Morgunblaðið - 29.09.2003, Blaðsíða 13

DAGLEGT LÍF
MORGUNBLAÐIÐ MÁNUDAGUR 29. SEPTEMBER 2003 13
LINSUR Í ÁSKRIFT
Þú greiðir mánaðarlega með kreditkortinu þínu
fasta upphæð og færð linsurnar sendar heim
í byrjun hvers mánaðar.
Mikil þægindi - aukin hollusta - minni greiðslubyrði
CONTACTLINSUDEILDIN
Allar gerðir af linsum: dags,- mánaðar,- litaðar,-
harðar,- sjónskekkju,- margskiptar,- tvískiptar,
- fyrir fólk með þurr augu og til meðhöndlunar ýmissa
augnsjúkdóma
Sérstök áhersla er lögð á að hjálpa fólki
sem hefur þolað linsur illa eða alls ekki.
SJÓNVERND - ÞJÓNUSTUMIÐSTÖÐ
www.sjonvernd.is - ÞVERHOLTI 14 - S. 511 3311
Spurning: Er bannað að selja Alka-Seltzer á
Íslandi og þá hvers vegna, hvaða efni gera
að verkum að það sé bannað?
Svar: Alka-Seltzer er lyf frá Bandaríkjunum
sem er ætlað við verkjum, kvefi, timbur-
mönnum og fleiru. Um er að ræða fjöldann
allan af mismunandi samsetningum sem all-
ar heita Alka-Seltzer með einhverju viðbót-
arnafni. Upphaflega samsetningin er Alka-
Seltzer Original sem inniheldur verkjalyfið
acetýlsalicýlsýru (sama og aspirín eða
magnýl) og efni sem binda magasýru (mat-
arsóda og sítrónusýru). Síðan hafa verið sett
á markað fjölmörg önnur lyf og má nefna
sem dæmi Alka-Seltzer Morning Relief ætl-
að við timburmönnum (acetýlsalicýlsýra og
koffín), Alka-Seltzer Heartburn Relief ætlað
við brjóstsviða (eingöngu sítrónusýra), Alka-
Seltzer Gold við brjóstsviða (sýrubindandi
efnin matarsódi og sítrónusýra) og Alka-
Seltzer Plus Original sem ætlað er við kvefi
og inniheldur verkjalyfið paracetamól en
auk þess ofnæmislyf og lyf sem minnkar
nefstíflu.
Margar aðrar Alka-Seltzer samsetningar
eru á markaði í Bandaríkjunum. Talsvert al-
gengt er í Bandaríkjunum að mörg mismun-
andi lyf séu sett á markað undir einu vöru-
heiti eins og gert er með Alka-Seltzer en í
Evrópu hefur verið nokkur andstaða við
þetta af ótta við að fólk rugli slíkum lyfjum
saman. Það hefur aldrei verið bannað að
selja Alka-Seltzer á Íslandi og raunar var
upphaflega gerðin á markaði hér um tíma
fyrir mörgum árum. Alka-Seltzer inniheldur
einungis gömul og þekkt lyfjaefni sem eng-
inn amast við. Hins vegar má færa rök fyrir
því að þessar samsetningar séu dálítið úrelt-
ar. Verkjalyfið sem er í flestum samsetn-
ingum Alka-Seltzer er acetýlsalicýlsýra sem
segja má að sé nokkuð úrelt vegna þess að
til eru nýrri verkjalyf sem gefa a.m.k. jafn
kröftuga verkjastillandi verkun og hafa
mun færri aukaverkanir. Sama má segja um
matarsóda sem vissulega bindur magasýru
og var mikið notað til þess áður fyrr. Nú er
matarsódi talinn óheppilegur til þessara
nota m.a. vegna þess að þegar hann hættir
að verka verður oft mikil aukning á sýru-
myndun í maga.
Mörg lyf sem eru á markaði í nágranna-
löndunum eru það ekki á Íslandi. Algeng-
asta ástæðan fyrir þessu er sú að lyfja-
framleiðendum finnst íslenski markaðurinn
svo lítill að ekki svari kostnaði að markaðs-
setja viðkomandi lyf hér. Þetta er oft baga-
legt og bitnar mest á þeim sjúklingum sem
þurfa á viðkomandi lyfi að halda.
Hvað er Alka-Seltzer?

MAGNÚS JÓHANNSSON LÆKNIR SVARAR SPURNINGUM LESENDA
Til eru nýrri verkjalyf sem
gefa a.m.k. jafn kröftuga
verkjastillandi verkun.
