Morgunblaðið - 14.11.2003, Blaðsíða 28

LISTIR
28 FÖSTUDAGUR 14. NÓVEMBER 2003 MORGUNBLAÐIÐ
Klappað og klárt
Réttindi blaðbera Morgunblaðsins voru staðfest í apríl 2003 milli Verzlunarmannafélags Reykjavíkur,
Landssambands íslenskra verzlunarmanna og Árvakurs, útgáfufélags Morgunblaðsins.
Samningurinn felur í sér launakjör, þungaálag, veikindarétt, orlofsrétt og uppsagnarfrest.
Meðallaun blaðbera Morgunblaðsins eru 21.054 kr. á mánuði (miðað við 55 blaða hverfi).
Því til viðbótar kemur þungaálag og orlof.
SIGRÚN Eldjárn les upp úr Týndu
augunum á Sögustundum Gevalia í
Þjóðmenningarhúsinu á laugardag-
inn kl. 14:00.
,,Þoka og drungi hvíla yfir sveit-
inni þar sem Stínu og Jonna var illu
heilli komið fyrir. Og þegar þau
stinga af eru úfið
hraun og dular-
fullur skógur ekki
til að bæta úr
skák. Ferðin
snýst upp í mikla
háskaför og ótal
spurningar
vakna,“ segir í
bók Sigrúnar
Eldjárn, sem ber
titilinn Týndu
augun. Sigrún er fimmta í röð níu
barnabókahöfunda sem taka þátt í
Sögustundum Gevalia.
Sögustundir Gevalia miða að því
að hvetja foreldra til að lesa fyrir
börn sín og vekja athygli á þeirri
grósku sem er í ritun íslenskra
barnabóka. Alla laugardaga til og
með 13. desember er foreldrum og
börnum boðið að eiga saman góða
stund í Þjóðmenningarhúsinu.
Er eitthvert
gagn í Rekkju-
svíninu?
Sigrún Eldjárn
HALLDÓR Ásgeirs-
son myndlistarmaður
opnar sína fjórðu
einkasýningu í
Slunkaríki á Ísafirði á
morgun, laugardag.
Sýningin ber yf-
irskriftina Fjölþjóða-
ljóð og eru þar mynd-
verk sem mynda eina
heild inni í sýning-
arsalnum. Verkin eru
samsett úr 240 hvít-
um keramikflísum
sem þekja allan enda-
vegginn og hvítum
matardiskum sem
raðað er á lágar borð-
plötur meðfram lang-
veggjunum. Svart-
gljáandi stafir sem
teknir eru úr hinum
ýmsu mismunandi
stafrófum heimsins
eru málaðir á flís-
arnar og ríma á móti
svörtum hraungler-
ungi sem gæti túlkað
tungumál jarð-
arinnar. Diskarnir voru gerðir í
Kyoto í Japan fyrr á þessu ári en á
þá hefur Halldór málað fyr-
irmyndir af hraunglerungi sem
hann bræddi úr hraunsteini frá Fuji
eldfjallinu og búið þannig til sitt
eigið táknmál úr náttúrulegu efni.
Opið fimmtudaga til sunnudaga
kl. 16-18. Sýningunni lýkur 7.des-
ember.
Fjölþjóðaljóð í Slunkaríki
STEMNINGIN fyrir frumsýn-
ingu á Dokaðu við, „einnar kennslu-
stundar“ löngu kammeróperu Kjart-
ans Ólafssonar og Messíönu
Tómasdóttur í Íslenzku óperunni kl.
rúmlega ellefu fyrir hádegi sl. mið-
vikudag, minnti óneitanlega mest á
klassískt þrjúbíó með tilheyrandi
brambolti og látum, enda áhorfendur
allir á léttasta skeiði, 9 til 15 ára. En,
viti menn – ólíkt því sem búast hefði
mátt við, snarþagnaði allur skarinn
þegar stykkið hófst og fylgdist hljóð-
látur með án teljandi truflana, burt-
séð frá stöku úlfsblístri til að ganga í
augun á stelpunum. Hélzt svo allt til
enda, og var það varla minnsta afrek
dagsins að geta haldið jafnmikilli at-
hygli jafnlengi og raun bar vitni.
Íslenzkar barnaóperur hafa
nokkrar orðið til á undanförnum
fjórum áratugum. Óperur fyrir eldri
aldursflokka grunnskólans eru aftur
á móti af mun skornari skammti, þó
e.t.v. sé fullstórt upp í sig tekið að
kalla þetta verk fyrstu frumsömdu
íslenzku unglingaóperuna eins og
gert var í sýningarskrárgrein; a.m.k.
minnugur Stúlkunnar í vitanum eftir
Þorkel Sigurbjörnsson, jafnvel þótt
sú kunni ekki að hafa verið markaðs-
sett sem slík. Allt um það erum við
sannarlega ekki ofsæl af slíkum
verkum, sem telja verður með
vandasamari viðfangsefnum þegar í
hlut á einmitt sá markhópur sem
verst hefur orðið úti í niðurgrotnandi
tónmenntakennslu skyldunáms-
stigsins á seinni árum. Hverju sem
það nú er að kenna – nema ef líka
spili inn í hvað tónmenntakennarar
virðast almennt illfáanlegir til að
sinna „agaminnstu“ aldursflokkun-
um, þ.e. milli 11 og 16 ára. Lái þeim
hver sem vill.
