Morgunblaðið - 04.08.2004, Blaðsíða 11
þar sem að koma 23 aðilar. Ein-
göngu fyrir Eimskip aka daglega
um 30 flutningabílar um landið en
ótaldir eru bílar annarra aðila inn-
an kerfisins. Þær upplýsingar voru
gefnar að árleg velta flutningsaðila
innan Flytjanda væri um 2.800
milljónir króna, þar af um 900
milljónir króna vegna flutninga
fyrir Eimskip, og markaðshlut-
deild þessa kerfis í landflutningum
væri um 60%, samkvæmt mati
Samkeppnisstofnunar. Miðað við
þetta mat veltir landflutninga-
markaðurinn um fimm milljörðum
króna á ári.
Meðal annarra stórra aðila í
landflutningum má nefna ET-
flutninga. Fyrirtækið er ekki með
daglegar áætlunarferðir heldur til-
fallandi akstur fyrir hina og þessa
aðila, m.a. í þungaflutningum og
sem undirverktaki í gámaflutning-
um fyrir Eimskip. Að sögn Magn-
úsar Guðmundssonar verkstjóra
eru daglega um 30 flutningabílar á
ferðinni frá ET, einkum á suðvest-
urhorninu í um 100–150 kílómetra
radíus frá Reykjavík. Magnús seg-
ist finna fyrir aukinni eftispurn á
þessu svæði, enda miklar fram-
kvæmdir fyrirhugaðar við virkjan-
ir og stækkun Norðuráls á Grund-
artanga. „Mér sýnist allir hafa nóg
að gera,“ segir Magnús.
Vegakerfið illa nýtt
Guðmundur Arnaldsson, fram-
kvæmdastjóri Landvara, segir
þann misskilning vera í um-
ræðunni að vegakerfið þoli ekki
aukna vöruflutninga. Kerfið sem
slíkt sé mjög víðfeðmt og illa nýtt,
ef suðvesturhornið sé undanskilið.
Annars staðar megi auka álagið en
brýnast sé að endurnýja þar gamla
vegarkafla.
Bendir Guðmundur einnig á að
verslun og viðskipti í nágrenni
Reykjavíkur hafi aukist verulega,
ekki síst með tilkomu Hvalfjarð-
arganganna, og flutningar hafi
mikið færst á þessu svæði úr stóru
bílunum yfir í léttari bíla eins og
sendibíla. Vegna þessarar þróunar
sé tvöföldun vegarins um Hellis-
heiði og Vesturlandsvegar upp í
Borgarnes alveg jafn brýn og tvö-
földun Reykjanesbrautar, ef ekki
brýnni.
FRÉTTIR
MORGUNBLAÐIÐ MIÐVIKUDAGUR 4. ÁGÚST 2004 11
Stuttar og síðar kápur,
sumarúlpur, heilsársúlpur,
regnkápur, bolir, peysur,
stakir jakkar og slæður
Opið virka daga kl. 11-18
Lokað laugardagana 7. og 14. ágúst
10-50% afsláttur
Mörkinni 6, sími 588 5518.
Útsala
Plúsfer›ir • Hlí›asmára 15 • Sími 535 2100
Be
nido
rm
33.740 kr.
Sama sólin - sama fríi›
-en á ver›i fyrir flig!
á mann miðað við að 2 fullorðnir og 2 börn, 2ja-11ára, ferðist saman.
45.430 kr. á mann ef 2 ferðast saman.
Innifalið er flug, gisting í 7 nætur á Gemelos XXII og ferðir til og frá
flugvelli erlendis.
Netverð
1., 8., 15., og 22. september
· Hús 104 fm
· Innréttaður 28 fm bílskúr
· 3 - 4 svefnherbergi
· Nýtt eldhús
· Rúmgóð stofa
· Góður suðurgarður
· Hellulagður sólpallur
· Rólegt hverfi
· Verð 23,9 millj.
Lambastekkur 6 - Einbýli á 1. hæð
- Opið hús í dag kl. 18 - 19:30
GÓÐ EIGN Í GRÓNU HVERFI
HB FASTEIGNIR
Sími 534 4400 • Hús verslunarinnar, Kringlunni 7, 103 Reykjavík
Hrafnhildur Bridde, löggiltur fasteignasali
STEINASEL EINBÝLISHÚS
FASTEIGNA
MARKAÐURINN
ÓÐINSGÖTU 4. SÍMI 570 4500, FAX 570 4505. OPIÐ VIRKA DAGA KL. 9–17.
