Morgunblaðið - 14.11.2003, Blaðsíða 6
FRÉTTIR
6 FÖSTUDAGUR 14. NÓVEMBER 2003 MORGUNBLAÐIÐ
14 ÁRA piltur, sem fannst meðvitundarlaus á
botni Breiðholtslaugar á þriðjudag, er enn á
gjörgæsludeild Landspítalans á Hringbraut.
Honum er haldið sofandi í öndunarvél og líðan
hans óbreytt frá innlögn. Hann er tengdur við
lungnavél sem dælir súrefni út í blóðið að sögn
læknis. Er ástand piltsins stöðugt.
Umhverfis- og heilbrigðisstofa Reykjavík-
urborgar annast eftirlit með sundstöðum borg-
arinnar og fer reglulega í vettvangsferðir þar
sem farið er yfir öryggismál og búnað laug-
anna. Farið verður ofan í atvikið sem varð á
þriðjudag í næstu athugun, en einstök slys af
þessu tagi eru almennt ekki tekin sérstaklega
út úr og rannsökuð hjá embættinu samkvæmt
upplýsingum þaðan. Hins vegar sætir málið
lögreglurannsókn eins og vera ber þegar slys
eða ófarir verða.
Engar athugasemdir hafa verið gerðar við
Breiðholtslaug í úttektum heilbrigðisstofu.
Gefur tilefni til frekara eftirlits
Að sögn Gunnars Haukssonar, forstöðu-
manns Breiðholtslaugar, er aðdragandi slyss-
ins óljós en þó er vitað að pilturinn var mikið að
kafa í lauginni. Atvikið gefur tilefni til að auka
enn eftirlit með sundlaugargestum, þótt það sé
þegar öflugt, að sögn Gunnars. Nú er eftirlit-
inu þannig háttað að einn vaktmaður er í turni
með yfirsýn yfir alla laugina. Af og til fer hann
niður úr turninum til að hreinsa á sundlaug-
arbakkanum og fylgist um leið með gestum.
Nú hefur komið upp sú hugmynd að kalla til
vaktmann úr baðklefa til að leysa af í turni á
meðan farið er á bakkann. Þess ber að geta að
slysið varð þegar vaktmaður var í turni og
hljóp hann þegar til er hann varð þess var að
pilturinn lá hreyfingarlaus á 180 cm dýpi.
Talsvert mun vera um að börn og unglingar
séu að kafa í lauginni. Aðspurður hvort til
greina komi að banna köfun, segir Gunnar að
reglan sé sú að verðir eigi að grípa inn í þegar
börnin fari að kafa í áberandi miklum mæli.
„Þessi laug hefur haft orð á sér fyrir of mikil
afskipti af krökkum,“ segir Gunnar. „Við þyrft-
um kannski að vera aðeins umburðarlyndari
en það kemur í ljós að það er þörf á þessu eft-
irliti.“ Hann tekur fram að umburðarlyndi
gagnvart köfun barna hafi ekki átt þátt í því
hvernig fór á þriðjudag. Hann segir starfs-
menn laugarinnar iðna við að gera athuga-
semdir við ýmsa óábyrga hegðun barna. Hitt
sé svo áhyggjuefni þegar foreldrarnir bregðast
illa við og kæra sig ekki um neina afskiptasemi.
Á ÁRUNUM 2000 fram til dagsins í dag hafa
9 börn nærdrukknað og drukknað hér á landi.
Nærdrukknun er þegar barn fer í hjarta- og
öndunarstopp en er bjargað með endurlífgun,
lifir slysið af heilaskaddað eða nær sér að
fullu. Tvö börn drukknuðu á tímabilinu en sjö
nær drukknuðu, ein stúlka og átta drengir.
Athygli vekur að átta börn voru á opinber-
um sundstöðum þegar slysið varð, að því er
fram kemur í frétt frá Árvekni.
Á árunum 1994 til loka 1999 lentu 11 börn í
drukknunarslysi. Á 10 ára tímabili frá árinu
1994 fram til dagsins í dag hefur 21 barn lent i
drukknunarslysi.
Drukknunarslysum
barna fjölgar að nýju
14 ára piltur enn meðvitundarlaus eftir sundlaugarslys
Tengdur við lungnavél á gjörgæslu
GUNNELLA Þorgeirsdóttir, nemi í
japönsku, fór sem skiptinemi á
menntaskólastigi til smábæjar
norðarlega í Japan.
