Morgunblaðið - 09.06.2004, Side 22

LANDIÐ
22 MIÐVIKUDAGUR 9. JÚNÍ 2004 MORGUNBLAÐIÐ
DAGLEGT LÍF
„ÉG FÓR á klósettið klukkan níu í
gærkvöldi. Fór svo út af því að ég
gat ekki sofnað.“ Margir eru haldnir
þeim fordómum að allt blogg sé eitt-
hvað í þessa veru en Sigríður Pét-
ursdóttir dagskrárgerðarmaður hjá
Ríkisútvarpinu ætlar að afsanna það
með útvarpsþáttunum Sögumenn
samtímans sem hófu göngu sína á
laugardaginn og verða á dagskrá
Rásar 1 eftir kvöldfréttir öll laug-
ardagskvöld í sumar.
Sigríður valdi átta bloggara til að
deila hugsunum sínum með hlust-
endum í sextán útvarpsþáttum. Þor-
grímur Haraldsson, Toggi Pop, reið
á vaðið á laugardaginn, flutti bloggið
sitt og valdi viðeigandi tónlist. Sig-
ríði fannst vanta nýjar raddir á ljós-
vakann og vildi sýna fram á að
bloggararnir hefðu meira fram að
færa en sjálfhverfar dagbók-
arfærslur, eins og hún segir í grein-
inni „Bloggað upphátt“ á vefsíðu
sinni www.kvika.net. Auk Togga
Pop munu þrír aðrir karlar og fjórar
konur blogga upphátt í útvarpinu í
sumar. Og það eina sem blogg-
ararnir eiga sameiginlegt er að hafa
húmor og hafa mjög mikið að gera í
skóla eða vinnu. Sem eins og Sigríð-
ur bendir á er þveröfugt við það sem
sumir halda fram, að fólk bloggi
vegna þess að það hafi ekkert að
gera. Þetta er meðal fordómanna
sem Sigríður vill uppræta. „Ég hef
lesið mikið blogg og séð hvað blogg-
ararnir eru snjallir að segja sögur.
Það er ekki allt blogg innihaldslaust
heldur er margt fullt af húmor,
ádeilu, skemmtilegri nostalgíu og
heimspekilegum vangaveltum um
lífið og tilveruna.“ Sigríður segir að
mörg þúsund íslenskar bloggsíður
séu starfandi og hún hafi ekki séð
nema brot af þeim. „Það gefur því
augaleið að ég gat ekki valið alla. Ég
valdi þessi átta með tilliti til þess
hvað þau hafa að segja og hvernig
þau passa inn í það sem ég hef í
huga. En eflaust munu einhverjir
velta fyrir sér af hverju ég valdi ekki
einhverja aðra.“
Bloggararnir munu flytja nýtt
efni og eldra og Sigríður segir það
ekki saka því hópurinn sem hlustar á
útvarpið sé líklega ekki sá sami og
notar Netið. Stofnuð hefur verið
bloggsíða sem tengist útvarpsþætt-
inum og þar mun bloggið sem flutt
er í þáttunum birtast. Hlustendum
gefst svo kostur á að segja sitt álit
eins og á öðrum bloggsíðum.
Morgunblaðið/ÞÖK
Bloggarar hittast: Ingólfur Gíslason, Þorgrímur Haraldsson, Anna Helga-
dóttir, Sigríður Pétursdóttir, Hugrún Hrönn Ólafsdóttir, Þorkell Ágúst
Óttarsson og Eva Hauksdóttir. Á myndina vantar Odd Ástráðsson og Sig-
ríði Láru Sigurjónsdóttur.
