NT - 28.06.1984, Blaðsíða 18

Rás2
udagur 28. júní 1984 18
Allt í góðu
gengi og
lenging
líkleg
■ Ýmsar sögur hafa verið í
gangi um að Rás 2 sé nú mjög
að braggast og jafnvel sé von á
lengingu dagskrár. Þegar við
hringdum í Þorgeir Ástvalds-
son rásarstjóra var hann ein-
mitt að bíða eftir simtali sem
staðfesti lengingu dagskrárinn-
ar. Við spurðum hvernig
gengi.
„Auglýsingar hafa stórauk-
ist, og það er greinilega vegna
niðurstaðna skoðanakönnun-
arinnar. Annars má segja að
allt frá byrjun hafi tekjur af
auglýsingum aukist jafnt og
þétt, mánuð eftir mánuð. Það
er nú svona það ánægjulegasta
í þessu. Þá fyrst er hægt að tala
um lengingu þegar aurar eru
komnir til að spila úr. Tekjur
af auglýsingum verða að
standa undir Rásinni þannig
að hún verði ekki baggi á
stofnuninni."
Hvernig verður lengingin
framkvæmd?
„Þær hugmyndir um leng-
ingu sem nú eru í gangi eru
fólgnar í því að komast út fyrir
vinnutímann, sem útsendingin
miðast nú við. Það hefur kom-
ið fram í útvarpsráði að fimmtu-
dagskvöld og helgar væru
vænlegustu tímarnir, en það er
ekki gleypt allt í einu. Eg hef
mestan áhuga á helginni, með
sumarið í huga, að það verði
prógramm á laugardags- og
sunnudagseftirmiðdögum sem
höfðitil mannlífsaðsumarlagi.
Hvort fimmtudagskvöld
verði með strax efast ég um.
Það þarf töluvert til að hrista
fram úr erminni 15 tíma leng-
ingu á dagskrá."
Það virðast semsagt tölu-
verða líkur á lengingu dag-
skrár á Rásinni.
■Þorgeir Ástvaldsson.
Tvíund
- Þáttur um unga klassíska söngvara
■ Síðasta atriðið á dagskrá
kvöldsins fyrir utan fréttirnar
er þátturinn Tvíund. Það eru
þær Jóhanna V. Þóhallsdóttir
og Sonja B. Jónsdóttir sem
stjórna þættinum og var Jó-
hanna fengin í örstutt spjall
um þáttinn. Það voru hæg
heimatökin því Jóhanna vinn-
ur í sumar sem lay-out kona á
NT.
„Þátturinn er tónlistarþáttur
og verða aðallega leiknar
plötur með ungum og upp-
rennandi söngvurum sem
sjaldan eru spilaðar í útvarp-
inu.
Efnisvalið ræðst af því hvað
þessir söngvarar hafa sungið
inn á plötur og verður megin-
uppistaðan því sennilega
óperuaríur og Ijóðasöngur. í
fyrsta þætti sem verður nokk-
urs konar kynning á því sem í
vændum er verða lög úr ýmsum
áttum með nokkrum söngvur-
um. T.a.m. hlustum við á hina
frábæru mezzósópransöng-
koou Brigitte Fassbaender
syngja eitt Ijóð úr Dichterliebe
Schumanns og sænski barítón-
söngvarinn Hákon Hágegárd
syngur An Clöe eftir Mozart."
- Verða þetta margir
þættir?
„Þetta verða 7-8 þættir ann-
an hvern fimmtudag. f fram-
tíðinni er svo ætlunin að kynna
tvo söngvara í hverjum þætti.“
Nú varst þú þekkt sem söng-
kona í Diabolus In Musica og
ert nú í söngnámi í Manchest-
er. Hvað kom til?
Ég hafði áður stundað söng-
nám með vinnu og námi sem
er, skal ég segja þér, ansi
■ Jóhanna Þórhallsdóttir og Sonja B. Jónsdóttir
þreytandi til lengdar því þá
hefur maður aldrei tíma til að
æfa sig. Mér fannst ég annað-
hvort þurfa að skella mér af
fullum krafti út í nám, eða þá
bara að hætta þessu. Hér
heima var ég í Tónskóla Sigur-
sveins D. Kristinssonar en þar
lágu leiðir okkarSonju, sem er
með þáttinn með mér, saman.
Við vorum báðar í söngnámi
hjá John Speight. Það var svo
í fyrra sem ég fór til Manchest-
er og er þar í Royal Northern
College of Music.“
Hvernig líkar þér í Bret-
landi?