„Um haustið þegar ég fór út
kunni ég bara að segja góðan dag-
inn og já og nei. Svo fyrsta hálfa
árið var ég mjög jákvæður skipti-
nemi, brosti bara fallega og sagði
takk og já. Þetta var ævintýri en
maður þurfti að vera mjög opinn
og jákvæður fyrir öllu sem var í
kringum mann, og í raun taka öllu
því sem kom fyrir. Um jólaleytið
fór ég að skilja eitthvað fyrir al-
vöru, og um páskana byrjaði ég að
geta talað,“ segir Gunnella.
Í japönsku þýðir orðið sem notað
er yfir útlending í raun geimvera,
segir Gunnella. „Maður upplifði
það að vera alltaf í brennideplinum
sama hvað maður var að gera.“
Þarna upplifði hún að vissu leyti
að vera vandræðaunglingur. „Það
var nokkrum sinnum kvartað yfir
mér til lögreglunnar. Fyrir að
hjóla of hratt á hjólinu mínu og
sjást á myndbandaleigu eftir
klukkan níu að kvöldi til. Svo var
það allra versta, ég sást labba ein,
með karlmanni, á ströndinni klukk-
an fjögur á sunnudagseft-
irmiðdegi,“ segir Gunnella og
hlær.
Upplifunin var þó í heild sinni
mjög góð, segir Gunnella. „Það var
ofsalega vel tekið á móti mér, mér
sýnd mikil þolinmæði og velvild.
Fjölskyldan sem ég bjó hjá var fá-
tæk en samt tóku þau að sér skipti-
nema inn á stórt heimili með lítil
fjárráð.“
Morgunblaðið/SverrirGunnella Þorgeirsdóttir prófaði að vera geimvera í japönsku smáþorpi.
Hjólaði of hratt í Japan
VAKA Antonsdóttir jarðfræðinemi
fór til Svalbarða í ágúst 2002 til að
læra heimskautajarðfræði við norsk-
an háskóla á Svalbarða. Háskólinn er
alþjóðlegur en flestir nemendur eru
frá Norðurlöndunum. Lífið á Sval-
barða er að mörgu leyti ólíkt því sem
það gerist hér, segir Vaka. Í ágúst
var sólin á lofti allan sólarhringinn, en
hvarf í nóvember og sást ekki aftur í
fjóra mánuði. Hún segist þó ekkert
hafa fundið fyrir skammdeg-
isþunglyndi.
Vaka segist hafa ákveðið að fara til
Svalbarða því þar sé kennd heim-
skautajarðfræði sem er ekki kend
víða. „Það er mjög mikil útivinna, far-
ið í fjallaferðir og siglingar svo maður
sér mjög mikið. Fyrir Íslending er
þetta allt önnur jarðfræði heldur en
er hér á Íslandi, þetta eru tveir alger-
lega ólíkir hlutir svo maður sér eitt-
hvað sem maður hefur aldrei séð á Ís-
landi áður.“
Eitt af því sem kom á óvart á Sval-
barða er að allar lagnir eru á yf-
irborðinu. „Það er náttúrulega sífreri
þarna svo það er ekki hægt að grafa
neitt í jörðu. Svo það er ferleg skíta-
lykt þarna á vorin þegar bráðnar.“
Sólin hvarf
í 4 mánuði
ALÞJÓÐADAGURINN var haldinn í Háskóla Íslands (HÍ) í gær, en þar
er nám erlendis kynnt fyrir áhugasömum stúdentum. Erlendir nemar
kynntu skóla í sínum heimalöndum og nemar sem hafa farið sem skipti-
nemar sögðu frá reynslu sinni. Samtals voru 572 erlendir nemar frá 57
löndum við nám í HÍ á síðasta námsári og eru þeir sennilega fleiri í ár,
enda fjölgar þeim ár hvert, samkvæmt upplýsingum frá Alþjóðaskrif-
stofu háskólastigsins. Flestir koma frá Þýskalandi, Norðurlöndum,
Bandaríkjunum, Frakklandi, Ítalíu og Spáni. Fjölmargir Íslendingar
leggja einnig land undir fót og á síðasta skólaári gerðust um 200 Íslend-
ingar skiptinemar erlendis.
Alþjóðadagurinn í Háskóla Íslands
EINSTAKT tækifæri gafst til nátt-
úruskoðunar þegar hval rak á
fjörur í Gilsfirði. Allir nemendur
Grunnskólans í Búðardal fóru og
skoðuðu háyrninginn sem hafði
synt inn Gilsfjörðinn og verði aflíf-
aður þar eftir að hafa verið úr-
skurðaður veikur. Börnin höfðu
mjög gaman af því að fá að koma
við þetta fallega dýr og líktu við-
komunni við gúmmídekk.
