Morgunblaðið - 29.11.2003, Blaðsíða 56
56 D LAUGARDAGUR 29. NÓVEMBER 2003 MORGUNBLAÐIÐ
ÁRIÐ er 1955 og 26 ára íslensk
námskona í Kaupmannahöfn gengur
inn í Illum Bolighus verslunina á
Strikinu í hjarta Kaupmannahafnar.
Komið er fram í desember og jóla-
stemmningin á Strikinu er óviðjafn-
anleg, úti er stafalogn og mikil ljósa-
dýrð.
Ilmur af greni er í lofti og litlir götu-
kórar syngja jólalög. Þetta er árið
sem Halldór Laxness vinnur Nób-
elsverðlaunin, Ólafur Thors er for-
sætisráðherra.
Ekki eru nema 11 ár frá stofnun
lýðveldisins. Hannes Pétursson
skáld gefur út Kvæðabók þetta ár,
tímamótaverk í íslenskri bókmennta-
sögu. Í Ameríku er sjálfur Elvis Pres-
ley enn óþekktur, Eisenhower er for-
seti Bandaríkjanna og Marilyn
Monroe á hátindi frægðar sinnar.
Og námskonan unga vindur sér inn
í Illum á Strikinu og kaupir sína
fyrstu jólatrésseríu. Hana grunar
ekki að nærri hálfri öld síðar muni
hún enn nota blessaða seríuna.
Og takið eftir: Á 48 árum hefur
aldrei bilað pera.
Tvær aukaperur liggja enn ónot-
aðar í upprunalegum kassa utan um
seríuna.
Ógleymanleg jól
í Kaupmannahöfn
„Það var ógleymanlegt að upplifa
dönsk jól á þessum árum enda hafa
Danir alltaf kunnað að skapa mikla
jólastemmningu,“ rifjar Margrét Mar-
geirsdóttir upp. „Fyrir unga Íslend-
inga var ákaflega gaman að taka
þátt í jólaundirbúningnum og það
kom vitaskuld ekki annað til greina
en að kaupa fallega jólaseríu fyrstu
jólin okkar. Við keyptum seríuna og
notuðum hana um hver jól á Kaup-
mannahafnarárum okkar og þegar
fjölskyldan flutti heim árið 1960
fylgdi serían vitaskuld með í búslóð-
inni,“ segir Margrét. „Við notuðum
hana í mörg ár eftir heimkomuna, en
hvíldum hana í nokkur ár þegar lit-
skrúðugar tískuseríur ruddu sér til
rúms. Það má segja að serían hafi
fengið frí einhvers staðar á milli þrí-
tugs og fertugs en nú er hún orðin 48
ára og mörg undanfarin ár hefur ekki
annað komið til greina en nota hana,
enda stenst hún tímans tönn og verð-
ur æ mikilvægari þáttur í jólaund-
irbúningnum eftir því sem árin líða.
Það ríkir alltaf ákveðin eftirvænting
þegar hún er prófuð í desember, en
aldrei bregst hún, þrátt fyrir háan ald-
ur. Hennar er gætt eins og konungs-
gersema hér á heimilinu og vandlega
frá henni gengið eftir notkun. Hún er
enn í sama kassanum og við keypt-
um hana í og það merkilega er að
það hefur aldrei þurft að skipta um
peru öll þessi ár. Seríuna vantar ekki
nema tvö ár í fimmtugt og það verður
sannarlega spennandi að sjá hvort
við munum geta lýst upp jólin 2005
með hálfrar aldar gamalli jólaseríu.“
48 ára gömul jólasería stenst tímans tönn hjá Margréti Margeirsdóttur
Perurnar
hafa aldr-
ei bilað í
hálfa öld
Morgunblaðið/Þorkell
„Það ríkir eftirvænting þegar jólaserían er prófuð í desember, en aldrei bregst hún, þrátt fyrir háan aldur,“ segir
Margrét Margeirsdóttir.
Jólin 1958 í Kaupmannahöfn. Helga
Sigurjónsdóttir við jólatréð með ser-
íuna góðu.
Skólavörðustíg 7, RVÍK, Sími 551-5814
Stærsta töskuverslun landsins
í fallegri gjafaöskju
Verð kr: 1.900.-
Verð kr: 6.200.-
Verð kr : 3 .700.-
Verð kr : 12.900.-
Verð frá kr: 3.500.-
Verð kr : 3 .900.-
Verð kr : 9.500.-
Verð kr: 6.500.-
Verð kr. 5.100.-
Herrahanskar
3 stærðir
verð kr.
10.300
9.200
6.200
Bakpoki