„Mér líkar vel í skólanum,
er ánægð með kennarann minn
og svona. En þetta er geypi
dýrt nám svo að maður hefur
eilífar áhyggjur af peningamál-
unum og ekki er laust við að
maður sé spenntur að vita
hvernig námslánum verður
háttað næsta vetur.“
Rokkrásin
- Fjallað um feril Pink Floyd 1973-1984
■ í dag verður síðari þáttur
þeirra Skúla Helgasonar og
Snorra Skúlasonar um Pink
Floyd. Fyrri þættinum var út-
varpað fyrir hálfum mánuði og
var hann um tímabilið frá
1965-1973, þegar Dark Side
Of The Moon kom út, en
■ Leikarar og leiksfjóri leikritsins „Hjálp“ í upptöku í útvarpinu. NT-mynd Árni Bjarna
Útvarp kl. 20.30:
1 vitiffc Hi
uivarpbiemrmo ^nj |aip
■ í kvöld kl. 20.30 verður
flutt útvarpsleikritið „Hjálp“
eftir Dieter Hirschberg í þýð-
ingu Hafliða Arngrímssonar.
Leikritið fjallar um mann
nokkurn sem býr með fjöl-
skyldu sinni í stórum fjölbýlis-
kjarna í úthverfi stórborgar.
Honum berast tölvurituð fyrir-
mæli um að hafa öll Ijós kveikt
í svefnherbergi sínu L alls 16
nætur í röð. Hann er kallaður
fyrir sakadómara vegna þessa
máls og er spurður margra
einkennilegra spurninga um
hagi sína og viðbrögð við þess-
um undarlegu fyrirmælum.
Leikendur eru: Þorsteinn
Gunnarsson, Erlingur Gísla-
son, Bríet Héðinsdóttir og
Valur Gíslason.
Leikstjóri er Andrés Sigur-
vinsson og tæknimaður Friðrik
Stefánsson.
■ Þessi kona prýddi umslag-
ið á sólóplötu Rogers Waters,
höfuðpaurs Pink Floyd sálugu,
sem væntanlega verður spilað
seinni þátturinn verður um fer-
il hljómsveitarinnar frá því að
sú plata kom út og fram til
dagsins í dag.
Þar með eru taldar sóló-
plötur meðlimanna, tvær sóló-
plötur David Gilmour og ein
plata Roger Waters. Aðspurð-
ur að því hvort hljómsveitin
væri hætt sagði Skúli að það
væri nokkuð víst, a.m.k. í bili.
„Hljómsveitin var orðin
ótrúlega mikið fyrirtæki undir
lokin, þeir gátu þá ekki flutt
tónleika sína. eins og t.d. The
Wall nema í allra stærstu
borgum, Los Angeles, New
York og London."
Hvort finnst þér meira gam-
an að Pink Floyd eins og þeir
voru fyrir 1973 eða eftir?
„Það er erfitt að segja, þetta
er ólík tónlist. Ég hef gaman af
báðum tímabilunum, en það
er varla hægt að segja að þetta
sé sama hljómsveitin. Það var
skemmtilegur flippmórall hjá
þeim á meðan Syd Barrett var
með, en svo verður þetta allt
tæknilegra, glæsilegra og
þyngra.“
1 næsta þætti Rokkrásarinn-
ar munu þeir félagar síðan
taka fyrir hljómsveitina
Cream.
Útvarp kl. 23.
Rás2kl. 16.
Fimmtudagur
28. júní
7.00 Veðurfregnir. Fréttir. Bæn. í
bítið. 7.25 Leikfimi.
8.00 Fréttir. 8.15 Veðurfregnir.
Morgunorð - Jón Hjartar talar.
9.00 Fréttir.
9.05 Morgunstund barnanna:
„Jerútti heimsækir Hunda-
Hans“ ettir Cecil Bödker Stein-
unn Bjarman les þýðingu sína (4).
9.20 Leikfimi. 9.30 Tilkynningar.
Tónleikar. Þulur velur og kynnir.
10.00 Fréttir. 10.10 Veðurfregnir. For-
ustugr. dagbl. (útdr.) Tónleikar.
11.00„Ég man þá tíð“ Lög frá
liðnum árum. Umsjón: Hermann
Ragnar Stefánsson.
11.30 „Nefið“, smásaga effir Nikol-
aj Gogol Guðjón Guðmundsson
les seinni hluta þýðingar sinnar.
12.00 Dagskrá. Tónleikar. Tilkynn-
ingar.
12.20 Fréttir. 12.45 Veðurfregnir. Til-
kynningar. Tónleikar.
14.00 „Endurfæðingin" eftir Max
Ehrlich Þorsteinn Antonsson les
þýðingu sína (20).
14.30 Á frívaktinni Sigrún Sigurðar-
dóttir kynnir óskalög sjómanna.
15.30 Tilkynningar. Tónleikar.
16.00 Fréttir. Dagskrá. 16.15 Veður-
fregnir.