Svo skemmtilega vill til að í þess-
ari sömu viku komust börnin í ná-
vígi við sel sem kom til Búðardals.
Morgunblaðið/Helga H. Ágústsd.
„Gúmmíhvalur“
Búðardal. Morgunblaðið.
HEILDARAFLI íslenskra skipa
var 136.600 tonn í nýliðnum október-
mánuði sem er rúmlega 44 þúsund
tonnum meiri afli en í októbermán-
uði 2002 en þá veiddust 92.400 tonn.
Botnfiskafli var 40.700 tonn í ár
samanborið við 38.600 tonn í októ-
bermánuði 2002 og jókst um rúm-
lega 2.100 tonn á milli ára.
Þorskafli var 18.900 tonn saman-
borið við 16.300 tonn í októbermán-
uði 2002 og jókst því um rúm 2.500
tonn. Af ýsu veiddust nærri 8.000
tonn og er það 1.500 tonna aukning
frá fyrra ári. Karfaafli var 4.600 tonn
og dróst saman um 2.000 tonn frá
árinu 2002. Flatfiskafli var 2.300
tonn og dróst saman um rúmlega
200 tonn frá októbermánuði 2002.
Mest veiddist af skarkola eða 700
tonn, af sandkola veiddust rúmlega
600 tonn og tæplega 400 tonn af grá-
lúðu.
Síldaraflinn var 38 þúsund tonn
sem er tæplega 17 þúsund tonnum
meiri afli en í októbermánuði 2002.
Kolmunnaafli var um 53 þúsund
tonn og er það rúmlega 27 þúsund
tonnum meiri afli en í október 2002.
Skel- og krabbadýraafli var rúmlega
2.800 tonn samanborið við tæplega
4.400 tonna afla í októbermánuði
2002. Rækjuaflinn nam 1.400 tonn-
um og af kúfiski veiddust 1.300 tonn.
Á fyrstu tíu mánuðum ársins 2003
nemur heildarafli íslenskra skipa
alls 1.740 þúsund tonnum og er það
218 þúsund tonnum minni afli miðað
við sama tímabil ársins 2002. Af
botnfiski hafa borist á land 393 þús-
und tonn sem er um 8.100 tonnum
meiri afli en á árinu 2002 og af flat-
fiski var aflinn orðinn rúmlega 32
þúsund tonn sem er um 1.100 tonn-
um meiri afli en á sama tímabili
2002. Kolmunnaaflinn á tímabilinu
var 419 þúsund tonn sem er 137 þús-
und tonnum meiri afli en á árinu
2002. Af skel- og krabbadýrum
höfðu borist 41.400 tonn á land sem
er rúmlega 6.000 tonnum minni afli
en á árinu 2002.
Milli októbermánaða 2002 og 2003
jókst verðmæti fiskaflans, á föstu
verði ársins 2001, um 13,9%. Fyrir
tímabilið janúar-október dróst afla-
verðmæti saman, á föstu verði ársins
2001, um 0,8% miðað við sama tíma-
bil ársins 2002.
Mikill afli í október
Mestu munar um aukinn afla af síld og kolmunna
FUNDUR miðstjórnar Fram-
sóknarflokksins verður hald-
inn í Borgartúni 6, Reykjavík
dagana 14. og 15. nóvember.
Um 170 manns eiga rétt til
setu á haustfundinum.
Auk almennra umræðna
miðstjórnarmanna um stjórn-
mál liggur fyrir fundinum að
fjalla um skýrslur lands-
stjórnar og fastanefnda mið-
stjórnar. Einnig verður efnt
til umræðu miðstjórnarmanna
um flokksstarfið á næstu
misserum.
Brjóstmynd af Ólafi
Jóhannessyni afhjúpuð
Í tengslum við mið-
stjórnarfundinn verður
afhjúpuð brjóstmynd af Ólafi
Jóhannessyni, fyrrverandi
forsætisráðherra og formanni
Framsóknarflokksins, í tilefni
þess að nýlega voru 90 ár
liðin frá fæðingu Ólafs.
Athöfn verður haldin á morg-
un, laugardag kl. 11,30, í
Borgartúni 6. Alfreð Þor-
steinsson, borgarfulltrúi, flyt-
ur ávarp og Halldór Ásgríms-
son, formaður Fram-
sóknarflokksins, afhjúpar
brjóstmyndina.
Miðstjórn-
arfundur
Framsókn-
arflokksins
hefst í dag