Morgunblaðið - 04.08.2004, Blaðsíða 30
AFMÆLI
30 MIÐVIKUDAGUR 4. ÁGÚST 2004 MORGUNBLAÐIÐ
Það er svo merkilegt hvað sam-
ferðafólk manns á lífsleiðinni er mis-
munandi miklir áhrifavaldar á fram-
vindu lífs manns sjálfs. Sigurjón
Ágústsson svili minn, sem er áttræð-
ur í dag, og Gréta Guðráðsdóttir mág-
kona mín, sem verður 65 ára 21.
ágúst, eru slíkir áhrifavaldar í mínu
lífi. Grétu kynntist ég þegar við Hulda
eiginkona mín hófum samband á
árinu 1954 og Sigurjóni þegar þau
Gréta hófu samband árið 1956. Ég
man hvað okkur fannst það skrítið að
hún, aðeins 17 ára gömul, skyldi sýna
þessum 32 ára gamla manni áhuga.
Við Hulda vorum þá 18 og 19 ára
gömul og töldum það fráleitt að eiga
samleið með fólki á þessum aldri. En
það breyttist fljótt þegar við fundum
út hvern mann Sigurjón hafði að
geyma. Gréta og Hulda eru svo til
jafnaldra, aðeins rúmt ár á milli
þeirra, og samband þeirra mjög náið.
Af þessum sökum kynntumst við Sig-
urjón fljótlega vel og hafa þau kynni
staðið til þessa dags. Sigurjón vann
lengst af starfsævi sinni hjá Ríkisend-
urskoðun og Gréta hjá Hagstofu Ís-
lands. Þau byggðu sér íbúð í sam-
býlishúsi við Skaftahlíð í Reykjavík
þar sem þau fluttu inn á brúðkaups-
daginn og þar fæddust þeim tvö
myndarleg börn, þau María og Guð-
ráður, sem hafa svo getið þeim tíu
barnabörn. Gréta og Sigurjón hafa
alltaf verið mjög lífsglöð og veitt mér
og fjölskyldu minni margar ánægju-
stundir, t.d. þau mörgu gamlárskvöld
sem við eyddum saman á heimili
þeirra í Skaftahlíðinni. Ég minnist
einnig sumarleyfanna sem við eydd-
um saman í mörg ár. Oft fórum við
norður að Laugum í Reykjadal til að
heimsækja Óskar bróður Sigurjóns
sem þar var þá kennari og hótelstjóri.
Þá komumst við líka í fyrsta sinn inn í
Herðubreiðarlindir á gömlum land-
búnaðarjeppa sem Óskar bróðir Sig-
urjóns lánaði okkur í þá ferð. Þetta
var árið 1963 og áttu ekki margir leið
um þær slóðir sem voru vel úr alfara-
leið. Í þá daga áttu þau hjónin ekki bíl
og hafði Gréta það fyrir venju að
hringja í okkur Huldu um helgar og
bjóða okkur í bíltúr. Þá áttum við
Hulda ágætan fjallabíl af vípon-gerð
og fórum með Grétu og Sigurjóni
flestar helgar í ferðir ásamt börnum
okkar. Mér er mjög minnisstætt þeg-
ar við fórum norður Sprengisand árið
1965 og yfir Tungnaá á Hófsvaði.
Þessi ferð ásamt mörgum öðrum
sýndi mér hversu traustur ferðafélagi
Sigurjón var. Kvöldvökurnar með
þeim eru ógleymanlegar, Gréta með
sitt ljúfa og yndislega skap lyfti alltaf
humörnum og Sigurjón hélt heilu
samkvæmunum uppi með leikjum og
skemmtilegum uppákomum. Fé-
lagsskapur þeirra svo mikill þáttur í
fjallaferðunum að án þeirra virtust
þær óhugsandi.
Þegar þau hjónin eignuðust eigin
bifreið fækkaði okkar sameiginlegu
ferðum og þau fóru að ferðast sjálf
með börn sín.
Gréta og Sigurjón byggðu seinna
fallegan sumarbústað í Rangárvalla-
sýslu, heimasýslu Sigurjóns, þar sem
þau hófu mikla ræktun. Þarna hafa
þau eytt öllum sumarleyfum sínum í
yfir tuttugu ár og kunna hvergi betur
við sig en í „Fossnesi“ en það nafn
hafa þau gefið sumarhúsi sínu. Bæði
eru þau og hafa ávallt verið lífsglöð og
góð heim að sækja. Gréta alltaf létt og
kát, sérlega vinaföst og trygg sínum
og sinni fjölskyldu og Sigurjón þessi
hái og virðulegi maður, heimsmanns-
legur í fasi, traustur en þó viðkvæmur
og sérstakt ljúfmenni. Ég verð þeim
hjónum ævinlega þakklátur fyrir svo
stóran hluta af lífsánægju minni og
fyrir trausta vináttu í blíðu og stríðu.
Núna í ágúst þegar þau eiga bæði
stórafmæli, Sigurjón verður áttatíu
ára og Gréta sextíu og fimm, er mér
það mikil ánægja að færa þeim kveðju
frá mér og fjölskyldu minni í tilefni af-
mæla þeirra, með bestu óskum um að
þau njóti góðrar heilsu og lífsgleði
sem lengst og að við vinir þeirra og
ættingjar fáum notið félagsskapar
þeirra hér eftir sem hingað til.
Garðar Sigurðsson.
