Morgunblaðið - 09.06.2004, Qupperneq 48
FÓLK Í FRÉTTUM
48 MIÐVIKUDAGUR 9. JÚNÍ 2004 MORGUNBLAÐIÐ
MINNA hefur heyrst til þeirra
Slowblow-félaga Dags Kára Pét-
urssonar og Orra Jónssonar en
vert væri því þær tvær plötur sem
þeir hafa sent frá
sér eru hreint af-
bragð, sérstaklega
sú fyrri, Quicksilv-
er Tuna, sem kom
út fyrir áratug, en
átta ár eru liðin
síðan Fousque kom út. Þeir Dagur
og Orri hafa verið uppteknir við
annað en tónsmíðar og upptökur,
Dagur Kári við nám í kvikmynda-
gerð og síðan sem kvikmyndagerð-
armaður og Orri við ljósmynda-
nám, ljósmyndun og upptöku-
stjórn. Þetta ár verður aftur á móti
áhugamönnum um Slowblow gott
því væntanleg er þriðja breiðskífa
Slowblow og fyrir skemmstu kom
út plata með kvikmyndatónlist eftir
þá félaga.
Kvikmyndin Nói albínói er
mörgum eftirminnileg, enda fyrir-
tak, vel gerð í alla staði, áhrifamik-
il og ágeng. Tónlistin var snar
þáttur í því hve myndin var vel
heppnuð, undirstrikaði stemmn-
inguna.
Líkt og vill verða með kvik-
myndatónlist eru lögin sveimkennd
á köflum, það vantar eitthvað til að
halda sér í. Með endurtekinni
hlustun opnast þó fyrir áheyranda
undraheimur, töfrandi fegurð og
djúpur tregi.
Sum laganna eru ekki nema
skissur, heillandi og horfin áður en
maður nær að festa hendi á þeim,
til að mynda kemur „Hole“ og fer
án þess að maður verði var við
nema uppkast að skemmtilegri lag-
línu, og „Love on a Couch“ er rétt
byrjað þegar það er búið, skemmti-
lega jarðbundið með hljóðfæra-
marri og braki.
Þeir Slowblow-félagar hafa ótrú-
legustu stílbrigði á valdi sínu,
vissulega flest tengd órafmögnuð-
um hljóðfærum og óhreinum
hljómum, en þó fjölskrúðug. Sjá til
að mynda þunglamalegan gervi-
djassinn í „Dinner, banjóið gefur
„Hillbilly“ viðeigandi“ Appalach-
ian-blæ, og „Groove“ er grodda- og
losaralegt rokk með plötuskrámi.
Harmaljóð Sjostakovitsj er einkar
fallegt og vel flutt á disknum, gef-
ur honum mjög skemmtilega
breidd.
Eins og getið er er framlag
þeirra Slowblow félaga í senn æv-
intýralegt og heillandi, en Sigríður
Níelsdóttir er þó stjarna disksins.
Hún á á honum tvö lög, „Morg-
unn“, sem hljómar eins og kynn-
ingarlag í barnatíma anno 1880 eða
svo, sérdeilis létt og skemmtileg
samsetning, og svo „Komdu litla
barnið“, snilldarlag sem þrungið er
trega þess sem sér barnið vaxa úr
grasi og hverfa á braut. Lagið er
vel samið, hljómarnir rísa og hníga
eins og andardráttur barns, og
undirspilið smekklegt. Sigríður
syngur lagið af miklu næmi, frá-
bært lag og flutningur.
Eina lagið sem sungið er á
disknum, að lagi Sigríðar frátöldu,
er lokalag hans, „Aim for a Smile“.
Það stingur nokkuð í stúf við það
sem á undan er komið, er til að
mynda mun nær hefðbundinni tón-
list en önnur lög og lagabrot á
disknum. Það er þó bráðgott engu
að síður og virkar eins og eins-
konar samantekt á því sem á und-
an er komið, ekki síst þar sem
harmljóð Sjostakovitsj skilur það
frá annarri tónlist á disknum.
Þessi diskur Slowblow er einna
skemmtilegastur áheyrnar fyrir þá
fjölmörgu sem séð hafa myndina
því brot úr henni standa manni
ljóslifandi fyrir hugskotssjónum
þegar hlustað er á hann. Hann er
þó einnig talsverð skemmtun fyrir
þá sem ekki hafa séð myndina og
búa því til eigin myndskreytingu
við hæfi.
