Morgunblaðið - 04.08.2004, Blaðsíða 27
MINNINGAR
MORGUNBLAÐIÐ MIÐVIKUDAGUR 4. ÁGÚST 2004 27
✝ Anna GuðrúnÞórhallsdóttir
fæddist í Hofsgerði í
Hofshreppi í Skaga-
firði 25. nóvember
1923. Hún lést á
Landspítalanum við
Hringbraut 22. júlí
síðastliðinn. Foreldr-
ar hennar voru
Björn Þórhallur Ást-
valdsson, f. 6.11.
1893, d 30.9. 1962 og
Helga Friðbjarnar-
dóttir, f. 7.12. 1892,
d. 20.4. 1986. Systkin
Önnu eru Elísabet, f.
15.1. 1917, d. 26.2. 2003, Ósk, f.
20.5, d. 17.5. 2004, Friðbjörn, f.
23.7. 1919, d. 8.1. 2003, Guðbjörg,
f. 17.10. 1920, Ásdís, f. 12.8. 1922,
d. 5.12. 2001, Kristjana, f. 14.1.
1925, Þorvaldur, f. 1.9. 1926,
Halldór Bjarni, f. 5.11. 1927, Guð-
veig, f. 23.5. 1929, og Birna, f.
13.5. 1938.
Anna Guðrún giftist 8.11. 1955
Sveini Jóhannessyni, f. 1.7. 1916,
d. 22.6. 1981 frá Glæsibæ í Stað-
arhreppi í Skagafirði. Foreldrar
Sveins voru hjónin Sæunn Steins-
dóttir og Jóhannes Jóhannesson.
Börn Önnu og Sveins eru: 1) Jó-
hannes, f. 16. júlí 1943, var
kvæntur Sigrúnu
Ingimarsdóttur,
dóttir þeirra er Sæ-
unn. Áður átti Sig-
rún Heiðar Feyki.
Sonur Jóhannesar
og Guðjónu Jó-
hannsdóttur er Ró-
bert. 2) Þórhallur, f.
13.6. 1944, kvæntur
Eygló Svönu Stef-
ánsdóttur. Þau eiga
fjögur börn, þau eru
a) Þröstur, í sambúð
með Ásdísi Ársæls-
dóttur, sonur þeirra
er Þórhallur Axel.
Þröstur var í sambúð með Sigríði
Ásu Sigurðardóttur, dóttir þeirra
er Anna Margrét. b) Sveinn Þór, í
sambúð með Guðrúnu Gunnars-
dóttur. Börn hennar eru: Gunnar
Andri, Auður Ösp og Inga Dóra
c) Anna Steinunn, í sambúð með
Hallgrími Þór Harðarsyni, dóttir
þeirra er Helga Sóley. d) Hrund, í
sambúð með Einari Þ. Rúnars-
syni. 3) Arnar, börn hans og Ólaf-
ar Jónasdóttur eru Sveinn Gauti
og Hanna Rún. 4) Edda Guðbjörg,
gift Guðmundi Guðmundssyni.
Útför Önnu fer fram frá Bú-
staðakirkju í dag og hefst athöfn-
in klukkan 13.30.
Í dag kveð ég kæra tengdamóður
mína.
Anna ólst upp á fyrstu æviárum
sínum í glaðværum systkinahópi.
Frá fimmta ári og fram á sautjánda
aldursár var Anna alin upp hjá
skyldmennum fjölskyldunnar á
Krossi í Óslandshlíð. Þaðan lá leið
Önnu til Siglufjarðar á sautjánda
aldursári þar sem hún réð sig sem
vinnukonu á heimili. Síðan réðst hún
til starfa á sjúkrahúsinu á Siglufirði
við eldhússtörf þar sem réð ríkjum af
miklum myndarskap fröken Hall.
