Morgunblaðið - 28.10.2003, Blaðsíða 27

LISTIR
MORGUNBLAÐIÐ ÞRIÐJUDAGUR 28. OKTÓBER 2003 27
 


 

   


 

           





   

  

  
 
!"" #

 " 
ÖKUTÆKI
OG TJÓNBÆTUR
Fjallað er um íslenskar réttar-
reglur um bótaúrræði vegna
tjóns, sem hlýst af bifreiðum
og öðrum skráningarskyldum
vélknúnum ökutækjum.
Lengsti þáttur bókarinnar
er um skaðabótaskyldu, en aðrir
þættir varða vátryggingar,
aðallega ábyrgðartryggingu,
slysatryggingu og húftryggingu
(kaskótryggingu).
Mikilvæg handbók tjónþola.
Síðumúla 21 • Sími 588 9060 • Fax 588 9095
Heimasíða: www.hib.is
H
ön
nu
n:
G
un
na
r
S
te
in
þó
rs
so
n
/
H
ÍB
/
O
kt
ób
er
2
00
3
„MÉR verður sjaldan orða vant, en
það hefur svei mér gerst núna. Mig
langar þó til að nota tækifærið og
þakka þennan mikla heiður sem mér
er hér sýndur,“ sagði Hilmar Örn
Hilmarsson, tónlistarmaður og tón-
skáld, eftir að hafa tekið við Íslensku
bjartsýnisverðlaununum úr hendi
forseta Íslands, Ólafs Ragnars
Grímssonar, við athöfn í Hafn-
arborg, menningar- og listamiðstöð
Hafnarfjarðar í gær.
Verðlaunin hlaut Hilmar Örn fyr-
ir tónsmíðar og metnaðarfullt starf í
þágu tónlistar, en Hilmar Örn hefur
vakið mikla athygli víða um heim
fyrir tónlist sína á undanförnum ár-
um. Hann var frumkvöðull í notkun
tölva við tónlistarsköpun og ruddi
brautina fyrir nýjar hugmyndir í
upptökustjórn og útsetningum. Frá
árinu 1997 hefur Hilmar Örn samið
tónlist fyrir hátt í þrjátíu kvikmynd-
ir, bæði íslenskar og erlendar, auk
þess að vinna með ýmsum tónlist-
armönnum að metnaðarfullum og
frumlegum verkefnum.
Íslensku bjartsýnisverðlaunin, áð-
ur Bjartsýnisverðlaun Brøstes, eru
menningarverðlaun sem eiga sér
meir en tuttugu ára sögu. Margir af
fremstu listamönnum þjóðarinnar
hafa hlotið þessi verðlaun á upphafs-
árum ferils síns, frá því að til þeirra
var stofnað. Verðlaunin voru fyrst
veitt árið 1981, að tilstuðlan danska
athafnamannsins Peters Brøstes,
sem heillaðist af bjartsýni Íslend-
inga eftir að hafa fylgst með op-
inberri heimsókn Vigdísar Finn-
bogadóttur forseta til Margrétar
Þórhildar Danadrottningar árið áð-
ur. Alcan á Íslandi, ÍSAL, hefur ver-
ið bakhjarl verðlaunanna síðan 2000
og er forseti Íslands verndari þeirra
auk þess að afhenda þau.
Listamenn tjá okkur
sífellt hver við erum
Hilmar sagði í samtali við Morg-
unblaðið að afhendingu lokinni að
sér hefði alltaf fundist Bjartsýnis-
verðlaunin mjög mikilvæg og tilefni
þess að þau voru upphaflega veitt
vel til fundið. „Ég hef átt samleið
með listafólki sem hefur fengið þessi
verðlaun og veit að þau hafa oft ver-
ið mjög góð uppörvun og hvatning
fyrir viðkomandi listamenn. Mér
finnst þessi verðlaun afar merkilegt
fyrirbæri, þ.e. að það sé verið að
verðlauna bjartsýni og stórhug. Auk
þess finnst mér mjög vel hafa tekist
til með valið hjá Gunnari Friðriks-
syni, Gylfa Þ. Gíslasyni og Árna
Kristjánssyni, sem upphaflega voru í
nefndinni. Þeir hafa verið ótrúlega
lúmskir og fljótir að taka eftir ungu
fólki sem hefur verið að gera ein-
