Pressan - 04.06.1992, Blaðsíða 18

18
FIMMTUDAGUR PRESSAN 4. JÚNÍ 1992
M E N N
Magnús Gunnarsson,
formaður vinnuveitenda
Andlit komandi
kjaraskerðingar
Ja, það er ekki beint gott bú
sem hann Einar Oddur hefur
skilið eftir sig handa Magnúsi
Gunnarssyni, eftirmanni sínum í
stól formanns vinnuveitenda.
Eftir margra ára kreppu í kjölfar
þjóðarsáttarsamninga hefur
þorskurinn gefist upp og er far-
inn. Magnús má glíma við að ná
Nú hefur hann
tekið að sér að
breytast úr
Evrópumála-
gúrú atvinnu-
lífsins í andlit
komandi kjara-
skerðingar.
Það er dálítið
kjarkað.
sátt um afleiðingar þess.
Og hann getur gert það með
vini sínum og félaga, Þorsteini
Pálssyni sjávarútvegsráðherra.
Þeir eru ekki bara báðir fyrrver-
andi framkvæmdastjórar Vinnu-
veitendasambandsins, heldur
pólitískir samherjar. Magnús
studdi Þorstein til falls gegn
Davíð í formannskjörinu. Og nú
sitja þeir saman í súpunni: Þor-
steinn stjórnar þorskveiðum
sem engar verða og Magnús á
að semja við verkalýðinn um
skiptingu á afrakstrinum.
Það hlýtur að leggjast þungt á
Magnús. Honum þykir vænt um
fiskinn og á erfitt með að sjá á
eftir honum. Þannig tókst hon-
unt að snúast í heilan hring í af-
stöðu sinni til EES-samningsins
þegar í ljós kom að hugsanlegt
væri að íslendingar misstu
nokkra karfa í kjaft Evrópu-
bandalagsins. Hann breyttist úr
fylgismanni í andstæðing á
einni nóttu. Síðan hefur hann
reyndar hægt og bítandi verið að
nálgast fyrri afstöðu — en svo
hægt að það tekur í raun enginn
eftir því.
Og nú hefur hann tekið að sér
að breytast úr Evrópumála-gúrú
atvinnulífsins í andlit komandi
kjaraskerðingar. Það er dálítið
kjarkað.
Þetta er ekki í fyrsta sinn sem
Magnús söðlar um. Hann var
hjá Amarflugi og hann var hjá
vinnuveitendum og hann var hjá
SÍF og guð má vita hvar. Um
leið og hann er búinn að koma
sér fyrir og ætú að fara að snúa
sér að golfinu, eins og heldri
bissnessmanna er siður, fer
Magnús eitthvað allt annað en
út á gólfvöll. Það var dálítið
kjarkað hjá Magnúsi að hætta
hjá SÍF og gerast Evrópuspá-
maður í fullu starfi. Og það er
meira en lítið kjarkað af honum
að kasta spámannshempunni og
snúa sér að kjarasamningum, nú
þegar þorskurinn er horfinn.
En sjálfsagt hefur Magnús
ekki verið einn um þá ákvörðun.
Vinnuveitendur lögðust á hann
allir sem einn. Ekki vegna þess
að þeir hefðu sameinast um
Magnús heldur sameinaði óttinn
við Gunnar Birgisson þá. Þeir
gátu ekki hugsað sér hann sem
formann. Þeir sáu hann fyrir sér
í sjónvarpsfréttunum að tala
máli þeirra og sögðu nei takk.
Allir kostir em betri en Gunn-
ar, ekki síst Magnús. Þjóðin hef-
ur reyndar aldrei skilið mjög vel
hvað hann er að fara í Evrópu-
málunum, en það þarf ekki að
vera ókostur í erfiðum og þján-
ingafullum samningum f upp-
hafi næsta árs.
ÁS
Bjarni Magnússon, útibússtjóri L
LÁIIUBI27
MEB VBI í
7 MILLJðN
KRÍNARÚI
r

Bjarni Magnússon, útibússtjóri Landsbankans í Mjódd. Veðin
í fasteigninni á Blikastöðum dugðu ekki og Bjarni samþykkti
veð í tveimur rútubílum vegna 27 milljóna króna láns, en
rútubílarnir eru taldir 7 til 9 milljóna króna virði.