Anna talaði oft um það í sínum bú-
skap hvað sú reynsla hefði haft áhrif
á sig. Eftir það hóf hún búskap með
Sveini á efri hæð í sama húsi og
tengdaforeldrar hennar. Tveimur
árum síðar lést tengdafaðir hennar
en tengdamóðir hennar bjó þá áfram
á neðri hæðinni og nutu börn Önnu
samveru við Sæunni ömmu sína.
Anna og Sveinn bjuggu allan sinn
búskap á Siglufirði. Sveinn lést árið
1981. Anna bjó á Siglufirði í fjögur ár
eftir það en fluttist síðan búferlum í
nánd við sína nánustu afkomendur.
Á búskaparárum Önnu og Sveins
var síldin í algleymingi og þótti mjög
gott að fá húsmæður á síldarplönin
ef tími gafst frá heimili og barnaupp-
eldi. Þá var til siðs að börn væru
send í sveit á sumrin.
Á þessum tíma var ekki hlaupið í
búðir heldur þurfti að beita mikilli
útsjónarsemi og nýtni meðal annars
hvað snerti matargerð og fatnað.
Mikill heimsborgarabragur var á
Siglufirði á síldarárunum og mikill
fjöldi fólks kom þarna að störfum frá
öllum landshlutum og svo frá öðrum
nágrannalöndum. Allir voru komnir
til vinnu um leið og kraftar og geta
leyfðu, meðal annars voru settir und-
ir yngri börnin kassar svo þau gætu
aðstoðað mæður sínar við síldarsölt-
un. Eftir að síldarvinnslunni lauk á
sjöunda áratugnum og börnin voru
öll flutt suður tóku við hefðbundin
verkakonustörf við fisk- og rækju-
vinnslu og við þetta starfaði Anna
þar til hún fluttist til Reykjavíkur ár-
ið 1985.
Lífið var oft erfitt og þurfti að
halda vel á sínu. Anna sinnti heimili
sínu og fjölskyldu vel og var hin
dæmigerða húsmóðir á þessum ár-
um, hvunndagshetja sem alltaf bar
sig vel og var sífellt veitandi. Mikill
myndarskapur var ávallt þegar gesti
bar að garði í húsi Önnu og Sveins á
Hvanneyrarbraut 28. Alltaf var
pláss á heimili Önnu á síldarárunum
fyrir ættingja frá öðrum landshlut-
um sem komu til starfa tímabundið í
síldina þrátt fyrir að húsakostur
væri lítill. Anna tók þátt í starfi
Slysavarnafélagsins á Siglufirði og
var hún einnig mikill stuðningsmað-
ur framgangs skíðaíþróttarinnar.
Anna flutti til Reykjavíkur fjórum
árum eftir andlát Sveins. Hún hóf
fljótlega störf hjá Sláturfélagi Suð-
urlands og starfaði þar óslitið þar til
að félagið flutti starfsemina á Hvols-
völl. Fyrst eftir að Anna kom til
Reykjavíkur bjó hún hjá syni sínum
og tengdadóttur en í framhaldi af því
leigði hún íbúð á Vífilsgötu 17. Anna
flutti í nýja íbúð fyrir eldri borgara í
Hæðargarði 33 í desember 1991.
Barnabörn Önnu og aðrir ættingjar
og vinir voru tíðir gestir á heimili
hennar og alltaf var gestum fagnað
og veitingar bornar á borð.
Anna var alla tíð mjög trúuð kona.
Hún kunni mikið af sálmum og söng-
lögum.
Anna tók þátt í félagsstarfinu í
Hæðargarði sem Reykjavíkurborg
sér um og hafði meðal annars gaman
af því að spila enda hafði hún verið
ötul við að kenna barnabörnum sín-
um að spila. Mesta yndi Önnu var að
syngja og tók hún þátt í starfsemi
sönghópsins í Hæðargarðinum.
Í sambýlishúsinu í Hæðargarði
ríkti frá upphafi mikil samkennd
milli íbúa og hafa þeir tekið vel á
móti öllum sem þangað hafa komið.
Anna átti góða daga í sambýli með
öllu þessu góða fólki og er íbúum og
starfsfólki félagsmiðstöðvarinnar
þakkaður hlýhugur og hjálpsemi í
hennar garð.