Bloggarar eru sögu-
menn samtímans
 ÚTVARP
TENGLAR
..............................................
www.blogg.is/sogumenn
SKIPTAR skoðanir eru um hvort
grá hár séu óboðnir gestir eða auki á
töfra fólks. Sumir eyða miklum tíma
og peningum í háralitun til að fela
gráu hárin og finnst þau neikvæð
ellimerki, á meðan aðrir taka þeim
fagnandi og líta á þau sem þroska-
merki. Fyrir þá sem óttast gráu hár-
in berast þau fagnaðartíðindi frá
rannsóknarstofum snyrtivörufyr-
irtækisins L’Oreal að frumur þær
sem gefa höfuðhárinu á okkur lit séu
oft sprelllifandi löngu eftir að við er-
um orðin gráhærð. Í vefmiðli Even-
ing Standard kemur nýlega fram að
þá séu frumurnar aðeins hættar að
virka eins og þær eru vanar. Fræð-
ingar þeir sem fara fyrir þessum
rannsóknum segja að mögulegt sé
að þróa lyf sem endurveki þessar
frumur og þá fái hárið aftur sinn
upprunalega lit. Einnig hafa þeir
stundað miklar rannsóknir á genum
fólks tengt því hvers vegna fólk
gránar misjafnlega snemma og
sama er að segja með skalla. Þeir
vonast til að niðurstöður rannsókn-
anna leiði til lausna innan fimm til
tíu ára fyrir þá sem sætta sig illa við
skalla eða grá hár of snemma á æv-
inni. Lausnin verður að öllum lík-
indum í formi lyfja eða krems.
Slagurinn
við gráu hár-
in á enda? Associated Press
Gráhærður og flottur. Leikarinn
Richard Gere litar ekki á sér hárið.
 RANNSÓKNIR
Húsavík | Hátíðahöld í tilefni sjómannadagsins fóru
fram með hefðbundnum hætti á Húsavík og lauk að
venju með því að sjómenn voru heiðraðir í tilefni dags-
ins. Að þessu sinni voru tveir sjómenn heiðraðir, þeir
Halldór Þorvaldsson og Hörður Arnórsson, og fór at-
höfnin fram í kaffifagnaði slysavarnadeildar kvenna.
Stefán Stefánsson, formaður sjómannadagsráðs, sá um
orðuveitingarnar en Bjarni Aðalgeirsson útgerðar-
maður rakti sjómennskuferil þeirra Harðar og Hall-
dórs.
Morgunblaðið/Hafþór
Halldór Þorvaldsson (t.v.) og Hörður Arnórsson voru
heiðraðir á sjómannadeginum á Húsavík.
Sjómenn heiðr-
aðir á Húsavík
Hellissandur | Við hátíðahöldin á
Hellissandi og Rifi á sjó-
mannadaginn afhentu hjónin
Guðný Sigfúsdóttir og Grétar
Kristjónsson Sjóminjasafninu lík-
an af áttæringnum Blika til minn-
ingar um foreldra Grétars, Krist-
jón Jónsson og Helgu Elísdóttur
á Gilbakka, en hann reri Blik-
anum síðastur manna.
Hátíðahöldin fóru fram með
hefðbundnum hætti í blíðskap-
arveðri. Einn eldri sjómaður, Við-
ar Breiðfjörð, var heiðraður og
sæmdur heiðursmerki sjó-
mannadagsins. Að venju fóru
flest keppnisatriðin fram við
höfnina í Rifi en aðaldagskráin á
sunnudaginn í Sjómannagarð-
inum á Hellissandi. Hátíðaræð-
una flutti Michael Sigþórsson, en
hann átti sín æskuár á Hellis-
sandi.
Líkanið sem Guðný og Grétar
afhentu safninu til varðveislu er
smíðað af Grétari. Þau hjón voru
einnig með tvær fallegar birki-
plöntur sem þau settu miður við
minningarstein um Kristjón í
Trjágarðinum Tröð en Kristjón
var jafnframt því að stunda sjó-
inn mikill áhugamaður um trjá-
og garðrækt og hóf að planta
trjám í Tröðinni á sjötta áratug
síðustu aldar.
Afhentu
safninu
líkan af
áttæringi
Morgunblaðið/Hrefna Magnúsdóttir
Guðný og Grétar við minningar-
steininn í Tröðinni eftir að hafa
gróðursett birkiplönturnar. Grétar
heldur á líkaninu af Blikanum.