Útibússtjóri Landsbankans í
Mjóddinni, Bjanii Magnússon,
samþykkti vegna lánveiúnga úl
rútubílafyrirtækis Grétars
Hanssonar veð upp á samtals
27 milljónir króna í tveimur rút-
um, sem talið er að séu samtals
7 úl 9 milljóna króna virði í dag.
Aður hafði Bjarni samþykkt
lánveitingar með veði í hluta
Grétars og eiginkonu hans í
Blikastöðum í Mosfellsbæ, en
vegna vanskila á láninu var
eignarhluti þessi sleginn bank-
anum á 10,5 milljónir á nauð-
ungamppboði í júm 1991. Grét-
ar er nú í persónulegum gjald-
þrotaskiptum og fýrirtæki hans
á leið í gjaldþrot, en fyrirtækið
hefur selt eiginkonu Grétars
rútubílana tvo.
Grétar hefur stundað rútu-
bílaútgerð um alllangt skeið,
bæði hérlendis og í Þýskalandi,
þar sem hann gerði út rútur í
samvinnu við Samvinnuferðir-
Landsýn. Grétar rak þetta í eigin
nafni íyrst um sinn, en stofnaði
sameignarfyrirtækið G. Hans-
son sf. í júní 1984. Sameignar-
félag þetta var bæði skráð í
Reykjavík og í Mosfellsbæ. f
júní 1988 var sameignarfélagið í
Reykjavík afskráð, en ári síðar
stofnaði Grétar hlutafélagið G.
Hansson hf. Meðeigandi þess
fyrirtækis var Albert Rútsson í
bílasölu Alla Rúts. í september
og nóvember 1989 samþykkti
Grétar tryggingarveðbréf vegna
lána hjá Bjama Magnússyni upp
á 23,6 milljónir að núvirði og
veð voru tekin í rútubfiunum
tveimur. í júní 1990 bætúst við
þriðja veðið á bílana, nú upp á
3,3 milljónir. I sama mánuði var
Albert Rútsson tekinn til gjald-
þrotaskipta og sömuleiðis fyrir-
tæki hans og Grétars, Rútur og
bílar hf. f desember 1990 sagði
Albert sig úr stjóm G. Hansson-
ar hf. og í sama mánuði var G.
Hansson sf. afskráð í Mosfells-
bæ.
í júní 1991 kom síðan úl um-
deildra eignatilfærslna. G.
Hansson hf. seldi Elínborgu
Kristínu Sigsteinsdóttur, eigin-
konu Grétars, rútubifreiðimar
áðumefndu. Einnig seldi Grétar
Ingi Grétarsson, sonur Grétars,
Sveini Skúlasyni, lögfræðingi
fjölskyldunnar, Pajero-jeppa,
sem þó er notaður af fjölskyld-
unni. Örfáum dögum síðar var
eignarhluú Grétars og Elínborg-
ar í Blikastöðum II seldur
Landsbankanum á 10,5 milljón-
ir á nauðungamppboði.
Að kröfu innheimtu ríkissjóðs
var Grétar tekinn úl gjaldþrota-
úrskurðar í júh' 1991. Ekki feng-
ust upplýsingar um heildarkröf-
ur í þrotabúið, en samkvæmt
heimildum PRESSUNNAR em
þær nálægt 30 milljónum króna.
Skömmu sfðar var fyrirtækið
Rútur og bílar hf. gert upp og
þar töpuðust um 15 milljónir
króna. f janúar síðastliðnum var
Albert Rútsson síðan gerður upp
eignalaus og töpuðust þar kröfiir
upp á 35 milljónir króna.
Samkvæmt heimildum
PRESSUNNAR er íyrirtækið G.
