Morgunblaðið - 02.04.2004, Blaðsíða 51

UMRÆÐAN
MORGUNBLAÐIÐ FÖSTUDAGUR 2. APRÍL 2004 51
VI
KÆRA Steinunn Valdís Ósk-
arsdóttir, formaður skipulags- og
byggingarnefndar
Reykjavíkur.
Í aðdraganda síð-
ustu borgarstjórn-
arkosninga mátti
heyra af orðum sam-
verkamanna þinna í
Reykjavíkurlistanum
að yfirdrifið nóg fram-
boð væri af lóðum í
Reykjavík og aldrei
hefði verið úthlutað
meira en í ykkar
stjórnartíð.
Mikið var rætt um
úrvalslóðir í sunnanverðu Úlfarsfelli
sem hafa látið á sér standa.
Svo skrýtið sem það nú hljómar
voru svörin hjá Borgarskipulagi á
sama tíma að einu lóðirnar sem væru
lausar til umsóknar væru á Kjal-
arnesi.
(Þrátt fyrir að Kjalarnesið hafi
stjórnsýslulega verið sameinað
Reykjavík er varla hægt að telja lóð-
ir þar með þeim lóðum sem í boði eru
innan Reykjavíkur.)
Framboð í Reykjavík
Eftir borgarstjórnarkosningar hefur
eftirfarandi verið í boði af einbýlis-
húsalóðum hjá Reykjavíkurborg.
Dags. Fjöldi Staðsetning
útboðs lóða
Júní 22 Norðlingaholt
Júní 10 Grafarholt
Tilboð í lóðir í Norðlingaholti voru
frá 4,3 til 5,5 milljónir en líflegur eft-
irmarkaður er í gangi þar sem verð
er 1,5 milljónum hærra en boðið var.
Fyrir utan ofangreindar lóðir var
ein lóð boðin út 8. ágúst á Barðastöð-
um, Staðahverfi í Grafarvogi, og var
hæsta boð 12,3 milljónir.
Samtals 33 lóðir.
Ef hringt er í Borgarskipulag í
dag og spurt um hvar hægt sé að fá
lóðir innan Reykjavíkur er sagt að
annar hluti Norðlingaholts verði
boðinn út í apríl en það eru breytt
svör frá fyrra ári, en þá stóð til að út-
hluta þeim um áramótin 2003/2004.
Í Norðlingaholti eru nú innan við
20 einbýlishúsalóðir eftir og að sögn
eru það lóðir til næstu
þriggja ára.
Af þessu má sjá að
framboð af einbýlis-
húsalóðum í Reykjavík
er af mjög skornum
skammti, sama hvað
stjórnmálamenn halda
fram í fjölmiðlum.
Framboð í Kópavogi
Á sama tíma hefur
framboðið í Kópavogi
verið eftirfarandi:
Lóðir á Hörðuvöllum
Dags Fjöldi Fjöldi
útboðs lóða umsækjenda
30. okt. 28 Á fjórða hundrað
20. nóv. 54 Á fjórða hundrað
10. febr. 5 Á annað hundrað
Samtals 87 lóðir.
Af þessum tölum um umsóknir úr
Kópavogi er ljóst að gífurleg eft-
irspurn er eftir lóðum í Reykjavík og
nágrenni.
Til að markmið Reykjavíkurlist-
ans í skipulagsmálum séu uppi á
borðinu hef ég áhuga á að frá svör
við eftirfarandi spurningum:
1. Hvar er skipulag f. suðurhlíðar
Úlfarsfells statt og hvenær verð-
ur lóðum þar úthlutað eins og lof-
að var í síðustu kosningabaráttu?
Þá var að skilja á fullyrðingum
frambjóðenda Reykjavíkurlistans
að úthlutun væri rétt handan við
hornið.
2. Er markmið Reykjavíkurlistans,
sem nú stjórnar Reykjavík-
urborg, að takmarka framboð
einbýlishúsalóða til að takmarka
fjölda íbúa innan Reykjavíkur?
3. Er markmið Reykjavíkurlistans
að takmarka framboð á einbýlis-
húsalóðum, þar til allar lóðir í
Norðlingaholti hafa verið boðnar
upp, til að hámarka hagnað einka-
fyrirtækisins sem á lóðirnar?
4. Finnst þér eðlilegt að engar lóðir
séu til úthlutunar á meðan lóðir í
Norðlingaholti eru boðnar upp
hæstbjóðanda og Reykjavík-
urborg sé þannig varðhundur
einkafyrirtækja en ekki þjónustu-
fyrirtæki borgarbúa sem greiða
útsvar?