hverja nýja og djarfa hluti. Vigdís
Finnbogadóttir, fyrrverandi vernd-
ari verðlaunanna, sem tók við af
Árna í dómnefndinni, hefur líka
þann góða eiginleika að geta séð það
sem er að gerast hjá yngra fólki. Og
þótt kannski megi segja að ég sé
mitt á milli þess að vera ungur og
gamall, þá þykir mér vænt um að
eftir mér hafi verið tekið.“
Dómnefnd Bjartsýnisverð-
launanna var skipuð Vigdísi Finn-
bogadóttur, Gylfa Þ. Gíslasyni og
Gunnari Friðrikssyni, sem hefur
verið formaður dómnefndar frá
upphafi. Vigdís Finnbogadóttir
gerði grein fyrir vali dómnefndar
við afhendinguna og sagði þar m.a.:
„Þjóð sem ræktar listamenn sína og
veitir verkum þeirra óskipta athygli
er allar stundir að styrkja sjálfa sig,
því listamenn eru sífellt að tjá okkur
hver við erum. Þeir eiga þá guðsgjöf
að vera spegillinn, bergmálið og
hljómurinn – árvegurinn sjálfur þar
sem tilfinningar og hugur þjóð-
arinnar streyma fram í lygnu sem í
boðaföllum.“
Við afhendinguna tilkynnti Gunn-
ar að þeir Gylfi, sem setið hafa í
dómnefndinni frá upphafi, hefðu
ákveðið að tími væri fyrir þá að
draga sig í hlé og leyfa yngra fólki
að taka við. Forseti Íslands þakkaði
þeim langa setu og hrósaði einstakri
framsýni þeirra í vali á listamönnum
í gegnum tíðina.
Hilmar Örn Hilmarsson tónlistarmaður fær Íslensku bjartsýnisverðlaunin
„Góð hvatning fyrir listamenn“
Morgunblaðið/Þorkell
Hilmar Örn Hilmarsson tekur við Íslensku bjartsýnisverðlaununum úr
hendi Ólafs Ragnars Grímssonar, forseta Íslands, í Hafnarborg í gær.
Fréttir á SMS
Listasafn Íslands kl. 12.10–
12.40 Dagný Heiðdal listfræð-
ingur verður með leiðsögn um
sýninguna Vefur lands og lita –
Yfirlitssýning á verkum Júlíönu
Sveinsdóttur.
Norræna húsið kl. 12.05 Sverrir
Jakobsson sagn-
fræðingur held-
ur erindi í fyr-
irlestraröð
Sagnfræðinga-
félags Íslands,
„Hvað er (um)
heimur?“ Erind-
ið nefnist „Svo
vítt sem kristni
er. Íslendingar
og hinn kaþólski
heimur, 1100–1400.“ Fjallað verð-
ur um heimsmynd Íslendinga
1100–1400 og færð rök fyrir því að
hana megi skilgreini sem „kaþ-
ólska“. Einnig verður fjallað um
möguleika sem stóðu Íslendingum
til boða á þessum tíma. Að lokum
verður litið á „hina félagslegu ger-
endur“, nokkra einstaklinga sem
tóku þátt í að smíða heimsmynd
Íslendinga, eins og við þekkjum
hana á grundvelli miðaldatexta.
Listasafn Íslands, Skipholti, kl.
12.30 Þrír fulltrúar Taking Place,
Brigid Mcleer, myndlistarkona,
Helen Stratford, arkitekt og Katie
Lloyd Thomas, verða með innlegg
um atburðarými. Taking Place er
þverfaglegur samvinnuhópur,
myndlistarmanna, arkitekta,
fræðimanna og rithöfunda, sem
vinna á femíniskum nótum og
fjalla um kyngervi og kynferði í
arkitektúr og rými.
Bókasafn Kópavogs, Hamra-
borg 6a kl. 19 Elsa E. Guð-
jónsson flytur erindi með lit-
skyggnum um íslenskan útsaum.
Einnig kennir hún gamla íslenska
krosssauminn.
Súfistinn, Laugavegi 18 kl. 20
Dagskrá tileinkuð göldrum: Sig-
urður Atlason og Magnús Rafns-
son kynna ýmsar hliðar galdra-