Hansson hf. á leið í gjaldþrot, en
rútubílar fyrirtækisins em sem
fyrr segir komnir á nafn eigin-
konu Grétars. Grétar rekur nú
rútur í Þýskalandi undir nafninu
Istours, en samkvæmt upplýs-
ingum Hlutafélagaskrár hefur
Sveinn Skúlason, lögfræðingur
Grétars, tekið frá nafnið ísferðir
Grétar Hansson
skráir eignir á eigin-
konu sína vegna
persónulegs gjald-
þrots og væntan-
legs gjaldþrots rútu-
bílafyrirtækis síns.
Undirbýr stofnun
nýs hlutafélags í
samráði við Svein
Skúlason lögfræð-
ing. Landsbankinn
eignaðist hluta
Grétars í Blikastöð-
um á nauðungar-
uppboði.
hf., með stofnun nýs hlutafélags
í huga.
Bjarni Magnússon útibús-
stjóri hefur áður komið við sögu
vafasamra lánveitinga. PRESS-
AN greindi á sínum tíma frá lán-
veiúngum hans úl Ólafs Bjöms-
sonar í Ósi á sama ú'ma og fyr-
irtæki fjölskyldu Bjama, Úr-
lausn, var undirverktaki hjá Ósi.
f þessu dæmi kemur í ljós að
Bjarni hefur samþykkt veð í
rútubfium upp á þrefalt eða fjór-
falt virði bflanna.
Fríðrik Þór Guðrríuríðsson
Blikastaðir í Mosfellsbæ. Á myndinni sjást rúturnar sem nú
eru skráðar á eiginkonu Grétars Hanssonar og til vinstri sést
íbúðarhúsið sem Landsbankinn eignaðist á uppboði.
Bandaríska dómsmálaráðuneytið
Mikson komim
á glæpamanna
Bandaríska dómsmálaráðuneytið hefur sett Evald Mikson á lista yfir stríðsglæpamenn
sem meinað er að koma til Bandaríkjanna.
Sérstök undirstofnun banda-
ríska dómsmálaráðuneytisins,
Office of Special Investigations
(OSI), hefur komist að þeirri
niðurstöðu að Evald Mikson
(öðm nafni Eðvald Hinriksson)
hafi tekið virkan þátt í slríðs-
glæpuni nasista í seinni heims-
stytjöldinni. í síðustu viku setti
OSI Mikson á lista sem haldinn
er yfir stríðsglæpamenn sern
meinað er að koma til Banda-
ríkjanna, sarna í hvaða tilgangi
það kann að vera.
Aðstoðarforstjóri OSI, Eli
Rosenbaum, staðfesti þetta í
samtali við PRESSUNA. Hann
sagði úrskurð OSI byggjast á
traustum sönnunargögnum sem
sýni þátttöku Miksons í ofsókn-
um undir stjóm nasista. Hann
vildi ekki tilgreina hvers konar
sönnunargögn væri um að ræða,
en áreiðanlegar heimildir blaðs-
ins herma að þar sé um að ræða
sams konar gögn og Efraim Zu-
roff, forstjóri Wiesenthal-stofn-
unarinnar í Jerúsalcnt, hefur
komið á framfæri við íslensk
stjórnvöld, svo og önnur sem
PRESSAN hefur greint ítarlega
frá.
Aðspurður um hvort Mikson
vissi af þessum úrskurði banda-
rískra stjómvalda sagði Rosen-
baum það almennt ekki stefnu
OSI að skýra viðkomandi frá
því sérstaklega þegar þeir væm
settir á þennan lista. Því þótti
honum ólíklegt að Mikson vissi
af úrskurðinum. Samkvæmt
upplýsingum blaðsins hefur ís-
lenskum stjórnvölduin heldur
ekki borist tilkynning um úr-
skurðinn.
Fyrir skömmu hafði PRESS-
AN upp á og birti viðtal við
Martin Jensen, eistneskan fyrr-
um samstarfsmann Miksons,
sem býr nú í Kanada. Hann hef-
ur verið úl svipaðrar rannsóknar
og Mikson hjá OSI, en Rosen-
baum vildi ekki tjá sig um það
mál. Hann sagði frétta ef til vill
að vænta af því innan tíðar, en
það væri þó fyrst og fremst mál-
efni jteirrar stofnunar sem með-
höndlaði stríðsglæpi fyrir hönd
kanadískra stjórnvalda.