Morgunblaðið - 04.08.2004, Blaðsíða 1
STOFNAÐ 1913 209. TBL. 92. ÁRG. MIÐVIKUDAGUR 4. ÁGÚST 2004 PRENTSMIÐJA ÁRVAKURS HF. mbl.is
Stuldur eða
tilviljun?
Mankell sakaður um að nota hug-
myndir Arnaldar í glæpasögu | Listir
Bílar og Íþróttir í dag
LÖGREGLAN í Reykjavík fann í
gær líkið af Sri Rhamawati, sem
saknað hefur verið frá júlíbyrjun, í
þriggja metra djúpri hraunsprungu
í nágrenni Hafnarfjarðar. Grjót
hafði verið sett yfir líkið og telur
lögregla fullvíst að það hefði aldrei
fundist nema vegna þess að Hákon
Eydal, banamaður Sri, féllst í gær á
að greina frá staðsetningu þess.
Ómar Smári Ármannsson aðstoð-
aryfirlögregluþjónn segir að lög-
regla hafi aldrei lagt fullan trúnað á
þá frásögn Hákonar að hann hafi
kastað líkinu fram af klettum við
Hofsvík á Kjalarnesi. Þegar rekald
hafi verið sett fram af klettunum
hafi enn komið í ljós að frásögn hans
stóðst ekki.
Síðdegis í gær fór Hákon með
rannsóknarlögreglumönnum og
mönnum úr tæknideild að hrauninu
og benti þeim á staðinn þar sem
hann faldi líkið.
Líkið var í drapplituðum sænsk-
um póstpoka úr næloni, líkt og Há-
kon hafði áður greint frá, og var
bundið fyrir hann með gallabuxum.
Pokinn var þakinn grjóti og þurfti
að bregða böndum á suma hnull-
ungana til að ná þeim upp úr
sprungunni. Einnig varð að draga
pokann upp með böndum. Hraun-
gjótan sem um ræðir er um þriggja
metra djúp og svo þröng að aðeins
einn lögreglumaður komst þar fyrir
til að ná grjóti ofan af líkinu.
Ættingjum Sri var greint frá lík-
fundinum í gærkvöld og segir Ómar
Smári ljóst að þungu fargi sé af
þeim létt.
Áður leitað á svæðinu
Ómar Smári segir að tvíleitað
hafi verið á svæðinu þar sem líkið
var falið en menn hafi einskis orðið
varir. Líkið hefði aldrei fundist
hefði ekki verið bent á felustað þess.
Ekki sé hægt að greina nánar frá
staðsetningu sprungunnar þar sem
enn eigi eftir að ljúka vettvangs-
rannsókn. Hann vildi ekkert segja
til um hvort morðvopnið hefði fund-
ist.
Hinn 27. júlí sl. fór Hákon með
lögreglumönnum upp á Kjalarnes
og sýndi þeim staðinn þar sem hann
kvaðst hafa kastað líkinu fram af
klettum í Hofsvík. Í kjölfarið grand-
skoðuðu kafarar víkina og björgun-
arsveitarmenn gengu fjörur frá
Geldinganesi að Hvalfirði. Á mánu-
dag var svo reynt að líkja eftir reki
líksins, en rekaldið hafnaði í fjöru-
borðinu og hreyfðist lítið sem ekk-
ert úr stað meðan á tilrauninni stóð.
Ómar Smári vildi koma á fram-
færi þökkum til þeirra sem hafa að-
stoðað lögreglu við rannsóknina.
„Svona rannsóknir geta tekið tíma
og það þarf að vinna þær stig af stigi
til að þær skili niðurstöðu.“
Morgunblaðið/Júlíus
Rannsóknar- og tæknideildarmenn lögreglunnar í Reykjavík við hraungjótuna. Líkið var þakið grjóti og aðstæður á fundarstaðnum erfiðar.
Líkið fundið í hraungjótu
Banamaður Sri Rhamawati vísaði
lögreglunni á réttan felustað í
hrauninu við Hafnarfjörð í gær
DAVÍÐ Oddsson forsætisráðherra var í
gærmorgun skorinn upp öðru sinni þar sem
niðurstöður rannsókna í framhaldi af fyrri
skurðaðgerð sýndu að illkynja mein væri í
skjaldkirtli. Læknar Landspítala – háskóla-
sjúkrahúss ákváðu að fjarlægja skjaldkirt-
ilinn og nærliggjandi eitla. Í frétt frá forsæt-
isráðuneytinu segir að
ráðherra heilsist vel og
að læknar segi batahorf-
ur hans mjög góðar.