Ég minnist tengdamóður minnar
með virðingu.
Eygló Stefánsdóttir.
Elsku amma Anna.
Það er með miklum söknuði sem
ég kveð þig í dag. Það er skrítið að
hugsa til þess að geta ekki heimsótt
þig í Hæðargarðinn aftur og rætt um
allt sem um hugann flýgur. Allt frá
því ég man eftir mér hefur þú verið
til staðar og rætt við mig og alla sem
þér þykir vænt um. Þú sýndir því
sem við gerðum mikinn áhuga alla
tíð, allt fram í lokin, þegar þú fórst á
spítalann og ég gat ekki komið og
heimsótt þig spurðir þú um mig.
Þannig varst þú alla tíð, hugsaðir
alltaf svo vel til allra og fylgdist vel
með því sem við vorum að gera
hverju sinni. Ég á eftir að minnast
með gleði allra stundanna sem við
áttum saman þegar við systkinin
heimsóttum þig á Siglufirði og eins
hérna í Reykjavík. Þegar þú fluttir
til Reykjavíkur nokkrum árum eftir
andlát afa bjóst þú fyrst hjá okkur í
Melgerðinu. Þá var sko glatt á hjalla.
Amma hafði gaman af því að spila
á spil og kenndi okkur hin ýmsu
skemmtilegu spil. Ekki má heldur
gleyma því hversu snögg þú varst að
taka til hendinni og baka kleinur,
steikt brauð að ógleymdum pönnu-
kökustaflanum. Þú varst alla tíð
sjálfstæð og fyrirmynd okkar allra.
Þú fylgdist vel með því sem var að
gerast og hafðir ákveðnar skoðanir
og lést þær í ljós. Síðustu misseri
leyndist okkur fjölskyldunni ekki að
líkamleg heilsa var farin að daprast
en þú hélst þínu sjálfstæði líkt og þú
hafðir áður gert. Þú lést ekki á neinu
bera og ekki kvartaðir þú. Þú fagn-
aðir ávallt öllum sem komu til þín í
Hæðargarðinn.
Það er með miklu þakklæti og
söknuði sem ég kveð þig, elsku
amma Anna.
Við burtför þína er sorgin sár
af söknuði hjörtun blæða.
En horft skal í gegnum tregatár
í tilbeiðslu á Drottin hæða.
og fela honum um ævi ár
undina dýpstu að græða.
(Guðrún Jóhannsdóttir.)
Minning þín er og verður ljós í lífi
mínu alla tíð.
Anna Steinunn
Þórhallsdóttir.
Elsku amma mín.
Nú ert þú búin að hitta afa aftur
eftir svo mörg ár. Ég gleðst yfir því
þó svo að það sé ekki gott að þú sért
ekki lengur hjá mér og passar upp á
mig.
Mínar minningar um þig eru
margar. Hvað það var alltaf gott að
koma til ykkar á Hvanneyrarbraut-
ina og fá að vera hjá ykkur. Ég
hlakkaði alltaf til sumarsins, þá fór
fjölskyldan norður og við Þröstur
bróðir fengum að vera eftir hjá ykk-
ur. Þá var mikið brallað. Við æfðum
fótbolta með KS og ekki má gleyma
útgerð okkar bræðra sem við rækt-
uðum stíft við bryggjuna ásamt Guð-
laugi vini okkar. Aflinn hjá okkur var
svo mikill að þú hjálpaðir okkur með
því að koma okkur í samband við
frystihúsið sem keypti allt af okkur.
Að sjálfsögðu varst þú fjármálastjóri
útgerðarinnar og hélst vel utan um
það allt.
Þegar ég varð aðeins eldri fékk ég
svo vinnu í Slippnum við að mála.
Það sem stendur mér efst í huga eru
kaffitímarnir. Það var nánast heilög
stund þegar nestisboxið var opnað.
