Morgunblaðið - 29.08.2003, Qupperneq 11

FRÉTTIR
MORGUNBLAÐIÐ FÖSTUDAGUR 29. ÁGÚST 2003 11
HELGI Sveinsson, kylfingur hjá
Golfklúbbi Reykjavíkur, náði þeim
glæsilega árangri að lenda í þriðja
sæti á Evrópumóti fatlaðra kylfinga
sem fram fór í Hjörring í Danmörku
14.-16. ágúst sl. en alls tóku um 90
kylfingar frá Evrópu þátt í mótinu.
Keppt var í tveimur flokkum, A og B,
sem keppendur röðuðust í eftir því
hve lága forgjöf þeir höfðu.
Helgi og Júlíus Steinþórsson, sem
tók einnig þátt í mótinu fyrir Íslands
hönd, tóku báðir þátt í B-flokki en
Júlíus hafnaði í áttunda sæti.
Kylfingar frá Svíþjóð lentu í fyrsta
og öðru sæti í A-flokki og Svíar áttu
annað sæti í B-flokki á eftir finnsk-
um kylfingi.
Stefnir á þátttöku í evrópskri
mótaröð á næsta ári
Helgi missti vinstri fótinn fyrir
neðan hné fyrir rúmlega þremur ár-
um en fram að því hafði hann ekki
spilað golf að ráði. Hann segist hafa
byrjað að leika golf fljótlega eftir að
hann fatlaðist og nýtti sér þá þjón-
ustu og þjálfun sem Golfsamband
fatlaðra hefur boðið upp á undanfar-
in ár en Helgi sækir enn námskeið á
vegum samtakanna. Hann stefnir á
að taka þátt í fleiri mótum í fram-
haldinu. „Ég hefði mikinn áhuga á að
taka þátt í evrópskri mótaröð sem
hefst í ágúst á næsta ári í Lyon í
Frakklandi.“
Að sögn Helga voru stærstu hóp-
arnir á mótinu frá Svíþjóð og Þýska-
landi, en um tuttugu kylfingar komu
frá hvoru landi.
„Svíarnir leggja mikinn metnað í
golf fatlaðra, styrkja sína þátttak-
endur til fulls og halda úrtökumót
heima fyrir þar sem 60-70 kylfingar
keppa um sæti í liðinu,“ segir Helgi.
Þátttakendum á mótinu var ekki
skipt í hópa eftir fötlun og kylfingar
með ólík skaðaeinkenni kepptu því í
sama hópnum, bæði keppendur sem
voru í hjólastól eða höfðu misst út-
limi og einn keppandinn á mótinu
var blindur.
„Það var ótrúlegt að sjá hvernig
sumir þarna gátu athafnað sig þrátt
fyrir mikla fötlun. Einn þátttakand-
inn hafði misst báða handleggina.
Hann gat notað stúfana til að halda
kylfunni, hallaði sér langt fram og
sló eina 200 metra enda náði hann
góðum snúningi í líkamanum.“
Helgi segir að þótt aðstaða fatl-
aðra til golfiðkunar sé allgóð mætti
taka meiri tillit til fatlaðra kylfinga
hér á landi. „Ég sjálfur hef fengið
þægilegt viðmót hvert sem ég hef
farið en það er ekki algilt. Ýmsir hafa
fundið fyrir því að lítill áhugi er á að
gera eitthvað fyrir fatlaða kylfinga
af þeirri ástæðu að þeir muni hvort
eð er aldrei verða góðir. Það er leið-
inlegt að heyra þetta, því þetta snýst
auðvitað ekki um að vinna til verð-
launa heldur að vera með og hafa
gaman,“ segir Helgi.
Þriðja sæti á Evrópu-
móti fatlaðra í golfi
Hópur Íslands á Evrópumóti fatlaðra kylfinga. Aftari röð frá vinstri: Hörð-
ur Barðdal, Óli Sigurjón Barðdal og Guðmundur Blöndal. Fremri röð frá
vinstri: Júlíus Steinþórsson, Helgi Sveinsson og Sigurbjörn Theodórsson.
