Morgunblaðið - 29.08.2004, Blaðsíða 47

MENNING
MORGUNBLAÐIÐ SUNNUDAGUR 29. ÁGÚST 2004 47
ENSKA ER OKKAR MÁL
• Talnámskeið - 7 vikur
• Viðskiptanámskeið
• Einkatímar
• Enskunám erlendis
• Kennt á mismunandi stigum
• Barnanámskeið (5-15 ára)
• Málfræði og skrift
• Þjóðfélagsleg umræða
• Kvikmyndaumræða
• Frítt kunnáttumat og ráðgjöf
Enskunámskeið að hefjast
Hringdu í síma 588 0303 • FAXAFENI 8 • www.enskuskolinn.is
Starfsár Sinfóníuhljóm-sveitar Íslands hefst meðtónleikum í Háskólabíóifimmtudaginn 9. sept-
ember nk. þar sem söngstjarnan
Maríus Sverrisson kemur fram og
syngur hinar ýmsu perlur söng-
leikjanna. Stjórnandi upphafs-
tónleika hljómsveitarinnar er
Rumon Gamba, aðalstjórnandi Sin-
fóníuhljómsveitarinnar, en nýverið
var samningur hans framlengdur
til haustsins 2009 og þess má geta
að á komandi starfsári mun hann
stýra hljómsveitinni á níu tón-
leikum.
Nýverið kom út ársbæklingur
Sinfóníuhljómsveitar Íslands fyrir
komandi starfsár og er hann þessa
dagana að berast áskrifendum
hljómsveitarinnar í pósti. Raunar
er rangnefni að tala um bækling
því um er að ræða 200 blaðsíðna
kilju með ítarlegum upplýsingum
um alla tónleika sem fyrirhugaðir
eru á starfsárinu og allan þann
fjölda af listamönnum sem kemur
fram á þessum tónleikum. Að-
spurður segir Sváfnir Sigurðarson,
kynningarfulltrúi Sinfóníuhljóm-
sveitar Íslands, um nokkurt ný-
mæli að ræða því hingað til hefur
ársbæklingurinn ekki verið svo
efnismikill. „Ég held að óhætt sé
að segja að bókin sé skemmtileg
lesning fyrir alla þá sem hafa
áhuga á að fá frekari innsýn inn í
heim tónlistarinnar sem flutt verð-
ur í Háskólabíói í vetur,“ segir
Sváfnir og bendir á að bókin muni
fylgja með öllum keyptum áskrift-
um á starfsárinu, auk þess sem
hægt verður að kaupa hana á
skrifstofu hljómsveitarinnar og í
völdum bókabúðum.
Íslenskir tónlistarmenn
atkvæðamiklir
Samkvæmt bæklingnum er ljóst
að nokkrar breytingar verða á tón-
leikaröðum hljómsveitarinnar í
vetur þar sem bláa tónleikaröðin
kveður að sinni og fjölgað er um
eina tónleika í gulri áskriftarröð
auk þess sem farið er af stað með
nýja tónleikaröð sem nefnist Tón-
sprotinn. „Bláa tónleikaröðin var
tilraun sem lagt var upp með í
tengslum við fimmtíu ára afmæli
hljómsveitarinnar árið 2000, en þá
var farið af stað með samtímaröð
þar sem væri lögð áhersla á ís-
lenska tónlist og samtímatónlist.
Slíkt efni verður nú að finna í
auknum mæli í gulri og rauðri tón-
leikaröð þar sem þær verða bland-
aðri og fjölbreyttari en oft áður.“
Í tónleikaröðinni sem nefnist
Tónsprotinn verður boðið upp á
ferna tónleika. „Hér er um að
ræða barnvæna og skemmtilega
efnisskrá fyrir alla fjölskylduna.
Síðasta áratuginn hefur Sinfón-
íuhljómsveitin boðið leikskólabörn-
um á tónleika á hverju starsfári og
það er ljóst að slíkir tónleikar hafa
sáð fræjum áhuga og spennu sem
virðast vera að skila sér í miklum
áhuga þeirra sem þess hafa notið.
Það má því segja að Tónsprotinn
sé svar við þeirri eftirspurn. Á
fyrstu tónleikunum, sem eru fyr-
irhugaðir í október, verður lagt
upp í ferðalag um heiminn og kom-
ið víða við á framandi slóðum og
leikin tónlist frá þeim áfangastöð-
um undir stjórn Rumon Gamba.