Það var alveg eins og að koma í stóra
veislu. Þvílíkar kræsingar sem þú
hafðir búið til fyrir mig um nóttina,
flatkökur, tertur, rúllupylsa og fleira
góðgæti.
Loksins fluttir þú til okkar. Fyrst
bjóstu hjá okkur í Melgerðinu. Svo
vildir þú vera út af fyrir þig og fluttir
á Vífilsgötuna. Einmitt í Norður-
mýrina þar sem ég bý sjálfur í dag
með minni fjölskyldu. Einn daginn
kom að því að þú vildir aftur flytja
þig um set. Það var þá fyrir tilstilli
mömmu að þú fluttir í Hæðargarð í
íbúð fyrir aldraða. Þangað var alltaf
gott að koma. Þú eignaðist þar
marga vini sem voru þér kærir allt til
dauðadags. Án efa hafa þar leynst
einhverjir góðir spilafélagar líka.
Í sumar fórum við Guðrún og
stelpurnar hennar í langþráð frí til
Svíþjóðar og eitt það fyrsta sem við
gerðum þar var að skrifa kort til þín
til að láta þig vita að við skemmtum
okkur vel og einnig til að bera þér
kveðju. Þetta sagðir þú mér að þér
hefði þótt vænt um þegar ég heim-
sótti þig á spítalann til að kveðja þig.
Hvíldu í friði amma mín. Ég elska
þig.
Sveinn Þór Þórhallsson.
Amma mín er dáin. Það er sárt og
tómlegt að hugsa til þess að njóta
ekki nærveru hennar lengur. Hún
var svo glaðlynd, skemmtileg og góð.
Hún tók manni alltaf opnum örmum
og framkoma hennar einkenndist af
umhyggju, ósérhlífni og hlýju.
Amma hafði alla tíð dálæti af söng og
tók virkan þátt í söngstarfi fram á
síðasta dag.
Á mínum yngri árum var alltaf
mikið tilhlökkunarefni að heimsækja
ömmu á Siglufjörð. Hún sýndi okkur
börnunum takmarkalausa þolin-
mæði við leik og störf og hafði unun
af því að spila við okkur og segja
okkur sögur. Amma var trúuð og
lagði mikið uppúr því að fara með
bænirnar með okkur fyrir svefninn.
Á Hvanneyrarbrautinni vöknuðum
við á hverjum morgni við ilm af ný-
bökuðu brauði og kökum sem amma
hafði bakað. Sömu sögu var að segja
þegar hún bjó hjá okkur í Melgerð-
inu fyrst eftir að hún flutti frá Siglu-
firði. Það var eftir að afi dó. Hún vildi
búa í nánd við sína nánustu þótt hún
saknaði lífsins á Siglufirði. Það var
ómetanlegt að hafa fengið hana til
Reykjavíkur í nálægð við okkur.
Minningin um yndislega ömmu mun
alltaf ljóma skært í hjarta mínu. Guð
varðveiti þig að eilífu, elsku amma
mín.
Ég fel í forsjá þína,
Guð faðir, sálu mína,
því nú er komin nótt.
Um ljósið lát mig dreyma
og ljúfa engla geyma
öll börnin þín, svo blundi rótt.
(Matthías Jochumsson.)
Hrund Þórhallsdóttir.
Elsku Anna Guðrún. Okkur
mæðgur langar til að minnast þín
með nokkrum orðum. Við þekktumst
því miður ekki mjög lengi. Eftir
stendur minning um yndislega konu
sem vildi allt það besta gera fyrir þá
sem í kringum hana voru.
Þegar við Sveinn vorum að kynn-
ast þá dáðist ég oft af því hvað hann
var alltaf í vel straujuðum skyrtum.
Ég dró að sjálfsögðu þá ályktun að
hann væri svona duglegur með
straujárnið. Það var alls ekki þannig.