Netfang: fastmark@fastmark.is - Heimasíða: http://www.fastmark.is/
Jón Guðmundsson, sölustjóri, lögg. fasteigna- og skipasali.
Mjög fallegt u.þ.b. 275 fm. einbýlishús á þremur hæðum auk 28 fm. bílskúrs með
kjallara undir á þessum skjólsæla og gróna stað í Seljahverfinu. Auðvelt að útbúa
sér íbúð í kjallara. Húsið er í góðu ásigkomulagi jafnt að innan sem utan og lóðin
er mjög falleg og gróin og með veröndum og skjólveggjum. Verð 33,9 millj. Áhv.
6,25 millj.
Fréttir á SMS
ÞEGAR litið var inn hjá Land-
flutningum í Skútuvogi í gær voru
þeir í óðaönn að hlaða bíla sína,
ásamt starfsmönnum Landflutn-
inga, bílstjórarnir Bjarni Gunn-
arsson og Ríkhard Sigurðsson.
Báðir hafa 15–16 ára reynslu af
vöruflutningum um landið en nú
ekur Bjarni milli Reykjavíkur og
Ísafjarðar og Ríkhard milli Reykja-
víkur og Egilsstaða. Þeir gáfu sér
smátíma til að ræða við blaðamann
og í tali þeirra kom fljótt í ljós að
bætt vegakerfi og aukin vetr-
arþjónusta á vegunum er þeim of-
arlega í huga. Einnig lögðu þeir
áherslu á að hámarkshraði á ein-
breiðum vegum yrði samræmdur
milli ökutækja. Með því myndi
draga úr framúrakstri og slysa-
hætta minnka.
Bjarni ekur á eigin bíl sem verk-
taki hjá Landflutningum en til
margra ára vann hann hjá Ár-
manni Leifssyni, vörubílstjóra í
Bolungarvík, sem seldi sinn rekst-
ur fyrir nokkrum árum líkt og
margir einyrkjar í vöruflutningum
hafa gert.
„Starfið hefur breyst mikið und-
anfarin ár og hefur orðið léttara og
léttara með flutningum á brettum
og í stærri einingum. Vökulögin
urðu til þess að menn vinna ekki
lengur allan sólarhringinn og við
fáum lengri hvíldartíma. Bílarnir
eru orðnir betri og fullkomnari og
vegirnir hafa líka lagast þó að enn
megi gera betur í þeim efnum, ekki
síst á Vestfjörðum, alveg frá Brú í
Hrútafirði og vestur til Ísafjarðar.
Þar þarf að gera mikið átak. Um-
ferðin almennt á þjóðvegunum hef-
ur aukist gríðarlega, ekki bara með
vörubílum heldur einnig á öðrum
bílum,“ sagði Bjarni.
Varðandi umferðarmenninguna
sagði Bjarni að hún mætti vera
betri. Vörubílstjórar reyndu að
sjálfsögðu að taka sem mest tillit
til fólksbílanna en stundum væri
þessu ekki öfugt farið, einkum á
fimmtudags- og föstudagssíðdegi.
Þá væri eins og allir héldu að þeir
væru að missa af einhverju. „Það
er oft á tíðum ekki í lagi hvernig
fólk ekur. Þó að heil lína sé á veg-
inum er brunað fram úr, jafnvel
með fellihýsi eða tjaldvagn aftan í,“
sagði Bjarni.
Spurður sagðist Bjarni kannast
við þá gagnrýni á vörubílstjórana
að þeir ækju of hratt. Hún ætti
hins vegar sjaldan við rök að styðj-
ast þar sem allir nýir bílar væru
stilltir þannig að þeir gætu ekki
ekið hraðar en á 90 kílómetra
hraða á beinum kafla. Aðrir öku-
menn mættu einnig bregðast skjót-
ar við þegar þeim væri gefið merki
um að fara fram úr.