Kvikmynda-og jólatónleikarnir eru
einnig partur af Tónsprotanum en
vinsældir þeirra hafa vaxið mikið
síðustu árin. Síðustu tónleikar
Tónsprotans á starfsárinu verða 2.
apríl og eru þeir til heiðurs H.C.
Andersen sem fæddist þann sama
dag fyrir 200 árum. Af því tilefni
verður flutt tónverk eftir Bent Lo-
rentzen, eitt virtasta tónskáld
Dana, en hann hefur samið tónlist
við ævintýrið góða um Eldfærin.“
Gul tónleikaröð státar af einum
frægasta píanóleikara heims af
yngri kynslóðinni, Freddy Kempf,
en hann mun leika Píanókonsert
nr. 5 eftir Beethoven á tónleikum
um miðjan október. „Íslenskir ein-
leikarar verða atkvæðamiklir á
tónleikum hljómsveitarinnar og má
þar fyrsta nefna innanbúðarmenn-
ina Einar Jóhannesson sem, ásamt
Dímítríj Ashkenazy, flytur klarin-
ettukonsert eftir Krommer og
Daða Kolbeinsson sem leikur óbó-
konsert eftir Richard Strauss. Af
öðrum tónleikum í röðinni má
nefna aðventutónleika hljómsveit-
arinnar þar sem Robert King
stjórnar verkum eftir Bach og
Telemann, en hann er öðrum
mönnum fremri í túlkun á verkum
þeirra.
Á rauðu tónleikaröðinni ber
hæst eitt metnaðarfyllsta verkefni
hljómsveitarinnar til síðusta ára,
þ.e. Sjostakovitsj-hringurinn, sem
er hugarfóstur aðalhljómsveit-
arstjórans Rumon Gamba. En
gaman er að geta þess að öllum
Sjostakovitsj-tónleikum síðasta
vetrar var fádæma vel tekið jafnt
af áhorfendum sem gagnrýn-
endum. Einn fremsti fiðlusnill-
ingur heims, Maxim Vengerov,
sem verið hefur í verðskulduðu fríi
síðasta árið kemur endurnærður til
tónleikahalds í apríl á næsta ári.
Að þessu sinni er það hins vegar
víólan sem hann hefur meðferðis
því hann mun leika nýjan víólu-
konsert eftir vin sinn, tónskáldið
Benjamín Júsópov,“ segir Sváfnir
og tekur fram að raunar ætli
Vengerov ekki að láta sér nægja
að spila því hann ætli líka að stíga
dans, en Vengerov mun hafa
stundað tangó af miklum ákafa í
ársleyfi sínu. Af öðrum spennandi
verkum má nefna að Petri Sakari
mun stjórna Sinfóníu nr. 8 eftir
Bruckner, Vladimir Ashkenazy
mun stjórna Sinfóníu nr. 9 eftir
Mahler og Rumon Gamba stjórnar
Adagio fyrir strengi eftir Barber.
Kristinn Sigmundsson í
hlutverki Mefistófelesar
Líkt og áður ber græna tón-
leikaröðin yfirbragð léttleika og er
söngtónlistin að vanda í forgrunni.
Í ár má segja að söngkonur séu
nokkuð áberandi á grænum tón-
leikum, má þar nefna að Ingveldur
Ýr Jónsdóttur verður gestur á hin-
um sívinsælu Vínartónleikum í jan-
úar og Guðrún Jóhanna Ólafsdóttir
mun koma fram á sérstökum óp-
erutónleikum undir stjórn Gerrits
Schuil í lok október. Á tónleikum í
maí verður síðan gerð tilraun til að
brjóta niður alla múra milli tónlist-
artegunda, en þá verða leikin lög
með rokkhljómsveitunum Pink
Floyd, Deep Purple, Led Zeppelin
og Queen í útsetningu fyrir sinfón-
íuhljómsveit auk þess sem leikin
verður tónlist eftir Mahler og
Mússorgskíj.
Af tónleikum utan tónleikaraða
má nefna að í byrjun nóvember
mun Sinfóníuhljómsveitin leika
tónlist Nýrra danskra undir stjórn
Bernharðs Wilkinssonar. Síðar í
sama mánuði eru að vanda haldnir
kvikmyndatónleikar en í ár gefst
tónleikagestum kostur á að sjá
hljómsveitina leika tónlist við kvik-
myndina Píslarsaga Jóhönnu af
Örk eftir Carl Theodor Dreyer. Á
tónleikum hljómsveitarinnar á
Listahátíð í vor verður Yuri Bash-
met í tvöföldu hlutverki þar sem
hann mun bæði stjórna og leika.
