Morgunblaðið - 23.09.2003, Blaðsíða 21
LANDIÐ
MORGUNBLAÐIÐ ÞRIÐJUDAGUR 23. SEPTEMBER 2003 21
Opið mán.-fim. frá kl. 9–18, fös. frá kl. 9-17
Ármúla 1, sími 588 2030 – fax 588 2033
Sex herbergja íbúð um 191 fm á
tveimur efstu hæðunum. Íbúðinni
fylgir stæði í lokaðri bílageymslu.
Glæsileg og vönduð íbúð með fjórum
stórum svefnherbergjum og tveimur
stofum með miklu útsýni yfir bryggju-
svæðið og Reykjavík.
V. 22,9 millj. 5365
NAUSTABRYGGJA 23 - EFSTA HÆÐ
OPIÐ HÚS Á ÞRIÐJUDAGSKVÖLD FRÁ KL. 18-20
Guðni og Ester taka á móti áhugasömum
á þriðjudagskvöld milli kl. 18 og 20
Selfossi | Haukur Guðlaugsson
orgelleikari og Gunnar Björnsson
sellóleikari halda tónleika í Selfoss-
kirkju kl. 20.30 í kvöld, þriðjudags-
kvöld.
Tónleikarnir hefjast með því að
Haukur leikur hina kunnu
Chaconnu í f-moll eftir J. Pachelbel
(1659–1706). Síðan leika þeir fé-
lagar saman verk eftir m.a. Perg-
olesi, Gluck, Handel, Debussy,
Fauré, Saint-Saenz og Elgar.
Tónleikarnir eru hinir fjórðu í
röð svonefndra þriðjudagstónleika
Selfosskirkju. Aðgangur er ókeypis.
Þriðjudags-
tónleikar í
Selfosskirkju
Haukur Guðlaugsson og Gunnar
Björnsson leika á tónleikum í kvöld.
Í Grunnskólanum á Ísafirði verður
taílenska kennd í vetur. Pimonlask
Rodpitak kennir nemendum sem
hafa taílensku sem móðurmál tvo
klukkutíma í lok skóladags á mið-
vikudögum. Aðrir geta einnig sótt
þessa tíma, t.d. þeir sem vilja kynn-
ast málinu.
Taílenska
á Ísafirði
Morgunblaðið/Jón Svavarsson
Frá fjölþjóðahátíð í Reykjavík.
Fyrirtækjakaup | Í bæjarstjórn
Akraness var nýlega lögð fram til-
laga um að 20 milljónum króna
verði úthlutað til atvinnumála-
nefndar í þeim tilgangi að liðka til
eða kaupa fyrirtæki til Akraness,
sem aukið gæti atvinnustarfsemi á
staðnum. Peningarnir yrðu teknir
af sölu á Landmælingahúsnæði.
Sjálfstæðismenn í bæjarstjórn
fluttu tillöguna og gerði Gunnar
Sigurðsson grein fyrir henni. Guð-
mundur Páll Jónsson lagði til að
tillögunni yrði vísað til umfjöllunar
í bæjarráði og var það samþykkt
með 9 atkvæðum.
Fjölgun nemenda | Í bæjarstjórn
Borgarbyggðar komu málefni
Varmalandsskóla til umræðu ný-
lega. Í tillögu Kolfinnu Jóhann-
esdóttur kemur meðal annars
fram að nemendum hafi stöðugt
fjölgað í skólanum á síðustu árum
og þröng orðin í kennslurými og
vinnuaðstöðu kennara. Með kaup-
um á húsnæði Húsmæðraskólans
hafi að nokkru verið bætt úr vand-
anum en ýmis aðstaða sé enn
ófullnægjandi. Kolfinna lagði til að
könnuð yrði hagkvæmni þess að
selja Húsmæðraskólann með tilliti
til atvinnuskapandi rekstrar á
svæðinu og salan yrði nýtt til
framkvæmda og uppbyggingar við
Varmalandsskóla. Í bókun forseta
bæjarstjórnar, Helgu Halldórs-
dóttur, segir að kaupin á Hús-
mæðraskólanum hafi verið stórt
skref til að bæta úr brýnum hús-
næðisvanda grunnskólans á
Varmalandi. Skóla- og og rekstr-
arnefnd Varmalands muni í vetur
vinna að deiliskipulagi á Varma-
landi ásamt framtíðarhugmyndum
um fyrirkomulag.