5. Hve mörgum einbýlishúsalóðum
er ætlunin að úthluta á ári næstu
þrjú árin?
6. Telur þú eðlilegt að það sé á við að
vinna í happdrætti að fá úthlutað
lóð hjá Reykjavíkurborg og hægt
sé að hagnast um milljónir á að
selja lóðir sem fengnar eru í út-
hlutun?
Í boði eru lóðir á uppsprengdu
verði sem hafa verið fengnar í
beinni úthlutun og ekki mátt selja
fyrr en með fokheldu húsi.
Sá markaður grasserar í Reykja-
vík sem aldrei fyrr á meðan nú-
verandi ástandi er viðhaldið.
7. Er markmið Reykjavíkurlistans
að Reykjavík sé eftirbátur ná-
grannasveitarfélaganna í út-
hlutun einbýlishúsalóða?
Þetta má fá út með því að bera
saman tölur um magn úthlutaðra
lóða í Kópavogi og Reykjavík.
Óskað er eftir svörum við þessum
spurningum sem fyrst, til að hægt sé
að komast að því hvort einhver von
sé til að lóðaúthlutunarmál hjá
Reykjavíkurborg komist í eðlilegan
farveg.
Með kveðju.
Opið bréf til formanns
skipulags- og byggingar-
nefndar Reykjavíkur
Björgvin Benediktsson
skrifar um skipulagsmál ’Í boði eru lóðir á upp-sprengdu verði sem
hafa verið fengnar í
beinni úthlutun og ekki
mátt selja fyrr en með
fokheldu húsi.‘
Björgvin Benediktsson
Höfundur er verkfræðingur.
FLESTIR eru sammála um það
að sjálfsagt ætti að þykja að taka
tillit til umhverfisins í daglegu lífi.
En vaninn er sterkt afl og í amstri
hversdagsins gleymum við okkur
og vitum kannski ekki hvernig við
eigum að snúa okkur
til að verða vistvænni.
Framtíð barnanna
okkar og velferð allr-
ar jarðarinnar veltur
á því hvernig við hög-
um lífi okkar hér og
nú.
Hvert er ástand
jarðarinnar?
Álag á umhverfi og
auðlindir heimsins er
þannig að ef við höld-
um áfram uppteknum
hætti mun það hafa
neikvæð áhrif á lífs-
gæði barnanna okkar og komandi
kynslóða. Nú þegar eru veð-
urbreytingar vegna gróðurhúsa-
áhrifa farnar að raska lífsskil-
yrðum og taka líf um allan heim,
loftmengun veldur heilsutjóni og
þannig mætti lengi telja. Á meðan
á þessu gengur ná fátækari lönd
heimsins ekki að mæta þörfum
sínum fyrir mat, heilsugæslu, hí-
býli og menntun.
 Veitt er í næstum öllum höfum
eins og þau þola eða meira en
þau þola.
 Plöntu- og dýrategundir eru að
hverfa, t.d. eru 1.100 af 4.400
tegundum spendýra í útrýming-
arhættu. Svipuð hlutföll eiga við
um aðrar dýrategundir.
 Regnskógar minnka um 140.000
ferkílómetra á ári,
svæði sem er næst-
um jafnstórt Nepal.
 Votlendi hverfur,
jarðvegur blæs upp
og grunnvatn
minnkar.
Síðan árið 1950
 Losun koldíoxíðs
hefur fimmfaldast
(aðallega af völdum
jarðeldsneytis).
Gróðurhúsaáhrif
eru orðin greinileg.
 Vatnsnotkun hefur
þrefaldast.
 Timburnotkun hefur þrefaldast,
pappírsnotkun hefur sexfaldast.
 Loft- og vatnsmengun er orðin
margfalt meiri.
Við Íslendingar erum hluti af
ríkustu 20 prósentum jarðarbúa
sem standa fyrir 86% af
einkaneyslu. Við notum öll meira
en sanngjarnt er af nátt-
úruauðlindum og mengum líka
meira.
Hvers vegna
bregðumst við ekki við?
Tölur um eyðileggingu umhverf-
isins finnst okkur oft óraunveru-
legar og erfitt getur verið að sjá
hvernig við sjálf erum áhrifavald-
ar. Fá okkar komast nokkru sinni
í snertingu við eitraðan úrgang,
ósjálfbæra námuvinnslu og skóg-
arhögg sem heldur uppi neyslu-
mynstri okkar. Mikið af hrörnun
umhverfisins er ósýnilegt. Að
bregðast við ósýnilegum ógnum,
sérstaklega langtímaógnum, virð-
ist ekki vera mannkynsins sterka
hlið.