 Lesendur Morgunblaðsins geta spurt lækninn um það sem
þeim liggur á hjarta. Tekið er á móti spurningum á virk-
um dögum milli klukkan 10 og 17 í síma 5691100 og bréf-
um eða símbréfum merkt: Heilsa. Fax 5691222. Einnig
geta lesendur sent fyrirspurnir sínar með tölvupósti á net-
fang Magnúsar Jóhannssonar: elmag@hotmail.com.
HJÓNIN Inga Eiríksdóttir og
Þórður Guðnason eru komin af
sínu alléttasta skeiði, hún er 73
ára, hann 84 ára, en stunda þó
heilsurækt af miklu kappi og hafa
gert í þrettán ár. Saman mæta
þau að jafnaði þrisvar sinnum í
viku; á mánudögum, mið-
vikudögum og föstudögum, í
Gáska sjúkraþjálfun í Bolholti.
Þau segjast í raun-
inni geta mætt
hvenær sem þau
vilja, oftar en
þrisvar þess vegna.
„Upphafið má
rekja til þess að ég
fékk gervilið í
hnéð árið 1990 og
var send í end-
urhæfingu,“ segir
Inga og Þórður
lætur þess getið að
ekki sé nóg að fara
tvisvar í viku.
„Vegna þess að
það er eins og
þriðja skiptið geri
herslumuninn í því
að halda sér við.
Annars svindluðum við dálítið í
sumar vegna þess að við fórum
allar helgar upp í sumarbústað og
lögðum þá gjarnan af stað
snemma á föstudagsmorgnum. En
það var allt í lagi vegna þess að
þar fáum við mikla hreyfingu. Það
er alltaf nóg að gera við að dytta
að húsinu og vinna í garðinum. Í
sumar málaði ég til dæmis allan
bústaðinn,“ upplýsir Þórður.
Viðheldur okkur líkamlega
Þau hjónin segjast mest vera í
tækjum og rimlum, þótt Inga geti
ekki farið í hvaða tæki sem er.
„Þórður fer að jafnaði í 26 til 28
tæki í hverjum tíma,“ segir Inga
og Þórður útskýrir ástæðuna:
„Mér finnst betra að ná því að
gera nokkrar æfingar í öllum
tækjum, heldur en margar í fáum
tækjum, vegna þess að þannig næ
ég að þjálfa hvert einasta vöðva-
svæði.“
Inga og Þórður orða það svo að
þau myndu ekki bjóða í sig, ef þau
stunduðu ekki heilsurækt, svo vel
finnst þeim æfingarnar viðhalda
líkamlegri heilsu sinni. „Ég mundi
til dæmis aldrei ganga ef ég færi
ekki á göngubrettið í Gáska. Þar
sem ég er með gervilið í hnénu, á
ég mjög erfitt með að stunda úti-
göngur. Ég er með stálnagla sem
nær niður í legginn og í kulda
verður hann ískaldur, en í hita
verður hann of heitur,“ segir
Inga.
„Andlegi þátturinn er ekki síður
mikils virði en góð líkamlega
heilsa,“ bætir Þórður við. „Maður
verður svo miklu hressari af því
að hreyfa sig. Síðan höfum við
kynnst mörgu skemmtilegu fólki á
þessum árum, fyrir utan hvað
starfsfólkið er indælt og hjálplegt
á allan hátt. Hérna vinnur mikið
af ungu fólki sem er menntað í
sjúkraþjálfun og skilur vel hvernig
líkaminn vinnur og virkar.
Ég verð líka að viðurkenna að
þótt við förum þrisvar í viku er
þetta alltaf jafnmikil tilbreyting.
Við erum stundum spurð hvernig
við nennum að fara svona oft og
hvort þetta sé ekki bindandi. Að
stunda heilsurækt reglulega er
ekkert mál og verður hluti af lífs-
stílnum.“
Þórður gefur mér ekkert eftir
Inga viðurkennir þó að eftir
fimm vikna frí, eins og þau hjónin
taka sér á veturna á Kanaríeyjum,
sé átak fyrir hana að byrja aftur.
„Þórður gefur mér það ekkert eft-
ir,“ segir hún. „Þótt við komumst
ekki í líkamsrækt á Kanaríeyjum,
þá heldur hann áfram æfingum.