Ljósmynd/Hörður Barðdal
Keld Schmager t.v. frá danska golfsambandinu afhendir Helga Sveinssyni
verðlaun fyrir þriðja sæti á Evrópumóti fatlaðra kylfinga í Danmörku.
GOLFSAMTÖK fatlaðra á Íslandi
voru stofnuð í nóvember árið 2001.
Fram að þeim tíma hafði verið starf-
andi nefnd á vegum Golfsambands Ís-
lands og Íþróttasambands fatlaðra
frá 1995 sem skipulagði árlega golf-
mót fyrir fatlaða.
Golfsamtök fatlaðra hafa und-
anfarin ár staðið fyrir námskeiðum
fyrir fatlaða sem vilja spila golf og í
vikunni hófst nýjasta námskeiðið á
velli golfklúbbsins Odds í Garðabæ.
Magnús Birgisson þroskaþjálfi og
John Garner, fyrrum landsliðsþjálfari
Íslendinga í golfi, hafa séð um þjálfun
en Garner hefur tvisvar sinnum verið
í úrvalsliði Evrópumanna í Rydercup.
Hörður Barðdal, formaður Golf-
samtaka fatlaðra, segir að nám-
skeiðin hafi mælst vel fyrir. „Við höf-
um fengið allt upp í tuttugu
þátttakendur á öllum aldri á nám-
skeiðin hjá okkur. Nýjasta nám-
skeiðið verður á hverju miðvikudags-
kvöldi næstu fjórar til fimm vikurnar,
aðgangur er ókeypis og skráning fer
fram á staðnum,“ segir Hörður sem
leggur sérstaka áherslu á að fötluð
börn komi og taki þátt. Hann segir að
fyrirhugað sé að gera kennslu-
myndbönd fyrir fatlaða kylfinga, sem
taki fyrir hverja tegund fötlunar og
fari í gegnum þær aðferðir sem fatl-
aðir beita við golfiðkun.
„Við vonumst til þess að mynd-
böndin verði til þess að fleiri fái
áhuga og taki þátt en í vetur verður
boðið upp á námskeið í Sporthúsinu,“
segir Hörður sem hvetur alla fatlaða
til að mæta og tekur fram að það sé
auðvelt fyrir fatlaða að ná tökum á
íþróttinni.
„Það kom til mín fötluð stúlka um
daginn sem hafði aldrei leikið golf áð-
ur. Ég sagði henni að byrja að slá og
eftir smástund var hún farin að geta
slegið kúluna. Þetta er auðveldara en
margir halda,“ segir Hörður.
Golfsamtök fatlaðra
bjóða upp á námskeið
VIÐSKIPTI/ATHAFNALÍF
MEÐ ÞVÍ að nota tölvur í samskipt-
um sjúklings og læknis má ná fram
sparnaði í heilbrigðisþjónustu sam-
kvæmt erlendum rannsóknum og
draga úr innlögnum sjúklinga. Á að-
alfundi Læknafélags Íslands sem
haldin var um síðustu helgi var sam-
þykkt að fela stjórn félagsins að
mynda starfshóp sem móta á tillögur
um hvernig nýta megi tölvusamband
og símtöl á sem hagkvæmastan og
öruggastan máta í samskiptum
lækna og sjúklinga.
Í greinargerð sem fylgdi tillög-
unni kemur fram að rannsóknir er-
lendis hafi m.a. sýnt að tölvusam-
band milli læknis og sjúklinga með
langvinna sjúkdóma hafi dregið úr
innlögum á sjúkrahús. Þá sýndi önn-
ur rannsókn að kostnaður við heil-
brigðisþjónustu lækkaði um tæpa
fjóra dollara á mánuði á hvern sjúk-
ling og að læknar og sjúklingar voru
ánægðir með þetta samskiptaform.
Í greinargerðinni kemur fram að
þrátt fyrir augljósa kosti tölvutækn-
innar og netsamskipta, t.d. að báðir