Snorrastofa | Bæjarráð Akraness
hefur samþykkt samkomulag Akra-
neskaupstaðar og Snorrastofu um
aðkomu
kaupstað-
arins að
rekstri
Snorrastofu.
Framlag
Akraness til
næstu
þriggja ára er ein og hálf milljón
króna og er gert ráð fyrir að fulltrú-
ar Snorrastofu og Byggðasafns
Akraness og nærsveita á Görðum
muni leiða til aukins samstarfs
Byggðasafnsins og Snorrastofu.
Prentminjasafn | Að frumkvæði Sig-
urjóns Sæmundssonar, fyrrverandi
prentsmiðjustjóra, hefur vaknað
hugmynd um að setja á fót prent-
minjasafn á Siglufirði. Sigurjón á
mikið af gömlum munum er tengjast
prentiðnaði á Íslandi og hefur m.a.
aldrei hent neinu af gömlum vélbún-
aði og hlutum tengdum prentiðninni,
þó að endurnýjun vegna tækniþró-
unar hafi verið ör í gegnum tíðina
hjá Siglufjarðarprentsmiðju, að því
er kemur fram á vef Siglufjarð-
arbæjar. Sótt hefur verið um lóðir
undir safnið og var samþykkt í bæj-
arráði Siglufjarðar nýlega að leigja
Sigurjóni tvær lóðir fyrir safnið.
Sauðárkróki | Fyrsta haustlægðin hefur farið
með suðvestan roki og ausandi úrfelli yfir landið í
helgarbyrjun, brotið tré og það sem laust hefur
verið við hýbýli manna eða á víðavangi hefur ver-
ið á flugi og lent á ólíklegustu stöðum. Skokk-
hópur Árna Stefánssonar á Sauðárkróki lét þenn-
an veðraham ekkert aftra sér frá því að ljúka
sumarstarfinu, í áttunda sinn, með hefðbundnu
Varmahlíðarhlaupi fyrir hádegi á laugardeginum.
Árni Stefánsson íþróttakennari flutti til Sauð-
árkróks með fjölskyldu sinni frá Landskrona í
Svíþjóð árið 1982, en þar hafði hann verið um
nokkurt skeið sem atvinnumaður í knattspyrnu,
en á árunum 1975 til 7́8 var hann aðalmarkvörður
A-landsliðs Íslands í knattspyrnu. Við komuna til
Sauðárkróks fór Árni að leika með meistaraflokki
Tindastóls og kenndi jafnframt íþróttir við grunn-
skólann, en á síðustu árum hefur hann kennt við
Fjölbrautaskóla Norðurlands vestra á Sauðár-
króki og verið mjög virkur með hópa í almenn-
ingsíþróttum.
Þannig lét hópur Árna engan bilbug á sér finna,
hljóp þrátt fyrir að veðrið væri ekki upp á sitt
besta og Árni sagði: „Menn fresta ekki Varma-
hlíðarhlaupi eða Laufskálarétt eða öðrum álíka
stórviðburðum þó að blási eða rigni, og auðvitað
hlaupum við þó að veðrið hafi oft verið mun
betra.“
Um kl. 13 var allur hópurinn mættur í heilsu-
hlaðborð í sundlauginni, blautur og veðurbarinn,
en allir þreyttir og ánægðir að loknu hlaupi.
„Tuttugu og einn lagði af stað frá Varmahlíð og
hlupu þau öll alla leið, 23 km, en um tuttugu bætt-
ust í hópinn einhvers staðar á leiðinni og að
minnsta kosti fjórir hjóluðu leiðina.“
Árni sagði þetta mjög ánægjulegan hluta af
sumarstarfinu og um kvöldið hittist hópurinn í
Ólafshúsi á árshátíð, þar sem gómsætir réttir
voru á borðum, heimalöguð skemmtidagskrá flutt
og síðan var dansað fram eftir nóttu.
