Morgunblaðið - 23.09.2003, Blaðsíða 16

Minnstaður
Höfuðborgin | Akureyri | Suðurnes | Austurland | Landið
Mínstund frett@mbl.is
Ódýrt fyrir alla!
Ódýrt fyrir alla!LYNGHÁLSI 4 - SKÚTUVOGI 2
OPIÐ
11-20
ALLA DAGA
LÁGT OG
STÖÐUGT
VÖRUVERÐ!
pr.kg.499-
ÝSUFLÖK FROSIN
roðlaus og beinlaus
1 flokkur
Toppurinn í dag!
Ég hef stundum velt því fyrir mér hvers
vegna ég þarf að sitja í símanum og bíða,
stundum lengi, í því skyni að ná sambandi
við heimilislækninn minn í símatíma hér í
höfuðstað Norðurlands. Það er að vísu ekki
rétt að segja heimilislækninn minn – fjöl-
skyldan hefur ekki getað fengið fastan
heimilislækni eftir að við fluttum norður á
ný fyrir rúmu ári; þeir eru ekki nógu marg-
ir í plássinu fyrir alla íbúana. En rétt er að
taka fram að auðvelt er að fá samband við
einhvern þeirra í hvert skipti sem við þurf-
um á slíkum að halda.
Það sem ég velti sem sagt fyrir mér eru
þau óþægindi að þurfa að bíða í símanum;
hringja í heilsugæsluna og bíða. Ég er viss
um að margir eru í þannig vinnu að 15–20
mínútna bið í slíkum tilfellum er ómöguleg.
Gamaldags.
Ég var vanur frábærri þjónustu á Sel-
tjarnarnesi; hringdi í afgreiðsluna, pantaði
símatíma hjá lækninum og svo hringdi hann
í mig. Það er ólíkt betra fyrirkomulag og
þjóðhagslegra hagkvæmara. Eða er mér
eitthvað að missýnast í því sambandi?
  
KA hélt sem betur fer sæti sínu í efstu
deild karla í knattspyrnu í dramatískri
lokaumferð um helgina, en mínir menn í
Þór komust því miður ekki upp úr næst-
efstu deildinni að þessu sinni. Best væri
fyrir bæinn ef hér væru tvö góð knatt-
spyrnulið í efstu deild, en lágmark er, að
mínu mati, að héðan sé eitt lið í þeim hópi
hinna bestu. Sumir segja að vísu ekki fjár-
hagslegan grundvöll nema fyrir einu og ef
til vill er eitthvað til í því, en ég er, hvað
sem því líður, á þeirri skoðun að mikilvægt
sé andlegri heilsu bæjarbúa að eiga íþrótta-
lið sem ná góðum árangri. Og það er líka
mikil auglýsing fyrir bæjarfélagið.
  
Mér finnst dálítið flott að kominn sé ör-
yggisvörður í Landsbankann við Ráðhús-
torg. Hann er þar hvorki í þeim tilgangi að
passa starfsfólk né peninga, heldur Kjarval.
Björgólfur bankaráðsformaður sagði í gríni
þegar sýningin var opnuð um daginn að
varla væri þorandi að koma með eitthvað úr
listaverkasafni bankans norður; Hannes í
Listasafninu væri vís með að hirða það!
Þegar umræðan um listaverkin stóð sem
hæst á sínum tíma – eftir að þjóðin áttaði
sig á því að listaverkasafnið fylgdi með í
kaupunum þegar Samson eignaðist stóran
hlut í bankanum – kom Hannes Sigurðsson
fram með þá tillögu að hið mikla og glæsi-
lega safn Landsbankans af listaverkum
yrði hýst í Listasafninu á Akureyri, og sótti
það stíft, að sögn Björgólfs. Kannski vörð-
urinn sé þarna til að hafa auga með þeim
báðum, Kjarval og Hannesi!
Úr
bæjarlífinu
AKUREYRI
EFTIR SKAPTA HALLGRÍMSSON
BLAÐAMANN
NOKKRAR breytingar
verða á landshlutasíðum
Morgunblaðsins í dag.