Það var því gráupplagt framtak
hjá Íslenzku óperunni að huga að
framtíðarhlustendum sínum með
þessum hætti. Á þeirri öld augans
sem við nú lifum, þar sem gífurlegt
sjónrænt afþreyingaráreiti blasir við
æskulýðnum hvaðanæva, er ópera
kannski sú klassíska tóngrein sem
auðveldast á með að höfða beint til
forsendulítilla neytenda – umfram
algjöra tónlist, sem í fjarveru sjón-
rænna hjálpartækja krefst gjarnan
ákveðinnar forþekkingar.
Þar var uppsetning dagsins vissu-
lega veizla fyrir augað, með litríkum
búningum, eggjandi sólódansi,
snjallri lýsingu og tölvuvörpuðum af-
ströktum bakgrunnum sem studdu
vel við einfaldan allegórískan sögu-
þráðinn um þroskaferil drengs er
fæðist í þjóðsögu (Þulu Theodóru,
„Stúlkurnar ganga sunnan með sjó“)
en ferðast til nútímans, kynnist ást-
inni og ákveður að leggja sitt af
mörkum til að heimurinn geti litið
bjartari daga. Ljóðin voru mörg hver
bráðfalleg, þó að væru e.t.v. í
þyngsta lagi fyrir söngtexta, sér-
staklega handa jafnungri públík og
hér var. Kannski hefði hjálpað upp á
þær sakir að varpa þeim upp með
textavél hússins. Líka vegna þess
hvað alltaf fer þónokkuð forgörðum í
óperusöng, enda að auki of dimmt í
salnum til að fylgjast mætti auðveld-
lega með prentuðum textum í sýn-
ingarskrá.
Söngvararnir skiluðu sínu með
virktum, þó að hafsjór væri á milli
raddgerða hins hlýlega tenórs Garð-
ars Thórs og frekar kuldalega sópr-
ans Mörtu Guðrúnar, og hefði hugs-
anlega mátt nýta þær andstæður enn
meir í leik og tónlist en gert var. Öllu
minna höfðaði tónlist Kjartans Ólafs-
sonar til undirritaðs, og kom kannski
einkum tvennt til. Í fyrsta lagi ofur-
gervilegt hljóðavalið úr rafhljóm-
borðinu, er í löngum syndandi
„hljómateppalögnum“ sínum fór
fljótt að verða tilbreytingarlaust og
þreytandi. Í öðru lagi, og sýnu verra,
hvað lögin, sem voru að mestu í hefð-
bundnum tónölum stíl, verkuðu,
a.m.k. við fyrstu heyrn, sláandi óeft-
irminnileg. Þrátt fyrir einstaka
þokkalegt númer, þ.á m. tangódans-
inn, virtist manni því fjarska fátt í
músíkinni gefa fyrirheit um varan-
legar vinsældir meðal íslenzkra ung-
menna.
Morgunblaðið/Þorkell
Atriði úr unglingaóperunni Dokaðu við sem sýnd er í Íslensku óperunni.
Veizla fyrir
ungu augun
TÓNLIST
Íslenzka óperan
Unglingaóperan Dokaðu við. Tónlist og
tónlistarstjórn: Kjartan Ólafsson. Söngrit
(úr ljóðum eftir Theodóru Thoroddsen,
Þorstein frá Hamri og Pétur Gunn-
arsson), leikstjórn, leikmynd, búningar
og brúður: Messíana Tómasdóttir. Söngv-
arar: Garðar Thór Cortes tenór, Marta
Guðrún Halldórsdóttir sópran. Hljóðfæra-
leikarar: Kjartan Ólafsson hljómborð/
dragspil, Kolbeinn Bjarnason flauta og
Stefán Örn Arnarson selló. Dansar/
dansari: Aino Freyja Järvelä. Lýsing: Dav-
id Walters. Hljóðmaður: Tómas Tóm-
asson. Miðvikudaginn 12. október kl.
11.15.
ÓPERA
Ríkarður Ö. Pálsson
Félagsstarf Gerðubergs kl. 16
Steinvör Bjarnadóttir, Steinka, opn-
ar myndlistarsýningu. Hún fæddist
árið 1930 og ólst upp við Bergþóru-
götuna. Árin 1946 til 1947 sótti hún
kvöldnám í Frístundamálaraskól-
anum hjá Axel Helgasyni. Frá árinu
1954-60 vann hún sem hönnuður og
teiknari hjá Leðurgerðinni og Feld-
inum og hannaði öll veski sem fram-
leidd voru þar á þessum árum. Eftir
mörg ár sem húsmóðir fór hún í
kvöldskóla í tvo vetur hjá Rúnu
Gísladóttur. Síðan þá hefur hún mál-
að fjölda mynda, bæði olíu- og vatns-
litamyndir og haldið sýningar víða
um landið.
Sýningin stendur fram í janúar. Op-
ið mánudaga til föstudaga kl. 10-17
og 13-16 um helgar.
Verksmiðjan, Skólavörðustíg 4
kl. 17 Hlín Agnarsdóttir les úr bók
sinni Að láta lífið rætast. Sunneva
Vigfúsdóttir hönnuður er nýr með-
limur í Verksmiðjunni. Fyrir eru
Anna, Hildur, Jóhanna, Kristín,
Rósa og Þorbjörg.
Gunnukaffi Hvammstanga kl. 21
Djangótríóið Hrafnaspark frá Ak-
ureyri leikur djasstónlist sem fellur
undir sígaunadjass. Tríóið skipa
Ólafur Haukur Árnason,
Jóhann Guðmundsson og Pétur Ing-
ólfsson.
Tónlistarfélag Vestur Húnvetninga
stendur fyrir tónleikunum.
Í DAG