„Frestar hvorki Varmahlíð-
arhlaupi né Laufskálarétt“
Morgunblaðið/Björn
„Auðvitað hlaupum við,“ sagði Árni Stefánsson
íþróttakennari á Sauðárkróki.
Hópur gamla landsliðs-
markmannsins lét vont
veður ekki aftra sér
Hornafirði | Nítján ára Hornfirð-
ingur, Lilja Sigurðardóttir, dvelur
nú í bænum Neumarkt í Bayern í
Þýskalandi þar sem hún starfar sem
sjálfboðaliði með þýskum vatna-
björgunarsamtökum sem nefnast
Deutsche Lebens-Rettungs Gesell-
schaft eða DLRG. Lilja er sjálf-
boðaliði Slysavarnafélagsins Lands-
bjargar og verkefnisins Ungt fólk í
Evrópu, sem er verkefni á vegum
Evrópubandalagsins.
„Ég fór til Þýskalands í byrjun
desember með Kolbrúnu Guðmunds-
dóttir hjá Landsbjörgu að skipu-
leggja fjölþjóða ungmennaskipti sem
voru í ágúst síðastliðnum. Þegar ég
var hér úti í desember var mér svo
boðið að koma hingað og vinna með
DLRG. Ég fór út 1. september og
verð í ár úti, reyndar með þriggja
vikna jólafríi á Íslandi,“ segir Lilja.
Lilja er sjálfboðaliði og fær því
ekki laun, en Evrópusambandið
greiðir henni vasapeninga, greiðir
fæði, húsnæði, ferðina út og heim
aftur að verkefninu loknu. Í Þýska-
landi tekur Lilja þátt í ýmiskonar
starfi á vegum björgunarsamtak-
anna og nýlega gekk hún til liðs við
fjallabjörgunarsveit. Hún starfar
einnig með Rauða krossinum og seg-
ir að ef allt gangi að óskum muni hún
byrja að vinna sem sjúkraflutn-
ingamaður í nóvember eða desem-
ber.
„Hér fæ ég mikla reynslu á mörg-
um sviðum, kynnist annarri menn-
ingu og læri allt aðrar aðferðir við
björgun en notaðar eru heima. Einn-
ig getur sú menntun sem ég afla mér
innan Rauða krossins í Þýskalandi
nýst mér þegar ég kem heim aftur.“
Erfitt en skemmtilegt
Lilja hefur starfað með Björg-
unarfélagi Hornafjarðar frá 13 ára
aldri, fyrst í unglingadeild en síðan
sem fullgildur björgunarsveit-
armaður og umsjónarmaður ung-
lingadeildarinnar. „Það getur verið
bæði mjög erfitt og mjög skemmti-
legt að starfa í björgunarsveit. Fé-
lagsskapurinn er alveg frábær og
maður kynnist fólki alls staðar af
landinu,“ segir Lilja. Hún segir sam-
skipti milli umsjónarmanna ung-
lingadeildanna mjög mikil og góð.
„Það held ég að megi þakka mjög
góðri stjórnum innan Slysavarna-
félagsins Landsbjargar en Kolbrúnu
sem sér um unglingamálin hefur tek-
ist mjög vel að þjappa okkur saman,“
segir hún og er ekkert á því að hætta
að vinna í björgunarmálum. „Ég
gæti hugsað mér eitthvað tengt
björgunarstörfum sem framtíð-
arstarf en reyndar langar mig mjög
mikið að fara í læknisfræði. En þó
held að ég geti aldrei slitið mig frá
starfi björgunarsveitanna,“ segir
Lilja Sigurðardóttir.
Í björgunarsveit í Bæjaralandi
Morgunblaðið/Sigurður Mar Halldórsson
Lilja Sigurðardóttir á Jökulsárlóni á fullri ferð á fjórhjóli í fyrra þegar verið var að taka James Bond-myndina Die
Another Day, en þar starfaði hún ásamt félögum sínum í Björgunarfélagi Hornafjarðar við öryggisgæslu.
Lilja á æfingu hjá þýsku björgunar-
sveitinni í Neumarkt í Bayern.
Lilja Sigurðardóttir frá Hornafirði
hefur mikinn áhuga á björgunarmálum