Morgunblaðið - 27.09.2004, Blaðsíða 10
10 MÁNUDAGUR 27. SEPTEMBER 2004 MORGUNBLAÐIÐ
FRÉTTIR
! "#$ %&
&'&( )
& * +), )-- +&-&
Í DAG hefst kynning á íslenskri menningu í
Frakklandi undir heitinu Islande, de glace &
de feu eða Ísland íss og elds. Menningarkynn-
ingin er skipulögð og kostuð af frönskum og ís-
lenskum stjórnvöldum innan ramma tvíhliða
landa- og menningarkynninga sem Frakkar
hafa átt frumkvæði að með löndum sem þegar
hafa undirritað menningarsamninga við
Frakkland. Markmið kynningarinnar er að efla
ímynd Íslands og íslensku þjóðarinnar í Frakk-
landi með því að kynna íslenska menningu –
listir og vísindi – margskonar sérþekkingu og
atvinnulíf.
Kynningin er tvíþætt. Annars vegar er vís-
indasýning í vísindasafninu Palais de la Dé-
couverte í Grand Palais-höllinni, þar sem ár-
angri Íslendinga á sviði eldfjallafræði,
haffræði, orku og vetnis, jarðhitafræði og
erfðafræði verður lýst með nýstárlegum hætti;
hins vegar er efnt til viðburða á listasviðinu, í
myndlist, tónlist, bókmenntum, leiklist og kvik-
myndum. Á annað hundrað íslenskir listamenn
koma við sögu í þessari miklu Íslandskynningu
sem verður ein sú umfangsmesta sem haldin
hefur verið utan Íslands, og vísindasýningin
verður sú veglegasta sem Íslendingar hafa efnt
til. Þorgerður Katrín Gunnarsdóttir mennta-
málaráðherra segir að á fundi Davíðs Odds-
sonar þá forsætisráðherra og Jacques Chirac
Frakklandsforseta, árið 2001 hafi þeir komið
sér saman um að halda veglega kynningu á
menningu Íslands í Frakklandi. Undirbún-
ingur hafi staðið allar götur síðan undir forystu
menntamálaráðuneytisins, í góðri samvinnu
við önnur ráðuneyti og fyrirtæki. „Þessi kynn-
ing er gott dæmi um það hvernig bæði ríki og
fyrirtæki geta lagt metnað sinn í að koma ís-
lenskri menningu á framfæri, ekki síst fjár-
hagslega. Utanríkisráðuneytið hefur unnið vel
að undirbúningnum og hefur Sigríður Snævarr
sendiherra í París verið leiðandi í því starfi. Þá
hefur samgönguráðuneytið, sem ferða-
málaráðuneyti tekið virkan þátt í undirbún-
ingnum. Við viljum gjarnan tengja saman
menningu og ferðamennsku og vekja almenn-
an áhuga á Íslandi. Ég held að menningin sé
leiðin til að kveikja áhuga útlendinga á Íslandi,
vonandi til aukins ferðamannastraums hingað
heim. Samvinnan við samgönguráðuneytið hef-
ur verið sérstaklega ánægjuleg að þessu leyti.“
Myndband Bjarkar í sviðsljósinu
Þorgerður Katrín kveðst afskaplega stolt
þegar hún lítur á dagskrána sem í boði verður í
Frakklandi. „Mér finnst allt svolítið spennandi
og ögrandi í kringum þetta, og fjölbreytnin er
mjög mikil. Tónlistin er í hávegum höfð og vís-
indin. Þarna verða öflugar bókmenntakynn-
ingar og ritþing, með þátttöku Thors Vil-
hjálmssonar, Steinunnar Sigurðardóttur,
Sigurðar Pálssonar og Péturs Gunnarssonar.
Hringborðsumræður, orgeltónleikar og fyr-
irlestrar verða líka á dagskránni, og Tómas
Ingi Olrich, fyrrverandi menntamálaráðherra,
fjallar sérstaklega um menningu tengda Al-
þingi Íslendinga, en hann er frönskumælandi
og þekkir franska menningu vel. Myndlistin
verður líka áberandi, og sýning Rúríar hófst til
að mynda strax í ágúst. Við verðum með ljós-
myndasýningar og fleiri myndlistarsýningar
og tjöldum til öllu því sem við eigum á flottan
og nýstárlegan hátt. Það er mikilvægt að fara
ekki í alveg hefðbundinn farveg, heldur reyna
að gera eitthvað nýtt. Í dag er mikið lagt upp
úr umhverfinu og gildi hins sjónræna, og þess
vegna fluttum við ísjaka úr Jökulsárlóni til
Frakklands, til að kveikja áhuga enn frekar.
Það verður engum bæklingum dreift við opnun
vísindasýningarinnar, heldur fá gestir hraun-
mola í staðinn; eitthvað áþreifanlegt úr ís-
lenskri náttúru.“
Í dag, opnunardag Íslandskynningarinnar,
verður nýtt myndband Bjarkar Guðmunds-
dóttur við lagið Who is it frumsýnt í Frakk-
landi. Það er fyrsta myndbandið sem gert er
við lag af plötunni Medúllu, að mestu tekið upp
í íslensku jöklalandslagi undir stjórn hins
heimsfræga leikstjóra Spike Jonze. „Ég vonast
til þess að Björk komi við í Frakklandi ein-
hvern tíma meðan á kynningunni stendur. Ég
held að það gæti orðið sérstaklega gaman fyrir
Frakkana, því hún er búin að vera í fyrsta sæti
á listanum þar í að minnsta kosti tvær vikur.
