Morgunblaðið - 09.12.2003, Side 19

HÖFUÐBORGARSVÆÐIÐ
MORGUNBLAÐIÐ ÞRIÐJUDAGUR 9. DESEMBER 2003 19
Miðbær | Magnús Skúlason, forstöðumaður
Húsafriðunarnefndar, segir húsið Skjaldbreið
við Kirkjustræti mikilvægt í tiltölulegri heil-
legri götumynd, sem nái frá dómkirkjunni að
húsi Hjálpræðishersins. Nú kemur til greina að
rífa húsið, eins og kom fram í Morgunblaðinu í
gær, og byggja þar nýtt skrifstofuhús fyrir Al-
þingi. „Húsafriðunarnefnd er andvíg þeim fyr-
irætlunum,“ segir Magnús og að húsið hafi mik-
ið gildi fyrir götumyndina.
Í sama streng tekur Páll Bjarnason, deild-
arstjóri húsadeildar Minjasafns Reykjavíkur,
eftir að hafa skoðað gögn safnsins. „Ég myndi
leggjast eindregið gegn því að þetta hús yrði
rifið. Þetta er áríðandi hluti af götumyndinni,“
segir Páll enda sé Alþingi búið að endurbyggja
þarna tvö gömul hús sem séu áföst.
Húsið hefur staðið autt síðan í haust en þar
var lengi Hótel Skjaldbreið til húsa og síðar
skrifstofur Alþingis. Áður hefur verið fjallað um
niðurrif þess og Magnús segir þetta því ekki
koma á óvart. Páll segir það engin rök fyrir nið-
urrifi hússins að það sé óhentugt skrifstofuhús-
næði. Þarna hafi verið skrifstofur í mörg ár og
gengið ágætlega. „Það er alltaf þannig með
gömul hús að þú þarft að aðlaga þig þeim,“ segir
hann og aðþetta hafi ekki áhrif á varðveislumat-
ið.
Húsið ekki friðað
Magnús segir uppi hugmyndir um að færa
húsið á móti inngangi ráðhúss Reykjavíkur að
Vonarstræti 12 á hornið við Kirkjustræti og
Tjarnargötu við hlið Skjaldbreiðar. „Þá væri
búið að klára þessa götumynd,“ segir hann en
forgangsverkefni sé að gera upp Skjaldbreið.
Páll segir húsið ekkert í verra ástandi en önnur
gömul hús sem ekki hefur verið haldið við.
Kostnaður við að gera það upp ætti ekki að vera
meiri en að gera upp önnur gömul hús, sem ver-
ið sé að gera um allan bæ.
Forstöðumaður húsafriðunarnefndar segir
húsið Skjaldbreið byggt fyrir 1918 og það sé
ekki friðað. Það komi til álita að leggja það til
við menntamálaráðherra að friða húsið og legg-
ur hann áherslu á varðveislu hússins í þessari
götumynd. Vitnar hann meðal annars í rit Harð-
ar Ágústssonar, Íslensk byggingararfleifð, þar
sem segir að Kirkjustrætið sé eina heillega
götumyndin frá seinnihluta 19. aldar og upphafi
þeirra 20. í Reykjavík.
Leggjast gegn niðurrifi Skjaldbreiðar
Reykjavík | Borgarráð hefur samþykkti
tillögu Þórólfs Árnasonar borgarstjóra um
að kanna kosti þess að settar verði siða- og
starfsreglur fyrir kjörna fulltrúa og emb-
ættismenn Reykjavíkurborgar.
„Með þessu er brotið blað og bryddað
upp á algerlega nýrri umræðu í stjórn-
málum á Íslandi. Þótt slíkar reglur hafi
verið settar á þjóðþingum og sveitarstjórn-
um víða um heim eru engin dæmi um slíkt
hér á landi,“ segir Dagur B. Eggertsson
borgarfulltrúi. Mun hann stýra starfinu
framundan sem formaður stjórnkerfis-
nefndar sem falið var þetta verkefni.
