Morgunblaðið - 27.04.2004, Side 4

FRÉTTIR
4 ÞRIÐJUDAGUR 27. APRÍL 2004 MORGUNBLAÐIÐ
Til viðbótar koma veltutengdir Vildarpunktar kortsins
Tvöfaldir
Vildarpunktar
til 1. maí
Golfvörur
Bæjarlind 1Húsgagnahöllinni
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
I
C
E
24
12
5
0
4/
20
04
UM SEXTÍU manns mættu á
fræðslu- og umræðufund um út-
lendingafrumvarp dómsmálaráð-
herra sem haldinn var fyrir fólk af
erlendum uppruna og fjölskyldur
þess í gærkvöld í kjallara Hallveig-
arstaða að Túngötu 14. Fulltrúar
Fjölmenningarráðs og Samtaka
kvenna af erlendum uppruna á Ís-
landi kynntu efni frumvarpsins og
þær athugasemdir sem gerðar hafa
verið við það. Þá upplýstu full-
trúarnir fundargesti um hvar málið
væri statt í hinu lýðræðislega ferli
og hver væru næstu skref í því ferli.
Að sögn Tatjönu Lationvic, vara-
formanns Samtaka kvenna af er-
lendum uppruna, voru margir
fundargestir forvitnir um efni
frumvarpsins og spurðu margs.
Morgunblaðið/Golli
Hope Knútsson, formaður Fjölmenningarráðs, kynnti efni frumvarpsins.
Fjölmenni á fundi um
útlendingafrumvarpið
STJÓRNARFRUMVARP um eign-
arhald á fjölmiðlum gerir verðmæti
ljósvakahluta Norðurljósa að engu,
enda enginn kaupandi
að honum og alveg ljóst
að látið verður reyna á
málið fyrir dómstólum.
Haldi menn að frum-
varpið verði til þess að
verja frjálsa fjölmiðlun
er eins og menn séu í
einhverju búri og skynji
ekki umhverfi sitt.
Þetta segir Jón Ás-
geir Jóhannesson, for-
stjóri Baugs, en Baugur
er stærsti einstaki hlut-
hafinn í Norðurljósum.
Verið að þurrka út
eigur manna
„Eign þessara aðila
sem eiga í félaginu er
fyrir bí, að minnsta kosti sá hluti sem
tengist ljósvakahlutanum. Hver vill
kaupa fjölmiðil í dag hafandi þetta yf-
ir sér. Sá sem myndi kaupa gæti allt-
af átt á hættu að lögunum yrði breytt
afturvirkt þannig að menn myndu
ekki vita hvaða verðmæti þeir væru
með í höndunum. Ekki nóg með það,
hvaða banki halda menn að láni svona
fyrirtæki,“ segir Jón Ásgeir.
Jón segir alveg ljóst að það verði
látið reyna á málið fyrir dómstólum.
„Að sjálfsögðu ætlum við að láta
reyna á það hvort menn geti leyft sér
að þurrka út eigur manna með svona
afturvirkum lögum.“
Spurður um hvort menn ætli að
halda í dagblaðahlutann svarar Jón
því til að hann neiti að trúa að þessi
lög fái staðist. Þangað til annað komi
í ljós munu Norðurljós
vera rekin áfram með
því sniði sem þau eru
rekin í dag.
Aðspurður segir Jón
Ásgeir að tekist hafi að
hagræða um 300 til 400
milljónir með því að
sameina Frétt og
Norðurljós. Hann
nefnir sparnað í yfir-
stjórn, fjármálastjórn-
un og síðan hafi menn
haft ýmsar hugmyndir
varðandi auglýsinga-
söluna, fréttamál síðar
meir o.s.frv. „Það er al-
veg klárt að við hefðum
aldrei keypt Norður-
ljós nema við hefðum
séð að ekki væri á móti því að sam-
eina þau Frétt,“ segir Jón Ásgeir.
Vanhugsað frumvarp
Hann segir frumvarp um eignar-
hald á fjölmiðlum vera mjög van-
hugsað. „Það er verið að tala um að
verja frjálsa fjölmiðlun og ef þetta
gengur út á það þá er eins og menn
séu í einhverju búri og skynji ekki
umhverfi sitt. Hverjir verða biðlarnir
í röðum að kaupa fyrirtæki sem hafa
þessa ógn yfir sér?