Vegirnir enn of mjóir
Ríkhard Sigurðsson hefur nær
óslitið frá árinu 1988 ekið flutn-
ingabílum á þjóðvegunum, fyrstu
ellefu árin milli Patreksfjarðar og
Reykjavíkur en að undanförnu hef-
ur hann starfað hjá Landflutn-
ingum-Samskipum og þá fyrst og
fremst í akstri milli Reykjavíkur og
Egilsstaða.
Hann sagði Vegagerðina enn í
dag vera að hanna og láta gera of
mjóa vegi, jafnvel hættulega á köfl-
um. Verstu kaflarnir á austurleið-
inni væru Hvalnesskriðurnar og
flestir vegir um Austfirðina, þeir
væru orðnir gamlir og slitnir. Suð-
urlandsvegurinn væri hins vegar
nokkuð góður víðast hvar. „Þetta
er eins og trekt út frá Reykjavík.
Vegirnir eru breiðastir á suðvest-
urhorninu og síðan mjókka þeir
eftir því sem lengra er komið út á
land,“ sagði Ríkhard.
Hann tók undir með kollega sín-
um, Bjarna, um að starfsumhverfi
bílstjóra hefði breyst mikið til
batnaðar undanfarinn áratug.
„Núna eru fleiri að vinna í kringum
þetta, maður var alltaf bara einn
að hlaða á bílana og losa og fékk
ekki mikinn svefn. Þetta var
skemmtilegra starf hér áður fyrr
og sjarminn meiri yfir því. Núna er
meiri rútína í þessu,“ sagði Rík-
hard.
Þeir félagar voru sammála um
að Vegagerðin mætti bæta vetr-
arþjónustu sína á vegunum, eink-
um með aukinni hálkuvörn á fjall-
vegum á Vestfjörðum og Aust-
fjörðum. Um leið og farið væri af
þjóðvegi eitt minnkaði hálkuvörnin
og stundum væru bílstjórar að aka
á „fljúgandi svelli dag eftir dag“.
Auka mætti þjónustuna á fáfarnari
vegum.
Bæta þarf vegina
og samræma
hámarkshraða
Bílstjórar segja ljómann ekki eins
mikinn yfir starfi bílstjórans og áður
Bjarni
Gunnarsson
Ríkhard
Sigurðsson
Morgunblaðið/Einar Falur
kallar það, voru viðbrögð við óskum
skipa- og útgerðarfélaga sem hafa
um áratugi nýtt sér þjónustu hafn-
anna. Ég fagna því hins vegar að fá
stuðning forstjóra skipafélagsins við
þá stefnu að leggja megináherslu á
uppbyggingu vegakerfisins og að
það beri að leggja enn meiri áherslu
á fjárfestingar í vegakerfinu en nú er
gert.“
Rætt í ríkisstjórn
Sturla segir það engu að síður
mikla stefnubreytingu hjá Eim-
skipafélaginu að hætta strandsigl-
ingum í kringum Ísland. Þessi mál
hafi því verið til skoðunar innan
ráðuneytisins eftir að Eimskipa-
félagið kynnti ráðherra ákvörðun
sína. „Við höfum að sjálfsögðu gert
okkur grein fyrir því að við verðum
að taka tillit til þessara breytinga.“
Sturla segist hafa farið yfir málið á
fundi ríkisstjórnarinnar í gærmorg-
un. „Ég hef þegar sett af stað vinnu
við að meta áhrifin af þessum breyt-
ingum á vegakerfið og umferðar-
öryggi. Jafnframt mun ég hafa náið
samstarf við umhverfisráðuneytið.
Vitað er að sjóflutningarnir eru
mjög heppilegt flutningaform frá
sjónarhorni umhverfismálanna og
urðum við umhverfisráðherra ásátt
um að fara sérstaklega yfir þann
þátt málsins,“ segir ráðherra enn-
fremur.
Kom á óvart
Sturla bætir því við að umrædd
ákvörðun Eimskipafélagsins hafi
komið sér á óvart í ljósi þess að þeir
séu nánast einir um strandsigling-
arnar eins og er. Þá sé óheppilegt
hve breytingarnar séu kynntar með
skömmum fyrirvara. „Þetta setur
flutningakerfið á sunnanverðum
Vestfjörðum í uppnám. Við munum
að sjálfsögðu fara yfir það og meta
mögulegar leiðir til að bregðast við
því.“