Davíð lagðist inn á
sjúkrahús 21. júlí sl.
vegna gallblöðrubólgu.
Við rannsókn kom í ljós
staðbundið æxli í hægra
nýra hans, sem var síðan
fjarlægt með skurðaðgerð. „Við rannsókn
samfara skurðaðgerðinni staðfestist að um
algjörlega staðbundið mein var að ræða, sem
auðvelt reyndist að fjarlægja. Bati ráð-
herrans eftir þessa aðgerð hefur verið góður
og eðlilegur og engin eftirköst komu í ljós,“
segir í fréttinni.
Næstu daga gekkst Davíð undir umfangs-
miklar rannsóknir, sem leiddu í ljós illkynja
mein í skjaldkirtlinum. Engin tengsl eru
sögð milli þessara meina. Ráðherrann mun
dvelja nokkra daga enn á sjúkrahúsinu til að
jafna sig og verða frá störfum nokkrar næstu
vikur þar til hann hefur náð fullum bata.
„Davíð Oddsson og fjölskylda hans vilja
koma á framfæri einlægu þakklæti til lækna
þeirra og hjúkrunarfólks og annars starfsliðs
Landspítala – háskólasjúkrahúss sem annast
hefur forsætisráðherra af mikilli þekkingu,
fagmennsku og hlýju. Jafnframt vilja þau
koma á framfæri kveðjum og þökkum til þess
gríðarlega fjölda einstaklinga sem hefur sent
forsætisráðherra og fjölskyldu hans fallegar
kveðjur, góðar óskir og fyrirbænir. Þessar
góðu kveðjur og sú mikla hlýja sem þær hafa
fært með sér eru ráðherranum og fjölskyldu
hans mikilvægur styrkur við þessar erfiðu
aðstæður,“ segir í frétt ráðuneytisins.
Forsætis-
ráðherra
skorinn upp
öðru sinni
LÖGREGLAN í Ósló leitaði í gær að manni
sem gekk berserksgang í sporvagni í mið-
borginni og stakk að minnsta kosti sex
manns með hnífi. Einn þeirra lést af sárum
sínum og a.m.k. tveir voru í lífshættu, að því
er fram kom á fréttavef Aftenposten.
Maðurinn stakk fyrst fimm manns í aft-
asta vagninum, hljóp síðan út og stöðvaði
bíl. Stakk hann ökumanninn og ók á brott í
bílnum sem fannst síðar mannlaus.
Að sögn lækna á Ullevål-sjúkrahúsinu
var komið þangað með karl og konu, sem
fengið höfðu lífshættulegar stungur í
brjóstið, og á Aker-háskólasjúkrahúsinu
voru tveir mikið særðir eftir árásina.
Vitni segja, að árásarmaðurinn hafi verið
af afrískum uppruna. Var hans leitað í gær-
kvöld en þá var hnífurinn kominn í leitirnar.
Gekk berserksgang með
hníf í sporvagni í Ósló
Scanpix
Lögreglan í Ósló á vettvangi í gær en árásin átti sér stað í aftasta
vagni sporvagnsins. Var árásarmannsins ákaft leitað í gærkvöld af
fjölmennu lögregluliði. Hnífurinn, morðvopnið, var þá fundinn.
Drap einn og særði
fimm, suma alvarlega
BRESKA lögreglan handtók í gær
13 manns, sem grunaðir eru um að
tengjast hryðjuverkasamtökum.
Stóðu aðgerðir enn yfir í gærkvöld
og var búist við að handtökunum
ætti eftir að fjölga.
Lögreglan sagði að 13 hefðu verið
handteknir, með vísan til hryðju-
verkalaga, í nokkrum borgum, meðal
annars London, eftir að fylgst hefði
verið með þeim um skeið. Væru þeir
grunaðir um að hafa komið að und-
irbúningi eða hvatt til hryðjuverka.
Ekki er vitað hvort handtökurnar
tengjast auknum hryðjuverkavið-
búnaði í Bandaríkjunum en breska
innanríkisráðuneytið varaði á sunnu-
dag við „raunverulegri hættu“ á
hryðjuverkum í Bretlandi.
Þrettán
handteknir
í Bretlandi
London. AP, AFP.
Gögn/15
Bílar | Ofmetnustu bílarnir Dagbók drullumallara
Citroën C8 fyrir stórfjölskylduna Íþróttir | FH-
ingar neita að spila á skosku gervigrasi Marcello
Lippi stýrir Ítölum í fyrsta sinn á Íslandi