16.20 Síðdegistónleikar. Jascha
Heitetz og Brooks Smith leika
fiðlusónötu i Es-dúr eftir Richard
Strauss / York blásarasveitin leikur
Svítu op. 57 eftir Charles Lefebvre.
17.00 Fréttir á ensku
17.10 Síðdegisútvarp Tilkynningar.
18.45 Veðurtregnir. Dagskrá
kvöldsins.
19.00 Kvöldfréttir. Tilkynningar.
Daglegt mál. Mörður Árnason
19.50 Vlð stokkinn Stjórnandi:
Gunnvör Braga.
20.00 Sagan: „niður rennistigann"
eftir Hans Georg Noack Hjalti
Rögnvaldsson les þýðingu Ingi-
bjargar Bergþórsdóttur (2).
20.30 Leikrit: „Hjálp“, útvarps-
leikrit eftir Dieter Hirschberg
Þýðandi: Hafliði Arngrimsson.
Leikstjóri: Andrés Sigurvinsson.
Leikendur: Þorsteinn Gunnarsson,
Eriingur Gíslason, Bríet Héðins-
dóttirog Valur Gíslason.
20.50 Söngvari í nærmynd Guðrún
Guðlaugsdóttir ræðir við Kristján
Jóhannsson.
22.00 „Barátta“, smásaga eftir
Jennu Jónsdóttur Höfundur les.
22.15 Veðurfregnir. Fréttir. Dagskrá
morgundagsins. Orð kvöldsins.
22.35 Lýriskir dagar. Fyrstu Ijóða-
bækur ungra skálda 1918-25. 4.
þáttur: „Rökkursöngvar" eftir
Kristmann Guðmundsson.
Gunnar Stefánsson tók saman.
Lesari með honum: Kristín Anna
Þórarinsdóttir.
23.00 Tvíund. Þáttur fyrir söng-
elska hlustendur. Umsjón: Jó-
hönnu V. Þórhallsdóttur og Sonju
B. Jónsdótyttur
23.45 Fréttir. Dagskrárlok.
Fimmtudagur
28. júní
10.00-12.00 Morgunþáttur, kl. 10.30
Innlendir og erlendir fróttapunktar
úr dægurtónlistarlífinu. Upp úr
ellefu: Fréttagetraun úr dagblöð-
unum. Þátttakendur hringja í plötu-
snúð. kl. 12.00-14.00: Símatími
vegna vinsældalista: Stjórnendur:
Páll Þorsteinsson, Ásgeir Tómas-
son og Jón Ólafsson.
14.00-16.00 Eftir tvö Létt dægurlög.
Stjórnendur: Pétur Steinn Guð-
mundsson og Jón Axel Ólafsson.
16.00-17.00 Rokkrásin Kynning á
Pink Floyd - seinni hluti. Stjórn-
endur: Snorri Skúlason og Skúli
Helgason.
17.00-18.00 Einu sinni áður var Vin-
sæl lög frá 1955 til 1962 = Rokk-
timabilið. Stjórnandi: Bertram
Möller.
Föstudagur
29. júní
19.35 Umhverfis jörðina á áttatíu
dögum Áttundi þáttur. Þýskur
brúðumyndaflokkur. Þýðandi Jó-
hanna Þráinsdóttir. Sögumaður
Tinna Gunnlaugsdóttir.
19.45 Fréttaágrip á táknmáli
20.00 Fréttir og veður
20.30 Auglýsingar og dagskrá
20.40 Á döfinni Umsjónarmaður Karl
Sigtryggsson. Kynnir Birna Hrólfs-
dóttir.
20.50 Grínmyndasafnið 1. Hótel-
sendillinn Skopmyndasyrpa frá
árum þöglu myndanna með Char-
lie Chaplin og Larry Semon.
21.05 Heimur forsetans Breskur
fréttaskýringaþáttur um utanríkis-
stefnu Ronalds Reagans forseta
og samskipti Bandarikjamanna við
aðrar þjóðir í stjórnartið hans.
Þýðandi ögmundur Jónasson.
22.00 Sviplegur endir (All Fall
Down) Bandarísk biómynd frá
1962. Leikstjóri: John Franken-
heimer. Aðalhlutverk: Warren Be-
atty, Brandon de Wilde, Angela
Lansbury, Karl Malden og Eva
Marie Saint. Unglingspiltur litur
mjög upp til eldri bróður síns sem
er spilltur af eftirlæti og mikið
kvennagull. Eftir ástarævintýri,
sem fær hörmulegan endi, sér
pilturinn bróður sinn i öðru Ijósi.
Þýðandi Guðrún Jörundsdóttir.
23.45 Fréttir i dagskrárlok.