mála á Íslandi en þeir eru tveir
forsvarsmanna Strandagaldurs og
Galdrasýningar á Ströndum. Bók-
in Angurgapi, sem Magnús hefur
ritað, verður kynnt, farin verður
stutt margmiðlunar-yfirferð yfir
galdrasafnið á ströndum, ást-
argaldrar verða í hávegum hafðir
og að lokum verður brugðið á leik.
Í DAG
 Sjá einnig Staður og stund á mbl.is
Sverrir
Jakobsson
TÍU tónleikar að minnsta kosti voru
haldnir á höfuðborgarsvæðinu laug-
ardag og sunnudag; fimm hvorn dag.
Þar af voru átta opinberir tónleikar
þar sem atvinnufólk í tónlist kom
fram, einir nemendatónleikar og einir
óopinberir afmælistónleikar. Þótt
mikil gróska sé í tónleikahaldi er
sjaldgæft að svo margir tónleikar séu
haldnir á einni helgi.
Það var því úr vöndu að ráða fyrir
tónleikagesti; úrvalið var einstaklega
fjölbreytt og flytjendur úr röðum
okkar bestu og ný verk frumflutt á að
minnsta kosti tvennum tónleikum. Þá
var ein alþjóðleg stjarna með tónleika
hér, finnski barítonsöngvarinn Jorma
Hynninen. Upplýsingar um aðsókn á
opinbera tónleika atvinnufólks um
helgina liggja fyrir, en einhver frávik
geta verið, einkum vegna þess að í
einhverjum tilfellum er ekki talið ná-
kvæmlega hve margir boðsgestir
skila sér.
Á tónleikum Tilraunaeldhússins í
15:15-tónleikaröðinni í Borgarleik-
húsi voru tæplega 30 manns; 21 seld-
ur miði, og nokkrir gestir að auki.
Kórar Langholtskirkju fengu um
350 manns í kirkjuna kl. 16 á laug-
ardag, en flytjendur á tónleikunum
voru um 300.
Klukkustund síðar hófust Tónlist-
ardagar Dómkirkjunnar og sóttu
rúmlega hundrað manns setningar-
tónleika, sem er að sögn aðstandenda
nokkru minna en undanfarin ár.
Minningartónleikar um Victor
Urbancic í Íslensku óperunni löðuðu
til sín 225 manns, sem er minna en
vonir aðstandenda stóðu til.
Á sunnudag komu tæplega 50
manns að hlýða á Gerrit Schuil leika í
tónlistarhúsinu Ými og ræða um líf
sitt í tónlistinni.
Hynninen fyllti ekki Salinn
Mikið var um að vera í Hallgríms-
kirkju á sunnudag, á Hallgrímsdegi,
og um 750 manns komu í kirkjuna á
ýmsa viðburði þar. Tónleika Schola
cantorum kl. 17 sóttu um 180 manns.
Tónleika Kammersveitar Reykja-
víkur í Listasafni Íslands á sunnu-
dagskvöld sóttu 70 manns. Á sama
tíma tókst jafnvel stórstjörnunni
Jorma Hynninen ekki að fylla Salinn í
Kópavogi, en þó voru það tæplega 200
manns sem ekki vildu missa af þeim
stórviðburði, sem markaði jafnframt
lok einnar mestu tónleikahelgi sem
sögur fara af á landinu.
Alls voru það því um 1.200 manns
sem sóttu þá átta opinberu tónleika
sem að ofan eru nefndir.
Auk þessa sóttu um 150–180 manns
tónleika Hljómsveitar Tónlistarskól-
ans í Reykjavík á laugardag; – frítt
var inn, og því ekki talið nákvæmlega.
Um 450 manns sóttu svo afmælistón-
leika til heiðurs Jóni Hjörleifi Jóns-
syni í Langholtskirkju á sunnudag.
Tíu tónleikar á
tveimur dögum
Morgunblaðið/Jim Smart
Tónlistarmenn Þorbjargar Pálsdóttur í Öskjuhlíð spiluðu linnulaust alla
helgina, eins og alla aðra daga. Engum sögum fer þó af fjölda áheyrenda.