Töfrandi
fegurð og
djúpur tregi
Slowblow
Nói albínói
Tónlistin úr kvikmyndinni Nóa albínóa eft-
ir Dag Kára Pétursson. Tónlistina sömdu
þeir og útsettu Dagur Kári og Orri Jóns-
son sem skipa dúettinn Slowblow. Þeir
léku líka á flest hljóðfæri. Tvö lög á Sig-
ríður Níelsdóttir, semur þau og flytur.
Árni Matthíasson
KVARTETTINN Rodnet hefur
leikið tvisvar á Íslandi og er skip-
aður finnska trompetleikaranum
Jarkko Hakala, Hauki Gröndal sax-
ista úr Garðabæ,
norska bassaleik-
aranum Lars Tor-
mod Jenset og
Helga Svavari
Helgasyni tromm-
ara frá Siglufirði.
Þeir félagar hafa starfað saman með
hléum í nær þrjú ár og kynntust á
Rýþmíska konservatoríinu í Kaup-
mannahöfn. Tónlistin þeirra, sem að
mestu er samin af Hauki Gröndal,
er að hluta frjálsleg en þó er hinn
hefðbundni þáttur sterkari enda
hljóðfæraleikararnir vel menntaðir í
nýboppi margsháttar.
Skífan er glettilega góð og betri
en tónleikar þeirra er ég hef heyrt.
Hún hefst á „Repp“ eftir Hauk,
nefnt í höfuð frænda hans Þorleifi
Repps. Þar er lýrísk lína lögð í sam-
stiga blæstri undir ferskum hryn.
Jarko Hakala blæs fallegan sóló og
svo tekur við argur spuni Hauks,
einsog Repp gamli sé stiginn framá
sjónarsviðið í frægri doktorsvörn
við Hafnarháskóla. Við tekur haden-
ískur bassi og laglínan „Pasquale“
þar sem höfundurinn Hakala blæs
lýrískt að vanda. „Evil beaver“ er
eitt besta verk skífunnar, skrifað af
Hauki. Þar leiðir Hakala okkur til
fæðingarborgar djassins og blæs
undurmjúkt og breitt en þótt Hauk-
ur Gröndal hefji klarinettsóló sinn á
svipuðum nótum kreólskum er hann
fljótlega kominn að mörkum hins
frjálsa og bundna og svo tekur við
bassasóló af Garrisonættinni áður
en aftur er haldið á hinar klassísku
djassslóðir. Eftir stuttan spunakafla
upphefst enn ein melódían úr
söngvabók Hauks, „Alphonso“, en
að þessu sinni samin með bassaleik-
aranum norska. Hrynurinn er
fönkkendur en tónlistin ekki; meirað
segja skýtur Ornette upp kollinum í
melódíunni einsog svo oft. Síðustu
fimm ópusarnir eru eftir Hauk ein-
an; „Mekkanó“ er postbopplínan og
rokktakturinn ríkir, skemmtilegur
samspuni frjálslegur hjá blásurun-
um og Jenset leikur fínan bogasóló.
„Sulta“ er bopplína, en af Ornette
ættinni þó. Frjáls samspuni blás-
aranna um stund án hryns og svo
kemur gamli góði Helgi hinn hryn-
fasti og slær meirað segja sóló í
klassískum nýboppstíl. „The bald
guy“ er stutt dramatískt verk, þá
tekur altóinn einn við í „Podex“, fínn
tónn hjá Gröndal með Vesturstrand-
arsniði; þremenningarnir bætast í
hópinn en bæta þó litlu við – maður
saknar þess að heyra Gröndal ekki
spinna einan lengur þó trompetsóló
Hakala sé laglegur og breiðtóna
með frjálslegum tilþrifum en ríg-
bundinn þó. Í lokalaginu, „The
donkey on the mountain“, er Hakala
afturá móti með alla frjálsdjassstæl-
ana; ýlfrið og afskræmda tóninn –
kannski er hann í hlutverki apans –
en undir klarinett Hauks með
klezmerblæ.