Hann fyllir, til dæmis, tvo átta
lítra kúta af vatni og notar þá sem
tæki, sveiflar þessu og lyftir á
hverjum degi – og gerir allar æf-
ingar sem hann getur án þess að
hafa tækin.“
Þau segja ekki marga jafnaldra
sína stunda reglulega heilsurækt í
Gáska. „Flestir koma hingað að
læknisráði og fólk er á öllum
aldri, til dæmis unglingar sem
eitthvað hefur komið fyrir,“ segir
Þórður og Inga bætir við: „Þórður
er einn sá elsti sem stundar reglu-
lega heilsurækt hérna.“
Þegar Þórður er spurður hvers
vegna hann hafi byrjað að stunda
heilsuræktina, þá rétt kominn yfir
sjötugt, segir hann: „Ég keyrði
Ingu alltaf í æfingarnar þegar hún
var að byrja og beið svo eftir
henni. Ég varð fljótlega leiður á
því að sitja og bíða og fór sjálfur
að prófa mig áfram í tækjunum. Í
dag sé ég hvað ég hef haft gott af
þessu, vegna þess að núna er ég
miklu betur á mig kominn en þeg-
ar ég byrjaði.“
Þrisvar í viku
í þrettán ár

LÍKAMSRÆKT
Morgunblaðið/Jim Smart
Inga og Þórður: „Alltaf jafn mikil tilbreyting að fara í ræktina.“
Byði ekki í okkur ef við
stunduðum ekki heilsurækt
KVIKMYNDASTJÖRNURNAR
sitja ekki endilega á fremsta bekk á
tískusýningum af einskærum áhuga
á nýjustu tísku. Nú er komið er upp
úr dúrnum að þær fá ríkulega borg-
að fyrir að láta svo lítið að tylla sér
á bekkinn. Eflaust er ástæðulaust
að ætla annað en áhugi þeirra á
tískunni sé fölskvalaus, en fyrir
rúma sjö og hálfa milljón íslenskra
króna væri alveg hægt að horfa um
stund á nánast hvaða sýningu sem
væri. Og gera sér upp hrifningu.
Tilvist „framkomu-þóknunar-
innar“ varð heyrinkunn á tvíær-
ings-farandtískusýningu í New
York nýverið, sem síðan var opnuð í
London og heldur áfram til Parísar
og Mílanó. Naskir tískufréttaritarar
ljóstruðu leyndarmálinu upp í tíma-
ritinu Women’s Wear Daily og vef-
síðu Vogue.
Nægir að eiga frægan afa
Þeir fullyrtu að alsiða væri að
greiða þeim frægu og ríku fyrir að
verma sætin á fremsta bekk og eft-
irspurnin væri sífellt að aukast,
enda væri tískuiðnaðurinn feikilega
uppveðraður fyrir þessu fólki. Svo
virðist líka nægja að eiga frægan
afa því forstjóri ID fyrirsætna upp-
lýsti að hafa samið við barnabarn
Charlie Chaplin um tvær til átta
milljónir fyrir að sitja nokkrar sýn-
ingar. Hermt er að hver ráðstöfun
af þessu tagi útheimti samningsskil-
mála upp á margar blaðsíður. Sem
dæmi upplýsti tískufréttaskríbent
Vogue að samningurinn við Ricky
Martin á Armani-sýningu fyrir
tveimur árum hefði verið tuttugu
og þrjár blaðsíður. Sá sami bendir á
að George Clooney komi ekki ár-
lega á tískusýningar í Mílanó vegna
þess að hann sé svona hrifinn af föt-
um.
Umboðsmaður Lara Flynn Boyle
sagði ofureðlilegt að krefjast „fram-
komu-þóknunar“ fyrir sitt fólk.
Verðið réðist af hver í hlut ætti og
verðmati hönnuðarins, enda væru
ekki aðrar reglur til viðmiðunar. Á
tískusýningu Donatella Versace á
liðnu ári sátu m.a. Elizabeth Hurley,
PDiddy, Britney Spears, Christina
Aguilera, Chelsea Clinton, George
Clooney, Catherine Zeta Jones,
Jennifer Lopez og Madonna.
Nokkrar milljónir undir slíka bossa.

TÍSKA
Reuters
Leiddar til sætis: Ítölsku fatahönn-
uðirnir Gabbana, t.v., og Dolce, t.h.,
á tískusýningu í New York í vor með
Naomi Campbell, Victoriu Beckham
og Lindu Evangelista á milli sín.
Hvar skyldu þær hafa fengið sæti?
Setið
fyrir fé