Meginbreytingin felst í því
að landshlutasíðurnar fá nú
eins konar forsíðu sem
verður frá degi til dags
með sérvöldum fréttum og
efni. Forsíðan hefur hlotið
heitið Minn staður og
henni fylgir minni dálkur
sem nefnist Mín stund með
ýmsum áhugaverðum
smáfréttum um daginn og
veginn. Glöggir lesendur
munu væntanlega sjá að
þessi dálkaheiti eru sóttar í
vinsælar auglýsingar
blaðsins, en heitið þykir
hæfa vel því efni sem
landshlutasíðurnar geyma.
Þá verður á þessari forsíðu
a.m.k. einu sinni í viku
dálkurinn Úr bæjarlífinu
með upplifun okkar fólks á
hinum ýmsu stöðum um
mannlífið á líðandi stund.
Landshlutasíðurnar eru
Höfuðborgarsvæðið með
efni frá stór-Reykjavík-
ursvæðinu, Suðurnes, Ak-
ureyri með fréttum og efni
frá bænum og Eyjafjarð-
arsvæðinu, og Landið með
fréttum og efni frá yfir 100
fréttariturum um allt land.
Þessar síður eru í blaðinu
fimm daga vikunnar. Þrisv-
ar í viku, þriðjudaga,
fimmtudaga og föstudaga,
er Austurland með efni allt
frá Vopnafirði að norðan til
Djúpavogs í suðri. Hvern
laugardag er Árborg-
arsvæðið með efni af því
svæði og á mánudögum er
Vesturland með fréttum
og efni allt frá Akranesi og
norður í Dali.
Akureyri er elst lands-
hlutasíðnanna og þar rekur
Morgunblaðið nú ritstjórn
með þremur blaða-
mönnum; Skapta Hall-
grímssyni, skapti@mbl.is,
Margréti Þóru Þórsdóttur,
maggath@mbl.is og Krist-
jáni Kristjánsyni, krkr-
@mbl.is. Símanúmer er
4611600.
Umsjónarmaður Vest-
urlandssíðunnar er Ásdís
Haraldsdóttir, asdish-
@mbl,blaðamaður, með
búsetu á Mýrum og far-
síma 8985258.
Umsjónarmaður Aust-
urlandssíðu er Steinunn
Ásmundsdóttir, austur-
land@mbl.is, á Egils-
stöðum, sími 8621169.
Umsjónarmaður Höf-
uðborgarsvæðis er Bryndís
Sveinsdóttir, bryn-
dis@mbl.is og umsjón-
armaður Suðurnesjasíðu er
Helgi Bjarnason, helgi-
@mbl.is. Þau má bæði ná
sambandi við í síma
5691100.
Tengiliður við fréttarit-
arakerfi Morgunblaðsins
er Guðrún Aðalsteins-
dóttir, frett@mbl.is og
með síma 5691290. Hún og
fréttaritarar blaðsins taka
við fréttum og ábendingum
um efni er varðar Árborg
og Landið.
Hægt er að fá yfirlit yfir
fréttaritarakerfi Morgun-
blaðsins á mbl.is undir
hnappnum Morgunblaðið.
Okkar menn um allt land
ÞINGEYINGUM ereiginlegt að orðahugsun sína í
bundnu máli. Í lok keppn-
istímabilsins flutti hagyrð-
ingurinn Finnur Bald-
ursson úr Mývatnssveit og
stuðningsmaður Völsungs
félaginu eftirfarandi vísu
eftir síðasta heimaleik.
Þannig þakkaði hann fyrir
skemmtun sumarsins:
Völsungar glæstir á vængjunum svifu,
og vinninga innbyrtu víða um völl,
taktfast og öruggt upp töfluna klifu,
og tóku sinn bikar og báru í höll.