Aðall skífunnar eru tónsmíðarnar
og samspilið og þótt ýmsir sólóar
hafi verið góðir, þá sérí lagi hjá
Jarko Hakala, sem minnir oft á
snillinga á borð við Howard Rob-
inson sem hér blés á síðustu
djasshátíð með Hilmari Jenssyni, þá
skipta þeir minna máli en samspilið.
Haukur Gröndal er aflvaki og höf-
uðábyrgðarmaður þessa kvartetts
og það er gleðilegt að heyra tón-
skáldskap í þeim gæðaflokki sem
má heyra á Beautiful monster. Með
Hauki Gröndal hefur efnilegt tón-
skáld haslað sér völl í Íslandsdjass-
inum.
Þetta er skífa sem allir djassunn-
endur sem ekki eru fangar hins fjór-
skipta takts verða að eignast. Hún
er afrakstur mikillar vinnu og hæfi-
leika skapandi tónlistarmanna, sem
leita nýjrra leiða á þekktum stígum.
Tónlist
Norræn
samvinna af
bestu gerð
Rodent
Beautiful monster
RODENT 0401
Nýr geisladiskur með norrænu djass-
sveitinni Rodent. Jarkko Hakala tromp-
et, Haukur Gröndal altósaxófón, klarin-
ett og bassetthorn, Lars Tormod Jenset
bassa og Helgi Svavar Helgason tromm-
ur. Hljóðritað í Stúdíó Sýrlandi í janúar
2004.
Vernharður Linnet
Bílskúrshurðir
Iðnaðarhurðir
Sími 594 6000
Bæjarflöt 4, 112 R.vík
NÝTT: Miðasala á netinu
www.borgarleikhus.is
Stóra svið Nýja svið og Litla svið
DON KÍKÓTI eftir Miguel de Cervantes
Su 13/6 kl 20
SÍÐASTA SÝNING Í VOR
CHICAGO eftir J. Kander, F. Ebb og B. Fosse
Lau 12/6 kl 20,
Lau 19/6 kl 20
SÍÐUSTU SÝNINGAR Í VOR
DANSLEIKHÚS 10/06/2004 SAMKEPPNI
9 verk eftir 14 höfunda
Fi 10/6 kl 20 - Kr. 2.500
Áhorfendaverðlaun - diskótek
BELGÍSKA KONGÓ eftir Braga Ólafsson
Su 13/6 kl 20
SÍÐASTA SÝNING
RÓMEÓ OG JÚLÍA e. Shakespeare
í samstarfi við VESTURPORT
Í kvöld kl 20 - UPPSELT
Fi 10/6 kl 20, - UPPSELT
Fö 11/6 kl 20 - UPPSELT
Lau 12/6 kl 15
Lau 12/6 kl 20- UPPSELT
SÍÐUSTU SÝNINGAR
TANZ THEATER HEUTE - LJÓSMYNDASÝNING
í samvinnu við Goethe Zentrum - Í FORSAL
Miðasala: 568 8000
Nýr opnunartími: Mánudaga og þriðjudaga: 10:00 - 18:00
miðviku-, fimmtu- og föstudaga: 10:00 - 20:00
laugardaga og sunnudaga: 12:00 - 20:00
www.borgarleikhus.is midasala@borgarleikhus.is
Fim. 24. júní FRUMSÝNING kl. 19.30 - UPPSELT
Fös. 25. júní Sýning nr. 2 kl. 19.30 - UPPSELT
Mið. 30. júní Sýning nr. 3 kl. 19.30 - ÖRFÁ SÆTI
Fim. 1. júlí Sýning nr. 4 kl. 10.30 - FÁ SÆTI
Fös. 2. júlí Sýning nr. 5 kl. 19.30 - LAUS SÆTI
Sun. 4. júlí Sýning nr. 6 kl. 17.00 - LAUS SÆTI
Lau. 10. júlí Sýning nr. 7 kl. 16.30 - LAUS SÆTI
Lau 10. júlí Sýning nr. 8 kl. 19.30 - FÁ SÆTI
Besti leikari í aðalhlutverki: Gunnar Eyjólfsson
Besti leikari í aukahlutverki: Björn Thors
Besta leikmynd: Gretar Reynisson
Besta leikskáld: Ólafur Haukur Símonarson
til Grímunnar
– Íslensku leiklistarverðlaunanna
4 tilnefningar
Allra síðustu sýningar fös. 11/6 og lau. 12/6!