NT - 21.05.1984, Page 14

Spegill
Leiðin frá lömunarveiki til stjörnu■
frægðar hefur verið löng og ströng
■ Árið 1952, fyrir daga
mxnuveikisbólusetninga, fékk
lítil stúla í Phoenix í Arizona,
Bandaríkjunum, lömunarveiki
með þeim atleiðingum, að hún
lamaðist frá mitti og niður úr.
En stúlkan var kjarkmikil og í
höndum góðra lækna, og svo
fór með tímanum, stífri þjálf-
un og góðri læknisaðstoð, að
hún fékk máttinn að mestu
aftur. Nú er það bara vinstri
fótleggurinn, sem ekki hlýðir
henni alveg, hún þarf að nota
spelkur við hann.
Christopher Templeton
heitir stúlkan, sem nú er orðin
fullorðin og á góðri leið með
að verða viðurkennd leikkona.
Hún stundaði leiklistarnám í
heimabæ sínum og siðan lá
leiðin til Hollywood, þar sem
hún fékk vinnu á snærum aug-
lýsingastofu einnar. Henni var
þó gert ljóst, að það væri
einungis í tilraunaskyni.
-Mér var sagt, að það væri
óvíst að hægt væri að nota mig
í auglýsingar vegna fötlunar-
innar, en það var viðurkennt
að ég hefði hæfileika og væri
ákveðin í að ná settu marki,
segir hún.
Smám saman fór hún að fá
tækifæri til að koma fram í
sjónvarpsþáttum og nú er hún
búin að vinna sér fastan sess í
sjónvarpsþáttunum „The Yo-
ung and the Restless" f hlut-
verki kynbombu, en þar er
bæklun hennar notuð til að
gefa aðeins geðslegri mynd af
yfirmanni hennar sem mestan
part er mesta hörkutól, en ber
blíðar tilfinningar tii höltu
stúlkunnar.
Allt er þetta gott og blessað,
en Christopher segir sig
dreyma um að fá úrval af
hlutverkum, sem ekki byggjast
einvörðungu á fötlun hennar.
■ Söngleikurinn West Side Story, sem
stundum hefur veriö nefndur Saga úr vestur-
bænum á íslensku, virðist nú vera að lifna við
á ný. Leikurinn var frumsýndur í London 16.
maí og flogið hefur fyrir, að Þjóðleikhúsið
okkar hugleiði að taka hann til sýningar að
ári.
West Side Story var fyrst sýndur á sviði á
Broadway 1957 og naut þá þegar óhemju
vinsælda. Ekki naut kvikmyndin, sem gerð
var eftir söngleiknum 1961, minni vinsælda
og má segja, að tónlistin, sem er eftir
Leonard Bernstein, sé orðin sígild. Kvik-
myndin hlaut 10 Óskarsverðlaun á sínum
tíma.
f West Side Story segir frá tveim unglinga-
gengjum í vesturbænum á Manhattan, sem
kallaður er manna á meðal West Side.
Annað þessara gengja kallar sig Þoturnar
(The Jets) og er skipað hvítum unglingum,
en hitt, sem unglingar frá Púerto Ríkó eru í,
nefnir sig Hákarlana (The Sharks). Þessir
tveir hópar eiga í sífelldum erjum og víla
jafnvel ekki fyrir sér að verða andstæðingum
sínum að bana.
Aðalsöguhetjurnar eru Maria

litla systir
foringja Hákarlanna, og Tony, fyrrverandi
foringi Þotanna. Þau eiga saman ástarævin-
týri, sem er dæmt til að eiga sér sorgleg
endalok.
í kjölfar sýninganna á West Side Story í
London er búist við mikilli

sprengmgu í
tískuheiminum þar sem tískan frá 6. áratugn-
um kemur til með að endurheimta virðingu

■ Kvikmyndaútgáfan af West Side
Story var gerð 1961. Hér sjáum við
atriði, þar sem Hákarlarnir og Þot-
urnar taka dans saman og Maria og
Tony hittast í fyrsta skipti. Með
hiutverk Mariu fór Natalie Wood, en
Richard Beymer lék Tony.
■ Svona var tískan á árunum 1950-
1960. Víð, hringskorin pils með mörg-
um undirpilsum, mjóir pinnahælar,
niðurbrotnir háleistar, taglgreiðslur,
„stretcht( buxur, sem mjókka niður,
allt var þetta ómissandi klæðnaður
ungu stúlknanna á þeim tíma. Strákarn-
ir voru alsælir ef þeir komust yfír
gallabuxur, með réttu sniði að sjálf-
sögðu, skyrtubol og sportlega jakka.
Himnasælan var að komast yfír
rússskinnsjakka.