En stærsta hindrunin fyrir því
að við komum hlutunum í samt lag
er kannski einfaldlega vonleysi.
Það er vel mögulegt að vita af öll-
um þessum staðreyndum, eitrinu
og eyðileggingunni ásamt ósann-
girninni, en eiga samt erfitt með
að eygja lausn. Staðreyndin er þó
að vitneskjan um hvert stefna skal
er til og við höfum mikla mögu-
leika á tækniþróun til að snúa
vörn í sókn. Stundum virðist okk-
ur þurfa kraftaverk til. En krafta-
verkin gerast, þau líta bara ekki
út fyrir að vera kraftaverk eftir á.
Lítið t.d. á útrýmingu bólusóttar.
Okkar jörð – okkar val
Breytingar í átt að sjálfbærari
lifnaðarháttum með virðingu fyrir
möguleikum komandi kynslóða, er
á ábyrgð hvers og eins okkar.
Bæði sem einstaklinga og sem
þátttakenda í atvinnulífi og fé-
lagasamtökum. Umhverfisvanda-
mál eru til komin vegna neyslu og
það erum við, neytendurnir sem
getum snúið þróuninni við. Laga-
breytingar og reglugerðir munu
aldrei duga til, enda lítt spennandi
að búa við boð og bönn á öllum
sviðum.
Leiðin til vistvænna lífs þarf
alls ekki að kosta mikla vinnu,
kosta peninga eða skerða lífsgæði.
Það er algengur misskilningur að
við þurfum að snúa baki við tækni
og hverfa aftur til moldarkofanna
til að snúa umhverfismálum til
betri vegar. Léleg nýting auðlinda
og mengun eru ekki nauðsynlegir
fylgifiskar tækniframfara. Þvert á
móti getur tæknin einmitt unnið
með okkur. En við þurfum að taka
meðvitaðar ákvarðanir. Vistvænn
lífsstíll sparar okkur þegar á
heildina er litið talsverða fjármuni
og eru því góðar líkur á að lífs-
gæði aukist.
Vistvernd í daglegu lífi
Þegar við heyrum minnst á vist-
vænan lífsstíl dettur okkur flest-
um í hug flokkun á sorpi og end-
urvinnsla. Þetta er vissulega
mikilvægur þáttur en við verðum
að líta í fleiri áttir. Fyrst og
fremst þurfum við að breyta
neyslumynstrinu. Það er margt
sem við getum keypt og selt sem
ekki byggist á mikilli efnisnotkun.
Við þurfum að huga að umhverf-
ismerkingum á vörum,
hreinsiefnanotkun, viðhaldi og
rekstri bílsins, aksturslagi, varð-
veislu vatns, orkunotkun og þann-
ig mætti lengi telja.
Mörg hundruð heimili á Íslandi
(og þúsundir í öðrum löndum),
hafa farið þá leið að taka þátt í
Vistvernd í verki, alþjóðlegu um-
hverfisverkefni til að koma sér á
sporið. Þetta er skemmtileg og ár-
angursrík leið í góðum félagsskap.
Lausnirnar eru margar og mæl-
ingar þátttakenda og viðtöl við þá
sýna að flestum kemur á óvart hve
margt er hægt að gera með lítilli
sem engri fyrirhöfn. Þeim sem
vilja leita sér meiri upplýsinga eða
finna tengla inn á ýmsar heimasíð-
ur um umhverfismál er bent á
heimasíðu Landverndar
www.landvernd.is/vistvernd
Vistvæn nútíð – farsæl framtíð
Þóra Bryndís Þórisdóttir
skrifar um umhverfismál ’Við notum öll meira ensanngjarnt er af nátt-
úruauðlindum og meng-
um líka meira.‘
Þóra Bryndís
Þórisdóttir
Höfundur er með BA-próf í sálfræði
og starfar hjá Landvernd.

Ársalir- fasteignamiðlun
Ársalir- fasteignamiðlun

Nýttu þér áratuga reynslu
okkar og traust í
fasteignaviðskiptum
Björgvin Björgvinsson, lögg. fasteignasali.
Ársalir
FASTEIGNAMIÐLUN
Engjateigi 5 105 Rvk
533 4200
Laugavegi 63
(Vitastígsmegin)
sími 551 2040
Silkitré og silkiblóm
Ný lína í
gjafavörum
Stórhöfða 21, við Gullinbrú, s. 545 5500.
www.flis.is
netfang: flis@flis.is
lím og fúguefni
Moggabúðin
Íþróttataska, aðeins 2.400 kr.
www.thumalina.is