Morgunblaðið - 27.09.2004, Blaðsíða 4

4 MÁNUDAGUR 27. SEPTEMBER 2004 MORGUNBLAÐIÐ
FRÉTTIR
Skógarhlíð 18, sími 595 1000
www.heimsferdir.is
Beint flug til fegurstu borgar Ítalíu. Góð hótel í boði í hjarta
borgarinnar og hér getur þú kynnst borginni eilífu í fylgd með
fararstjórum Heimsferða.
Munið Mastercard
ferðaávísunina
Verð kr. 23.960
Flugsæti með flugvallarsköttum
m.v. 2 fyrir 1.
Róm
6. október
spjallaði við þau. Eins og sjá má kunnu krakkarnir vel að meta uppátækið.
Tökurnar fóru í gær fram á svæði KR í Frostaskjóli. Leikstjóri myndar-
innar er Róbert Douglas. Tökum á myndinni er að ljúka og er áformað að
frumsýna hana snemma á næsta ári þegar lokið verður við að klippa hana.
KRAKKAR sem mættir voru til að taka þátt í hópatriðum kvikmyndarinnar
Strákarnir okkar, fengu meira fyrir sinn snúð en þau kannski áttu von á.
Jónsi, söngvari hljómsveitarinnar Í svörtum fötum, sem fer með hlutverk
knattspyrnymanns í myndinni, brá á leik með krökkunum milli taka og
Morgunblaðið/Kristinn
Poppgoðið bregður á leik
SAMLOKA með kjúklingi sló í gegn hjá dómurum í sam-
lokumeistarakeppni sem fram fór á Hótel Nordica í gær.
Höfundur hennar er Kristinn Guðmundsson matreiðslu-
maður á Hótel Borg.
Franska fyrirtækið Delifrance efnir nú í fimmta sinn til
alþjóðlegrar keppni í samlokugerð og gefst Íslendingum í
fyrsta sinn kostur á að taka þátt ásamt þrettán öðrum
þjóðum. Var keppnin hér haldin til þess að skera úr hver
yrði fulltrúi Íslands í Frakklandi í janúar á næsta ári.
Átta keppendur tóku þátt í keppninni og sýndu hug-
myndir sínar að hinni fullkomnu samloku en hún verður að
uppfylla ýmis ströng skilyrði sem Delifrance setur, m.a.
um að kostnaður sé ekki of mikill og að hana sé hægt að
útbúa á stuttum tíma og að hráefnið megi nálgast víðast
hvar.
Kristinn segist hafa notað piparrótardressingu í sam-
lokuna, sólþurrkað tómatmauk, kjúkling og rocket-salat
sem er bragðmikið salat. Kristinn segir mestu vinnuna
hafa farið í að útbúa dressinguna en hann hafi síðan ekki
verið lengi að setja samlokuna saman. „Þessi keppni geng-
ur út á það menn séu fljótir að búa til samlokurnar og að
hægt sé að borða þær án þess að vera með hníf og gaffal.“
Bjó til bestu
samlokuna
Morgunblaðið/Kristinn
SVEITARFÉLÖGIN Austur-Hérað,
Norður-Hérað og Fellahreppur verða
sameinuð 1. nóvember nk.
Kosningar til nýrrar sveitarstjórn-
ar fara fram 16. október nk. og er
frestur til að skila inn framboðum
runnin út. Kjörskrár vegna kosning-
anna munu liggja frammi almenningi
til sýnis frá og með 2. október til og
með 15. október. Ellefu sveitarstjórn-
arfulltrúar verða í nýrri sveitarstjórn.
Fjórir framboðslistar hafa litið
dagsins ljós og fimm starfshópar ver-
ið skipaðir af núverandi sveitarstjórn-
um. Hóparnir munu vinna að því að
auðvelda gildistöku nýs sveitarfélags.
Er þar m.a. litið til fjármála og stjórn-
sýslu. Það eru Sjálfstæðisflokkur,
Framsóknarflokkur, Héraðslistinn-
listi félagshyggjufólks og Listi áhuga-
manna um sveitarstjórnarmál á
Fljótsdalshéraði, sem hyggjast bjóða
fram.
Þrír efstu menn á lista Sjálfstæð-
isflokks eru Soffía Lárusdóttir,
Ágústa Björnsdóttir og Hrafnkell
Elísson. Á lista Framsóknarflokks
eru Björn Á. Ólafsson, Þorvaldur P.
Hjarðar og Anna H. Bragadóttir þrjú
efst. Efstir á lista frambjóðenda Hér-
aðslistans eru Skúli Björnsson, Anna
Guðný Árnadóttir og Ásmundur Þór-
arinsson. Fyrstu þrjú sæti á Lista
áhugamanna um sveitarstjórnarmál á
Fljótsdalshéraði skipa Guðgeir Ragn-
arsson, Sigurður Grétarsson og
Gunnar Jónsson.