Sátt um leikreglur nauðsynleg
Nefndin á að kanna erlendar og inn-
lendar fyrirmyndir og efna til umræðu og
samráðs. Einnig álitamál sem upp geta
komið við skilgreiningu og gerð slíkra
reglna. Nefndin mun m.a. skoða handbók
Evrópuráðsins með siðareglum fyrir sveit-
arstjórnarmenn og starfsmenn sveitarfé-
laga. Áætlað er að nefndin skili niðurstöð-
um um miðjan júní 2004.
Dagur segir að skilgreining siða- og
starfsreglna á sviði stjórnmála og stjórn-
sýslu haldist í hendur við aðrar umbætur
við að stuðla að gegnsærri og opinni
stjórnsýslu og lýðræðislegum stjórnarhátt-
um hjá Reykjavíkurborg. „Margt hefur
áunnist við að innleiða nýja hugsun í ís-
lenska stjórnmálaumræðu á undanförnum
árum. Því fer þó fjarri að sátt hafi skapast
um nauðsynlegar leikreglur á þessu sviði.
Álitamál í því efni þarf að ræða. Af þeim
sökum er gert ráð fyrir að efnt verði til op-
innar umræðu um ólík sjónarmið og bestu
fyrirmyndir við könnun á kostum þess að
gerðar verði siða- og starfsreglur fyrir
Reykjavíkurborg,“ segir Dagur B. Egg-
ertsson.
Kanna kosti
siðareglna
fyrir emb-
ættismenn
Hamraborg | Það kostaði mikla
undirbúningsvinnu að reisa hús-
næðið yfir gjána í Kópavogi, segir
Jóhann Hlöðversson hjá Risi ehf.
Nú sjái hann fyrir endann á verk-
inu og allt sé nokkurn veginn
samkvæmt áætlun. Um helgina
var unnið við að glerja húsið og
segir Jóhann það verða klárt í
byrjun febrúar.
Aðspurður hvort þetta hafi ver-
ið erfitt játar hann því. Þeir hafi
þurft að grafa fjóra metra ofan í
jörðina báðum megin við Hafn-
arfjarðarvegin, með bergið í bak-
inu því holan var svo mjó. Ekki
var hægt að nota steypumót og
því þurfti að slá upp með gamla
laginu. „Þetta eru búin að vera
alls konar ævintýri, en það hefur
gengið vel miðað við að við byggj-
um yfir þjóðveg,“ segir Jóhann og
verkið sé miklu umfangsmeira en
brúarsmíði. „Það er bara léttur
leikur miðað við alla stífingarnar
sem við þurftum að hafa fyrir
þessari byggingu. Við þurftum að
bora okkur niður í bergið og það
eru 40 cm veggir sem koma 5-6
metra upp. Það hafa farið í þetta
14-15 einbýlishús í steypu,“ segir
hann enda þurfti að uppfylla allar
öryggiskröfur kæmi til jarð-
skjálfta.
Hann segir vegfarendur sem
fara þarna um á hverjum degi
hafa sýnt mikla þolinmæði og ver-
ið tillitssama, þótt einstakir öku-
menn hafi orðið pirraðir á um-
stangingu. Mörgum hafi ekki
fundist neitt ganga að reisa húsið
en þá hafi starfsmennirnir unnið
neðanjarðar við stoðirnar. Grunn-
vinnan hafi verið mjög mikil „og
síðan er þetta búið að ganga mjög
vel eftir að við komust upp úr
jörðinni, ef ég má orða það svo“.
Hann segir að í húsinu verði að
öllum líkindum heilsugæslustöð
Kópavogs. Þá verði pláss fyrir
apótek, banka og þess konar þjón-
ustufyrirtæki á neðri hæðinni.
Næg bílastæði eru í nágrenninu
og aðkoman góð.
Mikill undirbúningur að baki byggingu húsnæðis yfir gjánni í Kópavogi
Morgunblaðið/Sverrir
Unnið var við að glerja húsið um helgina. Ráðgert er að heilsugæslan í
Kópavogi flytjist þangað á næsta ári auk apóteks og banka.
Steypan
hefði nægt
í 15 ein-
býlishús