Jón segir að þegar Baugur og aðrir
hluthafar hafi tekið við Norðurljós-
um hafi ekki verið búið að greiða af
lánum þess í tvö ár og ekki vexti í 12–
14 mánuði, ef sig minni rétti. Spurður
um hugsanlega kaupendur segir Jón
Ásgeir að það sé enginn kaupandi að
þeim. „Það er enginn kaupandi að
ljósvakamiðlunum. En við ætlum
ekki að gefa þetta eftir. Það gerist
ekkert með Norðurljós. Það eru tvö
ár og við reynum að spila eitthvað úr
því. Við ætlum að leita réttar okkar.
Það sem er alvarlegast í þessu líka er
framtíðin. Mér finnst menn ekki fók-
usera á það, fínt að það sé hægt að
taka af okkur útvarpsleyfin en hvað
með þann næsta sem kaupir sjón-
varpsstöð að hafa það yfir sér að
reglunum verði kannski breytt, að
enginn megi eiga nema 10%. Hvað
þá?“
Enginn fjárfestir í eða
lánar til ljósvakamiðla
Jón segir illa komið fyrir því fólki
sem haldi því fram að þetta muni
verða til þess að viðhalda eða auka
fjölbreytni á fjölmiðlamarkaðinum.
„Þetta mun bara gera eitt, menn
verða ófáanlegir til þess að koma og
fjárfesta í ljósvakamiðlum og bankar
munu ekki lána til ljósvakamiðla. Og
ef það vantar fjármagn og lánsfjár-
magn verður enginn rekstur,“ segir
Jón.
Spurður um lán Norðurljósa hjá
Landsbankanum segir Jón Ásgeir að
samið verði við bankann og menn
muni standa í skilum með sín lán eins
og menn hafi alltaf gert. Hins vegar
sé deginum ljósara að það myndi ekki
þýða fyrir Stöð 2 að fara af stað á
morgun og reyna að slá lán.
„Eins og menn séu í
einhverju búri og skynji
ekki umhverfi sitt“
Jón Ásgeir Jóhannes-
son, forstjóri Baugs.
HREINN Loftsson, hrl.
og stjórnarformaður
Baugs, hefur sagt sig úr
Sjálfstæðisflokknum.
Segir hann það gert
vegna frumvarps ríkis-
stjórnarinnar um eign-
arhald á fjölmiðlum.
Hreinn segist hafa
vonað í lengstu lög að til
þessa þyrfti ekki að
koma. Hann hafi ungur
gengið til liðs við Sjálf-
stæðisflokkinn og gekk í
Heimdall strax og hann
hafði aldur til.
„Ég hef litið á mig
sem sjálfstæðismann og
geri það raunar enn, en mér ofbýður
framganga þingmanna og ráðherra
flokksins í þessu máli. Ég tel að það
sé verið að brjóta öll grundvallar-
sjónarmið sem flokkurinn hefur stað-
ið fyrir, um atvinnufrelsi, einstak-
lingsframtak, eignarrétt og að lög
séu ekki afturvirk. Það er sama hvað
hver segir þarna og mælir hver upp í
annan í þingliði Sjálfstæðisflokksins,
þetta eru auðvitað afturvirk lög.
Stefnan er að brjóta upp fyrirtæki
sem er sameinað og byggt upp á
grundvelli lagaheimilda,“ segir
Hreinn.
Búið að kollvarpa öllum
hugmyndum um fyrirtækið
„Menn hafa ákveðnar, réttmætar
og löglegar forsendur til þess að búa
til þetta fyrirtæki, sem felst í því að
sameina og treysta stoðir þessara
fjölmiðla, sem stóðu höllum fæti. Það
var lagt inn í þetta stórfé og mark-
miðið var auðvitað að taka til í rekstr-
inum. Það hefur allt verið á réttri leið
og síðan var markmiðið jafnframt að
setja fyrirtækið á almennan markað
á næsta ári og gefa almenningi kost á
því að vera með. Nú er búið að koll-
varpa öllum þessum
hugmyndum og það er
sama hvað hver segir,
það er búið að rýra
verðmæti fyrirtækis-
ins.