Með sameiningu Austur-Héraðs,
Norður-Héraðs og Fellahrepps verð-
ur til annað fjölmennasta sveitarfé-
lagið á Austurlandi, með um þrjú þús-
und íbúa.
Samhliða sveitarstjórnarkosning-
unum verður gerð skoðanannakönn-
un um nafn á nýju sveitarfélagi.
Nefnd, sem sveitarstjórnir sveitarfé-
laganna þriggja skipa, gerir tillögu
um nafn á nýju sveitarfélagi til nýrrar
sveitarstjórnar á grundvelli skoðana-
könnunarinnar og að fenginni um-
sögn örnefnanefndar.
Ný sveitarstjórn verður kosin á Héraði 16. október
Fjórir listar verða í kjöri
í nýja sveitarfélaginu
Egilsstöðum. Morgunblaðið.
MAÐUR sem var í leitum í gær
hlaut talsverða andlitsáverka er
hann féll af fjórhjóli sem hann ók.
Valt hjólið og samkvæmt upplýs-
ingum lögreglunnar í Vík þykir
líklegt að maðurinn hafi orðið
undir hjólinu. Engin vitni voru að
slysinu en maðurinn var í hópi
smalamanna er slysið gerðist.
Slysið varð skammt frá fjallinu
Strúti sunnan Mýrdalsjökuls um
hádegi í gær.
Þyrla Landhelgisgæslunnar sótti
manninn og flutti hann á Land-
spítalann í Fossvogi þar sem hann
gekkst undir aðgerð í gær og var
í kjölfarið fluttur á gjörgæslu-
deild. Maðurinn meiddist talsvert í
andliti við slysið, kjálkabrotnaði
og missti meðvitund tímabundið.
Á svæðinu þar sem slysið átti
sér stað er slæmt farsíma-
samband. Náðu samferðamenn
mannsins að hafa samband í hús í
Álftaveri í gegnum talstöð og það-
an barst Neyðarlínu tilkynning um
slysið.
Algengt er að menn á þessu
svæði smali á fjórhjólum að sögn
lögreglunnar á Vík.
Féll af fjórhjóli
og kjálka-
brotnaði
LÖGREGLAN í Borgarnesi stöðv-
aði tvo rúmlega tvítuga menn við
umferðareftirlit aðfaranótt laug-
ardags og vaknaði þá grunur um að
þeir hefðu gerst sekir um fíkniefna-
misferli.
Í ljós kom að mennirnir höfðu lít-
ilræði af fíkniefnum meðferðis og í
bifreiðinni voru einnig tæki til
neyslu þeirra. Mennirnir voru
handteknir og færðir á lög-
reglustöð til yfirheyrslu. Þeir ját-
uðu brotið og telst málið upplýst að
sögn lögreglunnar.
Fíkniefni og
tæki til neyslu
fundust í bifreið
SLÖKKVILIÐ höfuðborgarsvæð-
isins (SHS) var kallað að sambýli
fatlaðra í Reykjadal í Mosfellsbæ
um kl. 7 í gærmorgun.
Þar hafði kviknað í út frá eldavél
og þótti rétt að bregðast hratt við
útkallinu.
Starfsfólk hafði slökkt eldinn að
mestu þegar slökkvilið bar að og
reykræsti það eldhúsið og nærliggj-
andi vistarverur.
Engin hætta mun hafa verið á
ferðum, samkvæmt upplýsingum
slökkviliðsins og skemmdir á inn-
réttingum urðu ekki miklar. Kvikn-
að mun hafa í plasti sem skilið var
eftir á eldavélinni.
Eldur kom upp
í eldavél og
breiddist hratt út
ÖFLUG sprengja sprakk fyrir utan
lögreglustöðina á Selfossi aðfaranótt
sunnudagsins. Þeyttust brot úr
henni 20 metra út í loftið. Lögreglu-
maður á vakt heyrði gríðarlegan
hvell og segir allt hafa leikið á reiði-
skjálfi. Sprengjan sprakk kl. 2.28.
Þegar að var gáð kom í ljós að
sprengd hafi verið svokölluð röra-
sprengja. Sett hafði verið flugelda-
púður í plaströr og það ofan í kassa.
Líklega hefur verið kveikiþráður á
sprengjunni því ódæðismennirnir
voru hvergi sjáanlegir er lögreglu-
maðurinn fór að kanna málið strax
eftir að sprengjan sprakk. Brot úr
sprengjunni þeyttust 20 metra út í
loftið og því ljóst að sprengjan var
mjög öflug. Engin meiðsl urðu á fólki
og engar skemmdir.
Ekki er vitað hver eða hverjir
þarna voru að verki.
Sprengja
sprakk við lög-
reglustöðina