Sauðárkrókur | Þing Félags ís-
lenskra lyflækna var haldið á Sauð-
árkróki um síðustu helgi og sóttu
þingið tæplega eitt hundrað læknar
víðsvegar að af landinu. Þingið er
hið sextánda í röðinni,
en þing sem þetta eru
haldin annað hvert ár
og alltaf hafa þau verið
haldin utan Reykjavík-
ursvæðisins.
Að sögn Runólfs
Pálssonar, formanns
Félags íslenskra lyf-
lækna, tókst þingið
með miklum ágætum,
enda um að ræða einn
besta vettvang sem lyf-
læknar hafa til þess að
kynna vísindarann-
sóknir sem gerðar hafa
verið og einnig að hitt-
ast og fjalla um mik-
ilvæg málefni sem lúta
að starfi þeirra og
starfsvettvangi. Run-
ólfur sagði það sýna
gróskuna í vísindastarfi því sem
unnið væri að nú væru kynntar alls
sjötíu og níu rannsóknir, fimmtíu og
fimm með veggspjöldum, þar sem
leiðsögumenn skýrðu spjöldin og
svöruðu fyrirspurnum, en einnig
voru tuttugu og fjórar rannsóknir
kynntar munnlega.
Þá sagði hann mjög áhugaverða
kynningu, flutta af gestafyrirlesara,
Vilmundi Guðnasyni, forstöðulækni
Hjartaverndar, sem fjallaði um hug-
myndafræði og framkvæmd öldrun-
arrannsóknar Hjartaverndar og
fyrstu niðurstöður hennar, og ekki
síðri fyrirlestur Yogen Sauntharar-
ajah, sérfræðings í blóð- og krabba-
meinslækningum frá University of
Illinois í Chicago.
Á málþingi var fjallað um lyf-
lækningar í Evrópu, en Félag ís-
lenskra lyflækna hlaut á síðasta ári
fullgilda aðild að EFIM, sem eru
samtök þessa hóps lækna og fjallaði
Christoper Davidson, ritari EFIM,
um meginviðfangsefni og stefnu
samtakanna auk þess sem hann
fjallaði um stöðu lyflækninga í Evr-
ópu.
Runólfur sagði að staða íslenskra
lyflækna væri mjög sérstök meðal
starfsbræðra í Evrópu, vegna hins
víðáttumikla baklands sem skapað-
ist af því að íslenskir læknar sæktu
sér sína menntun til hinna ýmsu
landa, og kæmu þá með heim
reynslu og þekkingu úr mörgum
áttum, á meðan evrópskir læknar
væru flestir menntaðir í sínu heima-
landi.
Á síðasta degi þingsins var haldið
málþing undir yfirskriftinni „Heil-
brigðiskerfi í upp-
námi – hvernig geta
læknar sparað?“
Frummælendur á
þessu málþingi voru
Sigurður Guð-
mundsson landlækn-
ir og læknarnir Sig-
urður B. Þorsteins-
son, Jón Atli Árna-
son, Már Krist-
jánsson og Sigurður
Ólafsson og sátu
þeir í pallborði og
svöruðu fyrirspurn-
um þinggesta að
loknum framsögu-
ræðum.
Á þinginu var
góður gaumur gef-
inn að vísindastörf-
um ungra lækna og
fjallaði einn dagskrárliður um tvo
lækna sem voru verðlaunaðir fyrir
vísindastörf á þingi fyrir tíu árum,
og rannsóknir þeirra síðan þá, og
við þinglok voru að venju veittar
viðurkenningar fyrir vísindastörf
ungs læknis og læknanema.
Runólfur sagði að þingið nú hefði
tekist í alla staði mjög vel og væri
það mjög ánægjulegt að sjá grósku í
störfum yngri læknanna, en ekki
síður fulltrúa þeirra sem eldri væru
– komnir jafnvel langleiðina að
starfslokum og enn mjög virkir og
vakandi í rannsóknum og vísinda-
störfum.
Gróska í vísindastarfi
lyflækna hérlendis
Þingfulltrúar fylgjast með framsöguerindum.
Morgunblaðið/Björn Björnsson