Hún er gríðarlega vinsæl í Frakklandi. Þótt
það hafi verið sárt að þurfa að velja og vinsa úr
listamenn til að kynna í Frakklandi, þá er það
ánægjulegt hvað við gátum valið úr mörgu. Það
eru ekki allar þjóðir sem geta valið úr hverju
stórbrotna listaverkinu af öðru, á hvaða sviði
listgreina sem er, eins og við höfum gert varð-
andi þessa kynningu á menningu okkar. Grósk-
an er mikil og það er gaman að geta komið að
menningunni með þessum hætti.“
Sveinn Einarsson hefur haft veg og vanda af
vali dagskrárliða fyrir hönd menntamálaráðu-
neytisins og verið tengiliðurinn við Frakkland,
en Þorgerður Katrín segir að Frakkarnir hafi
líka haft mikið að segja um valið. „Við höfum
leyft þeim að setja fram óskir, og þeir hafa haft
skoðanir á því hvað þeir vilja sjá og heyra.
Þetta hefur verið ákveðið samráðsferli.“
Fólk verði forvitið
Frakkar taka þátt í kostnaði við hátíðina og
leggja til aðstöðu, en Þorgerður Katrín segir
að verkefnið sé dýrt. „Ég vil þó meina, að þeg-
ar upp er staðið séu margfeldisáhrifin í tekjum
mun meiri en kostnaðurinn, og að þetta sé
þjóðhagslega hagkvæmt. Það sem skiptir máli
er að vekja áhuga fólks á okkur – áhugaverðan
áhuga – að fólk verði forvitið og segi: „Já, þetta
er svona þjóð – þetta er þjóð sem mig langar að
kynnast!“ Ég vona þetta verði til þess að
Frakkar og aðrir Evrópubúar komi í æ ríkari
mæli hingað heim til þess að kynnast frekar
óhefðbundinni þjóð með mikla sjálfsvirðingu
og stolt.“
Viðamesta kynning Íslendinga erlendis, „Ísland íss og elds“, hefst í Frakklandi í dag
Ísjaki og hraunmolar minna á landið
Morgunblaðið/Þorkell
Þorgerður Katrín Gunnarsdóttir
begga@mbl.is
Á annað hundrað íslenskir listamenn koma við sögu í
viðamikilli kynningu í París. Bergþóra Jónsdóttir
ræddi við Þorgerði Katrínu Gunnarsdóttur.
STAÐA líftölfræðings var nýlega
lögð niður á Landspítala – háskóla-
sjúkrahúsi, en það var eina staða
þeirrar tegundar á sjúkrahúsinu. Sú
ráðstöfun er harðlega gagnrýnd í
grein eftir Matthías Kjeld, efna-
meinafræðing á Landspítala Hring-
braut í nýlegu tölublaði Læknablaðs-
ins. Forstjóri sjúkrahússins segir að
um sparnaðarráðstöfun hafi verið að
ræða.
Í greininni segir Matthías að með
uppsögninni hafi verið ráðist að við-
kvæmum gróðri vísinda og fræða á
háskólasjúkrahúsinu. Staðan, sem
upphaflega hafi verið tilkomin fyrir
atbeina Læknaráðs, hafi skilað verð-
mætum árangri. „Hún hefur eflt há-
skólastarf spítalans og rannsókna-
stofa, örvað vísindarannsóknir og
kennslu og óskiljanlegt hvers vegna
hún var lögð niður. Hendingarverk
valdadrukkinna manna? Auðvitað
samrýmist þetta ekki stefnu háskóla-
sjúkrahúss,“ segir meðal annars í
greininni.
Jóhannes M. Gunnarsson, forstjóri
Landspítala – háskólasjúkrahúss,
segir að ástæðan fyrir uppsögninni
hafi verið sparnaðarráðstafanir sem
spítalinn hafi orðið að grípa til. Það
hafi þurft að fækka starfsfólki um
nær 180 manns og staða líftölfræð-
ingsins hafi verið ein af þeim. „Það
urðu allir að skyggnast um í sínum
ranni og reyna einhvern veginn að
fækka þar sem var einhver mögu-
leiki,“ sagði Jóhannes.
Þjónusta sem hægt
er að kaupa að
Hann sagði að þó staða líftölfræð-
ings væri að sjálfsögðu mjög mikil-
væg í tengslum við greinaskrif og vís-
indastarfsemi sé þetta þjónusta sem
hægt sé að kaupa að og það hafi orðið
niðurstaðan að það væri hagkvæmara
að gera það þannig.
„Ég vil segja það almennt um
þessa grein að hún er gífuryrt í alla
staði,“ sagði Jóhannes ennfremur
spurður um greinina í Læknablaðinu.
Forstjóri LHS um gagnrýni á að staða
líftölfræðings hafi verið lögð niður
Hluti af sparn-
aðaraðgerðum
á Landspítala
SAUTJÁN ára piltur sem notaði upp-
streymi vestfirskra fjalla til að svífa
um loftin blá í svokölluðum svifvæng
(e. paraglider) brotlenti utan í fjalls-
hlíð ofan við Ketilseyri í fyrrakvöld.
Beiðni um aðstoð barst Ísafjarðarlög-
reglunni gegnum Neyðarlínuna kl.
19.06.
Er hjálp barst kenndi pilturinn
eymsla í baki sem og annarra eymsla.
Hann var fluttur með sjúkrabíl til Ísa-
fjarðar þar sem hann var lagður inn á
sjúkrahús. Samkvæmt upplýsingum
vakthafandi læknis voru meiðsl pilts-
ins minniháttar en hann var enn á
sjúkrahúsinu í gær.
Missti flugið og
endaði á sjúkrahúsi