SIGURJÓN ÁGÚSTSSON OG
GRÉTA GUÐRÁÐSDÓTTIR
ATVINNU-
AUGLÝSINGAR
I
I
Í Hafnarfirði búa um 21 þúsund manns. Bærinn stendur í
fallegu umhverfi hrauns og kletta. Hafnarfjörður hefur þá
bæjarsál sem einkennir búsetu við sjó og státar um leið af
hagkvæmni stærðarinnar og staðsetningar í jaðri höfuð-
borgarsvæðisins. Það er gott að búa og starfa í Hafnarfirði.
Skólaskrifstofa Hafnarfjarðar
Leikskólakennarar
Lausar stöður
Leikskólinn Álfasteinn
Nú þegar er laus til umsóknar staða aðstoðarleikskóla-
stjóra í eitt ár.
Megináherslur í daglegu starfi eru: Frjáls leikur, ein-
ingakubbar og heimspekileg hugsun.
Leikskólinn Álfasteinn er staðsettur syðst á Holtinu,
skammt frá Hvaleyrarskóla.
Lögð er áhersla á framfararstefnu heimspekingsins
John Dewey, sem felur í sér að kenna börnum gagn-
rýna og skapandi hugsun í stað þess að binda hugann
við fyrirfram ákveðnar lausnir. Í ljósi þess er æskilegt
að viðkomandi umsækjandi hafi þekkingu á framfarar-
stefnunni.
Áhugasamir um stöðuna eru hvattir til að
hafa samband við Ingu Líndal Finnbogadótt-
ur, leikskólastjóra, í síma 555 64555 eða
664 5839.
Leikskólinn Norðurberg
(S. 664 5851, nordurberg@ismennt.is)
Leikskólakennara vantar í leikskólann Norðurberg.
Starfsemin þar byggir á umhverfisstefnu þar sem flokk-
un á sorpi, náttúruvernd, útivist og ræktun skiptir starfs-
fólk og börn miklu máli.
Leikskólinn Hvammur
(S. 565 0499/664 5885, leikhvammur@ismennt.is)
Leikskólakennara vantar nú þegar í leikskólann
Hvamm.
Allar upplýsingar veita leikskólastjórar viðkom-
andi leikskóla. Umsóknarfrestur er til 10. ágúst en
samkvæmt jafnréttisstefnu Hafnarfjarðar eru karl-
ar jafnt sem konur hvattir til að sækja um störfin.
Fræðslustjórinn í Hafnarfirði
Kennarar
Vegna forfalla vantar kennara við Grunnskól-
ann í Sandgerði. Um er að ræða sérkennslu.
Upplýsingar veitir Guðjón Þ. Kristjánsson, skóla-
stjóri, í símum 899 2739, 423 7436 og 420 7502.
Skólaráð.
R A Ð A U G L Ý S I N G A R
TILBOÐ / ÚTBOÐ
Auglýsing
Deiliskipulag fyrir
Gamla miðbæinn í Borgarnesi
Um er að ræða skipulag á svæði sem afmark-
ast af Egilsgötu og Brákarbraut niður að Brák-
ar-
polli í Borgarnesi.
Samkvæmt ákvæðum 26. gr skipulags- og
byggingarlaga nr. 73/1997, er hér með lýst eftir
athugasemdum við ofangreint deiliskipulag.
Tillagan mun liggja frammi á Bæjarskrifstofu
Borgarbyggðar frá 4. ágúst 2004 til 2. septem-
ber 2004.
Athugasemdum skal skila á bæjarskrifstofuna
fyrir 16. september 2004 og skulu þær vera
skriflegar.
Borgarnesi, 23. júlí 2004.
Bæjarverkfræðingur Borgarbyggðar.
TILKYNNINGAR
Tilkynning frá
Ræðisskrifstofu Thailands
Ræðisskrifsstofa Thailands verður lokuð frá
fimmtud. 12. ágúst til og með föstud. 20. ágúst.
Vinsamlegast hafið samband við skrifstofuna
í síma 565 7121 vegna áritana (visa) sem fyrst.
Sendiráð Thailands í Kaupmannahöfn annast
málefni skrifstofunnar á ofangreindu tímabili
í síma 0045 39625010.
Auglýsing
um deiliskipulag
í landi Fellsenda, Dalabyggð
Sveitastjórn Dalabyggðar auglýsir hér með
tillögu að deiliskipulagi í land Fellsenda í Dala-
byggð, skv. 25. gr. skipulags- og byggingarlaga
nr. 73/1993. Deiliskipulagið tekur til lóðar fyrir
nýtt hjúkrunarheimili fyrir aldraða á um 3 ha
landsvæði vestan við núverandi hjúkrunar-
heimili. Skipulagsuppdráttur, ásamt greina-
gerð, er til sýnis á skrifstofu byggingarfulltrúa,
Miðbraut 11, Búðardal, frá 04.08.2004 til og
með 01.09.2004. Þeir sem telja sig eiga hags-
muna að gæta er hér með gefinn kostur á að
gera athugasemdir við tillöguna. Athugasemd-
um skal skila til byggingarfulltrúa fyrir 15.09
nk. og skulu þær vera skriflegar. Þeir sem ekki
gera athugasemdir innan tilskilins frests teljast
samþykkir tillögunni.
Byggingar og skipulagsfulltrúi
Dalabyggðar.
Hörgshlíð 12
Boðun fagnaðarerindisins.
Bænastund í kvöld kl. 20.00. mbl.is
Sími 594 6000
Dísilvélar
Loftkældar dísilvélar frá Yanmar
3 til 10 Hö m/án rafstarts
Mikið úrval af
fallegum
rúmfatnaði
Skólavörðustíg 21, Reykjavík, sími 551 4050