Ljósmynd/Skarpur
Tóku bikar
og báru í höll
Kárahnjúkavirkjun | Um þessar
mundir er verið að smíða brú yf-
ir Jökulsá á Fljótsdal við Haf-
ursárufs skammt neðan
Eyjabakkavaðs.Verður brúin
neðan við Ufsarárstíflu austan
Snæfells, en sú stífla á að vera
hluti veitukerfis Kára-
hnjúkavirkjunar.
Brúin er stálbitabrú með einu
hafi milli steyptra landstöpla, 22
metrar að lengd í tæplega 8
metra hæð yfir vatnsborði ár-
innar. Dekkið verður úr timbri
og akbrautin 3,6 metra breið.
Verktaki mun einnig leggja
um 800 m langan vegslóða til að
tengja brúna við slóða inn að
Eyjabökkum, en síðar verður
byggður vegur að Ufsarárstífl-
unni. Að henni munu liggja að-
rennslisgöng sem tengd verða
við göngin frá Kárahnjúkastíflu.
Það er vélsmiðjan Eldafl ehf. í
Njarðvík sem smíðar brúna og á
brúarsmíðinni að ljúka um miðj-
an nóvembermánuð.
Morgunblaðið/Steinunn
Unnið við brúargerðina við Jökulsá á Fljótsdal við Hafursárufs skammt neðan Eyjabakka.
Brúarsmíði austan Snæfells
Uppi til heiða
Akureyri | Gunnar Ragnars, stjórnarfor-
maður Stáltaks hf. og Slippstöðvarinnar,
sagði að afkoman það sem af er árinu væri
alls ekki nógu góð. „Við sættum okkur ekki
við stöðuna og ætlum að breyta henni. Það
er hins vegar ekki tímabært að fara nánar út
í það á þessu stigi.“ Gunnar sagði að verk-
efnastaðan hefði verið mjög brokkgeng og
sveiflurnar of
miklar. Hins veg-
ar væri verkefna-
staðan hjá Slipp-
stöðinni ágæt um
þessar mundir.
„En það er eng-
in festa í því þegar
er verið að tala
um örfáar vikur.
Menn sjá ekki
langt fram í tím-
ann og þannig
hefur það verið í
gegnum tíðina.“
Gunnar sagði að
ekki væri hægt að
horfa eingöngu til
verkefna í skipaflotanum, heldur þyrfti að
reyna að auka fjölbreytni í verkefnavalinu.
Hann sagði að allar þær framkvæmdar sem
væru á döfinni, eins og t.d. í virkjanamálum
gætu hjálpað þar til á einn eða annan hátt.
Hjá Slippstöðinni starfa nú um 100 manns
en þegar mest var, í kringum 1980, voru
starfsmenn fyrirtækisins um 470.
Eins og fram hefur komið hefur Baldvin
Valdemarsson, framkvæmdastjóri Stáltaks
og Slippstöðvarinnar, sagt upp störfum.
Gunnar sagði stefnt að því að ráða nýjan
framkvæmdastjóra sem allra fyrst, „og ég
hef ástæðu til að ætla að af því getið orðið.“
Baldvin mun hins vegar starfa áfram þar til
gerðar hafa verið ráðstafanir með eftirmann
hans.
Auka þarf
fjölbreytni
verkefna
Heiðmörk | Fulltrúar í umhverfis- og heil-
brigðisnefnd Reykjavíkur vilja að nú þegar
verði hafin vinna við endanlegt skipulag
Heiðmerkur, sem útivistar- og vatnsvernd-
arsvæði Reykjavíkur og nágrannabyggða.
Við skipulagið verði hugað sérstaklega
að þeim framkvæmdum, sem nauðsynlegar
séu til að þjóna tilgangi svæðisins sem
vatnsverndar- og útivistarsvæðis, ökuleið-
um um svæðið, þ. á m. hvort heppilegt
verði að loka fyrir hringakstur um svæðið,
gönguleiðum um svæðið og leyfðum öku-
hraða með tilliti til útivistar- og vatns-
verndarsjónarmiða.
Hringvegi um
Heiðmörk lokað?
♦ ♦ ♦