Morgunblaðið - 23.09.2003, Blaðsíða 38

ÍÞRÓTTIR
38 ÞRIÐJUDAGUR 23. SEPTEMBER 2003 MORGUNBLAÐIÐ

VEIGAR Páll Gunnarsson og Ást-
hildur Helgadóttir voru útnefnd
leikmenn ársins í lokahófi hjá Ís-
landsmeisturum KR-inga um liðna
helgi. Sólveig Þórarinsdóttir og
Kristinn Magnússon urðu fyrir val-
inu sem efnilegustu leikmenn KR.

FIFA, Alþjóðaknattspyrnusam-
bandið, greiddi knattspyrnusam-
bandi Kína um 80 millj. kr. í skaða-
bætur þar sem heimsmeistara-
keppni kvenna var flutt frá Kína til
Bandaríkjanna vegna bráðalungna-
bólgufaraldursins.

KÍNVERJAR höfðu ráðið marga
starfsmenn vegna keppninnar og
ákvað FIFA að taka þátt í launa-
kostnaði þeirra. Kínverjar munu
hins vegar halda keppnina eftir fjög-
ur ár, 2007.

FORRÁÐAMENN þýska knatt-
spyrnuliðsins Borussia Mönchen-
gladbach sögðu þjálfara liðsins upp
störfum um helgina en Ewald Lien-
en hafði ekki staðið undir vænting-
um þeirra. Mönchengladbach hafði
tapað fjórum leikjum í röð. Holger
Fach mun taka við sem þjálfari liðs-
ins en hann var áður þjálfari smá-
liðsins Rot Weiss Essen.

ALESSANDRO Del Piero, fyrir-
liði Juventus, meiddist á fæti eftir
samstuð við norska landsliðsmann-
inn John Carew í leik Juventus og
Roma í fyrrakvöld. Reiknað er með
að Del Piero verði frá æfingum og
keppni næsta mánuðinn.

ROBERTO Donadoni, sem gerði
garðinn frægan með liði AC Milan
fyrir nokkrum árum, var í gær vikið
úr starfi þjálfara hjá ítalska B-deild-
ar liðinu Genoa. Genoa tapaði 3:0
fyrir Atalanta á sunnudaginn og í
kjölfarið var Donadoni sagt upp en
liðið er neðst án stiga og hefur ekki
tekist að skora mark í fyrstu þrem-
ur umferðunum. Luigi De Canio var
ráðinn í hans stað en hann hefur áð-
ur þjálfað lið Udinese, Napoli og
Reggina.

MARTIN O’Neill, þjálfari Celtic,
er sagður vera efstur á óskalista
stjórnar Tottenham um að taka við
stjórastarfinu hjá félaginu í stað
Glenn Hoddle sem vikið var frá
störfum í fyrradag. Aðrir sem hafa
verið nefndir til starfans eru Serb-
inn Raddy Antic, fyrrum þjálfari
Barcelona, og Alan Curbishley,
knattspyrnustjóri Charlton.

ANTIC er ólmur í að taka við
stjórastarfinu hjá Tottenham en
hann og David Pleat, yfirmaður
knattspyrnumála hjá Tottenham,
eru góðir vinir. Antic lék undir
stjórn Pleat hjá Luton fyrir 23 árum
en Pleat mun stýra liðinu Totten-
ham tímabundið eða þar til nýr
knattspyrnustjóri verður ráðinn.