aðilar þurfi ekki að hafa lausa stund
á sama tíma dagsins, hafi lítil um-
ræða farið fram innan læknastéttar-
innar um hvort. Víða erlendis er
komin reynsla á þetta samskipta-
form milli lækna og sjúklinga og í
mars 2003 gaf American College of
Physicians út stefnuyfirlýsingu
varðandi notkun tölvutækni í utan-
spítalaþjónustu við sjúklinga og
hvernig ætti að greiða þóknun fyrir
slíka þjónustu. „Þörf fyrir formleg
netsamskipti við sjúklinga er þeim
mun brýnni á Íslandi í ljósi þess bið-
tíma eftir viðtali við lækni sem víða
er í heilsugæslunni og hjá öðrum
sérfræðilæknum á stofum eða
göngudeildum.“
Móta á tillögur um tölvusamskipti milli sjúklinga og lækna
Getur sparað fjármuni
í heilbrigðiskerfinu
TAP varð af rekstri Norðurljósa sam-
skiptafélags hf. og dótturfélaga á
fyrri hluta ársins sem nam 398 millj-
ónum króna en á sama tímabili í fyrra
varð hagnaður af rekstrinum sem
nam ríflega 145 milljónum. Skamm-
tímaskuldir samstæðunnar voru rúm-
lega 1,7 milljörðum króna umfram
veltufjármuni í lok júní sl.
Hagnaður varð af rekstri Norður-
ljósasamstæðunnar fyrir afskriftir og
fjármagnsliði (EBITDA) og nam
hann 181 milljón á fyrstu sex mán-
uðunum í ár en var 202 milljónir á
sama tímabili í fyrra.
Tap fyrir skatta nam 465 milljónum
króna samanborið við 206 milljóna
króna hagnað í fyrra. Afkoman fyrir
skatta versnar því um 670 milljónir og
skýrist það að stærstum hluta af fjár-
munaliðum samstæðunnar.
Tekjur lækka um
5% og gjöld um 4,5%
Dótturfélög Norðurljósa eru þrjú:
Skífan ehf., Sýn ehf. og Íslenska út-
varpsfélagið ehf., sem rekur m.a. Stöð
2 og Bylgjuna. Auk þess er Stjörnu-
bíó ehf., dótturfélag Skífunnar, í sam-
stæðu Norðurljósa.
Rekstrartekjur samstæðunnar
námu tæpum 2,4 milljörðum króna á
fyrri helmingi ársins og drógust sam-
an um 5% frá fyrra ári. Þar af námu
áskriftartekjur rúmum milljarði,
lækkuðu um 7%, en auglýsingatekjur
voru 472 milljónir, lækkuðu um tæp
6%.Rekstrargjöld samstæðunnar
námu alls tæpum 2,2 milljörðum
króna og lækkuðu um 4,5% frá sama
tímabili í fyrra. Þar af lækkaði beinn
útsendingarkostnaður um tæplega
7% og nam 991 milljónum.
Töluverð umskipti urðu á fjár-
munaliðum samstæðunnar. Fjár-
magnsgjöld nema nú 294 milljónum
miðað við fjármunatekjur upp á 390
milljónir í fyrra.
Veltufé samstæðunnar var nei-
kvætt á fyrri hluta ársins um 125
milljónir króna en var jákvætt um 13
milljónir á sama tímabili í fyrra.
Kröfur lækkað um
20% frá áramótum
Eignir Norðurljósa námu rúmum
8,8 milljörðum króna 30. júní sl. og
höfðu dregist saman um rúm 6% frá
áramótum. Þar af lækkuðu útistand-
andi skammtímakröfur í eigu sam-
stæðunnar um 20% frá áramótum en
kröfurnar voru skrifaðar niður um 56
milljónir sem er svipuð upphæð og á
sama tíma í fyrra.
Skuldir Norðurljósa námu samtals
rúmum 8,6 milljörðum króna í lok júní
