Morgunblaðið - 09.06.2004, Side 8

FRÉTTIR
8 MIÐVIKUDAGUR 9. JÚNÍ 2004 MORGUNBLAÐIÐ
Þingræðið má víst bara orðið þakka fyrir að fá að dingla með í darraðardansi auðsins.
Háskóli unga fólksins
Unglingar í
háskólanámi
Háskóli unga fólksinsverður starfrækt-ur á vegum Há-
skóla Íslands dagana 14.–
19. júní næstkomandi.
Skólinn er fyrir alla ung-
linga fædda 1988–91 og
verður nemendum boðið
upp á 22 mismunandi nám-
skeið þar sem fastakennar-
ar og nemendur Háskóla
Íslands munu kenna.
Skráning stendur nú yfir á
vef Háskóla unga fólksins,
www.ung.is. Skráningar-
gjald er 10 þúsund krónur
og innifalið í því eru allt að
átta námskeið, kennslu-
gögn og léttur hádegis-
verður. Skráningu lýkur á
morgun, fimmtudaginn 10.
júní.
Hvað er Háskóli unga
fólksins?
„Þetta er sumarháskóli fyrir
unglinga á aldrinum þrettán til
sextán ára, sem starfræktur er af
Háskóla Íslands og hefst í næstu
viku, á mánudaginn kemur. Skól-
inn er opinn öllum ungmennum
sem fædd eru á árunum 1988 til
1991, og er ekki um nein inntöku-
próf eða aðrar hömlur að ræða.
Hver sem er á þessum aldri getur
skráð sig í skólann. Síðasti
kennsludagur í Háskóla unga
fólksins verður föstudaginn 18.
júní en daginn eftir verður braut-
skráningar- og uppskeruhátíð á
flötinni fyrir framan aðalbyggingu
Háskólans með afhendingu braut-
skráningarskjala, tónlist og gleði.
Í boði eru 22 mismunandi nám-
skeið og getur hver nemandi valið
að sækja allt að átta þeirra. Þau
raða því saman stundatöflum sín-
um líkt og gert er í áfangaskólum
og verður meðal tímasókn milli
sextán og tuttugu tímar.“
Hvernig vaknaði hugmyndin um
Háskóla fyrir ungt fólk?
„Hugmyndin varð til hjá rektor
Háskóla Íslands, Páli Skúlasyni,
og markaðs- og kynningarsviði
skólans og kemur í beinu fram-
haldi af starfsemi sem Háskólinn
hefur sinnt á síðustu árum, sem er
miðlun þekkingar til ungs fólks.
Dæmi um slíkt eru t.d. vísindadag-
ar, vísindavefur og tungumála-
námskeið sem haldin voru um allt
land fyrir nokkrum árum. Segja
má því að það sé rökrétt framhald
af þessari starfsemi að Háskólinn
reki sumarháskóla sem þennan.
Þetta verkefni er þó meira um sig
en önnur skyld verkefni, sem Há-
skólinn hefur starfrækt, því um er
að ræða heilan skóla, þótt í
smækkaðri mynd sé.“
Hver er tilgangurinn með
rekstri slíks sumarháskóla?
Hverju á hann að skila?
„Þessa viku verða nemendurnir
í raun í hlutverki háskólastúdenta,
en ætla má að námið hér geti orðið
þeim dýrmæt reynsla þegar kem-
ur að því að velja námsleið í
menntakerfinu þegar fram í sækir.
Það verður að minnsta kosti
spennandi fyrir þau að sjá hvað fer
fram innan veggja Há-
skólans og vonumst við
til að nemendurnir fái
innsýn í námsbrautir og
greinar sem eru í boði
við Háskóla Íslands.
Svo er tilgangurinn líka að lífga að-
eins upp á háskólasvæðið og há-
skólasamfélagið. Nemendurnir
eiga náttúrlega að geta skemmt
sér meðan á náminu stendur og
kennararnir hafa líka af því bæði
gagn og gaman að umgangast
svona unga og áhugasama nem-
endur. Stór hluti af starfi háskóla-
fólks er að miðla þekkingu sinni til
annarra og því tilvalið að virkja
það til að vekja áhuga unglinga á
háskólanámi.“
Hverjir koma til með að kenna í
Háskóla unga fólksins?
„Meðal kennara eru fastakenn-
arar við Háskólann og nemendur í
framhalds- og grunnnámi við Há-
skóla Íslands. Hópurinn er mjög
skemmtilega saman settur því
bæði er um að ræða gamla
reynslubolta og yngra fólk.“
Hvers konar námskeið standa
nemendum til boða?
„Þau eru mörg og margvísleg og
er ætlað að vera sæmilegur þver-
skurður af því sem boðið er upp á í
venjulegu námi við Háskóla Ís-
lands. Af því vinsælasta má nefna
sálfræðinámskeið þar sem nem-
endur kynnast nokkrum hug-
myndum sálfræðinga um skynjun-
ar- og ályktunarvillur og að ekki er
allt sem sýnist. Þá er heimspeki-
námskeiðið vinsælt, en í því verður
hugað að spurningum um hvað það
sé að vera sá sem maður er. Meðal
annarra áhugaverðra námskeiða
eru guðfræðinámskeið þar sem
fjallað verður um trúarstef í kvik-
myndum og kynjafræðinámskeið
þar sem rætt verður um kynja-
hlutverk og fyrirmyndir sem móta
hugmyndir okkar um kynin.
Af verklegri námskeiðum má
nefna heilbrigðistækninámskeiðin
þar sem nemendur fá að kynnast
því hvernig svefnrannsóknir fara
fram og fá að fræðast um heilarita,
sem mæla breytingar á starfsemi
heilans. Nemendur
munu geta kynnt sér
undirstöðuatriði í hin-
um ýmsu tungumálum,
sjúkdómsgreina vélar,
ræða markmið og ár-
angur fyrirtækja og beita stærð-
fræði til að leysa hagnýt vandamál.
Einnig mun þeim standa til boða
að læra aðferðir til að anda betur,
kynnast ólíkum myndum orkunn-
ar og takast á við spurningar eins
og „Hvað eru lög og til hvers eru
þau?“. Annars eru námskeiðin jafn
margvísleg og þau eru mörg og
ættu allir að geta fundið eitthvað
við sitt hæfi.“
Björn Þorsteinsson

Björn Þorsteinsson er fæddur
árið 1967 í Kaupmannahöfn.
Hann lauk BA-námi í heimspeki
frá Háskóla Íslands 1993 og hlaut
MA-gráðu í heimspeki frá há-
skólanum í Ottawa í Kanada árið
1997 og leggur nú síðustu hönd á
doktorsritgerð frá Universite
Paris 8. Björn hefur unnið við
bókaútgáfu, þýðingar og greina-
skrif og hefur undanfarið starfað
sem verkefnisstjóri Háskóla
unga fólksins. Björn er kvæntur
Sigrúnu Sigurðardóttur, sagn-
og menningarfræðingi, og eiga
þau tvær dætur.
Dýrmæt
reynsla fyrir
framtíðina