Dettur nokkrum
manni í hug að kaupa
þetta fyrirtæki nú eða
síðar, eða brot úr því,
nema þá á hluta þess
verðs sem eðlilegt
hefði talist? Það eru
fullkomlega löglegar
forsendur fyrir því að
Baugur og skyld fyrir-
tæki fóru inn í þennan
rekstur og það voru
engin annarleg pólitísk sjónarmið
sem því réðu.
Tækifæri til að búa til sterkt
fyrirtæki til mótvægis við RÚV
Það mælir hver þingmanna stjórn-
arflokkanna það upp í öðrum að það
séu einhverjar annarlegar hvatir [að
baki] vegna þess að það hafi aldrei
tekist að reka fjölmiðla á Íslandi með
hagnaði. Það er rangt. Morgunblaðið
er glöggt dæmi um slíkan fjölmiðil,
DV var lengi rekið með góðum hagn-
aði og hið sama má segja um Stöð 2.
Með því að hagræða í rekstrinum og
treysta stoðir hans töldum við að það
myndi skapa tækifæri til þess að búa
til sterkt fyrirtæki til mótvægis við
Ríkisútvarpið.
Ef menn hefðu raunverulega haft
áhuga á því að treysta sjálfstæða fjöl-
miðlun og sjálfstæði fréttastofanna,
af hverju var þá ekki líka litið á Rík-
isútvarpið? Það er auðvitað vegna
þess að þeir stýra Ríkisútvarpinu. Og
hvert eiga menn síðan að sækja um
útvarpsleyfin? Til Kjartans Gunnars-
sonar, framkvæmdastjóra Sjálfstæð-
isflokksins. Þetta er einum of mikið
fyrir mig,“ segir Hreinn.
Ofbýður framganga
ráðherra og þing-
manna flokksins
Hreinn Loftsson
HREINN Loftsson, stjórnar-
formaður Baugs, sagði sig úr
Sjálfstæðisflokknum í gær
vegna óánægju með fjölmiðla-
frumvarpið. Davíð Oddsson,
formaður Sjálfstæðisflokksins,
sagði við fjölmiðlamenn síðdeg-
is í gær að hann óskaði Hreini
alls góðs. „Mér þykir það lak-
ara, þetta er ágætur maður,“
sagði Davíð, inntur eftir því
hvort sárt væri að missa Hrein
úr flokknum.
„En það er með flokka eins
og minn og aðra flokka að menn
eru þar algjörlega á eigin
ábyrgð og samkvæmt eigin
ákvörðun. Og menn ganga í
flokka og fara úr flokkum. Í
mínum flokki hefur það verið
svo að menn ganga í og úr
flokknum svona þrír til fjórir í
viku. En mér finnst auðvitað
sárt að Hreinn skuli frekar
kjósa að vera í Baugi en í Sjálf-
stæðisflokknum.“
Óskar
Hreini
alls góðs
MAGNÚS Ragnars-
son, framkvæmdastjóri
Skjás eins, segir frum-
varp um eignarhald á
fjölmiðlum snerta Ís-
lenska sjónvarpsfélagið
afskaplega lítið. Það
eigi bæði við sjálft eign-
arhaldið og eins eigi
fyrirtækið ekki í prent-
miðli. „Það er enginn
aðili hér sem á meira en
25% og er í óskyldum
rekstri. Skjár einn
starfar algjörlega
óbreytt verði þetta
frumvarp að lögum. Þetta veldur ekki
neinu raski hjá okkur,“ segir Magnús.
Spurður hvort þetta
frumvarp tryggi fjöl-
breytni fjölmiðla segist
hann vera fylgjandi
lagasetningu sem þess-
ari í ljósi þess hvernig
fjölmiðlamarkaðurinn
hefur þróast á Íslandi.
Hann vill þó taka það
fram að hann er ekki bú-
inn að lesa sjálft frum-
varpið.
Magnús segir að það
geti komið til þess að
erfiðara verði að fá fjár-
festa inn í fjölmiðla því
að enginn megi eiga meira en 25% í
ljósvakamiðlum.
Snertir ekki Skjá einn
Magnús Ragnarsson