og lækkuðu um rúm 2% frá áramót-
um. Þar af nema skammtímaskuldir
rúmlega 3,2 milljörðum króna og hafa
dregist saman um 4,5% frá áramót-
um.
Eigið fé samstæðunnar var 193
milljónir í júnílok og hefur lækkað um
392 milljónir frá áramótum eða sem
nemur tapi Norðurljósa á tímabilinu.
Þess má geta að eigið fé dótturfélags-
ins, Íslenska útvarpsfélagsins, var
neikvætt um 380 milljónir í júnílok,
eins og kom fram í frétt um afkomu
félagsins í Morgunblaðinu í gær.
Einnig kom fram að samanlagt eigið
fé ÍÚ og Sýnar hafi verið neikvætt um
461 milljón króna, tap félaganna hafi
samtals numið 205 milljónum og sam-
anlagðar tekjur þeirra hefðu verið alls
1.550 milljónir króna.
Norðurljós tapa
400 milljónum
HLUTABRÉF Fjárfestingarfé-
lagsins Straums hækkuðu um 6% í
gær í rúmlega 113 milljón króna
viðskiptum í Kauphöll Íslands.
Mest viðskipti voru með bréf Eim-
skipafélags Íslands eða fyrir 447
milljónir króna og hækkuðu þau
um 3,8%. 294 milljóna króna við-
skipti voru með bréf Landsbank-
ans en lokaverð þeirra stóð í stað.
Á miðvikudag var tilkynnt um að
Landsbanki Íslands og eignar-
haldsfélagið Samson, sem er
stærsti hluthafinn í Landsbankan-
um, ættu 33,82% hlut í Fjárfesting-
arfélaginu Straumi.
Eins og fram kom í Morgun-
blaðinu í gær þá eiga Landsbank-
inn og Straumur samanlagt 21,37%
hlut í Eimskipafélagi Íslands,
29,9% hlut í SH en félögin eiga
einnig samanlagt 10,4% hlut í Ís-
landsbanka eins og sést í meðfylgj-
andi töflum. Í töflunum er einungis
getið um hluta þeirra eigna sem
eru eigu félaganna tveggja. Innan
Eimskipafélagssamstæðunnar eru
þrjár stoðir: Brim, sem er sjáv-
arútvegshluti félagsins, Burðarás,
sem er fjárfestingarhlutinn og
Eimskip, sem er flutningahluti
Eimskipafélags Íslands.
Hlutafé Landsbankans aukið
Í gær staðfesti bankaráð Lands-
banka Íslands hækkun hlutafjár
bankans um 344.518.275 krónur
vegna kaupa bankans á hlutafé í
Fjárfestingarfélaginu Straumi á
miðvikudag. Sölugengi bréfa
Landsbankans var 4,8 í þeim við-
skiptum. Jafnframt hefur bankaráð
Landsbankans ákveðið að hækka
hlutafé bankans um 309.778.103
krónur. Hefur Afl fjárfestingar-
félag hf., sem Landsvaki ehf. sér
um daglegan rekstur á og Lands-
bankinn um vörslu eigna, keypt
hlutaféð á genginu 5,10. Eftir
kaupin er eignarhlutur Afls í
Landsbankanum 5,25%.
Í tilkynningu til Kauphallar Ís-
lands kemur fram að samhliða
kaupum Afls var gengið frá samn-
ingi um 30 daga kauprétt Lands-
bankans á hlutafénu á genginu
5,15. Verði kauprétturinn nýttur
mun Landsbankinn miðla viðkom-
andi hlutabréfum á almennum
hlutabréfamarkaði.
Er hlutafé Landsbankans 7,5
milljarður króna að nafnverði eftir
breytingarnar, eigið fé rúmir 20
milljarðar og CAD eiginfjárhlutfall
ríflega 10%.
Straumur
hækkar um 6%



 

  

 
    
 
 
 




 
  


 !"#


$

%&
' (


   


  
















  

)


!+


, 
-
 







$
.

/%