að hætta. Edw-
ards á heimsmetið 18,29 metra sett á
HM í Gautaborg fyrir átta árum.

CHRIS Coleman, knattspyrnu-
stjóri Fulham, hefur sagt sóknar-
manninum Steve Marlet að félagið
vilji ekki selja hann. „Ég vil ekki að
Marlet fari frá okkur og ég hef sagt
honum það. Ég veit að Marseille hef-
ur áhuga á honum en Marlet verður
áfram í herbúðum Fulham,“ sagði
Coleman.

ÓLAFUR Stefánsson skoraði 3
mörk fyrir Ciudad Real þegar liðið
sigraði Granollers, 30:22, á æfinga-
móti í fyrrakvöld. Spænski landsliðs-
maðurinn Talant Duishebaev var
markahæstur í liði Ciudad með 5
mörk.
FÓLK
GUÐMUNDUR Karlsson, landsliðs-
þjálfari í frjálsíþróttum, er Þóreyju
Eddu Elísdóttur og Jóni Arnari
Magnússyni til trausts og halds á
heimsmeistaramótinu en hann kom
ásamt Þóreyju til Parísar á fimmtu-
daginn en Jón Arnar, sem hefur
keppni í tugþraut á þriðjudag, er
væntanlegur til Parísar á morgun.
„Markmiðið hvað Þóreyju Eddu
varðar er að komast í úrslitin en það
má búast við því að það verið mjög
erfitt. Lágmarkið í úrslitin er mjög
stíft og trúlega þarf Þórey að ná
sínu besta til að komast þangað. Ef
hún kemst í úrslitin er allt galopið
og þá verður markmiðið sett á 5.–7.
sæti. Ég teldi það raunhæft að
stefna á en stóra mótið fyrir Þóreyju
verður undankeppnin. Númer eitt er
að komast í gegnum niðurskurðinn
og við lítum á það sem fyrsta mark-
mið. Það hafa heimsmethafar dottið
út í undankeppninni og til að mynda
komst Stacy Dragila ekki í úrslitin í
Birmingham,“ sagði Guðmundur við
Morgunblaðið.
Guðmundur segir að Þórey Edda
líti mjög vel út og sé í góðu formi.
„Ég tel hana eins vel undirbúna
og kostur er. Hún er ómeidd og í
góðu standi en í Birmingham voru
meiðsli á hásin að angra hana. Hún
er laus við þessi meiðsli núna og það
er virkilega ánægjulegt. 4,40 metrar
koma líklega til með að duga til að
hún komist í úrslitin og það þarf
auðvitað allt að ganga upp svo henni
takist að fara þá hæð. Ég hef samt
fulla trú á henni. Hún er búin að
byggja sig vel upp og andlega hliðin
á að vera í lagi.“
Mér finnst ég vera í góðu formiog er alveg laus við meiðsli
svo það ætti ekkert að vera að van-
búnaði að gera góða hluti á mótinu.
Ég hef stokkið ágætlega í sumar
og hef reynt að búa mig eins vel
undir mótið og hægt er,“ segir Þór-
ey Edda.
Spurð hvaða markmið hún hafi
sett sér á mótinu segir Þórey
Edda; „Ég ætla bara að reyna að
gera mitt besta og standa mig vel
en það verður kannski erfitt að
toppa árangurinn frá því á HM fyr-
ir tveimur árum þegar ég varð í
sjötta sæti. Auðvitað stefni ég að
því að komast í úrslitin en til þess
að svo takist þarf ég að ná mínum
besta árangri í ár og vonandi tekst
það.“
Þórey hefur hæst stokkið 4,43
metra utanhúss á árinu en hún fór
yfir þá hæð á móti í Cuxhaven í
Þýskalandi í síðasta mánuði og
varð í þriðja sæti.
Þórey reiknar með að slagurinn
um heimsmeistaratitilinn komi til
með að standa á milli Rússanna
Svetlönu Feofanovu og Jelenu Is-
inbajevu.
Hefði verið gaman
að hafa Völu með
„Það eru flestar af bestu stang-
arstökkvurum heims sem keppa á
mótinu en ég spái því að Feofanova
hafi þetta. Hún er geysiöflug.“
Þórey Edda segist sakna þess að
hafa ekki Völu Flosadóttur með sér
í baráttunni en Völu tókst ekki að
ná lágmarkinu fyrir mótið. „Það
hefði verið gaman að hafa Völu en
hún verður bara með á næsta stór-
móti. Ég hefði kosið að hafa fleiri
íslenska keppendur á mótinu en
því miður tókst ekki fleirum að ná
lágmarkinu og við Jón Arnar verð-
um því bara að halda uppi merki
Íslands og reyna að standa okkur
sem best.“
Morgunblaðið/RAX
Þórey Edda Elísdóttir verður í sviðsljósinu á heimsmeistaramótinu í París í dag og aftur á mánudaginn, ef allt gengur að óskum.
Hefur tekið stefnuna á
úrslitakeppnina í París
„ÉG er bara mjög vel stemmd fyrir mótið og hlakka mikið til að taka
þátt í því,“ sagði Þórey Edda Elísdóttir í samtali við Morgunblaðið
en í dag verður hún í sviðsljósinu í stangarstökki á heimsmeist-
armótinu í frjálsum íþróttum sem hófst í París í morgun. Und-
ankeppni stangarstökksins hefst laust fyrir klukkan 15 í dag að ís-
lenskum tíma og úrslitakeppnin fer svo fram á morgun en til þess
að komast í úrslitin þarf Þórey að stökkva 4,40 metra.
Þórey Edda Elísdóttir hefur keppni í stangarstökki í dag á HM í frjálsum
HEIMSMEISTARAMÓTIÐ í
frjálsum íþróttum hefst í Par-
ís í dag og eiga Íslendingar
tvo fulltrúa á mótinu. Þórey
Edda Elísdóttir keppir í
stangarstökki og verður hún
í sviðsljósinu í undankeppn-
inni í dag og Jón Arnar
Magnússon er á meðal kepp-
enda í tugþrautinni en keppni
í henni verður á þriðjudag og
miðvikudag.
Í marsmánuði voru Þórey
Edda og Jón Arnar einu
keppendur Íslands á heims-
meistaramótinu innanhúss
sem fram fór í Birmingham á
Englandi. Jón Arnar varð
fjórði í sjöþrautinni en Þórey
Edda komst ekki í úrslit.
Þetta er í þriðja sinn sem
Þórey Edda keppir á heims-
meistaramóti utanhúss en
hún var á meðal keppenda í
Sevilla 1999 þar sem hún
stökk 4,15 metra og lenti í 13.
sæti og í Edmonton þar sem
hún hafnaði í 6. sæti eftir að
hafa farið yfir 4,45 metra.
Jón Arnar keppir á sínu
fimmta heimsmeistaramóti
utanhúss og jafnar hann þar
með met Vésteins Hafsteins-
sonar fyrrverandi landsliðs-
þjálfara. Vésteinn keppti á
heimsmeistaramótum frá ár-
unum 1983–1995 en Jón Arn-
ar keppti fyrst í Gautaborg
árið 1995.
Jón Arnar
jafnar
met
Vésteins
Hef fulla trú á
Þóreyju Eddu