Morgunblaðið - 27.04.2004, Blaðsíða 8

FRÉTTIR
8 ÞRIÐJUDAGUR 27. APRÍL 2004 MORGUNBLAÐIÐ
Eftir lögmáli kerfisins verður varla langt í að byrjað verði að pakka niður, svona einum og
einum.
Ráðstefna um rekstur flugstöðva
Athygli vakin
á breytingum
Ráðstefna um rekst-ur flugstöðva ogframtíðarhorfur í
ferðaþjónustu og öryggis-
málum verður haldin á
Hótel Nordica í Reykjavík
næstkomandi fimmtudag,
29. apríl og hefst dagskrá-
in klukkan 13. Morgun-
blaðið lagði af þessu tilefni
nokkrar spurningar fyrir
Höskuld Ásgeirsson,
framkvæmdastjóra Flug-
stöðvar Leifs Eiríkssonar.
– Hvert er tilefni þess-
arar ráðstefnu?
„Tilefnið er einfaldlega
að vekja athygli á þeim
miklu breytingum sem
orðið hafa á flugstöðvar-
rekstri undanfarin ár, ekki
bara hér á landi heldur
ekki síður erlendis, en rekstur
þessara flugstöðva hefur verið að
færast úr þessum hefðbundna
ríkisrekstri yfir í hlutafélag-
arekstur.“
– Í stuttu máli, hvað felst í því?
„Á ráðstefnunni verður leitast
við að fara yfir þær breytingar
sem um ræðir. Við getum orðað
það svo, að áður snerist starfsemi
flugstöðva um það eitt að koma
fólki og farangri til og frá flug-
stöðvum, nú til dags eru áherslur
gerbreyttar. Nú eru flugstöðvar
orðnar þjónustumiðstöðvar þar
sem áherlan er ekki síst á afþrey-
ingu og þægindi. Rekstrarformið
snýst um hvaða þjónusta er innt
af hendi og auknar kröfur í örygg-
ismálum.“
– Hvernig hefur þessi breyting
gengið fyrir sig hér á landi?
„Breytingin hefur í raun gengið
mjög vel hvað varðar rekstur og
uppbyggingu, í raun hefur þetta
gengið vonum framar í ljósi þess
að nýjum áherslum fylgja ný
vinnubrögð.“
– Hver er staða þessara breyt-
inga hér á landi?
„Það má segja að við séum í
miðju ferlinu, að komast út úr
kæruferli sem fylgdi forvali.
Stefna hefur verið mótuð og fjölg-
un þjónustu, veitingastaða og
verslana er komin af stað.“
Spurður um dagskrá ráðstefn-
unnar segir Höskuldur að hún
hefjist klukkan 13.00 með ávarpi
Halldórs Ásgrímssonar utanríkis-
ráðherra en síðan reki hvert er-
indið annað. Klukkan 13.10 flytji
Stefán Þórarinsson, varaformað-
ur stjórnar FLE, erindi sem heit-
ir Aðdragandi að stofnun Flug-
stöðvar Leifs Eiríkssonar hf.
Næst fjalli Björn Ingi Knúts-
son, flugvallarstjóri á Keflavíkur-
flugvelli, um „Flugöryggi og flug-
vernd“.
Þar næst flytur Jóhann R.
Benediktsson, sýslumaður á
Keflavíkurflugvelli, erindið
„Landamæra- og öryggiseftirlit“
og þar á eftir kemur Magnús
Oddsson ferðamálastjóri með er-
indið „Þróun á umfangi ferða-
þjónustu.“ Þá kemur „Framtíðar-
sýn Icelandair“, erindi eftir
Sigurð Helgason for-
stjóra og „Framtíðar-
sýn Iceland Express“
kemur í kjölfarið, hug-
leiðingar Arnþórs
Halldórssonar fram-
kvæmdastjóra.
Að kaffihléi loknu er erindið
„Terminal Commercial Facilities
– Why Important to Passenger
Experience?“ eða Hvers vegna er
verslun og þjónusta í flugstöðvum
mikilvæg fyrir upplifun farþega,
en það er Duncan Tolson, yfir-
maður alþjóðlegrar viðskiptaþró-
unar hjá BAA sem flytur það er-
indið.
Þar næst tekur annar erlendur
gestur til máls og flytur erindið
„The Nature of Duty Free Stores
Within Air Terminals – The Fut-
ure of the Duty Free Concept,“
eða Eðli fríhafnarverslunar í flug-
stöðvum og framtíð hennar.
Það er Alan Bork, ráðgjafi sem
flytur erindið. Höskuldur slær
svo sjálfur botninn í erindin með
erindi sínu, Framtíðarsýn Flug-
stöðvar Leifs Eiríkssonar: Upp-
bygging og landnýtingaráform.
– Mælir þú sérstaklega með
einhverjum erindum öðrum frem-
ur?
„Öll eiga erindin heima í þess-
ari umræðu, en hvað mig varðar
þá verður fróðlegt að hlusta á þá
Sigurð Helgason, forstjóra Ice-
landair, og Arnþór Halldórsson,
framkvæmdastjóra Iceland Ex-
press, fjalla um framtíðarsýn
sinna fyrirtækja, m.a. með tilliti
til þróunar í fjölda ferðamanna til
og frá landinu. Þetta eru jú
fulltrúar þeirra fyrirtækja sem
sjá um meginhluta áætlunarferða
til og frá landinu.
Þá er ég afar spenntur að heyra
málflutning erlendra gesta okkar.
Frá þeim fáum við þróunina er-
lendis beint í æð. Duncan Tolson
hefur gegnt stjórnunarstöðum á
þremur stærstu flugvöllum BAA í
Bretlandi, Heathrow,
Gatwick og Stansted
og starfar nú á aðal-
skrifstofum BAA í
Lundúnum þar sem
hann ber ábyrgð á þró-
un alþjóðlegrar versl-
unarstarfsemi, leiðir teymi ráð-
gjafa á þessu sviði og fer fyrir
fjarskiptatæknisviði BAA. Alan
Bork starfaði hins vegar á Kaup-
mannahafnarflugvelli í 10 ár þar
sem hann bar ábyrgð á þróun
verslunarstarfsemi og veitinga-
þjónustu á flugvellinum. Síðustu
tvö árin hefur hann starfað sjálf-
stætt við ráðgjöf á þessu sviði.“
Höskuldur Ásgeirsson
 Höskuldur Ásgeirsson er
fæddur 29.3. 1952. Fisktæknir
frá Fiskvinnsluskólanum 1976
og viðskiptafræðingur frá HÍ
1981. Meistarapróf (MBA) í
rekstrarhagfræði frá Brunel
Henley-viðskiptaháskólanum í
Englandi 1989. Markaðs- og
sölustjóri Marel 1983–86, fram-
kv.stjóri Iceland Seafood í
Frakklandi og Bretlandi 1987–
97, forstjóri Gelmer Iceland
Seafood 1997–2000 og fram-
kvæmdastjóri Flugstöðvar
Leifs Eiríkssonar frá 2000.
Giftur Elsu Þuríði Þórisdóttur
förðunarmeistara og eiga þau
þrjú börn, Ásgeir Leif (26),
Ingu Rós (15) og Þóri Frey
(10), en auk þess á Höskuldur
Sturlu (29).
Flugstöðvar
orðnar
þjónustu-
miðstöðvar
ÁSKRIFTARDEILD netfang: askrift@mbl.is, sími 569 1122