Síðast en ekki síst má nefna að
Fordæming Faust eftir Hector
Berlioz verður flutt í heild sinni í
fyrsta sinn hér á landi og er það
að sögn aðstandenda mikið gleði-
efni að í hópi þeirra framúrskar-
andi einsöngvara sem koma fram í
verkinu skuli vera íslenskur heims-
söngvari, Kristinn Sigmundsson,
sem ósjaldan hefur glímt við hlut-
verk hins djöfullega Mefistófelesar
í ýmsum verkum. Þess má að lok-
um að geta að almenn sala áskrift-
arraða hefst 1. september nk. en
fram að þeim tíma er verið að end-
urnýja áskriftir.
Tónlist | Sinfóníuhljómsveit Íslands kynnir vetrardagskrána með ítarlegum bæklingi og opnu húsi
Fjölbreyttari
og blandaðri
tónleikaraðir
Vladimir
Ashkenazy
Maxim
Vengerov
Yuri
Bashmet
Rumon
Gamba
Jóhanna Guðrún
Ólafsdóttir
silja@mbl.is
Sellóleikarar Sinfóníuhljómsveitar Íslands.
SÉRSTAKIR hátíðartónleikar Sinfóníuhljóm-
sveitar Íslands verða haldnir í Háskólabíói
fimmtudaginn 9. desember nk. þar sem flutt
verða verk eftir Jón Leifs og finnsku tónskáldin
Jean Sibelius og Einojuhani Rautavaara. Stjórn-
andi tónleikanna er finnski hljómsveitarstjórinn
Osmo Vänskä, sem var aðalhljómsveitarstjóri
hljómsveitarinnar frá 1993–1996, en einleikari
kvöldsins er finnski fiðluleikarinn Jaakko Kuus-
isto. Heiðursgestir og stjórnandi tónleikanna
verða hér í boði forseta Íslands, Ólafs Ragnar
Grímssonar, og mun stjórnandinn dvelja í gesta-
bústað forsetaembættisins meðan á dvölinni
stendur. Að loknum tónleikunum verður efnt til
kvöldfagnaðar fyrir tónleikagesti og hljómsveit í
anddyri og sal Háskólabíós, þar sem boðið verður upp á mat og aðrar veit-
ingar. Styrktaraðili tónleikanna er KB banki.
Osmo Vänskä
Hátíðartónleikar með Osmo Vänskä
SINFÓNÍUHLJÓMSVEIT Íslands
verður með opið hús í Há-
skólabíói laugardaginn 11. sept-
ember nk. milli kl. 13.30 og 16.
Að sögn Sváfnis Sigurðarsonar,
kynningarfulltrúa hljómsveit-
arinnar, mun hljómsveitin leggja
allt Háskólabíó undir sig og vera
með kynningar og skemmtiefni í
öllum sölum hússins auk þess sem
veitingar verða í boði. Milli
klukkan hálftvö og þrjú geta
gestir flakkað milli salanna og
fræðst nánar um einstök hljóð-
færi og kynnst starfi hljóðfæra-
leikara betur. Klukkan hálffjögur
hefjast síðan tónleikar í stóra
salnum þar sem hljómsveitin mun
m.a. leika Young Lutherans
Guide to the Orchestra eftir
Randall Davidson. „Við verðum
einnig með skemmtilegt happ-
drætti þátttakendum að kostn-
aðarlausu, en meðal vinninga sem
í boði eru má nefna áskrift á tón-
leika og einstakt tækifæri til að
stjórna Sinfóníuhljómsveitinni.
Undir lok dagskrárinnar munum
við síðan kanna hvað gerist þegar
hljóðfæraleikarar hljómsveit-
arinnar skipta um hljóðfæri og
reyna að leika Finlandia eftir
Sibelius.“ Að sögn Sváfnis er hug-
myndin að þessu m.a. sótt til Sin-
fóníuhljómsveitarinnar í Stokk-
hólmi, en þar hefur framtakið
vakið mikla hrifningu og kátínu
tónleikagesta.
Opið hús hjá SÍ