FRANSKI leikmaðurinn David
Ginola, 36 ára, fyrrverandi leik-
maður Tottenham, efur lýst því yfir
að hann sé tilbúinn að taka við lið-
inu.
FÓLK
HAUKAR, sem leika í riðli
með Barcelona, Magdeburg
og Vardar Vatrost frá Maked-
óníu í Meistaradeild Evrópu,
mæta Barcelona í fyrsta leikn-
um helgina 11./12. október.
Haukar leika viku síðar í
Magdeburg. Haukar fá síðan
Vardar í heimsókn 8./9. nóv-
ember og viku síðar kemur
Magdeburg til landsins. Hauk-
ar leika síðan í Barcelona 22./
23. nóvember og viku síðar
leika þeir við Vardar í Skopje í
Makedóníu.
Haukar
leika fyrst
gegn
Barcelona
Morgunblaðið/Sigfús G. Guðmundsson
Gunnar Heiðar Þorvaldsson, markahrókur úr Eyjum, er hér í flugferð í viðureign ÍBV og ÍA í Vest-
mannaeyjum á laugardaginn. Gunnar Heiðar skoraði mark Eyjamanna í leiknum, 1:1. Hann skor-
aði 10 í efstu deild, eins og Þróttararnir Björgólfur Takefusa og Sören Hermansen.
LOKANIÐURSTAÐA KR-inga á Íslands-
mótinu í knattspyrnu hefur að vonum vak-
ið nokkra athygli. Skellurinn gegn FH í
lokaumferðinni varð til þess að markatala
KR-inga varð í lokin aðeins hagstæð um
eitt mark, þeir skoruðu 28 mörk en fengu
á sig 27 í deildinni í sumar. Þetta er lak-
asta markatala meistaraliðs á síðari árum.
Eftir að liðum í efstu deild var fjölgað í
átta árið 1970 höfðu Víkingar unnið hana
með minnstum mun á skoruðum og fengn-
um mörkum. Árið 1981 þegar Víkingar
urðu Íslandsmeistarar á ný eftir 57 ára
hlé skoruðu þeir 30 mörk en fengu á sig
23.
Það hefur hinsvegar einu sinni gerst að
Íslandsmeistarar hafa endað með óhag-
stæða markatölu. Á fyrri hluta síðustu
aldar tóku oftast 4–5 lið þátt í Íslands-
mótinu og léku einfalda umferð. Árið
1939 hófu Framarar Íslandsmótið á því að
tapa 2:5 fyrir KR. Þeir unnu síðan Val 1:0
og Víking 2:1, og önnur úrslit urðu þeim
hagstæð, þannig að Framarar stóðu uppi
sem Íslandsmeistarar með markatöluna 5
mörk gegn 6. Þeir horfðu spariklæddir á
síðasta leik mótsins, milli KR og Vals á
Melavellinum, sem endaði 2:2, og tóku síð-
an við Íslandsbikarnum. Ef KR-ingar
hefðu sigrað, hefðu þeir mætt Fram í úr-
slitaleik um titilinn. Mikil ólæti urðu í
leikslok og aðsúgur gerður að Þráni Sig-
urðssyni dómara sem þurfti lögreglufylgd
af vellinum. KR-ingar kærðu dómgæsluna
en kærunni var vísað frá.
Þess ber að gera að á þessum tíma var
Íslandsmótið aðeins leikið á einni til þrem-
ur vikum og var einungis eitt af mörgum
mótum á keppnistímabilinu.
Fram varð
meistari
með óhag-
stæða
markatölu
Þrálátur orðrómur hefur verið í gangi að Abramo-vich hygðist nota fyrsta tækifæri til að reka
Ranieri úr starfi og ráða í hans stað Sven Göran
Eriksson, landsliðseinvald Englendinga. Ranieri
segist hins vegar alveg sannfærður um að hann haldi
starfi sínu og þvert á allar sögusagnir um að nýr
stjóri taki við Chelsea-liðinu hafi hann fengið mikinn
stuðning frá Abramovich.
„Hann hefur kannski verið að hugsa um aðra
framkvæmdastjóra í fyrstu en eftir að við settumst
niður og ræddum málin hefur allt breyst,“ segir
Ranieri í viðtali við Evening Standard.
„Ef herra Abramovich hefði ekki trú á Claudio
Ranieri þá hefði hann ekki gefið mér tækifæri á að fá
þá leikmenn til félagsins sem ég hef óskað eftir. Við
áttum mjög góðan fund saman og þar sagði ég hon-
um að ég vildi búa til mitt draumalið með tveimur
góðum leikmönnum í öllum stöðum, blöndu af ung-
um leikmönnum, reyndum og meisturum. Abramo-
vich tók vel í þetta og sagði einfaldlega; segðu mér
hvað þú vilt og ég skal reyna að verða við óskum þín-
um,“ segir Ranieri.
AP
Claudio Ranieri stjórnar hér æfingu hjá Chelsea.
Ranieri nýtur stuðn-
ings Abramovich
ÍTALINN Claudio Ranieri, knattspyrnustjóri
Chelsea, segir að Rússinn Roman Abramo-
vich, eigandi félagsins, standi þétt að baki sér
og sé mjög ánægður með störf sín hjá félag-
inu.
KYOUNG-Ju Choi frá Suður-Kóreu sigraði á opna
þýska meistaramótinu í golfi í Köln. Choi lék á 67
höggum á fjórða keppnisdeginum og samtals á 26
höggum undir pari en hann var í harðri baráttu
við Spánverjann Miguel Angel Jimenez um efsta
sætið. Choi tryggði sér sigurinn og um 45 millj. kr.
í verðlaunafé með því að leggja boltann upp við
stöng í öðru höggi sínu á 18. braut en Jimenez
fékk fugl á þá holu og lék á samtals 24 höggum
undir pari, einu höggi minna en Ian Poulter and
Niclas Fasth. Högg gærdagsins átti Choi þar sem
hann sló beint ofan í holu af um 150 metrum á 2.
braut sem er par 4 og þar náði hann erni (-2).
Sænski kylfingurinn Fredrik Jacobson, sem
setti vallarmet á fyrsta keppnisdegi, náði ekki að
fylgja þeim árangri eftir en hann lék á 60 höggum
fyrsta daginn, eða 12 höggum undir pari. Næstu
þrjá hringi lék hann á samtals fjórum yfir pari.
Choi frá Suður-Kóreu
fagnaði sigri í Köln
Kyoung-Ju Choi