Málið var að hann laumaðist með
skyrturnar til þín og þú gerðir þær
fínar fyrir hann á meðan hann hám-
aði í sig kræsingar og kaffi. Það var
alltaf alveg frábært að heimsækja
þig í Hæðargarðinn. Þú tókst alltaf á
móti okkur með rosaveislu og varst
ekki ánægð fyrr en það þurfti næst-
um því hjólbörur til að koma okkur
út. Þvílíkar kræsingar. Svokallað
ömmuteppi er dýrgripur á heimili
okkar. Ömmuteppið er teppi sem þú
heklaðir fyrir Svenna úr ull. Þetta
teppi er svo mjúkt og hlýtt og það er
nánast slegist um að vera undir því á
kvöldin fyrir framan sjónvarpið.
Það var alltaf skemmtilegt að fá
þig í heimsókn. Blíðan, umhyggjan
og góðvildin skein af þér og okkur
leið alltaf svo vel þá. Gunnar Andri
gleymir aldrei þegar þú knúsaðir
hann í fermingu Auðar Aspar. Þér
fannst að það mætti alls ekki skilja
hann út undan þó svo að þið hefðuð
aldrei hist áður. Okkur þótti öllum
vænt um þig.
Elsku Anna Guðrún, hvíldu í friði.
Guðrún, Auður Ösp
og Inga Dóra.
ANNA GUÐRÚN
ÞÓRHALLSDÓTTIR
Elsku langamma Anna.
Mér þykir svo vænt um þig
og þú ert besta langamma og
þú gefur mér líka alltaf
krakkatyggjó. Þú áttir svo
falleg blóm í íbúðinni þinni.
Þú ert búin að vera svo góð
við mig. Langamma, þú ert
búin að vera svo dugleg að
prjóna handa mér ullarsokka
og vettlinga. Núna veit ég að
þú ert orðin engill með vængi
á himninum og verður núna
hjá frændum mínum og
frænkum uppi hjá Guði að
passa mig. Þín
Helga Sóley
Hallgrímsdóttir.
HINSTA KVEÐJA
Útför
SIGRÍÐAR ELLERTSDÓTTUR,
dvalarheimilinu Ási,
Hveragerði,
áður Engihjalla 1,
Kópavogi,
fer fram frá Hveragerðiskirkju föstudaginn
6. ágúst kl. 14.00.
Gunnar E. Baldursson, Hugrún Valdimarsdóttir,
Árni Rúnar Baldursson,
Gerður Baldursdóttir,
Haukur Steinar Baldursson,
Óttar Ægir Baldursson, Ingibjörg Sverrisdóttir,
barnabörn og barnabarnabörn.
Bestu þakkir til allra, sem auðsýndu okkur
samúð, hlýhug og vináttu vegna andláts og
útfarar okkar ástkæru,
KRISTNÝJAR HULDU
GUÐLAUGSDÓTTUR,
Skólavegi 6,
Vestmannaeyjum.
Rúnar Helgi Bogason,
Lilja Kristín Ólafsdóttir,
Guðlaugur Þórarinn Rúnarsson,
Bogi Ágúst Rúnarsson,
Beneditk Bjarnason,
Lilja Sigríður Jensdóttir,
systkini og aðrir aðstandendur.
Innilegar þakkir til allra þeirra, sem sýndu
okkur samúð og hlýhug við andlát og útför
hjartkærs eiginmanns míns, föður okkar,
tengdaföður, afa og langafa,
HARALDAR AXELS EINARSSONAR
húsasmíðameistara.
Ebba Kristinsdóttir,
Kristján Haraldsson, Halldóra S. Magnúsdóttir,
Eysteinn Haraldsson, Finnborg L. Jónsdóttir,
Sigurbjörn K. Haraldsson, Ingibjörg Sigurbergsdóttir,
Einar Haraldsson, Jóhanna K. Guðbjartsdóttir,
Haraldur A. Haraldsson, Sigrún Á. Gunnarsdóttir,
Hrafnhildur Haraldsdóttir, Snorri Olsen,
Margrét Á. Haraldsdóttir, Hlynur Rúnarsson,
barnabörn og barnabarnabörn.